Rauðu djöflarnir

Enska úrvalsdeildin

Cardiff 2:2 Manchester United

skrifaði þann | 23 ummæli

Liðið gegn Cardiff var svona, nær eins og ég spáði í gær.:

De Gea

Smalling Evans Ferdinand Evra

Valencia Cleverley Fellaini Januzaj

Rooney

Chicharito

Varamenn: Anderson, Giggs, Nani, Young, Welbeck, Büttner, Lindegaard

Leikurinn var átta mínútna gamall þegar Rooney fékk gult eftir átta mínútur fyrir pirringsbrot úti á kanti, sparkaði í mótherja sem hafði unnið af honum boltann og hefði að mínu mati átt að vera rautt. Mjög lélegt hjá Rooney en eins gott að hann var inn á því hann skoraði fyrsta markið. Valencia komst inn í sendingu, gaf inn á Hernandez sem framlengdi snyrtilega. Rooney þurfti að taka hringsnúning til að hrista af sér varnarmann og skotið fór síðan af varnarmanni og inn. Cardiff hafði byrjað aðeins betur en eftir brotið hjá Rooney tók United öll völd þangað til markið kom.

Cardiff var ekkert að gefa eftir þó og náðu að jafna á 33. mínútu. Stungusending kom upp og Frazier Campbell stakk Evans af og skoraði. Gamli United maðurinn Campbell sem var með klúbbnum frá 10 ára aldri var ekkert sérlega að fagna þessu ágæta marki. Vörnin opnaðist illa og Evans var sofandi.

Eftir þetta var eitt lið á vellinum. Miðja United var algerlega ósýnileg og Cardiff fór sínu fram eins og þeir vildu. United náði þó að skella í eina sókn undir lok hálfleiksins og horn Rooney endaði á enninu á Evra og þrumuskalli hans endaði í netinu. Verulega móti gangi leiksins og frábærlega tímasett.

United menn komu eitthvað ferskari úr hléinu, áttu nokkrar góðar sóknir, sérstaklega voru það hornin sem voru hættuleg. Campbell var hins vegar nálægt því að jafna þegar skot hans sveif yfir De Gea, virtist stefna inn en small í stönginni.

Leikurinn varð síðan verulega daufur, Cardiff voru síður en svo slakara liðið og United náði ekki tökum á leiknum og innkoma Danny Welbeck (fyrir Januzaj) og Giggs (fyrir Hernandez) breytti ekki miklu þar um. Welbeck fékk tvö hálffæri, missti boltann of langt frá sér til markmanns í annað skiptið og þurfti að teygja sig of langt í seinna skiptið og skaut yfir. Fellaini hafði verið skárri en Cleverley og bætti nokkuð í þegar Giggs kom inná til að vera fremri miðjumaðurinn.

En þetta var aldrei annað en óöruggt og á 90. mínútu fengu Cardiff aukaspyrnu úti á kanti útaf klaufalega broti Smalling. Inni í teig var mikið japl jaml og fuður, Medel sló Fellaini í andlitið og svo þegar aukaspyrnan kom fyrir sló einn leikmaður Cardiff í boltann. En dómarinn hafði víst ekki flautað og kallaði Fellaini og Medel til sín, til þess eins að veita þeim tiltal. Eftir allt þetta var aukaspyrnan endurtekin nú var það Patrice Evra sem svaf og Kim Bo-kyung sem svaf ekki og skoraði með skalla. Það er líklega þannig að þó Medel hefði fengið rautt hefði aukaspyrnan verið endurtekin… en þá með færri Cardiffi mönnum. Ekki dagur dómarans.

Það hefur oft verið merki United að skora í uppbótartíma og nú var eins og þeir vöknuðu… en árangurslaust.

Mínútu eftir markið fékk Rooney sending aleinn inn á teig og ætlaði að vera alltof flottur og gefa til baka á Welbeck en sendingin laus og léleg og markvörðurinn hirti hana. Smalling hefði svo getað skorað líka en hann skaut framhjá í þvögu inn í teig eftir aukaspyrnu Giggs. Þessar tilraunir voru til einskis og sanngjarnt jafntefli raunin.

