Gleðileg jól kæra United stuðningsfólk nær og fjær!

Eftir hörmungina á Þorláksmessu lýkur öðrum degi jóla á því að Aston Villa kemur í heimsókn. Villa hefur farið með himinskautum undir stjórn Unai Emery og sætu nú á toppinum ef þeir hefðunáð að sigra Sheffield United á föstudaginn var. En þeir náðu þó að stela stigi þar með jöfnunarmarki langt inni í uppbótartíma og hafa auka dag til hvíldar á United á morgun þannig að það er ekki mikið að marka. Villa er ósigrað í tíu leikjum, hafa skorað tvö mörk í síðustu þremur útileikjum en hafa reyndar fengið á sig mörk í öllum útileikjum í vetur utan á Stamford Bridge.

Stjarna Villa í vetur er búinn að vera Ollie Watkins með fjögur mörk og fjórar stoðsendingar og hann leiðir línuna á morgun

Manchester United

Hvað er hægt að segja? Það er allt í steik. Højlund skorar ekki, enda fær hann aldrei stoðsendingar. Rashford skorar ekki. Scott McTominay skorar ef liðið er undir pressu og getur lítið en getur litið gert ef liðið á að liggja í sókn. Amrabat þarf engar áhyggjur að hafa af því að vera í Manchester næsta vetur, Kobbie má ekki spila of mikið, það veit enginn hverjir geta vilja eða eiga að spila í hafsent, og það segir eiginlega mest um þetta allt að Onana hefur ekkert komist að í neikvæðu umræðunni i nokkrar vikur.

Fréttir fréttana er auðvitað staðfesting á kaupum Sir jim Ratcliffe á 25% í félaginu og yfirtaka hans á knattspyrnumálum. Hún kemur samt ekki til framkvæmda fyrr en á nýju ári og við förum vonandi yfir hana nánar hér síðar.

En á morgun klukkan átta þarf þetta lið að storma inn á Old Trafford og gefa okkur jólagjöf!

United mætti West Ham á London Stadium í fyrsta leik á Þorláksmessu. Erik Ten Hag gerði tvær breytingar frá jafnteflinu gegn Liverpool síðustu helgi. Bruno Fernandes fyrirliði United kom aftur inn í byrjunarliðið eftir að hafa verið í banni gegn Liverpool. Þá koma Willy Kambwala ungstirnið inn í byrjunarliðið í stað Raphael Varane. Ég verð að segja lesandi góður að ég veit ekki mikið um getu Willy Kambwala en ég skal segja ykkur það að hann hefur gert gott mót í FM save-inu mínu þar sem ég fékk hann á láni frá United til Luton. Það er líka alveg kominn tími á það að akademía United myndi koma miðverði inn í byrjunarlið United. Amrabat settist einnig á bekkinn í stað Bruno.

 

Byrjunarlið

United:

 

West Ham:

 

Fyrri hálfleikur

Fyrri hálfleikur var frekar leiðinlegur og tíðindalítill, United hélt ágætlega í boltann en gerði gjörsamlega ekkert við knöttinn. Þar af leiðandi mun ég ekki sérstaklega fara yfir færi á báða bóga. Garnacho fékk besta færi hálfleiksins og næstum því leiksins þegar að Kudus átti slaka sendingu sem endaði með því að Garnacho komst í daaaaauuuuðafæri en það er algjörlega augljóst að alla framherja United skortir sjálftraust og hann skaut beint í Areola markmann West Ham. West Ham fékk kannski yfir höfuð betri færi þó að United hafi fengið besta færið en færi Lundúnarliðsins voru samt ekkert ótrúlega hættuleg. Það sama virtis vera upp á teningnum hjá United og vanalega það skorti alveg öll gæði fram á við. Hugmyndasnauðar sóknir, plan B vantar og aldrei er reynt að lofta boltanum inn í teig á Hojlund og vona það besta.

