Rauðu djöflarnir

Enska úrvalsdeildin

Manchester United 4 : 0 Norwich City

skrifaði þann | 14 ummæli

Þessum leik var beðið með mikilli eftirvæntingu vægast sagt. Það er líklega enginn Manchester United maður jafn dáður og Ryan Giggs. Maðurinn er goðsögn og er lifandi dæmi um allt það sem Manchester United stendur fyrir. Á blaðamannafundinum í gær talaði hann mikið um að láta liðið leika meira eins og United á að gera. Hann var líka ekki lengi að sækja Paul Scholes í þjálfarateymið og það gladdi alla stuðningsmenn.

Giggs var ekkert að hafa þetta flókið í dag. Hann stillti upp í 4-4-2 og var vörnin skipuð af þeim Phil Jones, Nemanja Vidic, Rio Ferdinand og Patrice Evra. Það er ekki hægt að segja að þeir félagar hafi haft mikið að gera í leiknum og þegar eitthvað gerðist þá sjaldan sem það gerðist þá var David de Gea traustur að vanda. Miðjuspilinu var stjórnað af Michael Carrick sem hafði Tom Cleverley sér við hlið en Giggs ákvað að gefa honum sjensinn í dag. Michael Carrick var betri en hann hafði verið lengi en mikið vantar honum almennilegan valkost sér við hlið því Tom Cleverley er því miður nokkrum númerum of lítill. Hann hefur staðið í stað á meðan Danny Welbeck hefur vaxið mikið. Antonio Valencia var líklega að spila sinn besta leik í langan tíma og þá sérstaklega í seinni hálfleik. Shinji Kagawa lék vinstra megin en sótti reyndar mikið inná völlinn og átti fínan leik. Sóknin var skipuð þeim félögum Wayne Rooney og Danny ‚Dat Guy‘ Welbeck. Rooney var í fantaformi í dag og Welbeck líflegur og er með þann hraða sem er svo nauðsynlegur fyrir þetta lið.

Fyrri hálfleikurinn var ekki mikið fyrir augað verður að segjast en liðið hélt boltanum mjög vel en skapaði fá færi og sennilega verið einhver spenna í liðinu og það skiljanlega. Norwich átti engin færi né neinar marktilraunir í fyrri hálfleik þannig að de Gea fylgdist bara með leiknum eins og við aðdáendurnir. Það var svo loks á 41.mínútu að United fékk dæmda einu augljósustu vítaspyrnu sem pistlahöfundur hefur séð þegar Stephen Whittaker togaði Danny Welbeck niður þegar sá síðarnefndi var kominn í dauðafæri eftir að bolti frá Phil Jones lak í gegnum mannþvöguna í vítateig Norwich. Whittaker slapp á einhvern ótrúlega hátt við rautt spjald en hann var aftasti varnarmaður og rændi sóknarmann upplögðu marktækifæri. Wayne Rooney steig á punktinn og skoraði örugglega og var leikmönnum augljóslega létt. Staðan í hálfleik var Manchester United 1 Norwich City 0.

Það var greinilegt að Giggs hafði ekki verið alveg sáttur við spilamennsku sinna manna í fyrri hálfeik því liðið var miklu beittara í seinni hálfleik og það tók Wayne Rooney ekki langan tíma að auka forystuna í 2-0. Hann laglegt skot fyrir utan teig og rann í skotinu en það kom alls ekki að sök. Fyrsta skipting leiksins kom á 59.mínútu en þá kom Juan Mata inná fyrir Danny Welbeck. Það má segja að það hafi verið rétt ákvörðun hjá stjóranum því það tók Mata ekki langan tíma að skora eftir laglega fyrirgjöf frá Phil Jones. 10 mínútum síðar var Mata aftur búinn að skora en hann skallaði fyrirgjöf/skot frá Antonio Valencia í fjærhornið og staðan var því 4-0 og var leikurinn búinn. Javier Hernandez fékk frábært tækifæri einn á móti Ruddy í Norwich markinu en setti boltann framhjá á ótrúlegan hátt.

Ég veit að Norwich er langt frá því að vera nokkur mælikvarði á getu United en það var eitthvað við spilamennskuna í seinni hálfleik sem hefur ekki sést lengi á Old Trafford. Það var ákefðin  og ástríðan sem Giggs vildi sjá en líka leikgleði og hungur. Liðið var aldrei satt þrátt fyrir að vera 2,3 eða fjórum mörkum yfir. Það má vera að pressan sé farin af liðinu en ég held að það sé ekki eina ástæðan. Leikmennirnir vildu spila fyrir Giggs og vildu einnig spila fyrir hvern annan. Ég er kannski tilfinningasamur og má það vera en ég vil hreinlega að Giggs fái næsta tímabil til að sýna hvað hann getur. Alls ekki að sætta sig við van Gaal sem er 4. eða 5. val.

Að lokum menn leiksins:

Stjórinn

Er Louis van Gaal búinn að semja?

skrifaði þann | Engin ummæli

BmIKEW-IAAAVP3w

Frétt De Telegraaf í Hollandi í morgun er einföld: Louis van Gaal er búinn að samþykkja að verða næsti stjóri Manchester United. hann mun taka með sér þjálfarateymið frá hollenska landsliðinu og Patrick Kluivert verður aðstoðarþjálfari. Við vonum svo að staðfesta Van Gaal í að halda alltaf í a.m.k. einn þjálfara frá fyrra teymi þýði að Ryan Giggs verði áfram hjá United

De Telegraaf heldur því fram að Van Gaal fái yfir 80m punda til ráðstöfunar í nýja leikmenn og gera því skóna að Van Gaal muni mjög líta til Þýskalands til að spandera þeim.

Manchester United hefur gefið út yfirlýsingu þar sem segir að það sé ekkert að frétta, félagið hafi ekki skrifað undir samning við nýjan stjóra og ef eitthvað fréttnæmt gerist verði það tilkynnt.  Nákvæmt orðalag og sjálf fréttin ekki borin til baka, bara sagt að ekki sé búið að skrifa undir, enda heldur De Telegraaf því fram.

Samkvæmt þessu þyrfti algera fífldirfsku til að setja pening á einhvern annan sem stjóra, enda sé ég að William Hill a.m.k hefur tekið fyrir veðmál á næsta stjóra Manchester United. Þannig að núna er bara að bíða eftir *staðfest*. Við verðum auðvitað með þær fréttir um leið og þær berast.

Enska úrvalsdeildin

United tekur á móti Norwich í fyrsta leik Giggs sem stjóri

skrifaði þann | 9 ummæli

Í sínum fyrsta blaðamannafundi sem knattspyrnustjóri Manchester United byrjaði Ryan Giggs á því að þakka David Moyes fyrir að hafa gefið sér sitt fyrsta tækifæri í þjálfun og og minntist á hvað hann væri stoltur að stýra Manchester United í þeim leikjum sem eftir eru. Hann talaði einnig um það að snúa aftur til United-hugmyndafræðinnar þar sem leikið er af ástríðu og hugrekki og þar sem leikmenn njóta sín á vellinum. Honum er mikið í mun að gefa aðdáendum eitthvað til að brosa yfir í þessum 4 leikjum sem eftir eru. Giggs segir að hjá sér sé sama tilhlökkun og sem leikmaður til næsta leiks og leikmenn hafi staðið sig vel á æfingum og séu einnig spenntir fyrir leiknum á morgun.

