Rauðu djöflarnir

Lesefni

Rauðu Djöflarnir lesa:

skrifaði þann | 5 ummæli

Nú er auðvitað landsleikjahlé, lítið að frétta og því tilvalið að fá smá lesefni til þess að stytta manni stundir fram að næsta leik.

Steve Round, aðstoðarþjálfari United ræddi við Manchester Evening News um Fellaini, hæfileika hans og hvernig hann muni nýtast United í vetur. Skyldulesning.

Maður vissi hreinlega ekkert hvað maður átti að halda á mánudaginn þegar fréttir af svikahröppum og maður veit ekki hvað og hvað voru að berast varðandi kaup á Ander Herrera. Síðan þá hefur rykið sest og blaðamenn í Englandi tekist að komast að meiru:

Blaðamenn á Sport Witness voru fyrstir til þess að komast að því hverjir „svikahrapparnir“ væru í raun og veru og grófu einnig upp hlut Bilbao í þessu öllu saman.

Á Guardian birtust svo tvær ágætar greinar um þetta mál og kemur m.a. fram að United heldur því fram að lögfræðingarnir þrír hafi ekki verið að starfa fyrir United. Daniel Taylor yfirmaður knattspyrnumála hjá Guardian er sammála því sé enda aðspurður að því hvort hann teldi United vera að ljúga því hafði hann þetta að segja:

https://twitter.com/DTguardian/status/375356368347070464

Mike Keegan blaðamaður á Manchester Evening News hafði svo þetta að segja um málið :

https://twitter.com/mikekeeganmen/status/375344373224861696

Við þetta má bæta að Ander Herrera hélt blaðamannafund í kjölfarið þar sem hann útskýrði sína hlið og sagði m.a. þetta:

https://twitter.com/CheGiaevara/status/375225495115149312

Lögfræðingarnir voru frá mjög virtri stofu í Bilbao, hjálpuðu Bayern með kaupin á Javi Martinez sem í eðli sínu voru nákvæmlega eins og ætluð kaup United á Ander Herrera. Báðir aðilar segjast hinsvegar að þeir hafi ekki starfað fyrir sig. Fyrir hverja voru þeir þá að starfa? Undarlegt mál og ekki öll kurl komin til grafar.

Að öðru: Telegraph greindi frá því að að United hefði í raun borgað 23.5 milljónir fyrir Fellaini, en Fellaini hefði fallið frá bónusgreiðslum upp á fjórar milljónir punda. Alan Myers, yfirmaður upplýsingardeildar Everton neitaði þessu hinsvegar alfarið og sagði að United myndi borga 27.5 milljónir

https://twitter.com/ALANMYERS1/status/375185752713207811

Telegraph birtis svo hlið United á því sem gekk á í sumar og menn virðast ekki hafa miklar áhyggjur þar á bæ.

David Moyes tilkynnti hópinn sem var skráður til leiks í Meistaradeildina. Fátt sem kom á óvart þar.

Það er auðvitað landsleikjahlé og því ansi margir United menn að spila víðsvegar um heiminn. Carrick, Cleverley, Smalling, Welbeck, Young, Evra, Nani, Kagawa, RvP, Valencia og Jonny Evans eiga allir leik í kvöld og við munum fylgjast með hvernig þeim gekk.

Endum svo þetta á frammistöðu Fellaini gegn United í fyrra þar sem hann pakkaði okkur saman. Hlakka til að sjá hann gera þetta við önnur lið!

Leikmenn

Hittið Marouane Fellaini

skrifaði þann | 4 ummæli

Hann tekur sig vel út í rauðu.
Hann tekur sig vel út í rauðu.

Marouane Fellaini-Bakkioui fæddist þann 22.nóvember 1987 í Brussel í Belgíu. Fellaini byrjaði sinn knattspyrnuferil hjá RSC Anderlecht þegar hann var 7 ára gamall og var þar til 10 ára aldurs. Þá var haldið til R.A.E.C. Mons í samnefndri borg og var hann þar frá 10 ára aldri þangað til að hann varð 13 ára. Næsta lið var Boussu Dour Borinage sem hann var með í 2 ár. R. Charleroi S.C. var næsti áfangastaður Fellaini og var hann þar einnig í 2 ár.

Fyrsti alvöru samningur Fellaini var við Standard Liège þegar hann var 17 ára, 2 árum eftir það byrjaði hann að leika fyrir aðallið félagsins og lék alls 64 deildarleiki og skoraði 9 mörk en samtals voru þetta 84 leikir og 11 mörk. Fellaini hefur leikið með öllum landsliðum Belga og tvítugur byrjaði hann að leika fyrir A-landslið þeirra og vakti þar mikla athygli en hann hefur leikið 42 landsleiki og skorað í þeim 7 mörk.

