Rauðu djöflarnir

Meistaradeild Evrópu

Manchester United tekur á móti Real Sociedad

skrifaði þann | 6 ummæli

utd-sociedadEftir vægast sagt svekkjandi frammistöðu og úrslit gegn Southampton á heimavelli um síðustu helgi er komið að öðrum heimaleik. Að þessu sinni mætum við Real Sociedad sem hafa ekki verið alltof sannfærandi í sinni deild og sitja nú í 12.sæti La Liga.

Danny Welbeck, Tom Cleverley, Nemanja Vidic og Rio Ferdinand eru tæpir vegna meiðsla en búist er við að einhverjir að þeim muni þó koma við sögu annað kvöld.

Nokkrar staðreyndir

Manchester United hafa aldrei mætt Real Sociedad í mótsleik

Real Sociedad eru án stiga í A-riðli eftir töp gegn Shakhtar og Leverkusen.

Manchester United hafa tapað síðustu 2 leikjum gegn spænskum liðum, 3-2 gegn Bilbao 11/12 og 2-1 gegn Real Madrid í alræmdum leik.

Reyndar hafa United einungis unnið 1 af síðustu 6 leikjum á heimavelli gegn spænskum liðum. Sá sigur var 1-0 sigur gegn Barcelona 2008 í undanúrslitum.

Samanlögð tölfræði yfir leiki gegn spænskum gestum er U:8 J:9 T:4

Wayne Rooney er markahæstur Breta í meistaradeildinni eftir að komast yfir Ryan Giggs í fyrstu umferðinni í ár. Robin van Persie hefur skorað 10 ár í röð í meistaradeildinni.

Mögulegt byrjunarlið

utd vs sociedad

Enska úrvalsdeildin

Manchester United 1:1 Southampton

skrifaði þann | 34 ummæli

Manchester United - Southampton

Úfff…. hvað getur maður sagt? Döpur frammistaða og döpur niðurstaða. Þetta var alveg afskaplega slakur leikur hjá okkar mönnum í dag. Jafntefli niðurstaðan í dag sem þýðir að United er í áttunda sæti, átta stigum á eftir Arsenal sem situr í toppsætinu með nítján stig. Og ef Aston Villa vinnur næsta leik þá dettum við aftur niður í níunda sæti.

Byrjunarliðið hjá okkar mönnum leit svona út í dag;

De Gea

Rafael Jones Evans Evra

Nani Carrick Fellaini Januzaj

Rooney, van Persie

Varamenn: Lindegaard, Giggs, Smalling, Hernandez, Welbeck, Kagawa, Zaha.

Mark United skoraði Robin Van Persie á 26′ mínútu eftir frábæra sendingu frá Januzaj til Rooney sem lætur verja frá sér, RVP nær frákastinum kemur sér í skotfæri og skorar. Jöfnunarmarkið kom svo á 89′ mín eftir hornspyrnu, Ward-Prowse kemur boltanum inn í teig og Dejan Lovren nær að pota boltanum inn í markið.

Það verður ekki sagt annað en að Southampton séu með hrikalega vinnusamt lið og þeir halda áfram að reynast okkar mönnum erfiðir. Það sem mér þykir verst við þessi úrslit er sú staðreynd þetta voru sanngjörn úrslit, Southampton áttu stigið algjörlega skilið.

Það sem andstæðingar United virðast hafa gert er að finna einhverja bók, sem ég ímynda mér að líti einhvernveginn svona út: EvilDeadBook

og í henni stendur greinilega skýrum stöfum að besta leiðin til þess að láta United lenda í erfiðleikum er einfaldlega að pressa, pressa, pressa! Þessa dagana eru leikmennirnir ekki að ná að höndla þessa pressu og gera sig seka um mistök sem oft á tíðum gefa andstæðingum stórhættuleg marktækifæri.Southampton voru síst slakara liðið á vellinum, voru 54% tímans með boltann og áttu átján skot á mark á móti tólf hjá United.

Ég verð að játa að ég er ósáttur við Moyes í dag. Að United skuli vera reyna verja 1-0 forskot á heimavelli gegn Southampton er eitthvað sem ég bjóst aldrei við að sjá. Að sjá Smalling koma inn fyrir Rooney á 87′ mín var stórfurðulegt. Æ eins og ég segi, þetta var dapurt. Til að bæta salti í sárin þá hefði United átt auðveldlega að ná 2-0 forskoti þegar Welbeck fékk flotta sendingu og hefði geta gefið á Rooney í dauðafæri en ákvað að klappa boltanum einu sinni of mikið og klúðraði því.