Þessi leikur endurspeglar að mörgu leyti tímabilið. United skoraði tvö mörk með harðfylgi, náði engan veginn tökum á leiknum og var refsað. Lykilatriðið í þessu hlýtur að vera að miðjan hjá United er gagnslaus. Við höfum lengi vitað að þetta samsafn miðjumanna hjá okkur er ekki það besta. Cleverley virðist ekki ætla að taka skrefin upp sem alveg hefði mátt gera ráð fyrir miðað við frammistöðu hans fyrir tveim árum. Fellaini lætur enn bíða eftir sér (og eins og ég sagði í upphituninni í gær, verður ekkert sparkað á næstunni), Giggs er of gamall fyrir aðalhlutverk og Anderson er Anderson. Næstu tveir deildarleikir verða gegn Tottenham sem verða grimmir eftir skelfilega útreið gegn City í dag og svo Everton. Miðað við leikinn í dag gætu þeir reynst erfiðir.

En fyrst er það Leverkusen á miðvikudag

Enska úrvalsdeildin

Ferð til Cardiff á morgun

skrifaði þann | 3 ummæli

Cardiff - Manchester UnitedÞessi leiktíð hefur verið erfið fyrir mörg stórliðin. City er búið að tapa fjórum leikjum nú þegar, oftast gegn minni spámönnum, nú síðast botnliði Sunderland. Chelsea hefur ekki verið sannfærandi, en hins vegar hafa Arsenal og Liverpool verið á skriði. Það var því vel þegið að vera á Old Trafford fyrir tveim vikum og sjá United stöðva Arsenal. Það hefði vissulega verið annað upplit á mönnum ef sá leikur hefði tapast.

Manchester United fer í annað skiptið á leiktíðinni til Wales á morgun, í þetta skiptið til Cardiff. Þetta er í fyrsta skipti sem United fer tvisvar út fyrir England í deildarkeppninni, enda í fyrsta skipti sem þessi lið eru bæði í efstu deild, og í fornum neðri deildarævintýrum United kom þetta aldrei fyrir. Síðast lék United í Cardiff fyrir tæpum fjörutíu árum, einmitt þegar United var síðast í annarri deild og unnu þá 1-0 með marki Gerry Daly.

Nú er kominn nýr eigandi, Malasinn Vincent Tan sem virðist sameina alla verstu eiginleika ríkra eiganda. Hann er búinn að breyta búningi Cardiff úr bláum í rauðan, því það á að seljast betur í Malasíu, bláfuglinn, merki félagsins í 100 ár er orðinn örlítill í merkinu undir drekanum, merki Wales af því að það er agressífara og allt bendir til að Tam vilji breyta nafninu í Cardiff Dragons. Þrátt fyrir óánægju stuðningsmanna virðast samt flestir láta sig hafa þetta því það eru peningarnir sem tala. Cardiff er enda komið í efstu deild í fyrsta skipti í yfir fjörutíu ár.

Það verður ekki sagt að Cardiff sé vaðandi í topp leikmönnum, en Aron okkar Gunnarsson hefur verið að gera góða hluti hjá þeim. Craig Bellamy er að njóta síðustu áranna á ferlinum og skilar sínu og svo er þarna Peter Odemwingie. Síðast en ekki síst er fyrrverandi United unglingurinn Frazier Campbell hjá þeim og er meðal markahæstu manna, einn af fjórum skorað hafa 2 mörk. Cardiff hefur staðið sig þolanlega í vetur þó þeir séu fyrir neðan miðju, og bestu úrslit þeirra voru einmitt sigur á Manchester City á heimavelli

Meiri meiðslavandræði en oft í vetur eru að hrjá United. Phil Jones meiddist á föstudaginn í leik Englands og Chile, Danny Welbeck er áfram frá en Nemanja Vidic ætti að vera tilbúinn í slaginn eftir góða hvíld eftir heilahristinginn gegn Arsenal. Rafael og Robin van Persie ættu sömuleiðis að vera orðnir góðir á morgun.

Anderson-instagramEn það eru meiðsli Michael Carrick sem setja stærst strik í reikninginn. Nú er tækifæri fyrir Marouane Fellaini og Anderson að sýna hvað þeir geta. Anderson hefur mikið verið orðaður við brottför enda virðist sem flestir búnir að gefast upp á honum, stuðningsmenn sem aðrir. Hann gæti þó fengið sinn síðasta séns og vill nýta hann, póstaði á Instagram í gær eins og sést hér að ofan.

Fellaini hefur enn ekki sýnt neitt sem bendir til þess að hann sé 27,5m virði. Hann er þó ekki á leiðinni neitt og ekki ástæða til að afskrifa hann. Sögur eru af því að hann sé helst til hlédrægur á æfingum og þjálfarar séu að reyna að draga hann út úr skelinni. Ef satt er þá er vonandi að þarna sé að finna skýringuna hvers vegna hann hefur ekki stimplað sig inn hjá klúbbnum enn, og vonandi að þetta standi til bóta.

Liðið á morgun:

De Gea

Smalling Evans Ferdinand Evra

Valencia Fellaini Cleverley Januzaj

Rooney Van Persie

Nú er leikur gegn Bayer Leverkusen á miðvikudaginn og gætu því verið einhverjar tilfæringar, finnst þá líklegast að Hernandez komi inn í sóknina og að Nani, sem stóð sig vel með Portúgal í umspilinu gegn Svíum fái tækifæri. Smalling verður áfram í bakverðinum enda virðist Moyes líka vel við hann.

Þetta er leikur sem verður, á og mun vinnast. Þegar þetta er skrifað eiga Arsenal og Southampton og Everton og Liverpool eftir að eigast við og hagstæð úrslit í þeim leikjum geta þjappað töflunni enn meira saman. Ef við eigum að óska eftir eðallaugardegi gætum jafnvel West Ham gert Chelsea skráveifu. Þegar flautað verður til leiks á morgun gæti United jafnvel verið í þeirri stöðu að sigur myndi koma þeim í annað sætið á stigum ef ekki markatölu. Það kemur allt í ljós. næstu tveir leikir á eftir eru gegn Tottenham og Everton en að þeim loknum taka við fimm deildarleikir í röð sem „eiga að vinnast“.

Það verður því spennandi að sjá stöðuna um áramótin og United ætti vonandi að vera í góðri stöðu þá.. Deildin vinnst samt hvorki í október né um áramót, það er nóg eftir af tímabilinu.

Við endum þetta á pilti sem fæddist í Cardiff fyrir 39 árum og 359 dögum síðan. Ryan Giggs var í viðtali við Daily Telegraph í dag í grein sem er full af gullkornum um þjálfun og aðstæður þá og nú. Giggs rifjar meðal annars upp þegar hann var í svipuðum sporum og Adnan Januzaj er í dag:


“This Sheffield United right-back was kicking me in one game, giving me a few verbals and it affected me a little bit. I said to Robbo: ‘That right-back’s just said he’s going to break my legs.’ Robbo said: ‘Did he? You come and play centre-midfield. I’m going to play left wing for 10 minutes.’ We swapped positions. Robbo soon came back: ‘Aye, you’re all right now, go back over’. Problem solved!

Leikmaður mánaðarins Opin umræða

Wayne Rooney er leikmaður októbermánaðar (Opin umræða)

skrifaði þann | Engin ummæli

waynerooneycelebsecondvlever20130917_576x324

Við áttum alltaf eftir að tilkynna úrslitin í kosningunni á leikmanni októbermánaðar. Úrslitin eru eins tæp og þau geta orðið en Wayne Rooney stóp uppi sem sigurvegari með aðeins einu atkvæði meira en ungstirnið Adnan Januzaj. Rooney var einnig leikmaður septembermánaðar og stefnir hraðbyri á að vera leikmaður nóvembermánaðar enda búinn að vera besti leikmaðurinn í liðinu í nóvember. Til hamingju með þennan stóra titil, Wayne!

[poll id=“10″]

Í öðrum fréttum er það helst að Michael Carrick verður frá vegna meiðsla næstu 4-6 vikurnar. Færa má rök fyrir því að hann sé sá leikmaður sem liðið má minnst við því að missa. Hann er eini miðjumaðurinn í liðinu sem hefur sýnt einhvern stöðugleika og spilar nánast undantekningalaust vel. Nú þurfa hinir miðjumennirnir aldeilis að taka á honum stóra sínum. Já, Fellaini, við erum að horfa á þig.

Það eru þó ekki bara slæmar fréttir varðandi Carrick því að hann mun líklegast skrifa undir nýjan tveggja ára samning á næstunni en núverandi samningur hans rennur út í sumar.

Góðvinur okkar Rene Meulensteen hefur svo tekið sæti í þjálfarateymi Martin Jol hjá Fulham. Það hefur þrálátur orðrómur í gangi í þónokkurn tíma um að Meulensteen ætti að taka við af Jol þegar sá síðarnefndi yrði látinn fara enda Fulham í algjöru bulli í deildinni á þessu tímabili. Sjáum til hvort að Rene geti ekki snúið við þessari þróun hjá Fulham sem spilar eins og illi tvíburi Stoke um þessar mundir.

DSC_2016350.ashx

Eins og allir Íslendingar vita eru svo framundan landsleikir um helgina og eftir hana. Það er hellingur af leikmönnum United í landsliðsverkefnum en þeir Robin van Persie, Michael Carrick og Danny Welbeck hafa þó dregið sig úr sínum landsliðshópum vegna meiðsla.

