Rauðu djöflarnir

Ten Hag ákvað að Jonny Evans myndi henta betur gegn City en Raphaël Varane og að Christian Eriksen þyrfti að vera í tíunni. Bruno vék út á kant.

Varamenn: Bayındır, Varane, Reguilon(73′), Hannibal, Mainoo, Mount(46′), Antony(86′), Garnacho(73′), Martial(86′)

Það var hins vegar óhætt að segja að Pep stillti upp sókngjörfu liði:

{team2}

United byrjaði bara frísklega og sótti á en í fyrstu sókn City voru þeir næstum búnir að skora. Foden skallaði, Onana varði og sló svo boltann frá þegar Haaland var rétt búinn að ná honum. Boltinn fór í Haaland og laust í átt að marki en Harry Maguire var á réttum stað og kom honum frá.

City var búið að taka völdin á miðjunni upp úr þessu og United leyfði það að miklu leyti. Öll hápressa var meira sýndarmennska en hitt og liðið datt mikið til baka. Onana þurfti að verja skot frá Grealish, frekar stöðluð skutla en þokkalegt engu að síður.

Þegar United´fékk boltann sýndi City þeim svo hvernig átti að pressa, voru á vallarhelmingi United og gáfu þeim engan frið.

Svo á 24. mí´nutu fengu City víti, Höjlund togaði í Rodri inni á vítateig í horni. Dómarinn sá það ekki en var bent á að fara í skjáinn og það var lítill vafi á þessu. Verður fróðlegt að sjá hvort svona verði nýja línan á peysutogi.

Haaland sendi Onana í vitlaust horn og skoraði örugglega. 1-0 á 26. mínútu.

Loksins sýndi United smá lit, Höjlund komst í gegn en missti jafnvægið við snertingu frá Stones og Ederson komst út í hann og gat truflað. Aldrei að vita nema hann hefði fengið víti eða rautt ef hann hefði farið niður en líklega var þetta of lúmskt.
Embed from Getty Images

City hélt yfirburðunum áfram, Alvarez átti fínt skot úr aukaspyrnu yfir vegginn en Onana varði.

Embed from Getty Images

Loksins í uppbótartíma náði United sókn, hún endaði á neglu McTominay sem Ederson varði í horn og eftir hornið skaut Eriksen yfir af löngu færi. United náði smá sóknum í viðbót en svo kom City upp, Onana var á nær stönginni þegar Grealish kom upp að endamörkum og tók fyrirgjöfina, Haaland var fyrir opnu marki en skallaði aðeins of nálægt Onana sem kom fljúgandi og sló boltann í horn. Frábær markvarsla en Haaland hefði kannske getað miðað betur.

Embed from Getty Images

Mount kom inná fyrir Amrabat í hálfleik og United byrjaði af krafti. Bruno átti þrumuskot af löngu færi en Ederson fór vel niður og varði örugglega. City fór beint í sókn, Foden fékk boltann á fær en var ekki vel staðsettur og sendi boltann langt yfir. United reyndi að sækja en þá kom hraðaupphlaup á móti, Bernardo Silva með fyrirgjöf og einhverra hluta vegna hafði enginn nennt að dekka Erling Haaland á fjær, hann stökk hátt og lét boltann hitta ennið á sér. Aftur fór skallinn meira í átt að Onana en ekki í í þetta skiptið kom hann engum vörnum við. 2-0 City á 48. mínútu.

Áfram hélt City. Grealish fékk pláss í teignum þegar Bernardo tók með sé tvo varnarmenn og skaut en Onana varði. Fín varsla. Næsta sókn var sendingaveisla í og við teiginn og Grealish endaði á að skjóta úr þröngu færi, rétt framhjá fjær stöng.

Loksins náði United að halda uppi sókn í nokkrar mínútur, vann horn og svona og svo kom löng sending Eriksen inn á Rashford sem tók boltann á kassann og niður, náði skotinu framhjá Walker en framhjá fjær. Hefði mátt gera betur en svo sem vel gert að koma kotinu framhjá Walker.

Auðvitað kom þá sókn City, þeir opnuðu vörnina og stungu inná Haaland en Onana kom vel út á móti og varði í horn.

Ten Hag setti þá Reguilon og Garnacho inn fyrir Lindelf og Höjlund. Áhorfendur á Old Trafford voru ekki ánægðir með að Höjlund væri tekinn útaf.

City gerði það sem þeir vildu og þriðja markið kom á 80. mínútu. Rodri fékk allt plássið í heiminum í hálfhringnum, Onana varði skot hans mjög vel en boltinn fór út á Haaland við markteigshornið, Onana þurfti að loka horninu og Haaland gaf einfaldlega á markteiginn þar sem Phil Foden skoraði án þess að hafa miklar áhyggjur af tveimur varnarmönnum sem reyndu að trufla.

Síðustu skiptingarnar voru Eriksen og Rashford útaf fyrir Antony og Martial. Undir lokinn sparkaði Antony í Doku og sló svo í hendurnar á honum þegar þeir kom náælgt hver örðum en einhverra hluta vegna fékk hann bara gull spjald. Bruno fékk svo gult fyrir að reyna að sparka í Doku en hitti ekki . Menn alveg búnir að missa hausinn.

Þetta var eins og við var að búast þegar eitt besta lið Englands mætir miðlungsliði: Auðvelt.

Núna er að hugsa hvað er til bragðs að taka og það er ekki öfundsvert hlutskipti að þurfa að taka ákvarðanir um það. Ef einhver getur bent á stjóra sem getur komið inn og breytt liðinu á einni nóttu í smurða vél þá væru þær tillögur vel þegnar en að sama skapi ólíklegar. Ef einhver heldur að peningar leysi vandann er hægt að benda á Chelsea og verð á fjölda leikmanna í United treyjunni í dag sem kostuðu offjár.