Bottomlæn, leikmennirnir og Moyes þurfa að fara vakna upp úr þessum djúpsvefni og fara spila eins og United er þekkt fyrir!

Ætla samt að enda þessa leikskýrslu á góðu nótunum. Herra Adnan Januzaj. Í morgun fengum við þær fregnir að hann hafi skrifað undir nýjan fimm ára samning við United og heldur hann upp á það með því að vera langbesti leikmaður United í þessum leik. Sendingin á Rooney sem skapaði mark United var yndisleg og var hann sífellt ógnandi fyrir okkar menn. Ef áfram heldur sem á horfir þá verður þessi leikmaður sérstakur fyrir liðið og ég mun njóta þess að horfa á hann blómstra.

Enska úrvalsdeildin

Southampton kíkir í heimsókn

skrifaði þann | 4 ummæli

Manchester United - Southampton

Á morgun kl 14:00 tekur United á móti Southampton á Old Trafford í leik sem Mike Jones dæmir. Verður nú ekki sagt annað en að Southampton menn hafi átt alveg frábæra byrjun á þessu tímabili. Fyrir þessa umferð eru þeir staddir í fjórða sæti með fjórtán stig, tveimur stigum frá toppsætinu, í sjö leikjum eftir að hafa unnið fjóra, gert tvö jafntefli og tapað gegn Norwich.

Eins og svo oft áður, þegar ég skrifa þessar upphitanir, þá mætir spaki maðurinn á svæðið og heimtar að fá að vera með. Hann fékk neitun í síðustu upphitun en núna mætti hann með Stroh í kakó handa mér og byrjaði að sannfæra mig um gefa sér nokkrar málsgreinar í þessum upphitunun. Þar sem ég er mikill áfengis- og kakóunnandi þá veitti ég honum þessa ósk sína. Hér kemur það, verði ykkur að góðu.

Pistill spaka mannsins

Kæru lesendur, ritstjórar og stuðningsmenn, Hvað er málið með alla þessa neikvæðni? Það er spurningin sem ég vil velta fyrir mér í mínum fyrsta pistli og langar mig að veita öllum smá „wake up call“ eins og maður skrifar á enskunni. Rétt áður en tímabilið hófst las ég greinina þar sem spekingar þessarar síðu spáðu í þetta tímabil og man ég sérstaklega hversu sammála ég var félaga mínum hérna þegar hann ræddi ótta sinn varðandi allar bull fréttirnar og umræðurnar sem fylgja því að liðið hiksti í einhverjum leikjum með nýja stjórann. Því fyrr sem fólk sættir sig við það, að liðið muni lenda í einhverjum erfiðleikum á þessu tímabili, því betra.

Ég er enginn engill. Var nett brjálaður eftir fyrri hálfleikinn í síðasta deildarleik en blessunarlega mætti herra Januzaj á svæðið og bjargaði deginum fyrir okkar. Þótti mér afskaplega gaman að fá fyrirspurnir frá félögum mínum, sem styðja helstu mótherja United, síðar um kvöldið „Hver í fjáranum er þessi Januzaj eiginlega?“. En þrátt fyrir að vera brjálaður yfir frammistöðu hér og þar þá geri ég mér fulla grein fyrir því væntingum þessa tímabils. Herra Moyes var einfaldlega að taka við stærstu stjórastöðu fótboltans og hann þarf meira en eitt tímabil til að eigna & móta liðið eftir sínu höfði. Er það eitthvað óeðlilegt? Þið eruð eflaust að velta núna fyrir ykkur, „Af hverju er hann að röfla yfir þessu? Döhhh….við vitum þetta alveg“. Staðreyndin er einfaldlega sú að það vita þetta ekkert allir. Ef eitthvað er að marka umræður á Twitter og Facebook þá er ansi stór hópur manna og kvenna sem hefur nákvæmlega enga þolinmæði og sættir sig við lítið annað en 6-0 sigur í hverjum leik.