Annars er þetta opin umræða, orðið er því laust!

Enska úrvalsdeildin

Manchester United 1:0 Arsenal

skrifaði þann | 21 ummæli

Van Persie fagnar marki United gegn Arsenal
Að uppnefna mig gefur mér meiri ástæðu til að skora gegn ykkur! Þrjú mörk í þremur leikjum gegn Arsenal. Húa!

Fljótt skipast veður í lofti eins og sagt er. Eftir að sjá City, Tottenham og Chelsea tapa stigum um helgina varð stórleikur helgarinnar fimmfalt meira spennandi. Með sigri myndi United ná að minnka stigaforskot allra toppliðanna, fyrir utan Liverpool, um þrjú stig.

Fyrir leikinn dag sátu United í áttunda sæti með sautján stig eftir tíu umferðir: átta stigum á eftir Arsenal; þremur stigum á eftir Chelsea, Liverpool og Tottenham; tveimur á eftir City. Eftir elleftu umferð ensku deildarinnar er United hinsvegar komið upp í fimmta sæti: fimm á eftir Arsenal, þremur á eftir Liverpool, tveimur á eftir Southampton (WTH?) og einu á eftir Chelsea (eftir að þeir náðu að krækja í stig með flottri dýfu Ramirez á 95′ mínútu).

Fyrir tímabilið hefði ég alveg verið sáttur við þessa stöðu eftir 11 umferðir og með þetta leikjaprófram. United er núna búið að mæta Chelsea, Liverpool, City og Arsenal í þessum fyrstu ellefu leikjum og er í fínni stöðu. Þetta er United liðið sem blaðamenn og fótboltaáhugamenn hafa í sífellu talað að sé svo ömurlegt og að Moyes væri svo hræðilegur. Að ná þessum árangri gerir mig afskaplega kátan og gefur mér ástæðu fyrir meiri bjartsýni á Moyes. Hann er að læra á starfið.

Arsenal var á góðu róli áður en þeir tókust á við United í dag. Níu deildarleikir í röð án þess að tapa og í þokkabót sigruðu þeir Liverpool um síðustu helgi og Dortmund í meistaradeildinni í vikunni sem jók sjálfstraust þeirra umtalsvert. En svo löbbuðu þeir inn á völlinn á Old Trafford.

Moyes ákvað að stilla liðinu svona upp í dag:

De Gea

Smalling Vidic Evan, Evra

Valencia Jones Carrick Kagawa

Rooney Van Persie

Jones fékk það hlutverk að trufla allt á miðjunni, Carrick kom aftur í liðið eftir meiðsli og Moyes gaf Kagawa tækifæri á vinstri kantinum.

Wenger mætti á völlinn og átti enn og aftur erfitt með nota rennilásinn á úlpunni sinni (Önnur dæmi: nr.1, nr.2, nr.3, nr.4… og já, mér finnst þetta fyndið!). Stuttu fyrir leik kom í ljós að Mertesacker og Rosicki myndu ekki spila vegna veikinda og stillti Wenger því liðinu upp á þennan máta:

Szczesny

Sagna Vermaelen Koscielny Gibbs

Cazorla Arteta Flamini Ramsey Ozil

Giroud

Leikurinn var nokkuð rólegur fyrstu tuttugu og fimm mínútrnar. United var þó mun betra, hélt boltanum vel og náði að trufla leikmenn Arsenal þannig að þeir gerðu feilsendingar trekk í trekk. Á sama tíma voru stuðningsmenn Arsenal duglegir að syngja um átta stiga forskotið sem þeir höfðu á United og að kalla Van Persie ýmsum ljótum nöfnum. Það var því vel við hæfi þegar United fékk horn á 27′ mín, sem Rooney skilaði vel af sér inn í vítateiginn, að herra Robin Van Persie væri mættur til að taka á móti boltanum og koma honum svona laglega inn fyrir marklínu Arsenal (GIF1, GIF2). Það var svo ánægjulegt að sjá kappann hætta þessu „ekki fagna“ rugli og horfa á hann svara stuðningsmönnum Arsenal með þessu fína fína fagni.

Á 41′ mín tekur United annað horn. Þegar boltinn ratar inn í teig verður árekstur á milli Szczesny og Jones með þeim afleiðingum að Szczesny liggur eftir vankaður í teignum. Jones fékk gult spjald sem ég á afskaplega erfitt með að skilja þar sem þeir báðir voru með augun á boltanum að reyna ná honum. Svo rétt fyrir lok fyrri háfleiks verður svo annar árekstur er De Gea og Vidic rekast saman inn í vítateig United og eftir liggur Vidic í teignum. Eftir leikinn sagði Moyes að Vidic hefði þurft að fara á sjúkrahús til að meta meiðslin.

