Byrjunarlið United:
de Gea
Smalling Jones Blackett
Young Fletcher Herrera James
Mata
Chicharito Rooney
Á bekknum eru: Amos, M. Keane, Cleverley, Fellaini, Kagawa, Lingard, Januzaj
United spilar við Valencia núna klukkan 18.30. Við höfum þessa færslu hérna ef menn vilja ræða leikinn á meðan á honum stendur.
Á morgun fer general-prufan fyrir tímabilið fram. Louis van Gaal stýrir Manchester United í fyrsta sinn á Old Trafford. Andstæðingurinn er Valencia. Hingað til hefur undirbúningstímabilið gengið vonum framar, 5 leikir, 5 sigrar og 2 „bikarar“, 16 mörk skoruð og eina markið sem liðið hefur fengið á sig úr opnu spili var af 50 metra færi. Það hefur því verið blússandi gleði á mannskapnum enda allir að stefna að sama marki.
Kannski er sú gleði á enda. Daily Mail telur sig hafa verið með algjört skúbb þegar blaðið greindi frá því í gærkvöldi að Louis van Gaal hefði nýtt laugardaginn í það að setjast niður með þeim leikmönnum sem hann vill losna við frá félaginu. Listinn er eftirfarandi:
Shinji Kagawa fær að vera áfram og leikmenn eins og Michael Keane og Will Keane fara mögulega á láni. Flest af þessu meikar fullkomið sens. Nani, Anderson og Chicharito hafa verið sterklega orðaðir við brottför, Fellaini virðist ekki eiga að fá sénsinn hjá Van Gaal enda kannski ekki sú týpa af leikmanni sem hann vill nota. Wilfried Zaha virðis svo vera með hausinn skrúfaðan kolvitlaust á. Ágætis dæmi um það er þegar leikmennirnir sem ekki voru á HM voru að mæta fyrst til æfinga var þeim sagt að þeir mættu fá frí á föstudeginum, ef þeir vildu. Allir leikmennirnir skildu að þetta var ákveðið próf og auðvitað mættu þeir allir á föstudeginum til æfinga, nema Zaha sem var sá eini sem mætti ekki.
Það kemur þó á óvart að Rafael sé á þessum lista enda ekki eins og liðið syndi í hægri bakvörðum. Hann meiddist auðvitað snemma á undirbúningstímabilinu en ef þetta er satt, að hann fari er morgunljóst að félagið er í viðræðum við að kaupa einhvern sem getur leyst þessa kantarvarðarstöðu hægra megin. Það getur bara ekki verið að félagið sé að fara inn í tímabilið með Luke Shaw vinstra megin og Ashley Young og Antonio Valencia hægra megin. Það eru bara þrjár vikur eftir af þessum glugga og ljóst að nú þurfa menn að fara að spíta í lófana ef það á að fylla upp í þær stöður sem vantar.
Við þetta má bæta að Mats Hummels var gerður að fyrirliða Dortmund í gær, það þýðir væntanlega að hann sé ekki á förum eitt né neitt.
Hummels is the new @bvb captain, Reus vice-captain (via @Matthias_aus_do)
— Raphael Honigstein (@honigstein) August 10, 2014
Það er auðvitað stutt í fyrsta leikdag ensku úrvalsdeildarinnar og því svolítið skrýtið að setja þennan leik á svona nálægt fyrsta leikdegi, flest liðanna í úrvalsdeildinni luku sínum undirbúning nú um helgina. Í síðustu leikjum höfum við nokkurn veginn séð hvernig byrjunarliðið verður gegn Swansea á laugardaginn en vonandi fáum við að sjá Januzaj spreyta sig, en hann hefur verið að æfa stíft undanfarna daga eftir að hafa komið heim til Manchester eftir HM-frí sitt.
Valencia er auðvitað lið sem allir þekkja enda eitt af toppliðinum á Spáni, undanfarin ár hefur það verið um og við toppinn án þess þó að ná að velgja stóru fiskunum undir ugga. Síðustu ár hefur liðið verið í talsverðum vandræðum utan vallar vegna skuldamála og hefur liðið því þurft að losa sig við sína bestu menn, það er t.d. ekki langt síðan Valencia liðið var afskaplega spennandi með þá félaga David Villa, David Silva og Juan Mata innanborðs. Liðið átti ekkert sérstakt tímabil á síðasta tímabili og endaði í 8. sæti. Fjárhagsvandræðin gætu þó verið hluti af fortíðinni hjá liðinu enda keypti kaupahéðinn að nafninu Peter Lim félagið undir lok síðasta tímabils. Hann á fullt af pening og hefur það líklega að markmiði að byggja liðið upp þannig að nái sínum gömlu hæðum.