Ég er gæji sem höndla ekki dönsku þættina Klovn, sum atriðin einfaldlega gefa mér allt of mikinn kjánahroll þannig að ég oftast snöggur að flýja inn í herbergi til að halda geðheilsunni. Svipaða tilfinningu fæ ég þegar helstu samskiptamiðlar eru skoðaðir og fólk skrifar í fullustu alvöru „Moyes out“. Ég er ekki að grínast, fólk er í alvörunni að skrifa þetta án þess að vera spauga. Þar sem tíma mínum er betur eytt í eitthvað annað en að rökræða við einhverja kjána út í bæ þá, sleppi ég að ræða við þetta fólk en mig langaði að skoða í þessum pistli, hvað er svona hræðilegt í gangi hjá United að fólk telur United betur sett með að henda Moyes út (úr sínum sex ára samningi) og fara í þá bilun að leita að öðrum stjóra í október eftir sjö deildarleiki? *kjánahrollur*

Sjáum nú til, svona lítur þetta út: Það er búið að spila sjö deildarleiki. United er í níunda sæti með 10 stig og liðið í efsta sæti er með 16 stig. Heil sex stig skilur á milli United og efsta sætisins. Sex stig, það eru tveir sigurleikir gott fólk og þrjátíu og einn leikir eru enn óspilaðir! Í þessum sjö leikjum er United búið að mæta Liverpool á útivelli, City á útivelli og Chelsea á heimavelli. Semsagt 42% af fyrstu sjö leikjum United eru í topp 21% af erfiðustu leikjum United á hverju tímabili eða með öðrum orðum, United er búið með þrjá af átta erfiðustu leikjum deildarinnar eftir einungis sjö leiki! Þar að auki deilir United með Shakhtar Donetsk efsta sætið meistaradeildariðlinum og er enn í FA og Capital One bikarkeppnunum. Skelfilegt, ekki satt? Hvaða lið myndi ekki reka þjálfara sinn eftir svona frammistöðu?

Mín orð til ykkar eru einfaldlega, andið aðeins með nefinu, njótið fótboltans og sjáum svo til. Spörum gífuryrðin þar til þeirra er þörf. Moyes er ekki búinn að vinna fyrir þeim, ekki enn að minnsta kosti. Ég veit að frammistaða liðsins gegn City var skammarlega léleg en látum ekki eins og það hafi aldrei gerst þegar besti stjóri allra tíma var við stjórnvölinn.

Upphitunin

Southampton eru í fínu formi þessa dagana, þrír sigrar í röð gegn Liverpool, Crystal Palace og Swansea. Það eru ekki góðar fréttir því nógu erfiðir voru þeir fyrir okkar menn á síðasta tímabili.

Í fyrri leik liðanna á síðasta tímabili lenti United tvisvar sinnum undir en bjargvættur dagsins var herra Van Persie sem skoraði þrennur en brenndi af einu víti. Eins og Bjössi lýsti þessu:


Það þarf ekkert að fara fögrum orðum um þetta. Þetta var hreinn og klár þjófnaður framkvæmdur af stórfenglegum striker.

Svo í seinni leik liðanna sem var spilaður á Old Trafford þá náði United að sigra með tveimur mörkum gegn einu þar sem Carrick gerði sig sekan um skelfileg mistök í byrjun leiks sem gáfu Southampton mönnum mark og Rooney skoraði bæði mörk okkar manna. Ferguson játaði eftir leikinn að United hefðu verið heppnir að næla í öll þrjú stigin þann daginn:


In the second half, Southampton have been the best team to play here this season,we were fortunate to win the game. They pushed on top of us and didn’t give us any time on the ball.

United eru í fínum málum eftir þetta landsleikjahlé. Engin meiðsli hafa verið tilkynnt, Van Persie, Rooney og Nani duglegir við markaskorun og Persie varð markahæsti leikmaður Hollenska landsliðsin og allir voða kátir á æfingu. Smakvæmt Physioroom eru þeir Cleverley, Rafael, Ferdinand og (surprise surprise) Fletcher meiddir en góðar líkur eru á að Rafael og Ferdinand nái leiknum á morgun.

