Rauðu djöflarnir

Mathjis de Ligt og Lisandro Martínez misstu sætin eftir frammistöðuna gegn Porto og Jonny Evans og Harry Maguire mættu til leiks.

Það var Marcus Rashford sem bjó til fyrsta færi leiksins, vann boltann sjálfur úti á kanti, og kom upp og alla leið inni í teig, skotið var ágætt en Emi Martínez sá við því nokkuð örugglega. Hinu megin kom mun einfaldari sókn, Watkins sótti á Maguire sem lokaði hann ekki vel af, Watkins gaf á Rogers og Jonny Evans sömuleiðis bakkaði og leyfði skotið en hafði lokað nógu vel á þannig skotið fór í hliðarnetið.

Leikurinn var síðan frekar tíðindalítill, bæði lið reynu að halda boltanum og áttu erfitt með að búa eitthvað til fram á við. United voru ef eitthvað var aðeins sterkari og vörnin var örugg þegar Villa reyndi eitthvað, Jonny Evans bestur þar. Þannig leið leikurinn fram að hálfleik, engin færi sem hægt var að nefna, en á síðustu mínútu hálfleiksins haltraði Harry Maguire af velli og þurfti að hætta leik. Í hálfleik kom Mathijs de Ligt inn á yfir hann og sömuleiðis var Victor Lindelöf sendur inná fyrir Mazraoui.

Villa byrjuðu seini hálfleik betur og pressuðu United upp að teig. Onana varði fyrsta skot þeirra á markið í horn.

Dómarinn hafði verið duglegur að spjalda United menn og rétt eftir að hann fékk spjald sparkaði Rashford til Bailey og hefði getað fengið seinna gula fyrir en slapp. Ten Hag kippti honum þá útaf sem og Höjlund, og Zirkzee og Antony komu inná.

Skömmu seinna vann Garnacho aukaspyrnu rétt utan teigs VIlla, reyndar alveg án snertingar varnarmanns. Bruno tók flotta spyrnu sem small í slánni og Antony hamrarði svo frákastið framhjá.

Áfram hélt þetta að vera mjög slakur leikur af beggja hálfu en þegar kmið var fram í viðbótartíma kom fyrirgjöf frá hægri inn á teig United, De Ligt tókst að hrasa og láta boltann fara gegnum klofið á sér og boltinn kom til Jhon Duran, en skot hans fór í Dalot og framhjá.

United vann boltann úr horninu og Garnacho óð upp allan völl en þegar kom að því að senda boltann á Bruno sem var á svipaðri ferð og dauðafrír skaut Garnacho í varnarmann.

Leikurinn leið svo út og markalaust jafntefli niðurstaðan. Þetta var arfaslakur leikur af beggja hálfu þó vissulega væri vörn United þéttari en stundum áður.  Það var hins vegar hvergi að sjá að liðið gæti skapað eitthvað að ráði hvað þá skorað mörk. Þetta var kannski ekki tapið sem sum bjuggust við og yrði banabiti Ten Hag en þetta var á engan hátt frammistaða sem sannfærir einhvern um að framtíðin sé hans.

Nú er bara að bíða eftir títtnefndum stjórnarfundi á þriðjudaginn.

Varamenn í dag: Bayindir, Evans, Lindelöf, Casemiro, Eriksen, Mount, Amad, Antony, Höjlund

Tottenham sótti frá fyrstu sekúndu og þegar United komst fyrst fram fyrir miðju missti Marcus Rashford boltann of langt frá sér, Micky van de Ven hirti hann og skeiðaði upp allan völlinn, og komst alla leið upp að endamörkum án þess að varnarmenn United trufluðu hann að ráði, gaf fyrir og boltinn fór framhjá Onana, Martinez og Solanke sem voru við nærstöngina og yfir á Brennan Johnson sem var aleinn á markteig og skoraði auðveldlega. Skelfileg byrjun og staðan eitt núll fyrir Spurs eftir tvær og hálfa mínútu. Dalot á sinn hlut, stoppaði í stað þess að fylgja Johnson.

Spurs voru miklu betri, miðja og vörn United brothætt en samt komst Marcus Rashford upp og inn í teig á tíundu mínútu, en Vicario varði. Skýringin var auðvitað sú að Rashford hafði verið rangstæður. Spurs kom auðvitað beint til baka og allt í einu var Kulusevski einn á móti Onana en skotið fór í öxl Onana og út. Vel sloppið þar.

