Daily Telegraph skúbbaði þessu og aðrir fylgja.
https://twitter.com/SamWallaceTel/status/1157294115572387840
https://twitter.com/samuelluckhurst/status/1157297029372100608
Maguire fer í læknisskoðun á morgun, og eftir hana verður þetta *staðfest* og þá kemur alvöru *staðfest* grein
Maggi, Björn, Friðrik og Halldór settust niður og ræddu undirbúningstímabilið hingað til og slúður.
Við viljum endilega fá ykkar álit þannig að virk þáttaka í athugasemdarkerfinu er vel þegin.
Ef þið viljið senda okkur spurningar þá er það hægt að senda okkur skilaboð á Facebook síðu Rauðu djöflanna.
Hægt er að hlusta á þáttinn í spilaranum hér fyrir ofan, auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:
Gerast áskrifandi í Spotify
Gerast áskrifandi í iTunes
Gerast áskrifandi í öðrum forritum
MP3 niðurhal: 72. þáttur
Maggi, Björn, Friðrik og Halldór settust niður og ræddu leikmannakaup sumarsins og fóru yfir heitasta leikmannaslúðrið.
Við viljum endilega fá ykkar álit þannig að virk þáttaka í athugasemdarkerfinu er vel þegin.
Ef þið viljið senda okkur spurningar þá er það hægt að senda okkur skilaboð á Facebook síðu Rauðu djöflanna.
Hægt er að hlusta á þáttinn í spilaranum hér fyrir ofan, auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:
Gerast áskrifandi í iTunes
Gerast áskrifandi í öðrum forritum
MP3 niðurhal: 71. þáttur
Liðið er tilraunalið eins og vera ber í upphitunarleik.
United tók æfingu að morgni leikdags og það sýndi sig liðið var frekar þungt. Perth spilaði enda mjög varnarsinnað og mátti kalla það 10-0-0 leikaðferð.
United náði ekki að brjóta niður 11 manns í teignum en besta færið var langskot Lingard sem varið var yfir. Chong var fínn í leiknum og átti að fá víti en dómarinn vildi ekki dæma. Martial var ágætur án þess að ná að klára og Daniel James komst ágætlega frá sínu.
Í seinni hálfleik kom nýtt lið inn á
Þetta var aðeins hressara í seinni hálfleik og Rashford skoraði á sextugustu mínútu, fékk boltann í teignum eins og svo margir höfðu fengið áður í leiknum, í þetta skipti tók hann fínan snúning sem opnaði færi og afgreiddi boltann vel. Perth sótti aðeins í seinni hálfleiknum en gaf lítil færi á sér fyrr en á 85. mínútu. Þá unnu þeir boltann í teignum, sendu fram, en James Garner sem komið hafði inná fyrir Shap mínútu áður komst inn í sendinguna og skoraði með góðu skoti utan teigs. Frábær innkoma hjá Garner.
Mason Greenwood átti að vera búinn að skora, hafði komist inn fyrir en skotið hörmluega slöku skoti fram hjá og undir lokin átti hann betra skot en það fór í stöng. Þá var leikurinn farinn að opnast aðeins en United náði þó ekki að bæta við marki.
Þetta var dæmigerður fyrsti æfingaleikur, United frekar þungir og Perth lagði allt í vörnina. Á miðvikudaginn er það Leeds United og það verður öðruvísi, fyrir það fyrsta eru leikir Leeds og United alltaf barátta, þó í Ástralíu sé, og hitt er að það má bóka að Marcelo Bielsa spilar ekki 10-0-0
Þá hefur Manchester United gengið frá öðrum kaupunum í sumar en fyrr í mánuðinum gekk Daniel James til liðs við Rauðu djöflana. Að þessu sinni er það Aaron Wan-Bissaka en hann er 21 árs gamall hægri bakvörður sem kemur frá Crystal Palace.
https://twitter.com/manutd/status/1144924076886167553?s=21
Orðrómur þess efnis að Manchester United hefði áhuga á leikmanninum hefur lengi verið á sveimi en fjölmörg lið voru sögð áhugasöm. Ole Gunnar Solskjær virðist þegar vera búinn að hafa breyta stefnu félagsins á leikmannamarkaðinum og færa áhersluna af stjórstjörnuleikmönnum yfir á unga, óreyndari leikmenn.
