Liðið sem Ole Gunnar stillti upp var mjög sterkt, aðeins Mason Greenwood af unglingunum var í byrjunarliði. Staðan í riðlinum var enda þannig að sigur myndi tryggja United áfram þar sem innbyrðisviðureignir við Partizan gilda ef liðin verða jöfn að stigum.
Varamenn: Grant, Jones, Williams, Pereira, Garner, James, Lingard
Lið Partizan leit svona út:
Það var hasar fyrstu mínúturnar, á annarri mínútu setti Martial boltann í netið eftir frábæran undirbúning Marcus Rashford en Martial var illa rangstæður. Tveimur mínútum síðar kom stunga hinu megin á Natcho sem vippaði frábærlega yfir Sergio Romero, en hann var líka rangstæður, vel sloppið þar. Tveimur mínútum eftir ÞAÐ kom United í sókn, fyrirgjöf Wan-Bissaka fór í varnarmann og út á Rashford sem skaut framhjá! Hefði átt að gera betur þar.
Hvað haldið það hafi verið stutt í næsta færi?
Tvær mínútur!
Klukkan sýndi 08:20 þegar Juan Mata kom vel upp vinstra megin, renndi á Martial sem var aleinn á móti markmanni, og það á markteig, en skaut beint á markvörðinn. Fimmta færið í þessari -færi á tveggja mínútna fresti- syrpu var síðan langskot Fred sem var frekar slakt en uppskar þó horn.
Aðeins róaðist þetta en síðan kom Marcus Rashford með skot úr teignum himinhátt yfir. Góð fyrirgjöf Wan-Bissaka samt.
Partizan sótti þó nokkuð sem skýrði líka þessi færi sem United var að fá, Partizan voru ekki nógu passasamir til baka og sérstaklega virtust þeir opnir fyrir hægri væng United.
En það var hvorki Martial né Rashford sem skoruðu heldur auðvitað Mason Greenwood. Sóknin kom upp vinstra megin, Rashford lék upp að teig. Martial var kominn langt inn fyrir í miðjum teignum og Rashford gaf sendingu fyrir aftan hann, út á Greenwood hægra megin, aðeins einn varnarmaður þar og Greenwood lék boltanum til hliðar, opnaði skotfærið á vinstri og í staðinn fyrir augljósa skotið á fjær, lagði hann boltann á nær, óverjandi. Staðan 1-0 á 22. mínútu.
Þetta hélt áfram að vera opinn og skemmtilegur leikur, ekki síður vegna þess að Partizan gat enn síður sett í vörnina eftir að hafa lent undir.
United refsaði síðan vörn Partizan fyrir að vera ekki nægilega þétt. Á 33. mínútu voru varnarmenn þeirra í vandræðum við teiginn, einn reyndi að hreinsa, boltinn í annan varnarmann og á Martial sem stakk sér inn á teiginn, lék fram hjá tveimur varnarmönnum og tókst að halda jafnvæginu í erfiðri stöðu og smella boltanum í netið.
https://twitter.com/PeoplesPerson_/status/1192541621713350656
Rétt á eftir var hann síðan enn kominn inn fyrir en skotið í þetta sinn hátt yfir. United hélt áfram sóknum, og færin komu í bunum. Rashford komst inn fyrir, en markvörðurinn kom vel út á móti og Rashford gerði ekki nógu vel og skaut beint á hann. Young reyndi skot sem fór rétt framhjá, og tvær sóknir í viðbótartíma hefðu getað endað með skotum en það bjargaðist hjá Partizan
Sem sé, fjörugur fyrr hálfleikur, United lék vel en vörn Partizan var ekki beinlínis sem múrveggur. Það tók enda United innan við fjórar mínútur að skora þriðja markið og loka leiknum. Löng sending milli kanta, Young var inni í teig og lagði bara boltann nett fyrir Rashford sem gerði engin mistök í þetta skiptið og þrumaði í netið, frábært mark.
Þá var kominn tími á unglinga, því miður bara tveir á bekknum, James Garner kom inná á 63. mínútu fyrir Fred. Rétt á eftir kom síðan Andreas Pereira inná fyrir Rashford.
Leikurinn rúllaði áfram frekar áreynslulaust, lítið að gerast. Þegar kortér var eftir meiddist Scott McTominay eitthvað, virtist ekki mikið en engin ástæða að taka sénsa og Jesse Lingard kom inná.
Það breyttist ekkert leikurinn við það, United menn dútluðu með boltann og þetta var eins og létt eftir-leiks slökun að mestu leyti, sem var auðvitað fínt, enda stutt í næsta leik.
Það gekk því upp fyrir Solskjær að stilla upp sterkasta liði, framundan eru tveir leikir sem skipta litlu máli og vonandi sjáum við fleiri unglinga móti Astana á Old Trafford eftir þrjár vikur.
Eftir fjóra útileiki í röð (í öllum keppnum) fáum við loksins aftur heimaleik. Það er Evrópudeildin og Partizan frá Belgrad kemur í heimsókn. United hefur ekkert verið að spila glimrandi skemmtilegan bolta í þessari keppni en árangursríkan að því leyti að liðið hefur ekki enn fengið á sig mark og er efst í sínum riðli.
United fer á suðurströndina á morgun og hittir þar fyrir Bournemouth í hádegisleiknum.
Sextán liða úrslit deildarbikarsins, Carabaodrykkjardollunnar, hófust í gærkvöldi. Þá tryggðu Leicester City, Colchester United, Everton, Manchester City og Oxford United sér áfram í 8-liða úrslit. Í kvöld bættust svo þrjú lið við í þann hóp. Aston Villa vann Úlfana 2-1 í venjulegum leiktíma en Liverpool þurfti víti til að vinna Arsenal eftir að staðan var 5-5 að loknum 90 mínútum. Að lokum var það svo Manchester United sem var síðasta liðið til að tryggja sig inn í fjórðungsúrslitin með verulega sætum 2-1 sigri á lærisveinum Franks Lampard í London.