 

Seinni hálfleikur

United hélt uppi sömu spilamennsku í byrjun seinni, héldu betur í. boltann en gerðu lítið við boltann. Hinsvegar á rúmlega 70 mínútu koma há sending yfir lága blokk United beint á Jarrod Bowen sem slútaði í Onana en fékk boltann aftur og kláraði boltann í netið. Full auðvelt og óþolandi að enginn hafi fylgt Bowen eftir og komið í veg fyrir markið. Sex mínútum seinna komust West Ham í hraðasókn þar sem Kudus komst á milli miðverðanna þrátt fyrir að Ganverjinn hafi dregið sig aftur fyrir miðverðina náði hann góðu skoti inn í teig sem fór í bláhornið og Onana átti ekki séns. United reyndi áfram Rashford kom inn á fyrir Hojlund á 57 mínútu og Pellistri fyrir Antony 15 mínútum seinna.

 

United reyndi þannig séð og reyndi en þetta var frekar máttlaust sérstaklega eftir annað markið og leikmenn United virtust frekar kraftlausir. Að lokum eftir sjö mínútna uppbótartíma var tap algjörlega ljóst. En önnur hrikaleg úrlsit á þessu tímabili gegn liði í topp 10. Hrikalegt eftir að West Ham spilaði í miðri viku á meðan United hvíldi og gat spáð í þessum leik næstum því í viku.

 

Að lokum

Eftir að hafa horft á þenna leik þá langaði mig ofboðslega lítið að lýsa honum í smá atriðum og segja frá færum leiksins. Aðallega var það vegna þess að færi leiksins voru af skornum skammti en líka af því spilamennska United var andlaus. Það er ekkert sem dregur jafn mikið úr mér viljan til þess að ræða United og þegar United spilar eins og þeir gerðu í dag. Það er ekki bara það að United spili illa aðal ástæðan fyrir metnaðarleysi mínu er þegar United leikmenn virðast voða lítið spenntir fyrir því að skora. Fólk mun kenna Ten Hag um tapið en það er alveg augljóst núna þegar að við höfum skipt margoft um þjálfara að þetta er ekki bara þjálfarans. Vandamálið er algjörlega klúbbsins, menning klúbsins, umgjörð klúbbsins og eignarhald er stærsta vandamálið. United getur skipt um þjálfara eftir þjálfara en að lokum mun félagi ekki uppskera neina velsæld nema að almennilega sé tekið á málum baksviðs.

Ég ætla ekki að tala um neinn leikmann nema Willy Kambwala, mér fannst hann fínn miðaða við stöðun sem hann var settur í og getur alveg átt ágæta framtíð hjá United. Á sömu nótum vil ég minna alla United stuðningsmenn á að við erum í mjög miklum meiðslavandræðum og á sama tíma að vandamál United eiga öll rætur sínar að rekja til hversu fáránlega illa félagið er rekið. Þar að segja er ég ekki að fría alla leikmenn af þeirra ábyrgð en í guðanna bænum ekki bara kalla eftir höfði leikmanna og þjálfara. Stjórnun á fótboltafélaginu United þarf að breytast þannig mun félagið ná fyrri frama aftur.

Gleðileg Jól vonandi hefur þessi leikur ekki eyðilagt jólin fyrir ykkur.

 

Manchester United og West Ham United hefja Þorláksmessu hátíðina á morgun klukkan 12:30, þegar að United heimsækir Hamrana á London Stadium. United fékk frí í miðri viku þar sem liðið er dottið út úr orkudrykkjabikarnum „Carabao Cup“ en West Ham heimsótti þöglan Anfield á miðvikudagskvöldið. David Moyes ákvað ekki að taka blaðsíðu úr Anfield varnartaktík Ten Hag og fékk þ.a.l. á sig 5 mörk en liðið hans laumaði þó inn einu sárabótarmarki í stöðunni 4-0. United gerði að sjálfsögðu 0-0 jafntefli við erkifjendur sína í Liverpool síðustu helgi, þeir leikir eru vanalega frekar minnistæðir, það verður þó seint sagt um þennan leik. United gerðu vel í að loka á sóknir Liverpool en bítlaborgarliðið hélt talsvert betur í boltann þó að almennileg færi hafi verið af skornum skammti. Miðað við undanfarna spilamennsku United þá er varla hægt að kvarta yfir 0-0 jafntefli og leikurinn í raun vel lagður upp þar sem United hefði alveg getað stolið sigri. Lykil setningin er þó stolið sigri því þó United hafi mögulega átt hættulegasta færi leiksins þá var spilamennskan fram á við ekkert sérstök. Liðið koma þó haltrandi inn í leikinn með urmul leikmanna í meiðslum og bönnum, á meðan hafði Liverpool skorað í öllum deildarleikjum sínum á tímabili og í efsta sæti það var því við rammann reip að draga. Jafntefli voru því ágætis úrslit miðað við allt og allt, þó að sigur eigi yfirleitt að vera markmið United í öllum leikjum.

