Rauðu djöflarnir

Enska úrvalsdeildin

Sundurlyndi lagt niður fyrir ferð gegn Sunderland

skrifaði þann | 5 ummæli

Sunderland - Manchester UnitedVið skulum ekkert vera að velta okkur upp úr nýlegu gengi United fyrir þessa upphitun fyrir ferð okkar á Leikvang ljóssins við bakka Wear seinni partinn á morgun, en einbeita okkur að því að skoða hvað Sunderland er hroðalega lélegt.

Eitt stig úr sex leikjum, markatalan 4-14 og strax búið að rekja stjórann, ekki-svo-elskulega fasistann Paolo di Canio. Það er vægt til orða tekið að ástandið sé erfitt í Sunderland. Vinur okkar, John O’Shea er fyrirliði liðsins og líklega þekktasta nafnið í hópnum, þó að þarna séu gamlir úrvalsdeildarjaxlar á borð við Lee Cattermole og Sebastian  Larsson. Steven Fletcher er meiddur sem og annar vinur okkar, We’vegotwesley Brown. Fabio Borini er á láni frá Liverpool og maðurinn sem mun sjá um að halda vestur-Íslendingnum Aaron Johanson úti úr landsliði, Jozy Altidore, er frammi með honum. Það er spurning hvort þetta lið fær einhvern kraft úr því að vera lausir við di Canio, þó ekki væri þess of vart um síðustu helgi þegar þeir töpuðu gegn Liverpool

Það verður fróðlegt að sjá hvaða leið Moyes fer í liðsvalinu

De Gea

Rafael Smalling Vidic Evra

Carrick Fellaini

Valencia Rooney Zaha

Van Persie

Það er vika í leik eftir þennan þannig að hvíld og rótering þarf ekki að vera neitt höfuðmál og því vonast ég til að sjá vörnina þarna inni eins og á miðvikudag, þeir stóðu sig vel. Ekki hef ég hugmynd um frekar en aðrir hvers vegna Zaha fær ekki tækifæri, amk á bekknum, enda er ég ekki daglegur gestur á Carrington. Set hann þarna inn bara til að hafa gaman af þessu.

Annar spái ég sterku liði, United þarf á því að halda að vinna auðunninn leik 1-3.

Meistaradeild Evrópu

Shakhtar Donetsk 1:1 Manchester United

skrifaði þann | 14 ummæli

Á einum erfiðasta útivelli í Evrópu stillti David Moyes upp þessu liði:

De Gea

Rafel Vidic Smalling Evra

Carrick Cleverley Fellaini

Valencia van Persie Welbeck

Bekkur: Lindegaard, Jones, Giggs, Nani, Young, Kagawa, Hernandez.

Shahktar Donetsk hefur vissulega verið veikst síðasta árið en kom engu að síður mjög sterkt til leiks. Moyes mætti þeim með þriggja manna miðju sem stöðvaði leik Shakhtar á mjög öflugan hátt. Engu að síður var ekki hægt að segja að sóknartilburðir United væru miklir og það var úr eina skotinu á rammann í fyrri hálfleik sem Danny Welbeck skoraði á 18. mínútu. Fellaini stakk sér inn í teiginn hægra megin, tók fyrirgjöfina sem lak yfir fótinn á varnarmanni og til Welbeck sem afgreiddi boltann örugglega.

Annars gerðist fátt markvert í hálfleiknum, Shakhtar meira meö boltann, United gekk oft illa að halda honum en héltu Shakhtar vel niðri. Engu að síður var sem Fellaini væri ekki að sýna alveg nógu góðan leik og Moyes kippti honum útaf eftir klukkutíma leik. Inná kom Ryan Giggs í sínum 145. Meistaradeildarleik og sló þar með leikjafjölda Raúl við, en þeir höfðu verið jafnir. Við þetta riðlaðist þó miðjuspil United og Shakhtar gerðust æ meira ógnandi. Það kom því ekki sérlega á óvart þegar jöfnunarmarkið kom. Shakhtar var í sókn, boltanum skotið inn á teiginn þar sem Vidic náði ekki að hreinsa nema beint á Taison sem þrumaði boltanum í þaknetið, óverjandi fyrir De Gea þó hann hefði fingur á boltanum. Shakhtar sótti eftir þetta og Taison hefði getað skorað undir lokin en í það sinnið sá De Gea við honum og sló boltann yfir.

Moyes hélt áfram uppteknum hætti við að skipta sem minnst, Phil Jones kom ekki inná fyrir Welbeck fyrr en 15 sekúndur voru eftir af leiknum og hafði eðlilega ekki áhrif.

