Jóladagatalið

Einu sinni hafði Gáttaþefur hlálegt og heljarstórt nef, en svo komst hann að knattspyrnuhæfileikum sínum, sem því miður fyrir nefið, lágu á sviði varnarleiks. Þar sem ‘þefur var ekki sérhlífinn sveinn var nefið fljótlega komið út um alla kinn á honum.

Skömmu síðar sá Sörinn hvað í pilti bjó og kom með hann á Old Trafford. Sjálfsmark í fyrsta leik var einungis fararheillsfall og fljótlega myndaði hann með Gary Pallister klassískt harðjaxl/flinkur haffsentadúett. Vinir hans kalla hann Steve, leikmenn undir hans stjórn kalla ‘Bless, vonandi færðu aðra vinnu fljótlega’ Lesa meira

Það eru viðtekin sannindi að það eru aldrei gerð góð kaup í janúarglugganum. Nema auðvitað í janúar 2006. Þá komu Patrice Evra og Nemanja Vidic til United og þó að gluggar hafi ekki komið við sögu hjá Nemanja síðan þá, og þaðan af síður gluggagægjar þá er erfitt að mæla mót því að á vellinum virkar Serbinn okkar oft ansi grályndur, svo mjög að manni bregður næstum þegar hann sést brosa. Lesa meira

Níundi var Bjúgnakrækir,
brögðóttur og snar.

Við sáum hann breytast úr brögðóttum og snörum unglingi í besta leikmann heims árið 2008.

Hvað meira er hægt að segja um Cristiano Ronaldo? Annað en, komdu heim drengur og hættu að láta þessa Spánverja pirra þig!

Í eina tíð var það næstum skylda fyrir ensk knattspyrnulið að hafa leikmann sem, eins og Skyrgámur, litu út eins og þeir hefðu klárað úr öllum pulsupakkanum og drukkið nokkra bjóra á dag síðustu árin. Menn eins og Jan Mölby og Micky Quinn voru álíka að ummáli og að hæð og voru varla verri fyrir vikið. Svo komu menn eins og Sir Alex og Arsène og mikilvægi mataræðis var uppgötvað. Lesa meira

Fáir af leikmönnum United síðari áratugina hafa farið með jafnmiklum hurðaskelli frá Old Trafford og Roy Keane. Haustið 2005 voru hlutirnir ekki að ganga sem skyldi og United tapaði 4-1 á Old Trafford fyrir Middlesbrough. Keane hafði verið meiddur og eftir leikinn brá hann sér í myndver MUTV og sagði nákvæmlega það sem honum bjó í brjósti um frammistöðu leikmanna eins og John O’Shea, Kieran Richardson, Alan Smith og síðast en ekki síst Darren Fletcher og Rio Ferdinand. Lesa meira