Rauðu djöflarnir

Föstudagurinn langi er að sjálfsögðu haldinn há-heilagur hér á ritstjórn og því kemur upphitun með seinni skipunum. Það er nokkuð síðan við hittum ykkur hér síðast, í millitíðinni var landsleikjahlé og jú, léttur og löðurmannlegur sigur á Liverpool, sem beðið var með á síðustu stundu að innbyrða enda veðmangarar miklu ánægðari með leiki sem hægt er að halda opnum fram á lokaflaut. Takk fyrir okkur, Amad Diallo, Marcus Rashford, Scott McTominay og ha hver þú? Antony!!??. Skreppið nú og skoðið leikinn aftur, aldrei of oft horft.

Í kvöld er það skreppur á Gtech Community Stadium í London. Það er þó nokkuð vatn runnið til sjávar síðan United kom síðast við þar, og fór burtu með 4-0 tap á bakinu. Tékkar voru skrifaði i hvelli, Casemiro og Antony keyptir og óhætt að segja að ekki hafi allir þeir peningar skilað sér í frammistöðum. Núna er aftur komið að leik þar og líklega fá okkar sem óttast annan skell. Eftir smá bakslag gegn Fulham og vissulega frekar vænt tap gegn City sendu leikmenn United okkur öll brosandi inn í landsleikjahléið og sigur í kvöld myndi koma liðinu aftur í gírinn sem það var í frá áramótum.

Landsleikjahléiið nýttist í að koma mönnum í stand og jafnvel búist við að Lisandro Martínez verði með í kvöld. Held það sé samt ekki alveg óhætt, eftir öll hans meiðslavandræði væri mjög slæmt að koma með hann of snemma til baka! Annars er Harry Maguire óviss, eftir meiðsli á landsliðsvaktinni og er þar skarð fyrir skildi, Maguire búinn að vera alveg hreint prýðilegur síðustu vikur, kominn í gamalt form og búinn að reka af sig slyðruorðið. Casemiro, Jonny Evans og Kobbie Mainoo ættu að geta spilað en Amad Diallo afplánar svo bann fyrir að fara úr treyjunni við að skora markið sem tryggði Liverpool sigurinn, og var hann þó einna rólegastur alls United fólks innan vallar sem utan við það tækifæri.

Brentford

Moneyball – Midtjylland – Matthew Benham… það er að bera í bakkafullan lækinn að taka þetta lengra, nóg hefur verið rætt og ritað um hvernig Brentford hefur komið sér fyrir í Úrvalsdeildinni. En þetta er ekki alveg dans á rósum síðustu mánuði fyrir liðið. Frá desemberbyrjun hafa sigrar einugis unnist á Luton, Forest og Wolves og svo náði Brentford jafntefli heima gegn Chelsea í upphafi mars. Hinum tólf leikjunum í deild hefur liðið tapað, og svo að auki gegn Wolves í aukaleik í þriðju umferð bikarsins. Það ætti því að bíða auðvelt verkefni í kvöld en þessi vetur hefur ekki gefið allt of marga slíka og óþarfi að telja hænur fyrr en leik er lokið.

Brentford á að auki í þó nokkru meiðslaveseni og að auki misstu þeir lánsmanninn Sergei Reguilon útaf með rautt spjald í tapi á útivelli gegn Burnley fyrir tveimur vikum og hann því í banni.

Það verður ves fyrir stuðningsmenn United að komast heim til Manchester eftir leik því hann byrjar klukkan 8 í kvöld. Simon Hopper dæmir.

Engin skýrsla, bara vibes:

• Onana er alvöru markvörður
• Það væri gaman að hafa vel mannaða vörn
• Að því sögðu voru Varane og Evans fínir
• Garnacho mætti brýna færanýtinguna
• Bruno Fernandes er búinn að skora úr 29 vítum fyrir United, fleiri en nokkur annar leikmaður
• Everton er agalega slakt.

Áfram gakk, hitt Liverpool liðið um næstu helgi.

Embed from Getty Images

Manchester United tekur á móti Everton klukkan 12:30 á morgun, laugardag. United þarf að halda áfram að reyna að komast í Evrópusæti. Everton hefur fengið nýtt tækifæri eftir að stigarefsing liðsins var minnkuð.

Eftir fjóra sigurleiki í röð hefur United verið jarðtengt, fyrst með tapi gegn Fulham heima 1-2 og síðan Manchester City 3-1 um síðustu helgi. Þar á milli kom reyndar sigurleikur gegn Nottingham Forest í bikarnum.

Jonny Evans og Marcus Rashford þurftu báðir meiddir af leikvelli gegn City en eiga að vera leikfærir á morgun. Omari Forson er meiddur sem þýðir sennilega að sækja þarf enn einn í unglingaliðin til að sitja á bekknum. Bendito Mantato, 16 ára gamall kantmaður, hefur æft með aðalliðinu í vikunni.

Aðrir leikmenn hafa ekki náð sér að meiðslum en von er á einhverjum til baka fyrir bikarleikinn gegn Liverpool eftir viku.

Tapleikirnir tveir hafa reynt United erfiðir í baráttunni um Evrópusæti. Liðið er núna sex stigum á eftir Tottenham, sem á leik til góða og ellefu stigum frá Aston Villa. Þau lið mætast á sunnudag.