Meiðslalisti United er alltaf jafn langur, líklegast þarf ekki að minnast á hverjir liggja á sjúkrabekknum á Carrington. Casemiro, Eriksen, Malacia, Mount, Martinez, Lindelöf, Maguire og Martial eru allir meiddir. Þá er Diogo Dalot í banni gegn West Ham eftir galna ákvörðun Michael Oliver dómar í leiknum gegn Liverpool. Sama vandamál er ekki upp á teningnum hjá West Ham en einungis Michael Antonio er meiddur af leikmönnum Lundúnarliðsins. West Ham situr í níunda sæti ensku úrvalsdeildarinnar með 27 stig, stigi á eftir United sem er í því sjöunda. Spilamennska liðsins hefur verið svona upp og ofan en það er óhætt að segja að nýi leikmaður þeirra Mohammed Kudus hafi byrjað afar vel í treyju West Ham, fólk má endilega fylgjast með honum á föstudaginn.

Útileikir gegn West Ham eru yfirleitt frekar erfiðir, David Moyes getur vel skellt í lás ef honum þóknast það og spilað algjöran krafta bolta með Alvarez og Soucek á miðjunni. Þá er West Ham með eitt stykki James Ward-Prowse til þess að lofta boltanum inn í hverju einasta fasta leikatriði sem Moyes finnst ekkert leiðinlegt. Líkt og flestir leikir verður þetta þar af leiðandi engin gönguferð í garðinum fyrir Manchester United.

 

Líkleg byrjunarlið

Ég spái því að Evans og Varane byrji í miðvörðunum líkt og í síðasta leik, þá finnst mér eiginlega augljóst að Bruno kominn beint aftur í liðið eftir að hafa tekið út leikbann. Ég ætla líka að spá því að Rashford fái kallið í byrjunarliðinu eftir að hafa verið kældur réttilega undanfarið.

 

Að lokum

United þarf að vinna leik til þess að halda sér í humáttinni á eftir fremstu liðum deildarinnar, liðið er komið talsvert nálægt miðjupakka deildarinnar. Þetta West Ham lið er mjög erfitt að festa fingur á, þeir geta verið mjög góðir en líka mjög slakir. Líkt og Ten Hag sagði um United í byrjun þessa mánaðar „Við erum ekki nógu góðir til að vera stöðugir“ algjörlega á það sama við um West Ham. Ég ætla því að spá því að annað liðið verði gott í þessum leik en hitt talsvert fjarri lagi, vonandi verður United það fyrr nefnda. Það er eitthvað sem blundar í mér að Rashford muni gera eitthvað í leiknum og aðeins rífa sig úr meðalmennskunni sem hann hefur verið í allt tímabilið. Simon Hooper er dómari leiksins á morgun.

 

Eric ten Hag treysti þrjátíu og fimma ára Jonny Evans fyrir miðvarðarstöðunni en þeir Raphaël Varane urðu níunda haffsentaparið í vetur þegar Harry Maguire fór útaf gegn Bayern. Að auki hafa fimm mismunandi leikmenn spreytt sig í vinstri bakvarðarstöðunni.

Varamenn: Bayındır, Kambwala, Eguilon, Wan-Bissaka, Gore, Hannibal(82′), Pellistri(82′), Van de Beek, Rashford (71′)

Lið Liverpool:

Liverpool byrjuðu á fullu og voru uppi við teig United frá fyrstu sekúndum. United var í raun í nauðvörn og átti mjög erfitt með að vinna boltann, halda honum og í raun að hreinsa lengra en á miðjan eigin vallarhelming. Liverpool ógnaði sam fyrst virkilega á 16. mínútu, mikill hasar í markteignum sem endaði á að Liverpool fékk horn. Þetta var áfram leikurinn, Liverpool nær stanslaust með boltann, vörn og miðja United að mestu inn í teig. Á 29. mínútu fékk Liverpool sitt sjöunda horn, Van Dikj fékk að skalla rétt utan markteigs en nokkuð beint á Onana sem sló boltann yfir.Fín varsla þarna.