Hér er liðið sem ég vil sjá spila á morgun:

UnitedSouthamptonByrjunarlid

Staðreyndir

  • Í síðustu 19 viðureignum þessara liða á Old Trafford hefur Southampton aðeins unnið einu sinni. Það gerðist árið 1988 þegar þeir unnu United með tveimur mörkum gegn engu
  • United hefur ekki tapað tveimur heimaleikjum í röð síðan 2002
  • Southampton hefur ekki unnið tvo heimaleiki í röð síðan 2001
  • Það eru komnar 7 klukkustundir og 52 mínútur síðan Southampton hefur fengið á sig mark
  • Í síðustu 20 heimaleikjum hefur United hefur unnið 15, gert 1 jafntefli og tapað 4
  • Í síðustu 20 heimaleikjum hefur United 8 sinnum haldið hreinu
  • Í síðustu 20 heimaleikjum hefur United skorað í 18 þeirra
  • Í síðustu 20 útileikjum hefur Southampton unnið 5, gert 7 jafntefli og tapað 8
  • Í síðustu 20 útileikjum hefur Southampton 6 sinnum haldið hreinu

Tilvitnanir

Moyes um Zaha


Wilf has not appeared. We have not felt we have had the opportunity, I want Wilf to get used to what happens here. The competition is hard. It is just impossible to get all these players a game at the one time. You can only ever play 11. It is important Wilf gets to see the level of the training here, the level of the players and the quality they have got. He is getting better which we are pleased about.

Moyes um Rooney


I saw him like this on the first day of pre-season yet I had to keep telling everyone that was the case because the media thought it was different, I saw him in great form. He was in great fettle. His training was fantastic from day one. But people kept saying different things and I found it difficult to prove it different. You can see by his form and the goals he is scoring that what I was saying was right. He is certainly a main player for Manchester United and he is one of the main players for England; that is what we expected. He takes the responsibility, scores the goals when it is required. He has done that from a young age. But the age he is at now he has that maturity which shows in how he plays, the condition he is in and the way he is playing for both club and country.

Giggs


I am enjoying my coaching role at Manchester United – it has been great, it hasn’t yet got to the point when I go into the dressing room and everything falls quiet. But education is the next step in my career and I’m enjoying it. I am enjoying working with the new manager. Personally, I would prefer better results but we are only seven or eight games into the season.

Chicharito


I strive for that [to start more games], I am working towards that – earning a spot as a starter. I know that my performance on the pitch will allow me to achieve that goal someday either here [in Manchester] or elsewhere for any other club. I am going on four years here [at Manchester United] and really, like I have always said, I am happy to be able to play for one of the best clubs in the world, doing my best every single day to earn more minutes on the pitch. I just need to be given more opportunities to showcase what I can do, because all of us want to be able to contribute our part so this team can win championships.

What better way to compete anywhere in the world than to compete with them? The competition inside the team has always been really healthy and I think that helps the team a lot, because there are so many quality players that every one of them wants to earn a starting spot. The practices and matches coming up will force us to step up and help the team grow both at an individual and collective level.

Januzaj


I am happy at Manchester United and I want to commit myself 100 per cent in every game to do my best, I want to help Manchester United win the Premier League and become the best player in the world.

Pistlar

Hvaðan koma þeir leikmenn sem spilað hafa fyrir United? Opinn þráður

skrifaði þann | 19 ummæli

Svona fyrst það er landsleikjahlé og ekkert að gera dunduðum við okkur við að búa til svona skemmtilega skýringarmynd um þjóðerni þeirra leikmanna sem spilað hafa einn eða fleiri keppnisleik fyrir United. Annars er þetta opinn þráður þannig að ef ykkur liggur eitthvað sérstakt á hjarta má demba því hérna inn.

Áfram Ísland!

Enska úrvalsdeildin

Sunderland 1:2 Manchester United

skrifaði þann | 24 ummæli

Þegar haldið er á útivöll gegn neðsta liðinu er eðllegt að stilla upp til sóknar og það gerði Moyes í dag. Mest á óvart kom þó að Adnan Januzaj fékk sitt fyrsta tækifæri í byrjunarliði

De Gea

Rafael Vidic Jones Evra

Nani Carrick Cleverley Januzaj

Rooney Van Persie

Bekkurinn: Lindegaard, Smalling, Giggs, Valencia, Kagawa, Welbeck, Hernandez.