Lim þessi hefur þó ekkert verið sérstaklega í því að taka upp veskið fyrir komandi tímabil, liðið hefur keypt fjóra leikmenn og eytt samtals 15 milljónum evra í það, á móti hafa þeir selt tvo leikmenn og fengið um 20 milljónir evra fyrir það. Þeirra helstu spámenn eru miðjumaðurinn spræki Soufiane Feghouli sem leiddi lið Alsír á HM og svo argentínski miðjumaðurinn Ever Banega. Fletcher og Herrera munu því væntanlega fá ágætis prufukeyrslu fyrir mót þegar þeir mæta þessum tveimur fínu miðjumönnum.
Mér finnst líklegt að Van Gaal stilli upp liðinu svipað og hingað til með þá leikmenn í huga sem munu byrja gegn Swansea. Svo fljótlega munum við fá að sjá skiptingar svo að menn verði alveg eldferskir í hádeginu á laugardaginn.
Skýt á þetta byrjunarlið svo lengi sem allir séu heilir:
De Gea
Smalling Evans Jones
Young Fletcher Herrera Shaw
Mata
Rooney Welbeck
Leikurinn er í beinni á MUTV og hefst klukkan 18.30.
Tökum smá skurk í fréttum og slúðri varðandi United.
Í gær staðfesti Arsene Wenger að United væri eitt af þeim liðum sem hefði boðið í Thomas Vermaelen, í gærkvöldi komu svo fregnir af því að Barcelona hefði tryggt sér kaupin á honum vegna þess að Wenger vildi ekki selja til liðs í sömu deild. Gott fyrir Arsenal að Wenger virðist vera búinn að læra sína lexíu. Í dag kom þó staðfesting á því að Arsenal hefði viljað fá leikmann í skiptum frá United fyrir Vermaelen. Engin staðfest nöfn en menn telja að Wenger hafi annaðhvort viljað fá Smalling eða Jones. Auðvitað gat United ekki samþykkt það enda allur tilgangurinn með kaupunum á Vermaelen að auka breiddina í vörn United.
#mufc end interest on Vermaelen. Arsenal wanted swap deal. United didn’t.
— Stuart Mathieson (@StuMathiesonMEN) August 8, 2014
United þarf því að leita annarstaðar ef þeir ætla sér að styrkja vörnina. Hummels?
Vidal-sagan er farin að líkjast Fabregas- og Thiago-sögunum frá því í fyrra óþægilega mikið. Í vikunni bárust fregnir að því frá ítalska blaðinu La Stamp…nei andskotinn ég nenni þessu ekki.
If there’s one thing this transfer window has taught us, it’s the name of every single newspaper in Italy, the Netherlands and Chile. — Nooruddean (@BeardedGenius) August 8, 2014
Que sera, sera. Ef Vidal kemur þá kemur hann. Þetta mál er búið að fara svo fram og til baka í allt sumar að ég nenni varla að pæla í því lengur.
Annað slúður segir að United hafi sigrað Barcelona í keppninni um Cuadrado. Dani Alves er ekki á förum frá félaginu og því hafi félagið ekki efni á því að eltast við Cuadrado. Cuadrado er leikmaður sem myndi smellpassa inn í bæði leikkerfi Louis van Gaal og hann er svo fáranlega fjölhæfur að í samanburði lítur John O’ Shea út eins og Antonio Valencia að reyna að komast framhjá varnarmanni.
Svona leit síðasta tímabil út hjá honum hjá Fiorentina, það skiptir engu máli hvar hann spilar. Hann stendur sig vel. Á þessu tímabili myndi hann smellpassa í hægri kantvarðarstöðuna og þegar Louis van Gaal fer að færa sig yfir í sitt hefðbundna 4-3-3 er hægt að nota Cuadrado báðum megin í kantframherjastöðunum. Fergie, Fergie, sign him up!