Fellaini var orðaður m.a. annars orðaður við Manchester United, Real Madrid, Tottenham og Aston Villa en samdi við Everton í september 2008 þar sem hann lék alls 177 leiki og skoraði 33 mörk á þeim fimm árum sem hann lék þar.

Þegar David Moyes tók við United var búist við því að hann myndi taka með sér leikmenn og þá helst einmitt Fellaini og jafnvel Leighton Baines sem að United hafði áður reynt að kaupa frá Everton. Á hinum alræmda lokadegi félagaskiptagluggans 2013 var verið að vinna í að fá Fellaini frá Everton og gekk það eftir á síðustu mögulegu stundu.

Það jákvæða við þessi kaup fyrir Manchester United er að við erum að fá mann sem hefur leikið á Englandi, er á mjög góðum aldri enda bara 26 ára, hann kemur með stál á miðjuna og ætti að hjálpa mikið til að losna við yfirgang annara liða á því svæði, hann getur líka skorað mörk og mun líklega skora meira af þeim hjá okkur en hann gerði hjá Everton. Maroune Fellaini var ekki stærsta nafnið sem við vorum orðaðir við í allt sumar en að mínu mati nauðsynleg kaup og öll önnur kaup hefðu bara verið bónus.

Við á Rauðu djöflunum er frekar sáttir við kaupin og hlökkum til að sjá Fellaini leika í rauðri treyju Manchester United.

Leikmaður mánaðarins

Leikmaður ágústmánaðar?

skrifaði þann | Engin ummæli

Nú er komið að því að velja leikmann ágústmánaðar og við rifjum upp leikina:

Manchester United 2:0 Wigan Athletic (van Persie 2)
Swansea 1:4 Manchester United (van Persie 2, Welbeck 2)
Manchester United 0:0 Chelsea
Liverpool 1:0 Manchester United

[poll id=“8″]

(Er almennilega vaknaður núna og átta mig á að Liverpool leikurinn var í september. En það er langt í næsta leik og fínt að þurfa ekki að rifja þennan leik upp í næsta mánuði. Látum þetta standa!)

Félagaskipti Pistlar Ritstjóraálit

Leikmannaglugginn 2013 – Woodward-hneykslið

skrifaði þann | 16 ummæli

Sem betur fer er alveg hreint stórundarlegum félagaskiptaglugga lokið. Í allt sumar höfum við beðið eftir að félagið léti til sín taka og myndi styrkja liðið fyrir komandi átök. Ekki veitti af. Pressan er gríðarleg á Moyes og góður gluggi hefði auðvelda honum starfið til muna. Menn létu það hinsvegar dragast til allrar mögulegu seinustu stundar að ganga frá einu alvöru kaupum sumarsins. Staðfesting á kaupum United á Marouane Fellaini, miðvallarleikmanni Everton, barst ekki fyrr en eftir lokun gluggans. Ekki það að maður sé ósáttur við kaupin á     Fellaini. Hann er akkúrat sá leikmaður sem liðið vantar. Nagli á miðjuna sem gefur okkur vídd inn á vellinum sem okkur hefur alveg skort hingað til.

Það er hinsvegar ekki kaupin á honum sem eru vandamálið. Vandamálið virðist vera þeir tilburðir sem félagið hefur sýnt bakvið tjöldin í allt sumar. Þeir benda til þess að eitthvað verulegt sé að þar á bæ og Ed Woodward þarf væntanlega að svara fyrir þennan skrípaleik. Nú keppast bloggarar og blaðamenn á Englandi við að skrifa greinar um hversu mikið aðhláturs-efni hann og United séu í kjölfar þessa glugga. Traustið á honum er í algjöru lágmarki og     pressan á Moyes hefur núna margfaldast. Var hún alveg nóg fyrir.

Hvað gekk eiginlega á í sumar?

Félagaskipti Leikmenn

Fábío Coentrão kemur ekki til Manchester United

skrifaði þann | Engin ummæli

Klukkan var orðin kortér yfir glugga í gærkvöldi þegar allt í einu flaug frétt sem eldur í sinu að öllum að óvörum hefði United tryggt sér Fábío Coentrão að láni frá Real Madrid. Fljótlega fóru að berast fréttir um að faxið hefði klikkað, og þó Daily Mail reyndi að halda því fram að La Liga hefði staðfest þetta og við og fleiri fallið fyrir því er ljóst að pappírsvinnan gekk ekki í gegn.

Real þurfti að fá Guilherme Siqueira frá Granada til að fylla skarð Coentrão, það gekk ekki sem skyldi og því klikkaði þetta.