Rauðu djöflarnir

Opin umræða Slúður

Borðdúkur 2.0 og slúður

skrifaði þann | 14 ummæli

Chicharito

Þau ykkar sem héldu eða voru að vona að „gingham“ væri úr sögunni verða eflaust fyrir einhverjum vonbrigðum. Nýr varabúningur var kynntur í gær í Japan við Osaka kastalann. Eins og einhverjir vita þá er þetta gingham-mynstur tengt sögu iðnarins í Manchester en þetta var einmitt framleitt þar í borg. Þessi búningur er alls ekki slæmur en guð minn almáttugur hvað ég vona að þetta sé endirinn á hjónabandi gingham og Manchester United.

Slúður

Nani virðist vera búinn að vekja áhuga hinna nýríku Monaco og Anzhi Makhachkala í Dagestan sem leika í rússnesku deildinni. En margir búast við því að hann muni ekki leika með Manchester United á næstu leiktíð.

Valencia vilja frá Javier Hernandez lánaðan til að fylla skarð Roberto Soldado sem er sagður vilja fara til Tottenham. (Daily Mirror)

Roberto Martínez nýráðinn stjóri Everton segir að engin nýleg tilboð hafi borist í Fellaini og Baines.

Samkvæmt Metro þá er İlkay Gündoğan miðjumaður Dortmund líklegt skotmark United ef það mistekst að fá Fabregas.

Svo gæti Angelo Henríquez farið til Real Zaragosa á lánssamning, en spænska liðið féll úr La Liga í vor. Henríquez var einmitt á láni hjá Wigan sem að féllu einnig.

Endilega látið í ykkur heyra, þráðurinn er opinn (innan skynsamlegra marka)
Æfingaleikir

Tap í gær

skrifaði þann | 4 ummæli

United var komið til Japan í gær og lék í fyrsta skipti í ferðinni við alvöru lið en ekki úrvalslið, Yokohama F-Marinos

Skemmst er frá að segja að leikurinn tapaðist 2-3, Jesse Lingard og sjálfsmark skoruðu fyrir United.

Liðið sem byrjaði:

De Gea

Fabio Jones Evans Evra

Cleverley Anderson

Zaha Januzaj Lingard

Van Persie

United fékk á sig mark strax eftir 27 sekúndur, en náði að komast yfir fyrir hlé. Seinni hálfleikur var frekar slakur og Yokohama tryggði sigur í lok leiksins.

Það var gaman að sjá ungu strákana fá tækifæri og þeir nýttu það kannske ekki alveg jafnvel og í síðustu leikjum en það var frekar að miðjan og vörnin væru ekki alveg að spila sitt besta. Carrick er alltaf saknað þegar hann er ekki með, einhver smá meiðsli í gangi.

Welbeck kom inná í hálfleik fyrir Van Persie, sem hafði meiðst lítillega. Welbeck sjálfur kom síðan eitthvað meiddur úr leiknum. Aðrir sem komu inná voru Young fyrir Lingard, Giggs fyrir Zaha, Smalling fyrir Evans, og loksins loksins fyrir Japanina kom Kagawa inn fyrir Januzaj eftir að varla hafði liðið mínúta af leiknum án þess að mynd væri sýnd af honum á bekknum. Kagawa var svo auðvitað kosinn maður leiksins án þess að varla hefði hann neitt gert.

Næsti leikur er á föstudagsmorgun gegn Cerezo Osaka og verður þá vonandi helsta ferðaþreytan komin úr mönnum.

Uppfært: Það kemur ekki alveg nógu skýrt fram þannig rétt að segja það hreint út: Skýrsluhöfundur hefur nákvæmlega engar áhyggjur af því þó æfingaleikir tapist. Leikirnir eru fyrst og fremst til að koma leikmönnum í form og til að David Moyes geti skoðað leikmannahópinn sinn. Annað er það ekki.

Æfingaleikir Opin umræða Slúður

Ef það er sunnudagsmorgun þá hlýtur þetta að vera fréttapakki

skrifaði þann | 5 ummæli

Annar leikurinn á undirbúningstímabilinu fór mun betur en sá fyrsti.

Í gær mætti United á ANZ leikvanginn í Sydney þar sem úrvalslið áströlsku deildarinnar beið, þar á meðal Liam Miller, sem einhver ónefndur limur Red Café hafi þetta að segja um þegar Miller lék með United: „He [Liam Miller] is a better player than Fletcher.(in fact most people are better players than Fletcher)“ Ekki reyndist sá sannspár.

