Rauðu djöflarnir

Samfélagsskjöldurinn

Manchester United 2:0 Wigan Athletic

skrifaði þann | 16 ummæli

Manchester Utd og Wigan mættust í dag í leiknum um Samfélagsskjöldinn (Góðgerðaskjöldurinn hét hann þegar ég byrjaði að fylgjast með fyrir alvöru). Þessi leikur var ekki og mun ekki verða einn af þeim spennandi sem United hefur leikið. Það var nokkuð ljóst að töluverður gæðamunur er á þessum liðum frá byrjun. Augljóst að Wigan án Roberto Martínez  mun ekki spila mest sexí boltann í Championshipdeildinni. Það tók ekki nema 6 mínútur fyrir okkar menn að skora fyrra markið og þar var á ferðinni efnilegur hollenskur framherji sem heitir Robin van Persie eftir stoðsendingu frá Patrice Evra. Staðan 1:0 í hálfleik.

Rafael fór útaf meiddur í hálfleik og í hans stað kom Chris Smalling sem fór í miðvörðinn og Phil Jones tók bakvarðarstöðuna. Robin van Persie skoraði svo annað mark sitt og leiksins á 59.mínútu eftir smávægilega hjálp frá varnarmanni Wigan. Meira var ekki skorað í þessum leik en United sótti þó talsvert en tókst ekki að bæta við mörkum, 2:0 sigur því staðreynd.

Þó að leikurinn hafi ekki verið kynþokkafyllsti knattspyrnuleikur sögunnar þá var þessi sigur gríðarlega mikilvægur fyrir Moyes og líka með þessum yfirburðum. Man ekki eftir jafn fáránlegri og allt að því heimskulegri gagnrýni á æfingaleiki sem skipta akkúrat engu máli og þessi maður hefur þurft að þola. Tímabilið var bara búið áður en það byrjaði. Sir Alex sagði að verkefni okkar allra sem styðjum þetta stærsta lið í heimi væri að styðja knattspyrnustjórann. Allir klöppuðu fyrir því en efndirnar voru ekki meira en þetta. Þetta mun verða erfitt tímabil, Chelsea og City hafa styrkt sig og munu gera atlögu að titlinum. En við erum Man Utd og eins og einn frægasti stuðningsmannasöngurinn segir: „We’ll Never Die.“

Menn leiksins: Michael Carrick og Robin van Persie

Byrjunarliðið:

De Gea

Rafael Jones Vidic Evra

Zaha Cleverley Carrick Giggs

Welbeck van Persie

Bekkurinn: Lindegaard. Evans. Anderson. Smalling. Valencia. Kagawa. Januzaj

Wigan: Carson, Boyce, Barnett, Perch, Crainey, Watson, McArthur, McCarthy, McClean, Holt, Maloney

Samfélagsskjöldurinn

Loksins, loksins alvöruleikur, Wigan á Wembley á morgun

skrifaði þann | 8 ummæli

Á morgun mætum við bikarmeisturum Wigan (já, þið lásuð rétt) í árlega leik meistara meistaranna eða Samfélagsskildinum. Ég man ekki hvenær það gerðist síðast að annað liðanna í þessum leik var ekki í úrvalsdeildinni og ykkur er velkomið lesendur góðir að minna mig á það í athugasemdunum.

Lið United fór um víðan völl þetta undirbúningstímabil og úrslitin kannski ekki þau bestu enda sjaldan stillt upp sterkasta liði. Ungu strákarnir fengu að njóta sín og þá sérstaklega litu þeir vel út Adnan Januzaj og Wilfried Zaha og ég yrði fyrir vonbrigðum ef þeir verða lánaðir. Margir stuðningsmenn eru pirraðir á getuleysi United á leikmannamarkaðinum og hafa þeir ýmislegt til síns máls. Kannski hefði verið betra að reyna við raunhæfari markmið en við skulum ekki örvænta alveg strax enda eru rúmar 3 vikur til loka félagsskiptagluggans.

Wigan eins og flestir vita féllu úr úrvalsdeildinni í vor eftir nokkur erfið tímabil. Þeir líkt og við eru komnir með nýjan stjóra eftir að Roberto Martínez tók við af David Moyes hjá Everton. Nýji stjórinn þeirra er Owen Coyle sem áður var með Burnley og Bolton. Wigan hafa styrkt hóp sinn ágætlega fyrir átökin í Championship-deildinni og ber þar helst að nefna Marc-Antoine Fortuné, James McClean og Grant Holt, líklegt verður að teljast að þeir muni byrja leikinn á morgun.