Eftir ófarir síðustu vikna getum við verið þokkalega ánægð með að fara með eitt stig af erfiðum útivelli. Það er enn alveg ljóst að Moyes er enn að læra á hópinn og liðsuppstillingar og þó vissulega sé það alveg rétt hjá honum að hann hafi reynt að stilla upp liði til að vinna leikinn vantaði þó nokkuð upp á sókndirfskuna. Það munaði um að besti maður septembermánaðarins glataða, Wayne Rooney fékk spark í sköflunginn daginn fyrir leik og var óleikfær.

Lokaniðurstaðan: Gott stig, góð barátta, eigum eitthvað í land með að vera Bayern München.

Leikmaður mánaðarinsMeistaradeild Evrópu

United ferðast til Úkraínu

skrifaði þann | 2 ummæli

Shahktar - Manchester UnitedEftir vægast sagt slæmt gengi og ósannfærandi tilburði í deildinni þá er velkomið að fá svona eitt stykki Evrópuleik. Reyndar spilaði liðið frekar vel í fyrstu umferð Meistaradeildarinnar og skoruðu 4 mörk. Næstu 3 mánuðir munu vera tækifæri fyrir ákveðna leikmenn til að sanna sig og réttlæta það að vera leikmenn Manchester United.

Reyndar myndi vera betra að þurfa ekki að ferðast alla leið til Úkraínu til að spila þennan leik sem mun að öllum líkindum verða erfiður fyrir okkar menn. Shakhtar eru eins og stendur í 3. sæti úkraínsku úrvalsdeildarinnar eftir 11 umferðir.

Þetta verður í fyrsta skipti sem þessi lið mætast. Shakhtar sigruðu Sociedad 2-0 í fyrstu umferð A-riðils. Shakhtar hefur fengið ensk lið í heimsókn þrisvar og unnið alla 3 leikina. Síðast þegar við lékum við lið frá Úkraínu þá var það gegn Dynamo Kyiv tímabilið 07-08 og fóru leikirnir 2-4 fyrir United á útivelli og 4-0 á Old Trafford. Ryan Giggs spilaði í fyrstu heimsókn Manchester United til Úkraínu tímabilið 2000-2001. Þetta er 19. ár Manchester United í Meistaradeild Evrópu eða 1 meira en Barcelona, Real Madrid og Porto, einnig er þetta 18. árið í röð í keppninni sem er líka 1 meira Real Madrid.

Af leikmönnum United er það að frétta að Nani er búinn að afplána leikbannið eftir atvikið fræga (alræmda) gegn Real Madrid á síðustu leiktíð. Rio Ferdinand og Tom Cleverley verða að öllum líkindum ekki með sökum meiðsla.

Liðinu ætla ég að spá svona:

De Gea

Rafel Vidic Evans Evra

Carrick Fellaini

Valencia Rooney Nani

van Persie

Enska úrvalsdeildin

Manchester United 1:2 WBA

skrifaði þann | 26 ummæli

Þetta var hrikalega lélegt. Það er ekki boðlegt að lið eins og West Bromwich Albion komi á Old Trafford og spili mikið betur en heimaliðið og fari verðskuldað heim með stigin þrjú í pokahorninu. David Moyes stillti upp eftirfarandi liði:

De Gea

Jones Ferdinand Evans Büttner

Carrick Anderson

Nani Rooney Kagawa

Chicharito

Bekkur: Evra, Welbeck, van Persie, Valencia, Fellaini, Amos & Januzaj.

Rek ekki atburði leiksins lið fyrir lið heldur ætla ég að minnast á nokkra hluti sem mér þótti standa uppúr.

Leikhraði:

Liðið er að spila alltof hægt. Oft í leiknum töpuðu WBA menn boltanum á okkar vallarhelmingi og við áttum fína möguleika á skyndisóknum. Það fjaraði hinsvegar nánast alltaf út þar sem menn voru ekki nógu snöggir upp eða fóru til baka í staðinn fyrir að sækja að markinu. Liðið hefur nú ekki skorað mark í deildinni úr öðru en föstu leikatriði síðan Danny Welbeck vippaði yfir Michel Vorm þann þann 17. ágúst sl. Það er mikið áhyggjuefni og eitthvað sem menn þurfa að leita svara við á æfingarsvæðinu

Miðjan:

David Moyes er ennþá að finna besta miðjuparið en eftir það sem er liðið af þessu tímabil er ljóst að Anderson er ekki hluti af því. Hann hefur verið arfaslakur það sem af er tímabili og var einfaldlega hrikalega slappur í dag. Átti fjölmargar lélegar sendingar og lítur bara, því miður, alls ekki út fyrir að vera leikmaður í United-klassa. Hans tími er líklega endanlega upp runninn og nema hann bæti sig virkilega er hann á leiðinni burt. Carrick var heldur ekkert sérstakur í leiknum og það er ljóst að Moyes mun bæta við sig miðjumönnum í janúar-glugganum.