Samkvæmt orðum Giggs þá vissi hann fyrst um að hann ætti að taka við á þriðjudaginn en ekki á sunnudaginn eftir leikinn gegn Everton eins og sumir fréttamiðlar héldu fram. Spurður hvort hann vildi starfið til langframa sagðist hann einungis vera að einblína á þessa 4 leiki sem eru eftir. Hann sló líka á létti strengi og sagðist hafa notað tækifærið til að gefa sér 5 ára samning á meðan hann getur. Hann kom aftur inná að hann vildi að liðið spilaði eftir sinni hugmyndafræði sem sé auðvitað bara Manchester United hugmyndafræðin, hann vill að menn spili af ástríðu, með hraða, háu tempói og eins og hann orðaði það „brave with imagination.“

Undir lokin talaði hann um að þetta tímabil hafi verið mikil vonbrigði fyrir alla og að liðið ynni saman og tapaði saman og í þessum 4 leikum vill hann fá jákvæðnina tilbaka. Þrír leikir á Old Trafford þar sem frammistaðan hefur ekki verið góð, hann vill sjá mörk, tæklingar, menn taka menn á og gefa áhorfendum eitthvað til að fagna. „I want the passion that should come with being a Manchester United player“. Að lokum var hann spurður hvort hann ætlaði að vera í æfingagalla eða jakkafötum, sagði hann að menn yrðu bara að bíða og sjá.

Í viðtali við MUTV sagði stjórinn að allir værir leikfærir nema Rafael og Robin van Persie. Ekki má gleyma að Norwich eru að berjast fyrir lífi sínu deildinni og eru einmitt með sinn eigin „interim“ stjóra og vilja eflaust ná úrslitum. Erfitt er að spá fyrir byrjunarliði undir nýjum stjóra eins og þegar Moyes tók við á sínum tíma. En ég ætla að fara eftir því sem Giggs sagði og gera ráð fyrir hraða á köntum og reyna að geta upp á líklegu byrjunarliði.

1
De Gea
3
Evra
15
Vidic
4
Jones
12
Smalling
16
Carrick
24
Fletcher
17
Nani
8
Mata
25
Valencia
10
Rooney
Pistlar Stjórinn

Brottrekstur David Moyes

skrifaði þann | 3 ummæli

Bless, bless, strákar!
Bless, bless, strákar!

Nú er rykið aðeins farið að falla til jarðar, en og helstu staðreyndir á bak við brottrekstur David Moyes að koma í ljós, þó að það bíði sjálfsævisagna komandi ára til að allt verði staðfest og rétt. Smá samantekt er því við hæfi.

Eftir tapið gegn Olympiakos í fyrri leiknum sagði ég „Ei meir, Dave“ og stökk á #MoyesOut vagninn. Nú er ljóst að það sama gerðu Glazerar. Eftir þann leik lögðu eigendurnir blessun sína yfir að reka mætti Moyes. Það var bara eitt smáatriði: Hann var með sex ára samning.og fimm ára starfslokagreiðsla er ekkert smá. En þar var ljós við enda ganganna: Það var „break-clause“, eins og það heitir á góðri bankamannaíslensku, í samningnum. Tækist United ekki að komast í Meistaradeildina. Moyes var því á dauðadeild tvo mánuði, á meðan eigendur og stjórn biðu, og vonuðu væntanlega líka, að hann klúðraði tímabilinu endanlega.

Um leið og það var frágengið, með Everton tapinu þá var allt ljóst og þá byrjum að greina frá aðeins óljósari atburðum. Red Issue stendur fast við það að Ryan Giggs hafi vitað strax á sunnudagskvöldið að hann yrði nýr bráðabirgðastjóri United og að það hafi Woodward sjálfur sem lak í mánudagshádeginu að Moyes yrði rekinn.

Manchester United hefur gefið út yfirlýsingu um að félagið líti ekki svo á að uppsögnin hafi verið gerð á óviðeigandi hátt. eftir að Félag framkvæmdastjóra gagnrýndi United formlega fyrir slíkt. Í yfirlýsingu Félags framkvæmdastjóra er auðvitað sérstaklega vitnað til þessara frétta sem settu allt á hliðina á mánudag.  Þá birtu, svo til á sömu sekúndunni, allir helstu blaðamenn og fréttastofur fréttina „Moyes verður rekinn“. Síðan þá hafa menn verið að skjóta aðeins, aðallega þannig að blaðamenn hafa verið að hrósa þessum blaðamennum fyrir næmt fréttanef og góða blaðamennsku, í því samhengi að þetta séu sko engir bloggarar heldur menn að vinna vinnuna sína.

