Jóladagatalið

Jóladagatalið heldur áfram. Annars minnum við á upphitunina fyrir leik morgundagsins hér að neðan.
Johnny Carey

Föstudagurinn 4. desember 1936 lagðist misjafnlega vel í fólk. Íslensk dagblöð fóru mikinn í umfjöllun um bresku konungsfjölskylduna en þar var allt í upplausn vegna þess að konungur Bretlands, Játvarður VIII, hugðist kvænast tvífráskilinni, bandarískri konu af borgaraættum. Breska stjórnin var mjög andvíg þeim ráðahag og sögðu blöðin að jafnvel gæti farið svo að Játvarður þyrfti að leggja niður konungdóm. Þeir sem hafa séð kvikmyndina The King’s Speech vita hvernig sú saga endaði. Einnig voru í blöðunum fréttir af borgarastríðinu á Spáni þar sem Franco hershöfðingi stóð fyrir heilmiklum loftárásum á Madridarborg. En það voru ekki bara neikvæðar fréttir, búðir auglýstu nýjar sendingar af gómsætum og ferskum sítrónum. Fátt sem segir „fössari“ jafn vel og ilmandi fín sítróna. Lesa meira

Við höldum áfram að birta jóladagatalið hans Halldórs.

Harry Stafford og Major

Þann 3. desember ‘98 voru okkar menn mættir til Lundúna til að keppa við Arsenal. Ekki þó á Highbury heldur á Manor Ground og ekki gegn Arsenal FC heldur hét félagið þá Woolwich Arsenal. Því þarna er ekki átt við árið 1998 heldur árið 1898 og okkar menn hétu á þeim tíma Newton Heath.

En þetta var þó knattspyrnuleikur á laugardegi. Sumt breytist seint. Þetta var leikur í 2. deildinni þar sem Newton Heath var að spila á sínu 7. tímabili en Woolwich Arsenal að eiga sitt 5. tímabil. Jimmy Collinson skoraði mark fyrir Newton Heath í þessum leik. Collinson spilaði aðallega sem bakvörður á ferli sínum með Newton Heath en í þessum leik spilaði hann sem innherji hægra megin. En þetta eina mark sem hann skoraði dugði skammt því Woolwich Arsenal skoraði 5 mörk í leiknum. Merkilegt nokk var þetta 3. leikurinn í röð milli þessara liða sem endaði 5-1. Alltaf var það heimaliðið sem vann, Arsenal tvisvar og Newton Heath 1 sinni. Lesa meira

Við hér á Rauðu Djöflunum höfum fengið liðsstyrk hér í desember mánuði en með góðfúslegu leyfi Halldór Marteinssonar fáum við að birta Jóladagatal sem hann heldur úti á síðunni; Manchester United jóladagatal. Sökum sofandi hátts meðlima ritstjórnar þá náðum við ekki að birta daginn í gær en Halldór verður með daglegan fróðleiksmola um okkar ástkæra félag út jólamánuðinn. Lesa meira

Rutgerus Johannes Martinus van Nistelrooy var keyptur frá PSV Eindhoven sumarið 2001, ári seinna en ætlað var, vegna meiðsla. Næstu 5 árin skoraði hann 95 mörk í aðeins 150 deildarleikjum fyrir United áður en hann var seldur til Real Madrid.

Van Nistelrooy er dæmi um leikmann sem Sir Alex losar sig við af því ekki er þörf fyrir hann lengur. Síðasta árið sem Ruud var hjá United var að koma í ljós að þeir Ronaldo áttu ekki skap saman og að á ýmsan hátt féll hann ekki inn í liðið lengur. Á þessum fimm árum vann United aðeins einn titil, og einn FA bikar og hann er án efa sá leikmaður United frá 1992 sem leikið hefur flesta leiki án þess að vinna nema einn titil. Það er óþarfi að gleyma því að á þessum árum var miðja United síður en svo góð, en engu að síður er það umhugsunarefni hvers vegna United vann svo lítið þegar einn maður sá um að skora mörkin. Lesa meira