Það er hinsvegar jákvæð hlið á þessum leik að Nani var að spila vel ásamt Kagawa og Januzaj sem kom inn í seinni hálfleik. Nani og Januzaj voru þeir einu sem voru að reyna eitthvað þegar liðið var að sækja jöfnunarmarkið og áttu mjög fína spretti. Nani sýndi gamla takta oft á tíðum og liðið þarf að negla niður samning við Januzaj sem fyrst. Hann er núna í hörkuséns til þess að vinna sér hreinlega inn byrjunarliðssæti hjá United og það kæmi mér ekki á óvart ef við sæum hann spila mun meira á næstu vikum en áætlað var.

Vörnin:

Hvað er að gerast með Rio Ferdinand. Ég er ekki viss um að hann kæmist í Þórsliðið í Pepsi-deildinni með þessum frammistöðum í síðustu tveimur leikjum sínum. Hann var virkilega dapur gegn City og hann leit alls ekki vel út í mörkunum sem WBA skoraði í dag. Í fyrra markinu leyfði hann Amalfitano að rölta í gegnum miðja vörnina og í seinna markinu hafði hann ekki neina hugmynd um neitt.

Það er verulegt áhyggjuefni ef að hálfmeiddur Victor Anichibe getur gjörsamlega pakkað saman miðvarðaparinu okkar einn síns liðs. Evans og Rio voru dauðhræddir við hann og leyfði honum trekk í trekk að taka á móti boltanum að skila honum frá sér. Rio og Evans og miðjuparið okkar hafði svo ekkert svar við þeim félögum Sessegnon, Amalfitano og Berahino sem spiluðu feiknalega vel í svæðinu á milli miðju og varnar. Það sést svo langar leiðir að Büttner er ekki meira en deildarbikarleikmaður og hann á ekkert erindi í þessa deild. Hrikalegur varnarlega og aðeins betri sóknarlega. Því fyrr sem við náum okkur í alvöru arftaka Patrice Evra því betra.

Sóknin:

Wayne Rooney var góður sem fyrr og ávallt að reyna að skapa eitthvað. Javier Hernandez var lítt sjáanlegur í leiknum og það sama má segja um Robin van Persie eftir að hann kom inná. Það er áhyggjuefni hvað fremsti maðurinn í leikkerfinu hefur verið að taka lítinn þátt í leikjum tímabilsins er frá er talinn leikurinn gegn Swansea. Menn verða að finna leiðir til þess að nýta krafta Robin van Persie betur.

David Moyes:

Screen Shot 2013-09-28 at 4.35.47 PMMoyes sagði eftir leikinn gegn City að það væri ljóst að liðið þyrfti 1-2 leikmenn beint inní byrjunarliðið og það er auðvelt að sjá að það er rétt mat hjá honum. Við erum með sterkan hóp en það vantar fleiri afgerandi leikmenn og það er verkefnið hjá Moyes að bæta þeim leikmönnum við í næstu gluggum. Þetta var léleg frammistaða hjá liðinu en það eru bara 6 leikir búnir af tímabilinu og auðvitað fráleitt að afskrifa manninn strax. Moyes er ennþá að vinna með hópinn og þreyfa sig áfram. Það er eitthvað sem hann verður að fá tíma til að gera. 13. sæti er náttúrulega ekki það sæti sem við erum vanir að vera í en það er alveg ljóst að deildin mun verða jafnari en nokkru sinni fyrr og öll toppliðin munu misstíga sig. Aston Villa sigraði Manchester City í dag. Það geta allir unnið alla eins og sást í dag.

Hrikalega svekkjandi tap staðreynd og annað tapið í röð í deildinni. Það er ekki nógu gott og Moyes veit það alveg sjálfur. Leikmennirnir hafa ekki verið að standa sig vel og hann hefur ekki verið að standa sig nógu vel. Þeir vita það og þetta lið er með alveg nógu mikinn karakter til þess að skoppa til baka eftir þessa viku. Við vitum það hinsvegar manna best að tímabilið er langhlaup en ekki spretthlaut og það er ekki alltaf sá sem nær forskoti fyrstu metrana sem vinnur þessa deild, hvað þá sæti í Meistaradeildinni, sem er raunhæfa markmiðið fyrir Moyes í vetur. Framundan í deildinni eru, á pappírnum fræga, auðveldir leikur og því hægur leikur fyrir Moyes og félaga að vinna sig upp töfluna. Við munum örugglega sjá fleiri svona leiki undir stjórn Moyes og á vissan hátt eru þeir góðir því að nú eru sprungurnar að bresta sem Sir Alex Ferguson tókst svo meistaralega að fela. Það er hlutverk David Moyes að laga þær endanlega og leikir eins og þessi hjálpa til við það.