United staðhæfir þó að ákvörðun um brottrekstur hafi ekki verið tekin fyrr en á mánudagskvöld. Eitthvað hefur verið talað um pappírsvinnu í þessu sambandi, þeas að það hafi þurfti fundi og eitthvað fleira til að hægt væri að segja að ákvörðun hafi verið tekin (og þá fyrst mætti lögformlega segja Moyes frá) en lekinn virðist samt svo skelfilega viljandi. Það er ekki möguleiki að þarna hafi Rio Ferdinand verið að leka einhverju sem hann hleraði óvart á göngunum, sá sem lak hlýtur að hafa verið einhver af toppunum, og hver sem ástæðan er þá er þetta ekki sæmandi Manchester United. Meira að segja Sir Alex er sammála og í The Times í morgun er vitnað í hann að honum þyki umgjörð brottrekstrarins slæm.

Ég persónulega tek því fullkomlega undir að United hafi staðið verulega illa að brottrekstrinum. Slúðrið sem gekk á mánudeginum um að þetta hafi verið sett í gang til að fá Moyes til að segja upp til að þurfa ekki að borga upp samninginn virðist þó ekki rétt fyrst það var ekki nema ár sem þurfti að greiða. Hvað um það, þetta var svolítið skítlegt.

Aðeins að öðru. Eftir að Moyes er nú farinn eru sögurnar um stjóratíð hans og endalaus mistök að koma í röðum. Engum þarf að koma á óvart að Renè Meulensteen fannst Moyes vonlaus frá fyrsta fundi þeirra og öll plön Moyes vita gagnslaus. Einnig þau plön hans að taka með Everton mennina í stað þjálfaranna sem fyrir voru. Svo eru fréttirnar um óánægju leikmanna og hvernig þeir fengu að leika lausum hala. Aginn sem Sir Alex hafði haldið upp var horfinn og eins og skólakrakkar sem fá lélegan kennara varð allt viltlaust. Gott dæmi eru lekarnir um liðsuppstillinguna: Þar var ekki Rio á ferð heldur einhver ónefndur ungur leikmaður sem var að leka liðsuppstillingu í Mirror. Ekkert var gert til að siða þann til og ólíkt Sir Alex sem bannaði farsíma í búningsklefanum fyrir leik eftir svipað tilfelli fyrir nokkrum árum, þá gerði Moyes ekkert frekar í þessu.

Eins í leiknum herfilega gegn Olympiakos lenti Moyes saman við fjórða dómarann og heyrðist þá rödd af bekknum „Rekt’ann bara útaf, við verðum betri án hans“. Ef rétt er að það hafi verið Tom Cleverley þá hefur hann svo sem ekki leikið mikið meira á leiktíðinni, nema í smáleikjunum gegn Liverpool og City. Ha?

Þannig að nú vita menn hvað gerist þegar hópur af fótboltastrákum sem eru vanir heraga fá að leika lausum hala undir stjórn manns sem skilar ekki þeim árangri sem gæti fengið þá til að virða hann. Lokaniðurstaðan úr þessu er sú að eigendurnir hafa lofað að vandræðagemsarnir fá að fjúka í sumar. Gerum þá ráð fyrir að Rooney sé ekki vandræðagemsi…

 

Lesefni Slúður Stjórinn

Stjóralausir djöflar lesa

skrifaði þann | 7 ummæli

Nú streyma inn á alnetið greinar um hitt og þetta tengt stjóraleitinni hjá United. Við tókum saman þær helstu:

Traustvekjandi fréttir frá Manchester Evening News. Þó að þjálfarar eins og Klopp og Guardiola hafi sagt að þeir ætli að vera áfram hjá sínum félögum ætli stjórn United ekki að gefast upp á þeim þrátt fyrir það. Jafnframt mun Sir Alex Ferguson taka virkan þátt í því að finna næsta stjóra Manchester United ásamt því að Glazerarnir virðast vera að fara að mæta á svæðið til þess að taka þátt í stjóraleitinni. Er ekki hægt að gera einhvern raunveruleikaþátt úr þessu?