Í seinni hálfleik kom Cleverley inn fyrir Vidic sem þýddi það að Jones þurfti að færa sig af miðjunni yfir í vörnina. Arsenal náði að halda boltanum mun betur í seinni hálfleik og sækja meira en náðu samt lítið að skapa sér dauðafæri. Vörn United var hreint útsagt frábær í dag og kom í veg fyrir allt sem Arsenal hafði upp á að bjóða. Rooney hefði svo geta komið United í 2-0 á 60′ mín en hann skaut framhjá í algjöru dauðafæri.

Við skulum hafa það á hreinu að þetta var stórkostleg frammistaða hjá United í dag. Moyes lagði áherslu á að gera Giroud og Özil algjörlega óvirka í leiknum (Sem útskýrir einkunnir þeirra hjá Goal.com). Vörnin var stórkostleg og get ég ómögulega valið einhvern einn leikmann umfram aðra í dag. Hrós dagsins fá Wayne Rooney, Phil Jones og vörn United. Frábær sigur í dag sem galopnar titilbaráttuna.

Nú er ég ekki hrifinn af því að nöldra yfir dómurum leikja en það verður nú að segja nokkur orð um Michael Oliver og teymið hans í dag. Teymið var með hræðilega frammistöðu í dag og langar mig að nefna þrjú stórkostleg mistök sem hefðu geta kostað United sigurinn:

  1. United fær ekki dæmda vítaspyrnu þegar Olivier Giroud brýtur á Rooney inn í vítateig Arsenal.
  2. Gula spjaldið á Jones. Báðir með augun á boltanum og ekkert annað en óhapp.
  3. Að gefa Arsenal hornspyrnu þegar De Gea greip boltann inn í teig. Boltinn aldrei yfir endalínuna og úr þessu horni skapaði Arsenal sér dauðafæri sem hefði auðveldlega getað endað með marki.

Nú er United komið í landsleikjafrí og fer athygli lesenda án efa á íslenska liðið sem mætir Króatíu næsta föstudag. Næsti leikur united verður gegn Cardiff á útivelli sunnudaginn 24. nóvember.

Einn í ritstjórnarteymi rauðu djöflanna var á Old Trafford í dag og vonandi fáum við ferðasögu frá kappanum á næstu dögum. (hint hint Bjössi ;)

Enska úrvalsdeildin

Arsenal heimsækir Old Trafford

skrifaði þann | 13 ummæli

Manchester-United-Arsenal

Á morgun kl 16:10 mætir Arsenal á Old Trafford með það hugarfar að sigra núverandi meistara, krækja þremur stigum og ná ellefu stiga forskoti á United. United sigur myndi hinsvegar minnka muninn niður í fimm stig og jafna stigafjölda Chelsea, Liverpool og Tottenham fyrir þessa umferð.

Leikurinn er semsagt gullið tækifæri til að minnka muninn á efsta liðið í deildinni og endurvekja smá traust á liðið sem án efa hefur verið í nokkurri lægð undanfarnar vikur.

Fyrir neðan er upphitunin fyrir stórleikinn en fyrst byrjum við á pistli spaka mannsins.

Pistill spaka mannsins

Kæru lesendur, ritstjórar og stuðningsmenn. Pistill dagsins er áframhald á fyrri pistli mínum þar sem ég velti fyrir mér neikvæðninni sem er í gangi þessa dagana. Ég gæti skrifað tugi pistla í viðbót um þetta umræðuefni en ég ætla að reyna ljúka þessu í dag, nema eitthvað stórkostlegt gerist á næstunni sem fær mig til að breyta um skoðun.

Í pistli dagsins langar mig að velta fyrir mér (og vonandi þið líka) hvort ánægjan yfir því að horfa á fótbolta, þá sérstaklega United, hafi minnkað eða horfið á síðustu árum? Byrjun á byrjuninni. Svarið þessari spurningu fyrir mig: hvað er það sem þið kunnið mest að meta við Manchester United og fótbolta almennt? Er það að sjá liðið sigra leiki á síðustu stundu? Er það að sjá liðið ala upp og koma með unga snillinga inn í byrjunarliðið? Er það að sjá leikmennina sýna snilli sína á vellinum (mikið er þetta fallegt!)? Er það að sjá liðið kaupa dýrustu leikmennina? Eða er það bara að horfa á liðið lyfta bikar?

