Björn Friðgeir skrifaði þann | 6 ummæli
Fleiri fregnir berast að einhverjar tafir séu á því að félagskiptin verði kláruð fyrir og að tafirnar séu Chelsea-megin frekar en United-megin. Chelsea sé að bíða eftir því að kaupin á Salah gangi endanlega í gegn, það t.d. á eftir að ganga frá atvinnuleyfi fyrir hann ásamt öðru. Bæði félög eru þó ekkert að stressa sig og hafa trú á því að þetta muni klárast. Lesa meira
Tryggvi Páll skrifaði þann | 16 ummæli
Sem betur fer er alveg hreint stórundarlegum félagaskiptaglugga lokið. Í allt sumar höfum við beðið eftir að félagið léti til sín taka og myndi styrkja liðið fyrir komandi átök. Ekki veitti af. Pressan er gríðarleg á Moyes og góður gluggi hefði auðvelda honum starfið til muna. Menn létu það hinsvegar dragast til allrar mögulegu seinustu stundar að ganga frá einu alvöru kaupum sumarsins. Staðfesting á kaupum United á Marouane Fellaini, miðvallarleikmanni Everton, barst ekki fyrr en eftir lokun gluggans. Ekki það að maður sé ósáttur við kaupin á Fellaini. Hann er akkúrat sá leikmaður sem liðið vantar. Nagli á miðjuna sem gefur okkur vídd inn á vellinum sem okkur hefur alveg skort hingað til. Lesa meira
Björn Friðgeir skrifaði þann | Engin ummæli
Klukkan var orðin kortér yfir glugga í gærkvöldi þegar allt í einu flaug frétt sem eldur í sinu að öllum að óvörum hefði United tryggt sér Fábío Coentrão að láni frá Real Madrid. Fljótlega fóru að berast fréttir um að faxið hefði klikkað, og þó Daily Mail reyndi að halda því fram að La Liga hefði staðfest þetta og við og fleiri fallið fyrir því er ljóst að pappírsvinnan gekk ekki í gegn. Lesa meira
Magnús Þór skrifaði þann | 16 ummæli
Marouane Fellaini er orðinn leikmaður Manchester United eftir ansi furðulegan lokadag félagsskiptagluggans.
Þessi kaup hafa legið í loftinu meira og minna í allt sumar. Þetta er klárlega týpa af leikmanni sem hefur vantað í mörg ár. Hann getur leikið djúpt á miðjunni og í holunni fyrir aftan framherja og myndi gefa okkur markaógn af miðjunni.
Þetta er kannski ekki mest sexí kaup okkar og þetta er kannski ekki maðurinn sem flesta langaði í en klárlega maðurinn sem okkar vantaði. Lesa meira
Magnús Þór skrifaði þann | 32 ummæli
Þá er komið að síðasta degi leikmannagluggans, hann skellur aftur kl. 10 í kvöld að íslenskum tíma.
Við munum uppfæra hér þegar við heyrum nýjar fréttir og aldrei þessu vant munum við láta slúðrið í loftið ómengað og (næstum) ódæmt.
[23:22] enda er því nú haldið fram að Coentrão til United sé staðfest, enda hafi Real Madrid fengið Guilherme Siqueira frá Granada í stað Coentrão. Allt á slúðurstigi samt. Lesa meira
Vertu með í Fantasy leiknum okkar!