Áfram áttu Spurs leikinn en næsta færi kom á 20. mínútu, einföld sókn, vörn United varla með og boltinn endaði hjá Brennan Johnson sem skaut gegnum klofið á Diogo Dalot og boltinn small í fjærstöng.

Loksins fékk svo United færi, komst inn í teiginn og gaf þvert, en Joshua Zirkzee var ekki í fullkomnu jafnvægi, teygði sig og tók vinstrifótarskot sem Vicario varði nokkuð vel. Hefði getað gert betur þar, Zirkzee.

Þetta var ekki upphaf að einhverju góðu, Spurs voru einfaldlega miklu betri og Pedro Porro hefði getað skorað með tilþrifamikilli klippspyrnu en framhjá fór boltinn.

Loksins kom þó smá lífsmark frá United, Rashford gaf frá kantinum þvert yfir teiginn og rétt utan markteigshorns hamraði Garnacho í stöngina utanverða. Þröngt færi en hefði getað náð þessu. United sótti áfram en Spurs komust inn í boltann og allt í einu var Timo Werner einn á móti Onana sem varði svo vel.

Svo seig á ógæfuhliðina enn þegar Bruno Fernandes var alltof seinn í tæklingu og setti hælinn í legginn á James Maddison og var dæmt að væri hættuleg tækling og hann fékk rautt. á 42. mínútu. Ten Hag breytti strax liðinu og setti Mason mount inná fyrir Kobbie Mainoo. Þetta var mjög hart rautt, háskinn ekki mikill, meira eins og Fernandes væri að bregða Maddison frekar en að fara með takkana í hann.

 
Embed from Getty Images

Mount endaði svo hálfleikinn á að fá gult.

Skelfilegar fjörutíu og fimm mínútur frá United, erfitt að sjá að þarna væru lið sem fyrir leikinn voru á pari í deildinni

Það var rannsóknarefni hvers vegna Spurs voru ekki búnir að skora fleiri mörk í fyrri hálfleiknum en þeir voru ekki nema tvær mínútur að skora í seinni hálfleiknum, Brennan Johnson óð upp hægra megin, alla leið inn í teig gaf fyrir, boltinn fór í varnarmann en Kulusevski kom fljútgandi og stýrði boltanum framhjá Onana. Enginn varnarmaður nálægt honum, Mount næstur en ekki í honum.

Casemiro hafði komið inná í hálfleik fyrir Zirkzee.

Timo Werner komst aftur einn á móti Onana eftir frábæra sendingu Kulusevski en enn varði Onana vel, og át svo boltann áður en Johnson komst í frákastið.

 

Annars róaðist leikurinn þegar leið á, Spurs gáfu aðeins eftir og United reyndi að sýna sóknatilburði en það var ósköp máttleysilegt. Smá kall eftir hendivíti á Romero en VAR vildi ekki gúddera það. En ef það voru einhver að vona að United gæti á einhvern hátt krafsað í bakkan slökkti Dominic Solanke þær vonir á 77. mínútu, horn, skalli inn á markteig og Solanke setti sólann í boltann. Auðvitað enginn varnarmaður jafn fljótur að átta sig og hann.

Andre Onana var um það bil eini leikmaðurinn sem mætti i vinnuna í dag, hann bjargaði enn maður á móti manni á 90. mínútu og í það skiptið var það ekki Timo Werner heldur Solanke, þannig það telur meira.

En lokatölur voru þrjú núll og hefðu getað verið mun verri..

Ég ætla ekki að kalla eftir brottrekstri Ten Hag en lái engum sem gerir það. Hvort það verður Ruud van Nistelrooy eða Gareth Southgate sem tekur við hefur mikil áhrif á það hvort ég yrði sáttur við það, en eitthvað þarf að breytast. Liðið er brotið, vörnin slæm og uppleggið í leiknum í dag var hræðilegt. Næsti leikur er gegn Porto á miðvikudaginn og svo Aston Villa á sunnudaginn næsta og ef eitthvað á að gerast þarf að að gerast í kvöld, eða þá eftir Villa leikinn, fyrir landsleikjahléið.

.