Þetta er svona það helsta hvað varðar leikmannafréttir. Það er lítið að frétta af brottförum og þetta fer væntanlega að skýrast fljótlega. Louis van Gaal sagðist ætla að setjast niður með þeim leikmönnum sem hann vildi losna við. Leikmennirnir fengu stutt frí eftir leikinn gegn Liverpool og mæta til æfinga aftur í dag. Þeir sem verða sendir í burtu fá því væntanlega fljótlega kallið inn á skrifstofuna til Louis van Gaal.
United spilar svo sinn síðasta vináttuleik á þriðjudaginn gegn Valencia á Old Trafford.
Í öðrum fréttum er tvennt:
Í fyrsta lagi. U-21 liðið spilaði við Elite Development Squad Manchester City um hinn eftirsótta Manchester Senior Cup í gærkvöldi. Það er skemmst frá því að segja að James Wilson pakkaði saman þessum Elite City mönnum og skoraði öll mörkin í 4-1 sigri United. United lenti 1-0 undir og var í þónokkrum vandræðum mest allan fyrri hálfleik þangað til Wilson ákvað að klára leikinn upp á eigin spýtur. Hann sólaði 3-4 varnarmenn City og jafnaði leikinn rétt fyrir lok fyrri hálfleiks. Hann kláraði svo leikinn algjörlega í seinni hálfleik.
Mörkin má skoða hér: 1 – 2 – 3 – 4.
Congratulations to Warren Joyce's Reserves side for retaining the Manchester Senior Cup with a 4-1 win over City. pic.twitter.com/G92KYzhjGm
— Manchester United (@ManUtd) August 7, 2014
James Wilson er fáranlegt efni eins og við sáum í leiknum gegn Hull undir lok síðasta tímabils. Hann er með frekar sæmilega tölfræði:
quite a stat. #EnglandU19 striker James Wilson has 28 goals in his last 31 appearances (at all levels) for #MUFC.
— aidan (@englandyouth) August 7, 2014
Þeir sem fylgjast reglulega með yngri liðum United spara líka ekki stóru orðin þegar kemur að James Wilson:
I have been watching the youth team regularly for 25 years and saw many before that but Ive never seen a talent like this fella
— man united (@manutdreserves) August 7, 2014
Ive been writing about him for over 2 years and stressing how he is the best goalscorer, at his age, Ive seen at United
— man united (@manutdreserves) August 7, 2014
Engin pressa?
Louis van Gaal á svo afmæli í dag, hann er 63 ára í dag og óskar ritstjórn Rauðu djöflanna honum innilega til hamingju með afmælið. Megi þetta aldursár hans vera honum einstaklega gæfuríkt.
Opnum þessa umræðu og veltum fram einni spurningu: Raunhæft séð, hverjar eru væntingarnar fyrir tímabilið?
Orðið er frjálst.
Það er ALDREI leiðinlegt að sigra Liverpool hvort sem það er í u-14 leik, deildarleik, bikarleik eða leik á undirbúningstímabilinu. Verkefnið í nótt var úrslitaleikurinn í THE INTERNATIONAL CHALLENGE CUP, afar vel heppnuðu undirbúningsmóti fyrir tímabilið. Louis van Gaal stillti liðinu upp svona til að byrja með:
de Gea
Smalling Jones Evans
Valencia Fletcher Herrera Young
Mata
Rooney Chicharito
og Liverpool-liðið var svona:
Mignolet
Kelly Sakho Skrtel Johnson
Henderson Gerrard Allen
Coutinho Lambert Sterling
Þetta voru tvo bestu lið mótsins, sigurvegarar riðlanna sinna, bæði með tvo sigra og einn vítósigur. 8 stig. Það er eitthvað alrangt við það að mæta Liverpool í Bandaríkjunum á undirbúningstímabilinu á mánudegi á miðnætti. Markaðsmenn mótsins og ensku úrvalsdeildarinnar hafa þó líklega verið alveg slétt sama um það. Erkifjendur að mætast í úrslitaleik THE INTERNATIONAL CHAMPIONS CUP. Það gerist ekki einu sinni í Meistaradeildinni.
Það er hefð fyrir því að United-menn mæti óstyrkir til leiks gegn Liverpool, það skiptir einhvernveginn engu máli hvernig gengi liðsins er fyrir leiki gegn Liverpool, það fýkur allt út um gluggann þegar dómarinn flautar til leiks. Það var engin breyting á því. Fyrir utan eina laglega sókn í upphafi leiks þar sem leikmenn liðsins spiluðu boltanum frábærlega á milli sín upp allan völlinn sem endaði í dauðafæri fyrir Hernandez voru menn frekar slappir í fyrri hálfleik.