Everton er í bullandi fallbaráttu en ekki lengur í fallsæti eftir að refsing félagsins fyrir að brjóta fjármálareglur deildarinnar var minnkuð úr 10 stigum í sex. Liðið er þó án sigurs í síðustu tíu deildarleikjum.

Idrissa Gueye ver væntanlegur aftur í liðið en þeir Dele Alli og Arnaut Danjuma eru frá vegna meiðsla.

Stóru fréttirnar frá United eru annars þær að búið er að skipa starfshóp til að vinna tillögur að endurnýjun Old Trafford. Formaður hans er Sebastian Coe, sem á sínum tíma var enn fremsti millilengdahlaupari heims, en leiddi síðar vinnu fyrir Ólympíuleikana í London 2012.

Aðrir lykilmenn eru Andy Burnham, borgarstjóri í Manchester og Gary Neville, sjónvarpssérfræðingur. Þar eru einnig fleiri fulltrúar frá stuðningsmönnum, háskólunum í Manchester og borginni. Markmiðið er meðal annars að endurnýja svæðið í kringum leikvanginn og tryggja fjárfestingu í Norður-Englandi.

Lið Manchester United

“ alt=““ width=“800″ height=“800″ class=“aligncenter size-large wp-image-83600″ data-wp-pid=“83600″ />

Varamenn: Bayındır, Kambwala (69.), Ogunnye, Amad, Amrabat (82.), Collyer, Eriksen, Forson (82.), Antony (75.)

Lið City

Embed from Getty Images

Onana var mikið í boltanum, og varði ágætlega frá Foden sem hefði kannski átt að gera betur í þokkalegu færi.

Embed from Getty Images

Ógnarpressa City inni í teig gerði að það varð aftur hola fyrir aftan City vörnina þegar Rashford fékk langan bolta fram, hann reyndi að skalla boltann fyrir sig en það fór herfilega. United sótti þá smá og þá gerðist það auðvitað að City vann boltann, gefið var á Foden, sem lék upp, Varane komst í hann og aftur varði Onana skotið. Vel gert að bjarga þessu sem leit illa út um tíma

Sóknir United voru fáar en afskaplega hættulegar. Bruno átit frábæra sendingu inn á teiginn þar sem Scott McTominay lét boltann fara framhjá sér og til Rashford sem hitti hreinlega ekki boltann í stórkostlegu færi. Skelfileg mistök þar!

Áfram einokaði City leikinn, United liðið var eins aftarlega og hægt var en vörðust afskaplega vel, brutu ekki af sér og náðu að stöðva sóknir trekk í trekk. Onana var öruggur í aðgerðum og varði svo hálfgert kiks Rodri utan teigs sem stefndi í markhornið.

City hélt uppteknum hætti og á síðustu mínútu hálfleiksins kom lang besta færi hálfleiksins. Rodri gaf þvert fyrir , Foden skallaði fyrir frá markteigshorninu, boltinn fór framhjá Onana og Erling Haaland var í miðjum markteignum fyrir opnu marki en tókst á einhvern ótrúlegan hátt að skjóta yfir. Boltinn vissulega í loftinu, en þarna hefðu ömmur okkar flestra náð að skora. Gríðarvel sloppið.

Þetta var ekkert öðruvísi þegar sein hálfleikur byrjaði, City pressaði og United komst stök sinnum fram yfir miðju. Í einni slíkri sókn fékk Rashford boltann, nokkuð frír á miðjum vallarhelmingi City, fékk varnarman í bakið og féll við, dómari dæmdi ekkert og City fór í sóknina, Foden fék boltann fyrir utan teig og lagði hann fyrir sig og smellti honum svo snyrtilega í netið úti við fjær stöng. Rashford hafði fundið snertingu á handlegginn og fór niður til að fiska, en nokkuð réttilega ekki dæmt.

Jonny Evans var búinn að standa sig alveg prýðilega en aldruinn sagði til sín og hann vék fyrir Willy Kambwala. Rétt á eftir kom svo Antony inn á fyrir Rashford.

Það var ekki óhjákvæmilegt að City myndi skora en það kom nú samt. United voru of dreifðir eftir sókn, City kom upp, boltinn á Foden frían í teignum og hann skaut, boltin var nálægt Onana þegar hann fór niður, kom puttum á boltann en ekki nægilega. Markið á 81. mínútu.

Ten Hag ákvað þá að mennirnir til að bjarga einhverju væru Forson og Amrabat, útaf fóru Kobbie og Garnacho.

Eftir að hafa haldið út pressuna svona lengi var leikurinn orðinn miklu opnari og það hlaut að enda með marki og það kom auðvitað frá City. Rodri hirti boltann af Amrabat fyrir utan teig, gaf inn á Haaland sem kláraði auðveldlega. 3-1 á 91. mínútu.

Það kemur engum á óvart að City hafi unnið, en fyrri hálfleikurinn var ágætur. Ten Hag stillti upp til að verjast og liðið gerði það alveg prýðilega. Rashford skoraði úr erfiðasta færinu af þeim þremur sem hann fékk og það hefði getarð verið öðruvísi. Það var ekki fyrr en að spil United opðanist meira að City gat opnað vörnina og því fór sem fór.

Veilurnar í liðinu og hópnum eru vel þekktar, ekkert nýtt þar. Von eftir fjórða sæti er endanlega dauð núna ef hún var á lífi fyrir, en Liverpool kemur á Old Trafford í bikarnum eftir hálfan mánuð og ef það er eitthvað sem getur bjargað Ten Hag úr þessu þá er það bikarsigur.