Auðvitað eru margir hlutir þarna vel tengdir en mér hefur fundist frekar augljóst að fólk virðist hafa glatað ánægjunni að horfa á liðið spila. Það er vitað að liðið gæti hafa náð betri úrslitum þessa fyrstu tíu deildarleiki en kommon. Við hverju bjuggust þið í byrjun tímabilsins? Það er glænýr stjóri að taka við erfiðustu stjórastöðu í boði hjá stærsta fótboltaliði heims og með nýtt teymi. Það tekur tíma að stimpla sig inn og hefur mér fundist liðið hægt og rólega vera mjakast í rétta átt. Ég veit að liðið er ekki að nærri að spila jafn flottan bolta og það gerði tímabilið 2007-2008 en það tekur einnig tíma. Moyes mun kaupa leikmenn (nema Woodward nái að klúðra því) og þá munum við betur sjá hversu góður stjóri Moyes reynist fyrir United.

Ef ég ætti að velja einn hlut umfram aðra þá væri það að sjá United ala upp, móta og treysta ungum hæfilegaríkum leikmönnum sem verða að mikilvægum leikmönnum fyrir liðið. Að sjá Ferguson skipta út meirihluta aðalliðsins fyrir 92′ hópinn. Að sjá ungan bólóttan strák frá Portúgal verða að einum besta leikmanni heims var æðislegt! Að sjá United vera tilbúið að kaupa ungan dreng frá Everton sem er á hraðleið að verða markahæsti leikmaður United frá upphafi. Að sjá Evans, Rafael, Smalling og Jones hægt og rólega verða föstu byrjunarliðsmenn liðsins og svo framvegis. Þetta er það sem ég elska mest af öllu. (Þið getið rétt svo ímyndað ykkur hversu spenntur ég er að sjá „The class of 92“ heimildarmyndina um Giggs, Scholes, Beckham, Butt og Neville bræðurna sem verður gefin út í næsta mánuði.)

Oft hefur verið talað um stuðningsmenn United að þeir séu ‘spoiled’, þ.e.a.s. við kunnum ekki gott að meta því við vinnum alltaf. Miðað við neikvæðnina sem virðist vera taka yfir á spjallborðum, facebook, twitter, etc þá er ég að verða hræddur um að það sé satt. Fólk virðist vera hætt að njóta fótboltans og horfa á Manchester United spila.

Um daginn beit ég í vörina þegar góður félagi minn spurði (og ýjaði að svo væri) hvort Fellaini væru verstu kaup ársins. Svo sagði hann síðar að hann væri kominn með nóg af leikmanninum. Tökum það fram að þetta er sagt þegar Fellini var búinn að vera hjá liðinu í ca. 48 daga þar sem tvö landsleikjabreik höfðu átt sér stað þannig að við getum gefið okkur ca. 30 daga sem hann hafði verið í kringum sítt nýja umhverfi og liðsfélaga. Að mínu mati er þetta sturlað viðhorf sem maður sér allt of oft. Það er engin þolinmæði. Viljum allt strax, annars skal skipta því út og spandera kreisí peningum í stóru nöfnin. Man einhver eftir því hvernig Vidic og Evra (tveir af okkar mikilvægustu leikmönnum síðustu ára) byrjuðu sinn feril hjá United? Ef ekki, endilega gúgglið og lítið á það (Hint: Það var ekki fallegt).

Það er fátt sem fer meira í mínar fínustu en þegar „stuðningsmenn“ Manchester United ákveða að nýta reiði sína eftir slappa frammistöðu í að hrauna hressilega yfir leikmenn liðsins. Nú skulið þið ekki misskilja mig, ég styð hundrað prósent gagnrýni á frammistöður leikmanna, það munu ávallt vera leikmenn sem ná ekki United klassa og aðrir sem því ná en að horfa upp á leiðinlegt drull á leikmenn liðsins er eitthvað sem gerir mig einfaldlega reiðan. Og það þarf helvíti mikið til að gera mig reiðan. Að sjá fólk skrifa hluti eins og að vera búið að fá nóg af leikmanni eftir að hafa verið hjá liðinu í 50 daga er sturlun. Að sjá fólk skrifa það að þetta sé lang versta United lið 20 ára ásamt fleira drulli er sturlun. Að sjá „stuðningsmenn“ kalla leikmenn liðsins „mannapa“ í hástöfum lætur mig fá magakrampa. Hvurslags stuðningur er það eiginlega? Hvurslags gagnrýni er það? Ég skal segja ykkur það, það er engin gagnrýni, það einfaldlega gagnslaust drull! Hvaða skemmtun fær slíkt fólk út úr því að horfa á United spila?