Liverpool-menn pressuðu okkar menn og það var ákveðinn hálfkæringur yfir öllum aðgerðum liðsins. Menn voru að gefa lélegar sendingar, að taka illa á móti boltanum. Darren Fletcher og öftustu þrír varnarmennirnir okkar voru oft svolítið út á túni í hálfleiknum og Liverpool gekk á lagið með nokkrum hröðum sóknum. Það var úr einni slíkri sem fyrsta mark leiksins leit dagsins ljós. Raheem Sterling, sprækasti leikmaður Liverpool átti góðan sprett inn í teiginn þar sem Phil Jones fór í klaufalega tæklingu gegn honum. Jones snerti vissulega boltann en fór duglega í Sterling og vítaspyrna dæmd. Gerrard steig á punktinn og skoraði af öryggi. 0-1.
Eftir markið settust Liverpool-menn aðeins aftar á völlinn og við héldum boltanum betur. Það gekk þó lítið að sækja á markið og aðalhættan kom frá fyrirgjöfum fyrir mark Liverpool enda áttu bakverðir þeirra frekar dapran dag. Miðverðirnir voru þó klárir í slaginn og skölluðu allt í burtu. Þetta var frekar Moyes-legt allt saman og ekki vænlegt til árangurs. Staðan var því 0-1 í hálfleik Liverpool í vil.
Það er ekki erfitt að ímynda sér að Louis van Gaal hafi grafið upp hárþurrkuna góðu í hálfleik. Liðið var að spila sinn langslakasta hálfleik á undirbúningstímabilinu. Hvað sem hann sagði í hálfleik svínvirkaði. Cleverley og Blackett komu inn á fyrir Fletcher og Evans. Leikur liðsins snarbatnaði í seinni hálfleik og okkar menn voru ekki lengi að því að jafna metin. Ander Herrera gerði afar vel í að standast pressu Liverpool-manna á miðjunni, kom boltanum á Chicharito, sem hafði annars hægt um sig í leiknum, hann átti þrusufyrirgjöf sem fór beint á Rooney sem sneiddi hann laglega framhjá Mignolet. Þrælfínt mark.
Eftir það stjórnuðu okkar menn leiknum og það var eiginlega einkennilegt að sjá muninn á Liverpool í seinni hálfleik, þeir voru mun slakari. Við gengum á lagið og komumst yfir fljótlega eftir mark Rooney. Luke Shaw kom boltanum á Mata sem átti bylmingsskot fyrir utan teiginn. Skotið hafði viðkomu í Sakho og fór þaðan í netið. 2-1 og allt í bullandi gangi.
Í kjölfar þessa marks stjórnuðu okkar menn leiknum að mestu og skoruðu ansi skrautlegt mark sem fékk þó ekki að standa. Ashley Young átti skot/fyrirgjöf langt utan af velli sem hafnaði í burðarvirki marksins og þaðan barst boltinn aftur inn á völlinn til Rooney sem potaði honum í markið. Upphaflega fékk markið að standa enda við fyrstu sýn leit það út fyrir að boltinn hefði farið í slánna. Dómarinn gat þó séð það á stórum skjá að boltinn fór ekki í slánna og dæmdi því markið af, réttilega.Louis van Gaal skipti svo Nani, Kagawa og Lingard inn á fyrir Mata, Chicharito og Herrera. Lingard fékk tækifæri á miðjunni aldrei þessu vant og stóð sig vel þar, hann náði meira að segja að tryggja sigurinn endanlega á lokamínútum leiksins þegar hann setti boltann inn með laglegu skoti eftir fyrirgjöf Ashley Young sem átt enn einn stjörnuleikinn og augljóst að hann er búinn að spila sig inn í hópinn hjá Louis van Gaal fyrir tímabilið.
United stendur því uppi sem sigurvegari The International Champions Cup 2014 og fékk fyrir vikið frekar laglegan bikar og 1 million dollars.
