Rauðu djöflarnir

Enska úrvalsdeildin

Chelsea 1:0 Manchester United

skrifaði þann | 17 ummæli

Það er erfitt að vera eitthvað dapur yfir tapi Manchester United á Stamford Bridge í dag. United spilaði vel, alveg á pari við þá leiki sem liðið hefur spilað undanfarið. Van Gaal sagði meira að segja eftir leikinn að þetta hafi verið besti leikur United í vetur. Hvort það sé nú rétt eða ekki þá er Chelsea alveg spes í því hvernig þeir spila, þeirra leikur snýst alfarið um að vera þéttir fyrir [footnote]PARK THE BUS![/footnote] og nýta sér þau mistök sem mótherjinn gerir. Í dag gerði United tvö mistök, eitt af þeim skapaði mark Chelsea og í hinu tilfellinu endaði boltinn í þverslánni hjá okkar mönnum. Að öllu öðru leyti stjórnaði United öllu á vellinum án þess þó að finna markið sem vantaði svo sárlega.

Rennum aðeins yfir liðin í dag. United stillti upp svona:

1
De Gea
3
Shaw
33
McNair
12
Smalling
25
Valencia
31
Fellaini
10
Rooney
21
Herrera
18
Young
8
Mata
9
Falcao

Bekkur: Valdes, Blackett (80), Rafael, Di Maria (70), Januzaj (70), Pereira, van Persie

Enska úrvalsdeildin

Enn ein þolraunin – Chelsea á morgun

skrifaði þann | 19 ummæli

Chelsea - Manchester UnitedÞetta er búið að vera hreint ótrúlega gaman undanfarið! Sex sigurleikir í röð í deildinni, liðið verið meiðslalaust og farið að ná saman, leikaðferðin að smella, og meira að segja skemmtileg spilamennska.

En við vissum að þessi gríðarerfiða leikjahrina myndi enda á einum þeim erfiðasta. Síðustu 11 árin hefur United tvisvar unnið á Stamford Bridge. Í Meistaradeildinni vorið 2011 tryggði Wayne Rooney liðinu sigur með þessu marki

Lesefni

Djöfullegt lesefni: 2015:13

skrifaði þann | 4 ummæli

Rauðu Djöflarnir

United

Leikmenn

Ýmislegt

Leikmannaslúður

Mynd vikunnar

Mata-Oscar-717x520

Lag vikunnar

Gojira – „L’Enfant Sauvage“

Leikmenn Pistlar

Fyrirliðinn Wayne Rooney

skrifaði þann | 6 ummæli

Eins og margir vita þá er undirritaður ekki stærsti aðdáandi Wayne Rooney, á sínum tíma var ég í fremsta vagni á Rooney-lestinni en færðist svo hægt og rólega aftar og stökk hreinlega frá borði á sínum tíma. En sem stendur er Rooney svo sannarlega að vinna sig upp í áliti. Það er einfaldlega ekki hægt að skafa af því, þegar Wayne Rooney spilar sem fremsti maður hjá Manchester United þá gengur liðinu betur.

Meiðsli Robin Van Persie voru vægast sagt lán í ólani. Þau leiddu til þess að Rooney var færður upp á topp og tilraunin til að breyta honum í miðjumann er vonandi endanlega úr sögunni. Liðinu gengur einfaldlega mun betur með Rooney upp á topp heldur en ella, það virðist þó ekki sem hann sé að hafa þessi gífurlegu áhrif sem maður reiknar með að framherji Manchester United hafi. Leikurinn gegn Manchester City á sunnudaginn er gott dæmi um það en Rooney átti aðeins 35 snertingar í leiknum (hann átti samt sem áður stoðsendingu á Juan Mata í leiknum). Hann hefur aðeins einu sinni á ferlinum átt jafn fáar snertingar á boltann í leik.

Taktík

Neville og Carragher fara yfir spilamennsku United

skrifaði þann | 4 ummæli

Fyrir knattspyrnuáhugamenn er varla til betra sjónvarpsefni en Monday Night Football á Sky Sports þar sem Gary Neville og Jamie Carragher fara yfir leiki helgarinnar. Þeir eru ekkert að stressa sig á því að fjalla um alla leiki helgarinnar heldur velja þeir sér leiki sem þeir geta kafað ofan í og leikgreint almennilega. Í gær tóku þeir fyrir sigur United á City um helgina og einbeittu þeir sér að því að tala um United.

Gary Neville tók fyrir sóknarleik United og Carragher skoðaði varnarleikinn. Þetta er frábær greining hjá þeim félögum eins og alltaf og er algjört skylduáhorf fyrir United-menn. Ef það eru einhverjir sem eru ennþá að efast um Louis van Gaal ættu þær efasemdir að hverfa við þetta áhorf. Kaflinn um United hefst í kringum 11:30 mínútu:

Í gær talaði ég um hvað ég væri bjartsýnn á framhaldið undir stjórn Louis van Gaal miðað við frammistöður liðsins í stóru leikjunum á tímabilinu. Það er óhætt að segja að bjartsýnin hafi ekki minnkað við þetta áhorf.