Að sjá fólk skrifa „Burt með þetta Everton pakk“ fær mig hinsvegar til að brosa. Er Fellaini gagnslaus af því hann var keyptur frá Everton? Á United einungis að kaupa menn frá Real, Barca og Bayern? Losa okkur við Rooney, Fellaini, Moyes, Neville og co? Ég meina De Gea kom frá einhverju miðlungsliði á spáni, Vidic frá einhverju Rússadrasli, Carrick frá Spurs, Ferdinand frá Leeds. Burt með þetta lið! Ég vil að United selji þetta rusl og kaupi Messi, Ronaldo, Neuer, Benzema, Ribery, Xavi, Fabregas, Ramos, Muller, Götze o.s.frv. Skítt með það að United hafi alltaf verið þekkt fyrir að skapa flotta leikmenn. Piff! Ég vil vera eins og Real sem eyðir yfir hundrað milljónum punda í Gareth Bale. Það væri sko draumurinn!

Aðeins lengri pistill en ég ætlaði mér í byrjun en hann er alls ekki ætlaður til að hljóma eins og ég sé eitthvað fullkomnari en aðrir. Tilgangurinn er að vekja fólk aðeins. Lærum að meta það sem gott er, lærum að temja okkur smá þolinmæði og hættum að einblína alltaf á það sem er að (sem gerist furðulega oft þrátt fyrir sigra). Nú legg ég til að allir horfi á þetta vídeó og segið mér svo hvort þið séuð ekki spenntir að horfa á liðið spila á morgun!

Kv, Spaki maðurinn

Upphitunin

Arsenal er án efa eitt af spútnikliðum deildarinnar það sem af er af þessu tímabili. Eru efstir í deildinni með fimm stiga forskot á liðin í 2-4 sæti. Í „form-guide“ töflu deildarinnar yfir síðustu sex leiki, hafa þeir staðið sig best af öllum með fimm sigra, eitt jafntefli og sextán stig. Að sama skapi er United í áttunda sæti með þrjá sigra, eitt jafntefli og tvö töp.

Það verður ekki sagt annað en að Arsenal hafi átt kaup sumarsins er þeir keyptu, fyrir rúmar 40 milljónir punda, leikmanninn sem Rooney heimtaði að Ferguson fengi til United, herra Mezut Özil frá Real Madrid (Hvað voru Real eiginlega að hugsa?). Hann hefur verið eins og góð vítamínsprauta fyrir liðið og mæta þeir á Old Trafford eftir góðan útisigur á Dortmund í meistaradeildinni. Annar leikmaður sem hefur verið að brillera fyrir þá er Aaron Ramsey sem valdi Arsenal fram yfir United á sínum tíma. Drengurinn er kominn með ellefu mörk fyrir liðið á þessu tímabili og er án efa ein helsta ástæðan af hverju Arsenal hefur byrjað þetta tímabil svona vel.

Það er samt eitt sem er gott að hafa í huga þegar menn horfa á gott gengi Arsenal. Eftir leikinn á morgun er United búið að mæta Chelsea (h), Man City(a), Liverpool(a) og Arsenal(h) í fyrstu ellefu leikjum deildarinnar. Að sama skapi verður Arsenal einungis búið að mæta tveimur af þeim, Liverpool og United. Það eru mjög líkleg sex stig (fyrir utan leikinn á morgun) sem geta tapast hjá Arsenal. Við það má svo bæta að United er ósigrað í síðustu átta leikjum í öllum keppnum. Það er heilmikið eftir af þessu tímabili.

Í meiðsladeildinni vonast Moyes til að fá Carrick, Evans og Rafael aftur í liðið á morgun. Hjá Arsenal er ólíklegt að Wilshere muni spila en Wenger var bjartsýnn að Walcott og Flamini yrðu tilbúnir á morgun.

Hér er liðið sem ég vil sjá spila á morgun:

united-arsenal-byrjunarlid-10nov

Ég neita að taka þátt í Fellaini óánægjunni sem er svo vinsæl þessa dagana. Mér fannst hann spila vel fyrir okkur í síðasta leik og var rauða spjaldið afskaplega ströng ákvörðun að mínu mati. Það kæmi mér samt ekki á óvart ef Moyes myndi henda Jones þangað inn í stað Fellaini. Að sama skapi á maður erfitt að ímynda sér hvern af Januzaj, Kagawa og Nani hann vill hafa á vinstri kantinum. Allt saman góðir valmöguleikar en mér finnst Januzaj hafa unnið sér inn byrjunarliðssætið fyrir þennan leik. Að bomba inn Nani/Kagawa og Chicharito síðustu 30 mín í seinni hálfleik væri algjör martröð fyrir varnarmenn Arsenal.