Liðið var svona:

Lindegaard

Rafael Jones Ferdinand Evra

Carrick Cleverley

Zaha Giggs Lingard

Welbeck

Eftir að Januzaj og Zaha stimpluðu sig rækilega inn í liðið í síðasta leik var komið að Jesse Lingard að fá tækifærið og grípa það báðum höndum. Það tók hann ekki nema 11 mínútur að gera það sem United tókst ekki í Bangkok og skora. Welbeck steig snyrtilega yfir sendingu frá Cleverley þannig að úr varð glæsileg stunga á Lingard sem kláraði af öryggi. Welbeck skoraði svo sjálfur af öryggi eftir gott spil Lingard og flotta stungu frá Giggs. Tvö núll í hálfleik.

A-stjörnur Ástralíu minnkuðu muninn í upphafi seinni hálfleiks, með skoti sem Lindegaard hefði kannske átt að verja. En Lingard slökkti allar vonir þeirra tveim mínútum síðar með þrumuskoti úr teignum. Welbeck skoraði annað mark sitt með skalla eftir hornspyrnu Van Persie áður en Van Persie sjálfur skoraði síðasta markið, reyndar eftir að hafa skotið beint á markmann eftir að hafa komist innfyrir, en fékk á endanum boltann aftur og kláraði.

Adnan Januzaj kom inn á fyrir Welbeck og átti aftur mjög góðan leik og hefði átt að skora sjötta markið undir lok leiksins en skaut í stöng.

Lokatölur:

Australian A-Stars – Manchester United 1-5.

Lingard var hiklaust maður leiksins en einnig var Zaha gríðargóður, og útsjónarsemi Ryan Giggs er ekkert að minnka með árunum.

Aðrir varamenn voru Michael Keane sem kom inná fyrir Rio í hálfleik og hefði átt að loka betur á Berisha sem skoraði markið en var að öðru leyti góður. Fabio kom inn á fyrir Evra, og Anderson fyrir Cleverley.

United heldur nú í dag til Tokyo og spilar í Yokohama á þriðjudagsmorgun, 10:20 að okkar tíma.

Slúðrið heldur áfram.

Það virðist staðfest að United hafi boðið að nýju í Fàbregas, 30m punda nú. Chelsea á að vera að hugsa um að tvöfalda boðið í Rooney og setja 40m punda á borðið. Sögur um að Rooney vilji ólmur fara eru háværar, nú síðast segir Guardian að Rooney hafi áhyggjur af áframhaldandi áhrifum Ferguson á Old Trafford.

Og svo að við séum ekki bara að hugsa um Cescbalerooneybainesfellaini og af því það hefur ekki nýtt nafn dúkkað upp lengi þá hristir Mirror aðeins upp í þessu og segir að United ætli að bjóða 15m í Yohan Cabaye frá Newcastle.

Til að ljúka þessu á góðum nótum hefur Ed Woodward lýst yfir að klúbburinn sé að íhuga að breyta merkinu í fyrra horf. Orðin ‘Football Club’ voru tekin af merkinu árið 1998 og var það þá mjög óvinsæl ákvörðun sem þótti benda til að klúbburinn snerist meira um bissniss en fótbolta. Skv Woodward eru bæði hann og Joel Glazer óánægðir með þetta og vilja meina að ræturnar megi ekki gleymast. Skýrir reyndar ekki hvers vegna Joel hefur ekkert gert í málinu síðustu átta árin og hljómar vissulega eins og dúsa fyrir stuðningsmenn, en hver svo sem ástæðan verður myndi ég fagna þessu afturhvarfi.

Opin umræða Slúður

Í ruglinu

skrifaði þann | 12 ummæli

Þetta er held ég örugglega orðið ruglaðasta ‘silly season’ sem ég man eftir hvað United varðar.

Síðan við heyrðumst síðast fyrir tveim dögum:

  • Tito Vilanova segir að Cesc vilji vera áfram.
  • Reyndar var það í vor sem Cesc sagði það.
  • Thiago segist hafa tekið ákvörðun um að fara til Bayern eftir að hafa talað við Pep eftir HM U-21. Áttum semsé aldrei séns.
  • Wayne Rooney er “reiður og ringlaður” vegna þess að United er að fara illa með hann.
  • Það er hollt að lesa hvað Moyes sagði í raun um Rooney. (Takk Kristjans)
  • Chelsea býður 10 milljónir punda í Rooney, plús annað hvort Mata eða Luiz
  • Chelsea neitar að hafa boðið leikmenn, segir það frá United komið til að hræra í leikmönnum Chelsea (en Chelsea er þá augljóslega ekkert að hræra í Rooney)
  • Blaðamenn neita að ‘Mata eða Luiz’ slúðrið hafi komið frá United.
  • Svona í millitíðinni berast fréttir um að Nani fái nýjan samning og sé alveg á tæru að sé sterklega inni í myndinni hjá Moyes.
  • Andy Mitten, gegnheill United maður og traustur, segir alveg á hreinu að Fàbregas vilji spila og vilji koma til United en sé að bíða eftir að Barcelona taki fyrsta skrefið og segi í lagi að hann fari.
  • Ed Woodward, stórleikari úr The Equa… nei ég meina varaforseti Manchester United yfirgaf túrinn í Ástralíu í gær og flaug heim til Englands, nei, ég meina, flaug „til Evrópu“ til að sinna „mikilvægum leikmannaviðskiptum“
  • Þessi leikmannaviðskipti eru að tryggja okkur Fàbregas.
  • Nei, Modrić, sem við fengum allt í einu aftur áhuga á. (Skv Tancredi Palmieri og Sky Italia. Nei, það eru ekki traustar heimildir)
  • nú, eða Gareth Bale, sem Daily Mirror slær upp í dag að við ætlum að bjóða 60 milljónir punda í.

Er nema von menn verði ringlaðir!

En ef ég ætti að leggja undir pening í dag hvað gerðist þá þætti mér líklegustu atburðir næstu vikna vera þeir að Wayne Rooney fari, og Fellaini komi. Síðan virðist alveg séns að næla í Fàbregas. Ef Rooney verður notaður sem skiptimynt, er ekkert óvitlaust að vonast eftir t.d. Mata, sem er eiginlega vitað að Mourinho er alveg til í að láta frá sér. (Sama gildir um Luiz og Torres).

Rooney upp í Bale? Já, hvers vegna ekki? Um daginn var slúðrið meira að segja Rooney OG Nani upp í Bale.

Ef Rooney fer þá er það ekkert alnauðsynlegt að taka framherja inn í staðinn. Við höfum Chicharito og Danny til að leysa Robin af, og Kagawa myndi taka holuna eða fremsta miðjumann með Powell og Januzaj sem varaskeifur. Það er ekkert slæm tilhugsun.

Yfir til ykkar. Hverjar eru líkurnar á að miðjan okkar næsta vetur verði Fellaini, Mata og Fàbregas? Eða Bale, Carrick, Cleverley, Fàbregas og Nani

Slúður

F&F&F… Slúðurpakkinn

skrifaði þann | 14 ummæli

Cesc FàbregasÍ gær bauð United 30 milljónir evra, eða um 26m punda, í Cesc Fàbregas hjá Barcelona. Það er ekki hægt annað að vera skeptískur enda eru það ansi margir („Heldur áfram þangað til allir ársmiðar seljast“ er það sem oft heyrist á sumrin, og ekki bara hjá United).

Það sem mælir gegn því að þetta gerist virðist vera margt. Upphæðin er ekkert ofurhá, Cesc er hjá draumaliðinu sínu, Barcelona er nýbúið að missa ungan miðjumann sem ég man ekki hvað heitir, og Arsenal á einhvers konar forkaupsrétt.

Á hinn bóginn eru ekki allir að afskrifa þetta. Telegraph segir „United are quietly confident“ sem persónulega ég ætla að ekkert að fara að trúa. Flest blöðin keyra með „Cesc fer ef Barcelona taka tilboðinu og vilja hann ekki“ vinkilinn á hann. Sumir segja að hann hafi bara rétt núna heyrt af þessu, en slúðrið af innra spjalli Red Issue segir að hans fólk hafi verið að tala um fyrir mánuði síðan að Cesc væri á leiðinni til United.

https://twitter.com/RedIssue/status/356885331620007937

En það er alla vega ljóst að næsta félagaskiptasaga er byrjuð, má búast við daglegum „kemur, kemur ekki“ fréttum, a.m.k. þangað til að allir ársmiðarnir eru farnir.

Svona bara til að setja ekki öll slúðureggin í eina körfu nefna bæði Guardian og Telegraph að Moyes sé að íhuga að bjóða í Fellaini, Guardian segir hann vilji bæði Fàbregas og Fellaini, en Telegraph vill meina að Fellaini sé frekar til vara ef Fàbregas kemur ekki.

Sjálfur tel ég ólíklegt að Fàbregas komi, líklegra að Fellaini náist, en þetta tvít í gær fyllti mig hræðslu að það væri allt annað F sem myndi birtast á miðjunni í haust:

https://twitter.com/fizzer18/status/356909566979608576

Fizzer18, öðru nafni Phil Neville, er greinilega að halda sér í formi fyrir veturinn, og ég býst fastlega við að hann verði kominn á leikmannaskrá áður en við vitum af!