Það eru engar skyndilausnir.

David Moyes says #mufc must improve in a number of areas, including passing, creating chances and defending.

— Manchester United (@ManUtd) December 9, 2013

Niðurs

Það er alveg óhætt að segja að nokkrir sigrar í röð hafi lítið gert fyrir hýra brá stuðningsfólks United. Það er gott að vinna, það er frábært að vinna með því að markmaður ver víti á síðustu sekúndu (og já ég ætla að minnast á að það að De Gea hefði ekki varið), en þegar styrkleiki andstæðinganna er sá sem hann var, er horft á málið raunsæjum augum. En það þarf engar áhyggjur af því að sigri á morgun verði ekki fagnað skilyrðislaust. Því á morgun koma Englandsmeistararnir í heimsókn (unnu þeir ekki líka eitthvað annað í fyrra? minnir það) og það er heiður að veði. United er líklega ekki að fara að blanda sér í baráttuna um meistaratitilinn úr því sem komið er, en sigur á morgun gæti hugsanlega fengið okkur bjartsýna fólkið til að hugsa sig tvisvar um. Því þá erum við jú bara þremur stigum á eftir City!

Embed from Getty Images

Í derby leikjum er alltaf sagt að form fari út um gluggann og það er engin ástæða til að afskrifa leikinn strax. Pep hefur vissulega unnið helming leikja sinna sem stjóri City móti United, en hey. ef þú heldur að 50% sé sama og 100% þá þarf ég að selja þér brú. Hvað um það, það er ekki eins og það sé mikið sjálfstraust í herbúðum United. Við höfum farið yfir þetta hér og í djöflavarpinu, meiðslin hafa sett gríðarlegt strik í reikninginn og það er eins og Ten Hag þori ekki alveg að spila það leikkerfi sem hann villog fari því í mikla vörn. Gegn FCK átti United samt góða spretti í seinni hálfleik og það er alveg öruggt að ef liðið gefur völlinn eftir móti City verður verkefnið mun erfiðara en ella.

Embed from Getty Images

Leikmenn eru smátt og smátt að koma til baka. Varane og Reguilon eru mættir. Wan-Bissaka er byrjaður að æfa og Kobbie Maioo byrjaði U-19 leikinn í Kaupmannahöfn á þriðjudaginn. Casemiro er spurningarmerkið, hann hefur æft frá á mánudag en Ten Hag sagði það kapphlaup um tímann hvort hann næði að spila. Með fullri virðingu þá er stór spurning hvort hann ætti að byrja þó hann væri í formi og með hann ekki 100% og miðað við frammistöður hans í haust þá er vonandi að hans verði ekki þörf í byrjunarliðinu á morgun.

Stillum þessu svona upp, sama lið og á móti FCK.

Upprisa Harry Maguire hefur verið á móti minni liðunum. Leikurinn á morgun getur verið leikurinn þar sem hann endanlega rekur af sér slyðruorðið. Það þarf ekkert að fara mörgum orðum um að því myndi allt gott fólk fagna. Það er nefnilega frábært þegar leikmenn Manchester United standa sig, það er skemmtilegra að tala vel um leikmenn en að bölva þeim.

Embed from Getty Images

Það er enn verið að reyna að bera saman Rasmus Højlund og Erling Haaland og það er alltaf jafn heimskulegt. Højlund á enn eftir að skora í deild en hefur sýnt það er bara tímaspursmál hvenær það gerist. Haaland skoraði 36 mörk í 35 leikjum í deild í fyrra og 9 í 9 í haust. Ef einhverjum finnst það benda til þess að Rasmus sé vonlaus og geti ekkert, þá þarf viðkomandi líklega að leita sér aðstoðar því slíkar ranghugmyndir geta verið afleiðing þunglyndis sem hægt er að vinna bót á.

Það er nefnilega þannig að viðbrögð sumra hefur verið alveg út úr kortinu. Já þetta er ekkert sérlega gott eða gaman, en United er ekki að fara að falla. Já það getur verið ef þetta heldur svona áfram að Ten Hag missi vinnuna, en flýtur meðan ekki sekkur. Og ég geri einfalda kröfu: Þau sem vilja reka Ten Hag eru vinsamlega beðin um að nefna arftakann. Eitthvað sem ónefnt íslenskt lið virðist hafa aðeins flaskað á að hugsa um.

Manchester City

Aðeins flóknara að spá um lið City en hér er einn möguleiki.

Talað er um að Jack Grealish eigi möguleika að byrja eftir að hafa komið vel inn í byrjunarliðið móti Young Boys á miðvikudaginn. Eins og United hefur City ekki enn gert jafntefli í deildinni, en tapað tveimur. Það er líklega ekki tilviljuna að það voru leikir móti Wolves og Arsenal sem Rodri missti af vegna banns. Hnn var svo kominn til baka í sigrinum gegn Brighton um síðustu helgi sem var öruggur þó Brighton hefði minnkað muninn á síðustu mínútu.

Manuel Akanji er í banni á morgun, John Stones er ekkert sérlega slæm varaskeifa fyrir hann. Annars er Kevin de Bruyne sá eini í herbúðum City sem er meiddur og Pep hefur úr nægu að velja. Fyrir utan alla þá þarna sem við þekkjum vel er rétt að benda á Jeremy Doku sem hefur staðið sig vel eftir að City keypti hann á 55 milljónir frá Rennes í sumar.

Líkt og í bikarúrslitaleiknum í vor verður Paul Tierney á flautunni og blæs til leiks klukkan 15.30 að íslenskum, og enskum tíma, enda breytist klukkan í Evrópu í nótt.