Það byrjaði ekki glæsilega leikurinn hjá United. Sunderland var þegar búið að eiga 2-3 sóknir þegar Giaccherini stakk sér framhjá Evra á hægri kantinum, gaf inn á teiginn þar sem Phil Jones hreinsaði beint í fæturnar á Vidic sem gjörsamlega klúðraði að taka á móti boltanum, missti hann frá sér og Craig Gardner var fyrstur til og skoraði örugglega.

Ekki fimm mínútum síðar komu Sunderland í rjúkandi sókn, Gardiner flaug framhjá Jones og var að um það bil að ná sendingu fyrir þar sem tveir biðu óvaldaðir, en Jones náði áttum og bjargaði með snilldartæklingu

Vægast sagt hörmuleg frammistaða varnarinnar í byrjun og virtist sem pressa Sunderland væri gjörsamlega að setja þá útaf laginu.

Engu að síður fóru United að hrista þetta aðeins af sér og sækja og halda boltanum. Januzaj átti ágætts kot og Nani hefði getað gert betur en að skjóta framhjá úr teignum. Þeir tveir voru einna ferskastir fyrstu tuttugu mínúturnar og smátt og smátt jókst pressan án þess að nokkur hætta skapaðist. De Gea þurfti hins vegar að verja glæsilega til að koma í veg fyrir að frábær skalli Giaccherini hafnaði í netinu. Verður ein af vörslum ársins og ómetanleg í þessum leiks

United sótti nær stöðugt síðasta hluta hálfleiksins en varð lítið ágengt gegn 8 manna vörn Sunderland, og skapaðist aldrei hætta.

Seinni hálfleikurinn byrjaði nokkuð á sama hátt, og virtist ætla að verða sama streðið, en á 55 mínútu gaf Januzaj langan bolta út á vinstri kantinn þar sem Evra tók við honum og gaf beint til baka, Januzaj var dauðafrír í teignum og skoraði með fallegu og nákvæmu skoti. Sjö mínútum seinna bætti þessi ungi drengur við öðru marki. Hann fékk langa sendingu boltann frá skalla varnarmanns þar sem hann lúrði utarlega í teignum og skoraði með frábæru vinstrifótarskoti. Ekki laust við að tilburðir minntu á Van Persie eins og sjá má hér

Eins og við var að búast eftir að ‘lakara’ lið missir niður forystu á þennan hátt eftir mikla baráttu gáfu Sunderland nokkuð eftir í kjölfar marksins og United var með öll völd á vellinum. Januzaj fékk að hvíla á 77. mínútu, þegar Welbeck og Valencia komu inná fyrir hann og Nani. Hvort sem það var skiptingunum að kenna eða ekki hresstust Sunderland þó nokkuð og sóttu í smá stund. Það leið hjá. Rafael fór meiddur útaf og Smalling kom útaf, og svo fór Rooney að haltra með auman hægri fót. Hann hristi það þó a sér. Undir lokin kom Valencia með fína stungu inn á Van Persie sem hafði lítið sést í leiknum. Skot Van Persie var hinsvegar verulega slakt og framhjá. Sunderland átti síðustu sóknirnar, og sendu markmanninn fram í hornin, en tókst ekki að jafna og því var kærkominn sigur í höfn.

Þetta var gríðarlega erfiður sigur. Sunderland spilaði agaðan og góðan varnarleik og United komst oft lítt áfram gegn þeim, sérstaklega þó í fyrri hálfleik. Vörnin var stundum alveg úti á þekju, og það virðist alveg vera ástæða til að hafa áhyggjur af frammistöðu Nemanja Vidic.

Miðjan, Cleverley og Carrick, var þokkaleg í sinni hálfleik þegar við héldum boltanum betur. Nani var líklega bestur í fyrri hálfleik en sást minna í seinni hálfleik, Á hinn bóginn var Rooeny mun betri í þeim seinni, dró sig aðeins aftar úr 4-4-2 stöðunni og var meira í boltanum. Robin van Persie sást varla í leiknum, utan þegar hann skaut framhjá kominn einn inn fyrir og virðist ekki vera í stuði.

En þetta var í lagi því nýliðinn okkar, Adnan januzaj var maður leiksins, skoraði tvö stórfín mörk og sýndi á köflum flott spil.

Það var svoleiðis bráðnauðsynlegt að fara inn í landsleikjahléið með sigri og vonandi að okkar menn fari óskaddaðir í gegnum það.