Síðasta skot leiksins var skot United úr aukaspyrnu sem Amrabat vann með því að stinga sér fram í skalla og fá skó Endo í andlitið. United komst þannig inn í hléið með stöðuna núll núll. Liverpool áttu 21 snertingu í vítateig United á móti einni snertingu United hinu megin, en af fimmtán skotum Liverpool í fyrri hálfleik fóru samt bara þrjú á markið, þannig það varð ekki alltaf mikil hætta.

Darwin Núñez var reyndar vel heppinn að vera inná, fékk gult fyrir brot á Evans um miðjan hálfleikinn, og hefði getað frengið annað fyrir að sparka boltanum í burtu, nú eða klappa fyrir dómi.

Seinni hálfleikur byrjaði á smá skotbakkakeppni Liverpool en varnarmenn United við vítateiginn stoppuðu þau skot. Liverpool sótti en á 55. komst United loks í færi. Mainoo fékki boltann á miðjunni og gaf frábæra sendingu fram á Garnacho sem komst framhjá Alexander-Arnold en varnarmaðurinn rétt náði tánni í boltann og Alisson fékk hann í hendurnar.

Áfram hélt Liverpool yfirburðum sínum, þess að skapa mikið. Gakpo og Gomes komu inná fyrir Gravenberch og Szoboszlai og skömmu seinna kom langskot Salah sem Onana tók örugglega. Skot utan teigs virtust von Liverpool, þokkalegt slíkt frá Alexander-Arnold og lélegt frá Gakpo fóru framhjá.

En loksins kom færi til United og það dauðafæri. Þeir komu hratt upp, Antony gaf á McTominay sem stakk boltanum inn fyrir, Rasmus Höfjludn hafði nægan tíma en skaut beint á Alisson, náði til frákastsins líka en Alisson gat blokkað hann. Þarna varð Höjlund að skora!

Leikurinn varð opnari, United sótti oftar og á móti áttu Liverpool aðeins meiri möguleika á að komast í gegn. Rashford kom inná fyrir Garnacho, bein skipting á vinstri kantinum.

Liverpool átti mjög hættulegt færi á 76. mínútu en Shaw náði að komast fyrir skotið, úr horninu varð mikill hasar sem endaði á skoti beint á Onana. Liverpool alltaf ógnandi en vantaði lokahnykkinn. Klopp ákvað að hrista upp í sókninno gsetti Curtis Jones og Harvey Elliott inná fyrir Diaz og Núñez.

Kobbie hafði staðið sig prýðilega en var tekinn útaf fyrir Hannibal, og Facundo Pellistri kom inn á hægra meginn fyrir Antony.

Það breyttist ekkert, Liverpool reyndi að finna glufur og gekki illa. Joe Gomez komst í skotfæri utarlega en skotið í hliðarnetið.

Diogo Dalot fékk tvö gul spjöld á fjórðu mínútu uppbótartíma fyrir að kvarta undan því að staurblindur Michael Oliver gaf Mo Salah innkast þegar Salah hafði sjálfur sparkað útaf. Sturluð dómgæsla.

En United hélt út og eftir ellefu sigurleiki á leiktíðinni á Anfield gerði Liverpool loks jafntefli og í fyrsta skipti í vetur skoruðu þeir ekki.. Ef okkur hefðu boðist þessi úrslit fyrir leik hefðum við tekið þeim fagnandi. Vissulega voru Liverpool miklu meira með boltann en United varðist gríðarvel. Ekkert lið í vetur hefur átti fleiri skot í einum leik en Liverpool, 34, en aðeins átta fóru á rammann og ekkert þeirra olli Onana vandræðum að ráði. Rasmus Höjlund átti hins vegar besta færi leiksins og United hefði þannig getað stolið sigrinum.

Raphaël Varane hlýtur að vera búinn að tryggja sæti sitt í liðinu núna og það er afrek að halda hreinu á Anfield með 35 ára miðvörð. Antony er fínn, en er sem fyrr alltaf skelfilega einfættur. Kobbie Mainoo lét það ekkert á sig fá að vera 18 ára að spila á Anfield, hjálpaði kannski að stemmingin á vellinum var allfjarri því að vera eins og í góðri gryfju.

