Eru ekki allir búnir að hlusta á 7. þátt af Podkastinu okkar? Eða kíkja á lespakka vikunnar sem er ansi þéttur í þetta skiptið? Mæli með því áður en lestur hefst á þessari uppphitun fyrir Tottenham-leikinn á sunnudaginn.
Eins og margoft hefur komið fram er leikjadagskráin hjá United út tímabilið ansi strembin. Einhver tók sig til og reiknaði hvaða lið í deildinni ætti erfiðuðustu dagskránna út frá meðalstöðu andstæðinganna í þeim leikjum sem eftir eru:
Hér er lespakki vikunnar!
Mark Lanegan Band – „The Gravedigger’s Song“
Þáttur nr. 7 er kominn í loftið! Að þessu sinni voru Tryggvi Páll, Magnús, Runólfur og Sigurjón til tals. Við spjölluðum um gengi liðsins undanfarið, tapið gegn Arsenal, spáðum í spilin varðandi næstu leiki auk þess sem við ræddum um Juan Mata, Angel di Maria og Rafael. Þéttur þáttur að þessu sinni.
Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podcast-forrit:
Gerast áskrifandi í iTunes
Gerast áskrifandi í öðrum forritum
MP3 niðurhal: 7. þáttur
Þvílíkt klúður! Besti möguleiki liðsins í langan tíma að vinna FA-bikarinn en nei, við klúðrum því svona svakalega. Mikið rosalega getur maður verið pirraður og fúll út í þetta lið okkar stundum. En svona er þetta stundum. Arsenal er komið áfram og United situr eftir með sárt ennið.
Van Gaal ákvað að hafa liðsuppstillinguna nánast eins og á miðvikudag gegn Newcastle. Eini munurinn er að Luke Shaw kom inn í byrjunarliðið í stað Evans, sem gat að sjálfsögðu ekki spilað þar sem hann afplánar nú 6 leikja bann fyrir að nota munnvatnið á ódrengilegan máta.
Svona leit byrjunarliðið út hjá United:
Bekkur: Valdes, Rafael, Jones, Carrick, Januzaj, Mata, Falcao.
Þá er komið að því gott fólk. Á morgun hefst fjörið og með orðinu „fjörinu“ á ég við að United fer í gegnum erfiðasta leikjaprógramm tímabilsins þar sem það kemur í ljós hvort liðið fær að spila í meistaradeildinni á næsta tímabili og hvort Van Gaal nær að vinna sinn fyrsta titil (af vonandi mörgum). Allt þetta hefst með heimsókn Arsenal á Old Trafford í stórleik sjöttu umferðar FA bikarsins.
Svona lítur þetta annars út fyrir okkar menn næstu sjö vikurnar:
Það eru sjö lið eftir í FA bikarkeppninni, Aston Villa, Liverpool, Blackburn, Bradford City, Reading og svo United og Arsenal. Villa er komin áfram í næstu umferð en Bradford gegn Reading og Liverpool gegn Blackburn enduðu báðir með 0-0 jafntefli. Bradford/Reading leikurinn spilast 16. mars en það er ekki komið í ljós hvenær Liverpool/Blackburn spilast og verður fróðlegt að sjá hvernig það endar því Liverpool mætir Swansea 16.mars, United 22.mars og Arsenal 4.apríl og gæti leikur þarna inn á milli haft áhrif á þeirra baráttu um 3/4 sætið. Ef United nær að komast áfram í næstu umferð mun þetta leikjaprógram fyrir ofan breytast eitthvað þar sem umferðin verður spiluð á sama tíma og United á að mæta Chelsea á Stamford Bridge í apríl. En nóg um þetta leikjaprógramm og færum okkur yfir í leik morgundagsins.