Írski blaðamaðurinn Miguel Delaney veltir fyrir sér 10 spurningum sem stjórn United þarf að spyrja þá knattspyrnustjóra sem hún hyggst ræða við.

Gabriel Marcotti er á því að United þurfi að ráða til starfa Director of Football. Ekki svo galin hugmynd, sérstaklega ef ráðinn verður stjóri sem kemur ekki frá Bretlandseyjum eins og allt lítur út fyrir. Það er ekki jafn sterk hefð fyrir því fyrir utan Bretland að knattspyrnustjórar sjái um leikmannakaup, Sir Alex Ferguson style. Réttur maður sem Director of Football myndi líklega létta starf nýs knattspyrnustjóra til muna.

Samkvæmt fregnum virðist Louis van Gaal vera einn af líklegustu kandídötunum. Írskir miðlar segja frá því að hann vilji fá Roy Keane til liðs við sig sem aðstoðarþjálfari. Það er eiginlega of fyndin tilhugsun og ég hugsa að ef leikmennirnir sjái þessa frétt verði viðbrögðin eitthvað á þessa leið:

gifstache.com_1226_1344481207-2

Þó það væri auðvitað algjör draumur að Ryan Giggs gæti tekið við liðinu til frambúðar er það auðvitað ekki að fara að gerast. Ryan Giggs var þó ekki lengi að taka sína fyrstu ákvörðun sem knattspyrnustjóri Manchester United. Paul Scholes er kominn í þjálfaraliðið! Class of 92′ is in session! Það er afskaplega mikilvægt að meðlimir Class of 92′, gullkynslóðar þessa félags fái hlutverk hjá nýjum stjóra, þeir eru verndarar félagsins.

Giggs var líka ekkert að skafa af því fyrst þegar hann hitti leikmennina eftir að hafa verið skipaður tímabundinn knattspyrnustjóri United:

We will go back to playing like Manchester United.

Spurningin bara hvort hann meinar eins og United áður en Ronaldo fór eða eins og Sir Alex spilaði stundum síðustu árin!

Við hér á síðunni birtum yfirferð yfir helstu kandídata í starfið í gær. Hér eru nokkrar greinar um þá félaga Klopp, Simeone og Louis van Gaal:

vangaalkickLouis van Gaal: Almennt um kappann og svo grein um hvernig fótbolta hann vill að liðin sín spili

Jürgen Klopp: Klopp á það til að reiðast, hér eru 7 reiðustu augnablikin hans og viðtal við kappann þar sem hann útskýrir hugsunina á bak við Dortmund-liðið hans

Diego Simeone: Andy Mitten útskýrir hvernig Diego Simeone hefur náð árangri með Atletico Madrid.

Það er er rétt að enda þetta á fréttum af leikmannakaupum. Eitt af því jákvæða sem stjóratíð David Moyes hafði í för með sér er að allt njósnakerfi United var nútímavædd og fært úr kollunum á Sir Alex Ferguson og yfirnjósnaranum og gert aðgengilegra fyrir þá sem þurfa að nýta sér þetta kerfi. Það er ljóst að frá því í janúar unnu Moyes, þjálfarar, njósnarar og stjórn félagsins hörðum höndum að því að finna og skoða leikmenn fyrir komandi félagsskiptaglugga. Það er möguleiki að nýr stjóri taki ekki til starfa fyrr en eftir HM og því er frábært að búið sé að vinna þessa grunnvinnu.

Árangurinn af þessu virðist vera að koma í ljós því að í gær bárust fregnir um að United telur sig vera búið að tryggja sér hinn 18 ára gamla Luke Shaw, vinstri bakvörð Southampton og einn efnilegasta bakvörðinn í boltanum í dag. Það er ljóst að óháð því hvaða stjóri tekur við að sá maður ætti alltaf að geta nýtt sér þennan leikmann. Önnur skotmörk eru jafnframt að koma í myndina, Edinson Cavani og Cesc Fabregas virðast vera á radarnum fyrir sumarið.

Sjáum hvað setur.