Tryggvi Páll skrifaði þann | 21 ummæli
Já, það er ekkert nema jákvæðir straumar sem streyma frá Old Trafford þessa dagana.
Chris Smalling tók þá upplýstu ákvörðun um að klæða sig upp sem sjálfsmorðsprengjumaður í búningapartý á dögunum. „Blaðamenn“ The Sun voru auðvitað ekki lengi að komast að þessu og birtu þetta á forsíðu blaðsins. Smalling var snöggur að biðjast afsökunar á þessu og sagði þetta misheppnað grín, hann hafi ætlað að þykjast vera svokölluð Jäger-Bomb. Fallega gert hjá honum að taka sviðsljósið af Moyes í smástund. Lesa meira
Magnús Þór skrifaði þann | 32 ummæli
Þá er komið að síðasta degi leikmannagluggans, hann skellur aftur kl. 10 í kvöld að íslenskum tíma.
Við munum uppfæra hér þegar við heyrum nýjar fréttir og aldrei þessu vant munum við láta slúðrið í loftið ómengað og (næstum) ódæmt.
[23:22] enda er því nú haldið fram að Coentrão til United sé staðfest, enda hafi Real Madrid fengið Guilherme Siqueira frá Granada í stað Coentrão. Allt á slúðurstigi samt. Lesa meira
Björn Friðgeir skrifaði þann | 6 ummæli
Smá uppfærsla:
Skv. slúðrinu gerði United eftirfarandi í gær:
Bauð 36m punda í Fellaini og Baines
Bauð 26m punda í Ander Herrera hjá Bilbao
Bauð 12m punda í Daniele de Rossi
Samtals 74m. Trúir einhver að við eigum 72m að eyða? Ef svo er, þá á ég brú í London að selja ykkur.
Ekki í fyrsta skipti sem ég segi þetta í sumar, en kortér-í-þrjú fílingurinn er nær alger!
Björn Friðgeir skrifaði þann | 20 ummæli
Eftir góða byrjun okkar manna um helgina er ágætt að rúlla aðeins í gegnum fréttir og slúður.
Fyrst af öllu erum við búnar að bjóða 28m punda í Fellaini og Baines. 16m í Fellaini sem kostaði Everton 17.5m fyrir 6 árum, og 12m í Baines, aftur. Einhverra hluta vegna finnst Everton þetta lélegt boð.
Daniel Burdett (@luzhniki2008) tísti í gær mynd sem hann tók eftir 3. mark United í leiknum á laugardag. Myndin fór eins og eldur í sinu um netið, sem ekki er furða: Lesa meira
Tryggvi Páll skrifaði þann | 3 ummæli
Jæja, það er stutt í mót og enn bólar ekkert á nýjum leikmönnum. Það er þó ýmislegt að frétta og ég ætla að fara yfir það helsta:
Wayne Rooney skoraði í æfingaleik gegn Real Betis sem fór fram á æfingarsvæði United bakvið luktar dyr. Hann er þó ekki hluti af hópnum sem fór til Svíþjóðar til að spila gegn AIK á morgun. Ástæðan ku vera samkvæmt blaðamönnum axlarmeiðsli sem hann hlaut í leiknum gegn Betis. Í gær á United að hafa hafnað 25 milljón punda tilboði í hann frá Chelsea og fréttamiðlar í Bretlandi keppast nú við að greina frá því að Rooney vilji fara og sé í þann mund að gefa út yfirlýsingu þess efnis. Kannski eru axlarmeiðslin tilkominn vegna þess? Við fylgjumst með þessu Lesa meira
Vertu með í Fantasy leiknum okkar!