FT: United 3 Liverpool 1. #mufc are ICC champions after goals from Wayne Rooney, Juan Mata and Jesse Lingard. #mutour pic.twitter.com/RH50KUBYox
— Manchester United (@ManUtd) August 5, 2014
Manchester United: ICC champions! #mutour pic.twitter.com/y3t9ykOo36
— Manchester United (@ManUtd) August 5, 2014
Liðið spilaði 5 leiki í Bandaríkjunum, skoraði 16 mörk og fékk aðeins á sig fjögur mörk, þrjú úr vítum og hitt markið var af 50 metra færi. Það eru jákvæðir punktar. Louis van Gaal getur verið ánægður með stóran hluta hópsins og nokkuð ljóst að hann hefur fengið góða mynd af því hverjir verði áfram hjá félaginu og hverjir fari. Næsta skref framundan er tiltekt á hópnum þar sem við munum væntanlega sjá 3-4 leikmenn fara og vonandi náum við að bæta við 2-3 gæðaleikmönnum við hópinn.
Næsti leikur er svo gegn Valencia á Old Trafford þann 12. ágúst. Svo hefst ballið fyrir alvöru. Endum þetta á nokkrum myndur úr fagnaðarlátunum:
Á miðnætti í kvöld mætum við Liverpool í úrslitum Guinness bikars alþjóðlegu meistaranna. Eitthvað hefur einhverjum auglýsingameistaranum orðið hált á nafngiftinni, því hvorugt liðið er jú meistari. En það getur jú öllum skrikað fótur af og til.
Það er ekki mikið að segja um æfingaleikina hingað til sem hefur ekki þegar verið sagt. Liðið hefur verið að spila fantavel, allir eru í skapi til að leggja sig alla fram fyrir nýja stjórann og allt er í himnalagi (a.m.k. þangað til alvaran hefst).
Á æfingunni í nótt kláruðu Rooney, Shaw, Michael Keane, Young, Valencia, Jones, Evans, Fletcher, Herrera, Mata, Chicharito og Cleverley fyrr en aðrir og ég ætla því að leyfa mér að skjóta á byrjunarliðið:
De Gea
M Keane Jones Evans
Valencia Fletcher Herrera Young
Mata
Rooney Hernandez
Sem er líklega sterkasta lið sem hægt er að stilla upp úr hópnum. Smalling er ekki að æfa á fullu og Welbeck æfði ekki.
Á fréttamannafundinum eftir æfingu sagði Louis van Gaal að eftir að hópurinn kæmi aftur til Manchester væri tilbúinn að taka ákvörðun um hvaða leikmenn yrðu látnir fara. Hann myndi byrja á því að segja viðkomandi það, augliti til auglitis áður en það fréttamenn fái nokkuð um það að vita. Miðað við allt og allt er lílkegt að á þeim lista séu Anderson, Nani og Hernandez ef ekki fleiri. Van Gaal er búinn að senda þjálfarann Marcel Bout heim til Englands til að koma Fellaini, Januzaj og Van Persie í form en þeir tveir fyrrnefndu hafa verið að æfa í viku en Van Persie kemur í dag. Van Gaal þykir líklegt að Belgarnir verði í standi fyrir fyrsta leikinn gegn Swansea 16. ágúst, en mjög tæpt verður með hvort hann mun treysta Van Persie í þann leik.
Liverpool hafa auðvitað verið að spila í Bandaríkjunum eins og við, léku fyrst gegn Roma og töpuðu 1-0, en í Alþjóðlegameistarabikarnum hafa þeir unnið Olympiakos 1-0, Manchester City á vítum eftir 2-2 jafntefli og loks AC Milan 2-0.
Þeir hafa verið að sanka að sér mönnum í sumar, aðallega frá Southampton og liðið hefur verið að slípast saman. Helsti veikleiki þeirra í kvöld verður líklega sóknin enda báðir stjörnuframherjarnir eru frá, Suárez beit sig í að fara til Barcelona og Daniel Sturridge er meiddur. Það verður því líklega Ricky Lambert sem verður fremstur hjá þeim. Að öðru leyti verða þeir með mjög svo frambærilegt lið, Raheem Sterling sýndi vel síðasta vetur hvað hann getur og stuðningsmenn virðast nokkuð ánægðir með Jordon Ibe. Aðra ættum við að þekkja frá fyrri árum.
En þetta verður enginn venjulegur æfingaleikur í kvöld, það er ekki hægt þegar þessi lið mætast. Þetta verður harkan sex og ég efast ekki um að þau sem hafa sig í að vaka eftir leiknum, sem eins og fyrr segir byrjar á miðnætti, muni ekki sjá eftir því.