Ég er alls ekki viss um að það hefði hjálpað að hafa Bruno í stað McTominay. Hann hefði getað komið með brodd í sóknarleikinn en Scott var í nauðvörninni mestallan leikinn. Bið samt um að Mainoo haldi sætinu og McTominay hvíli fyrir Bruno í næstu leikjum.

Það er alveg ljóst að það er nóg að hjá United en við biðjum ekki um meira í dag.

Það er stórleikur á morgun þegar Manchester United og Liverpool mætast! Ef United vinnur rennir liðið sér upp að hlið Chelsea og Arsenal á toppi deildarinnar en sigur Liverpool þýðir að United og Liverpkol verða jöfn að stigum. En nóg í bili af leik þessara liða í úrvalsdeild kvenna kl 12:15, þrátt fyrir að þessi leikur sé magnaður verða fleiri augu á því þegar karlalið United kemur á Anfield klukkan hálf fimm síðar um daginn.

Síðasti leikur þessara liða var sjö marka leikur og var þeim afar misskipt. Við höfum fengið að heyra þó nokkuð af þessum leik í gær og dag og leiðist það helst til mikið. Liverpool leikmenn og þjálfara keppast við að ítreka að á morgun muni leikmenn United koma tvíefldir til leiks til að geta hefnt þessara harma en eftir ófarir síðustu viku virðast stuðninsmenn United ekki alveg jafn sannfærðir

Lið United

Það var alveg til að kóróna leikinn skelfilega gegn Bournemouth um síustu helgi að Bruno Fernandes fék gult spjald fyrir kjaftrúk og komst þannig frá því að þurfa að vera í byrjunarliði á morgun. Þau sem eru hvað mest upptekin af því hvert hlutverk fyrirliða á að vera fengu þar vatn á myllu sína en þau okkar sem eru ekki alveg jafn heltekin líta þannig á að hver annar á að vera fyrirliði en eini maðurinn í liðinu sem er fullkomlega öruggur með sæti sitt þar?

Í leiknum geng Bayern meiddust bæði Harry Maguire og Luke Shaw, góðu fréttirnar eru þær að meiðsli Shaw voru lítilvæg og hann verður með á morgun. Lengra er í Maguire. Marcus Rashford hefur náð sér af veikindum og verður með en Anthony Martial missir af leiknum. Allar líkur eru á að Scott McTominay verði færður í stöðu Fernandesar og þá fær Kobbie Mainoo að spreyta sig. Stórt verkefni þar fyrir óharðnaðan unglinginn!

Það er kannske óþarfi að fara of mörgum orðum um lið Liverpool. Þeir sitja í efsta sæti deildarinnar stigi á undan Arsenal og þremur á undan Manchester City sem er með leik meira eftir jafnteflið gegn Palace í dag. United er svo tíu stigum á eftir.

Liverpool er nokkuð hrjáð af meiðslum, Joël Matip, Thiago Alcântara, Andy Robertson, Diogo Jota, Stefan Bajcetic og Alexis Mac Allister eru allir meiddir. Miðjan er ný, Gravenberch, Endo og Szobozslai voru allir keyptir í sumar og hafa allirstaðið sig mjög vel i vetur, sóknarmennirnir betur þekktir og það er alveg óhætt að segja að varnarlína United er ekki eins og við vildum sjá hana gegn þeim.

Ef einhver stuðningsmaður United er bjartsýnn fyrir morgundaginn hef ég ekki heyrt í viðkomandi. Krísan er raunveruleg og ef leikmenn láta hana hafa áhrif á sig þá eru úrslitin ráðin fyrirfram. En það er sannarlega líka hægt að láta pendúlinn sveiflast itl baka með almennilegri frammistöðu á morgun. Leikmenn ættu að vita að tap á morgun er ekki nóg til að Ten Hag verði rekinn því það er undir öðrum áhrifum en frammistöðu á vellinum. Það er því ekki nógt fyrir þá að mæta ekki til leiks á morgun í von um að losna við þjálfarann. Þeir ættu enda að hafa metnað í meira. Þeir ættu að hafa metnað að spila fyrir merki Manchester United, og skila sómasamlegri frammistöðu. Ef þeir gera það er ýmislegt hægt.