Vonandi nær liðið að spila eins og það best getur og að RVP og Rooney nái að negla einhverjum mörkum inn fyrir okkur. Það gengur ekki að maður sé skíthræddur við að spila gegn Arsenal á heimavelli!

Staðreyndir

  • Tuttugu og þrisvar sinnum hefur Wenger hefur heimsótt United á Old Trafford. Hann hefur aðeins fjórum sinnum náð að yfirgefa völlinn með þrjú stig í bakpokanum.
  • Í síðustu 20 útileikjum Arsenal hafa 12 leikir endað með 2 eða færri mörk skoruð.
  • Í síðustu 20 heimaleikjum hefur United hefur unnið 15, gert 2 jafntefli og tapað 3
  • Í síðustu 20 heimaleikjum hefur United 8 sinnum haldið hreinu
  • Í síðustu 20 heimaleikjum hefur United skorað í 18 þeirra
  • Í síðustu 20 útileikjum hefur Arsenal unnið 12, gert 4 jafntefli og tapað 4
  • Í síðustu 20 útileikjum hefur Arsenal 8 sinnum haldið hreinu
  • Í síðustu 20 útileikjum hefur Arsenal skorað í 18 þeirra

Tilvitnanir

David Moyes um Arsenal


„I said at the start that Arsenal have got the same chance as the rest of us to win the league. It’s an open Premier League. They’ve had a really good start but it will only be decided at end of the season who will win it. We’ll wait and see until then. Arsenal are coming to play the champions. They’re in the top position at the moment, their form has been very good and they’ll come here in good spirits. But we’ve had some growing momentum and we want to put on a good show.“

Gary Pallister um tímabilið


„Listen, everybody was wanting the team to get off to this kind of start,. They have been looking for a bit of fallibility in United for a long time. The manager left after 26 years, there’s a new man at the helm and everything is being scrutinised and dissected. The amount of points dropped has been disappointing but we knew it was always going to be a tough start with Liverpool and Manchester City away and Chelsea at home. So it was always going to be difficult to get any momentum as you can always lose those games.

Losing to West Brom wasn’t on the cards, though, and drawing with Southampton wasn’t in the script either, even if I think they are a very good team. It took a bit of steam out of the team but I’ve said many times that I think we’ve got the right man for the job. Once he gets his feet right under the table and understands more about his team – and they understand more about Moyes’ methods and his coaching staff – I think this team will only get better.“

Wayne Rooney um Arsenal


„We’re obviously capable of beating Arsenal, we’ve done it many times in the past,“ Wayne told Press Association and ManUtd.com. „They’re on a good run of form at the moment and are top of the league, so we know it’s going to be a difficult game. But we have to go into that game confident, believing we can edge closer to them and bring us back into the mix of being at the top of the league.

We’ll wait and see where they are in March. We’ve seen before that they’ve been in the top two until February or March and then faded away, so it’s down to them to try and stay there. They’re doing brilliantly at the minute and it’s up to us to catch them. There have only been 10 games gone so there’s no big worry at the moment. We’re starting to do well. If we can get the victory on Sunday then we’re in a great position. We had a whole new set-up and different ideas from the manager. It’s up to us to try and implement those ideas as best we can. It was a bit of a change but we’re starting to show the things that the manager wants. Eight matches unbeaten is a good run. We’re confident at the minute, we’re getting more clean sheets and we’re playing with a freedom, if you like. We’re just looking forward to every game now.“

Chris Smalling um Arsenal


„We are going into the game with a lot of confidence. We drew with Real Sociedad in the week but we had a lot of chances to win the game and I think we have gained a lot of confidence from our run of late. We are playing at Old Trafford and really looking forward to it. I don’t think there are any must-win games at this stage but it is still obviously a massive game. We are at home and we have to be the favourites to win. We have to take the game to them and show that we are the team that wants to win and close the gap.“

Phil Jones um Arsenal


„I have been surprised, I think everyone has, I don’t think we expected it at the start of the season but they have done really well and hopefully we will be able to break them down. They will be filled with confidence after a great win in Dortmund during the week, but this is a different game with a completely different atmosphere. Hopefully Old Trafford will be rocking on Sunday and we will be able to get the three points.“