United hafði þegar boðið í leikmanninn en skiljanlega hafa Crystal Palace viljað halda í einn sinn besta mann, sérstaklega í ljósi þess að allar líkur eru á því að fyrrum United leikmaðurinn Wilfred Zaha sé einnig á leiðinni frá félaginu. Tvívegis höfnuðu þeir tilboði frá United en þriðja tilboðið, sem talið er hljóða upp á 50 milljón pund (þar af 5 millj. í viðbótargreiðslur) var samþykkt. Talið er að leikmaðurinn fái 80-90.000 pund á viku en samningurinn er til fimm ára og með möguleika á að framlengja um ár.
Aaron Wan-Bissaka er fæddur 26. nóvember 1997 (16 dögum yngri en Daniel James) en hann hefur verið í herbúðum Crystal Palace frá 11 ára aldri. Honum tókst loksins að komast inn í byrjunarliðið á síðasta tímabili en hreinlega sprakk út á nýliðnu tímabili. Wan-Bissaka var valinn leikmaður mánaðarins fjórum sinnum og á endanum valinn leikmaður tímabilsins hjá Crystal Palace. Þá var leikmaðurinn einnig valinn í hóp enska landsliðsins fyrir Evrópumót U-21.
Þá mun Wan-Bissaka fá treyjunúmerið 29 sem er sama númer og hann var með hjá Crystal Palace en síðastur til að bera númerið í United treyju var félagi hans og fyrrum United-maður, Wilfred Zaha.
En hvað er það sem gerir svona ungan bakvörð jafn eftirsóknarverðan og raun ber vitni? Til þess að glöggva sig aðeins betur getur verið gott að skoða tölfræðina hans frá síðustu leiktíð. Wan-Bissaka var með flestar tæklingar (129), fleiri en nokkur annar varnarmaður, í stærstu deildum Evrópu. Þá stendur hann framar öðrum bakvörðum ensku Úrvalsdeildarinnar á flestum sviðum.
Varnartölfræðin hans er hreint út sagt ótrúleg miðað við 21 árs gamlan leikmann. Eins og sjá má greinilega hér að ofan þar sem hægri og vinstri bakverðir stóru liðanna og liðanna sem enduðu fyrir miðri deild (svipað og CP) þá eru fáir með tærnar þar sem hann hefur hælana.
Wan-Bissaka er með flestar tæklingar, kemst fyrir fleiri skot, á fleiri hreinsanir og kemst inn í sendingar að meðaltali oftar en nokkur annar bakvörður í deildinni. Það ætti því ekki neinn að undrast það að United hafi borgað uppsett verð fyrir hann enda gríðarlega spennandi og efnilegur leikmaður hér á ferð.
https://twitter.com/StatmanDave/status/1143839727289864192
En Ole Gunnar Solskjær hefur verk að vinna í sumar þar sem hann hefur ýjað að því að talsverðra breytinga á hópnum sé þörf. Hann hefur nú þegar fyllt upp í tvær stöður sem hafa verið ákveðið vandamál hjá liðinu með tveimur ungum leikmönnum og það áður en júlí mánuður er byrjaður. En flest kaup United á síðustu áratugum hafa komið á fyrri hluta júlímánaðar.
Það er alvitað mál að United er á höttunum eftir miðjumönnum en United er sagt áhugasamt um Bruno Fernandes, James Maddison og Sean Longstaff og því verður spennandi að fylgjast með þróun mála á næstu tveimur vikum.