Ég á frekar erfitt með að giska á byrjunarlið á morgun enda er ekkert viðmið ennþá. Ég geri svona ráð fyrir því að flestir af þeim sem spiluðu í gær muni lítið koma við sögu á morgun og á taki sæti á bekknum. En svona til að giska eitthvað út í bláinn:

Lindegaard

Rafael Vidic Jones Evra

Young Carrick Cleverley Giggs

Welbeck

van Persie

Endilega látið vita hvernig þið viljið hafa byrjunarliðið, getið séð hverjir eru meiddir hér. Hvernig fer þessi leikur?

PS: Þið sem eruð á Twitter þá munið þið eftir #Djöflarnir og þið gætuð endað í leikskýrslu. Fyrir ykkur sem  hafið einhvern áhuga að fylga okkur í ritstjórninni á Twitter: @Maggi_Thor, @ellioman, @sigurjon, @bjornfr og @tryggvipall.

Leikurinn hefst kl. 13:00

Æfingaleikir

Manchester Utd 1:3 Sevilla

skrifaði þann | 4 ummæli

Þá er æfingaleikjum fyrir 2013-14 tímabilið lokið. Lokaleikurinn var heiðursleikur Rio Ferdinand. Manchester United byrjaði leikinn svona:

De Gea

Fabio Smalling Ferdinand Büttner

Cleverley Anderson

Valencia Januzaj Kagawa

Henriquez

Mörk Sevilla skoruðu Victor Machin, Marko Marin og Bryan Rabello. Antonio Valencia af öllum mönnum skoraði mark okkar manna.

Held að það sé tilefni til að benda mönnum að slaka á svartsýninni. Undirbúningstímabil hefur yfirleitt ekki gefið rétta mynd af neinu.

Hver man ekki eftir mögnuðu undirbúningstímabila Framara um árið, unnu allt og alla en enduðu tímabilið í fallbaráttu.

Ég minni lesendur svo á upphitun fyrir fyrsta „mótsleik“ United sem ég birti á morgun.

Góðar stundir.

Æfingaleikir

Vináttuleikur gegn AIK

skrifaði þann | Engin ummæli

Rétt í þessu var að hefjast síðasti leikurinn í AON Tour 2013 ferð United um allan heiminn. Leikið er í Svíþjóð gegn AIK og er byrjunarliðið eftirfarandi:

Lindegaard

Rafael Vidic Evans Evra

Anderson Carrick Giggs

Zaha van Persie Nani

Bekkur:  Amos,  Jones,  Smalling,  Bebe,  Welbeck,  Henriquez
Það eru um það bil 10 mínútur liðnar og staðan er 0-0. Leikurinn er sýndur í Pay-per-View á manutd.com og líklega er hægt að nálgast hann annarstaðar á netinu.

Æfingaleikir Leikmenn Slúður

AIK á morgun og Rooney.

skrifaði þann | 3 ummæli

Jæja, það er stutt í mót og enn bólar ekkert á nýjum leikmönnum. Það er þó ýmislegt að frétta og ég ætla að fara yfir það helsta:

Wayne Rooney skoraði í æfingaleik gegn Real Betis sem fór fram á æfingarsvæði United bakvið luktar dyr. Hann er þó ekki hluti af hópnum sem fór til Svíþjóðar til að spila gegn AIK á morgun. Ástæðan ku vera samkvæmt blaðamönnum axlarmeiðsli sem hann hlaut í leiknum gegn Betis. Í gær á United að hafa hafnað 25 milljón punda tilboði í hann frá Chelsea og fréttamiðlar í Bretlandi keppast nú við að greina frá því að Rooney vilji fara og sé í þann mund að gefa út yfirlýsingu þess efnis. Kannski eru axlarmeiðslin tilkominn vegna þess? Við fylgjumst með þessu

Fabregas-sagan heldur áfram. Yfirmaður íþróttamála hjá Barcelona, Andoni Zubizarreta, sagði við þarlenda fjölmiðla að United hafi gefist upp á því að kaupa Fabregas. Samkvæmt heimildum blaðamanna í Bretlandi er þetta þó ekki raunin og er United að íhuga tilboð upp á 40 milljón evrur.

Ronaldo hélt blaðamannafund í gær þar sem hann sagði að endurnýjun samning hans væri í óvissu. Eigum við að láta okkur dreyma?

Á morgun spilar liðið svo við AIK í Svíþjóð og er það síðasti hluti af hinum opinbera AON Tour 213 sem hefur spannað allan heiminn. Þann 9. ágúst spilar liðið svo við Sevilla og er það góðgerðarleikur til heiðurs Rio Ferdinand. Liðið sem fór til Svíþjóðar er eftirfarandi: