Rauðu djöflarnir

Slúðurpakkinn

Björn Friðgeir skrifaði þann 15. júní, 2013 | 4 ummæli

Það er lítið að frétta af viti, en slúðrið er alltaf í gangi, enda þurfa blaðamenn að vinna fyrir kaupinu sínu með einum eða öðrum hætti

Nani hefur verið í umræðunni og tölur sem nefndar eru í sambandi við sölu á honum eru yfirleitt undir 10 milljónum punda. Gjörsamlega fáránlegt ef sú verður raunin, og ekki til að styrkja innkaupasjóðinn að ráði. Daily Telegraph vill meina að sjóðurinn sá standi í 60 milljónum punda enda:

The £80 million fee United received for Ronaldo in 2009 and some prudent summer spending in recent years are part of the reason why United have money to spend now.

Eins og ég hef áður bent á hér er yfirlýst stefna eigandanna á verðbréfamarkaði (og það er n.b. ólöglegt að ljúga í slíkum yfirlýsingum) að eyða 25m nettó á ári og auka 20 milljónum ef sérstakt ber undir.

Grafið góða sem við höfum sýnt áður (Zaha ekki með) sýnir að við höfum ekki eytt þessum nettó 25 oft hingað til og því er kannske eitthvað til í því að við eigum þessar sextíu milljónir til að eyða. Ég trúi því þegar ég tek á því samt. Samkvæmt Telegraph er Moyes hins vegar að koma úr fríi á mánudaginn eftir viku og má þá búast við að mál fari að skýrast upp úr því.

Sagt er að staðan á Ezequiel Garay sé sú að við séum komnir með „gentleman’s agreement“ við Benfica um að kaupa manninn. Slík kaup væru ekki mesta stuðningsyfirlýsing við Evans, Smalling og Jones sem hægt er að ímynda sér.

Annars er bara þetta venjulega Strootman, Lewandowski og Cesc slúður sem hefur ekkert konkret á bakvið sig, nema jú að það er búið að vitna í Cesc að hann vilji vera áfram hjá Barca. Blaðamenn Times telja sig reyndar hafa heimildir fyrir því að forráðamenn United séu að vinna í kaupum á Cesc og Thiago Alcantara með það að markmiði að kaupa annan þeirra. Tökum þetta með teskeið af salti eins og einhver sagði örugglega einhvern tímann.

Í ‘Glórulausar grillur’ deildinni er helst að frétta að The Sun segir að við eigum að vera að fara að eyða 80-85 milljónum í Gareth Bale og Ca*ghtOffs*de understands that Man United representatives have met with Malaga officials ahead of an imminent bid for Spanish midfielder Isco. Gott grín er gott^[1].

Anderson smellti myndinni hér til vinstri á instagrammið sitt í morgun og þarf enga sérstaka Skerjaláks hæfileika til að tengja það við orðróminn sem verið hefur í gangi síðustu tvö ár að dagar hans hjá United séu taldir. Það verður bara að koma í ljós hvort svo sé.

^[1]Bent er á að allar tilvitnar í C*ughtO*fside hér á þessu bloggi skal meðhöndla eins og tilvitnanir í Baggalút.

Ritstjóraálit Uppgjör

Uppgjörið – Sumarið og aðrar pælingar

ellioman skrifaði þann 12. júní, 2013 | 4 ummæli

1. Hvað viljið þið sjá gerast í leikmannamálum núna í sumar?

Bjössi:
Vann sex bjóra í fyrra af samritstjórum fyrir að spá því að enginn topp-ekta-miðjumaður yrði keyptur (holumenn töldu ekki). Hefði unnið samskonar veðmál á hverju ári síðan 2009. Það væri rosa gaman að sjá eitt sterkt tröll koma inn á miðjuna. Væri ekki slæmt að sjá vinstri ~~kantmann~~bakvörð, en býst frekar við að sjá Evra, Büttner og Fabio berjast um þá stöðu næsta vetur.

Nú eru trúverðugasti orðrómurinn að orða okkur við Cesc og Thiago frá Barca. Væri ekkert óánægður með það, en sér einhver miðju-ás með Carrick, Cesc og Shinji vera að gera eitthvað á móti líkamlega sterku liði? Á rigningarkvöldi í Stoke? Gæti hins vegar virkað vel í leik þar sem markmiðið er að halda boltanum 60+% af leiknum og láta boltann ganga vel.

Hvað kantmenn varðar erum við auðvitað að fá Zaha. Ef Nani eða Valencia verða seldir þurfum við nýjan slíkan, en annars er bara að vona að þeir tveir girði sig í brók. Annars verða bara Shinji og Welbeck að halda áfram að sjá um þetta

Sigurjón:
Eins og flest allir þá vil ég sjá sterkan miðjumann keyptan í sumar. Núna er Scholes hættur, Fletcher er algjört spurningarmerki, Anderson er hálfgert jójó. Það er ekki nóg að treysta bara á að Carrick spili alla leiki á 120% tempói þannig að það þarf klárlega að kaupa einn heimsklassa miðjumann sem hægt er að stilla upp með Carrick. Fyrir utan miðjuna tel ég hópinn nægilega góðan til að gera aðra atlögu að titli. Þau atriði sem ég tel vera mikilvægast fyrir næsta tímabil er að sjá til þess að Rooney fari hvergi, að Phil Jones og Vidic verði heilir, fá kantmennina aftur í gang og að lokum spila Kagawa í sinni stöðu. Ef þetta fellur fyrir okkur þá hef ég litlar áhyggjur af hópnum!

Elvar:
Eins og Bjössi nefndi fyrir ofan, þá fór ég illa út úr því að veðja við hann um miðjumannskaup síðasta sumar. En mikið djöf væri ég til í að sjá nýjan topp miðjumann mæta á svæðið og skrifa undir samning við United. En eins og Bearded Genius nefndi fyrir stuttu, þá þarf líka pæla í hvað verður þá um Cleverley, Anderson, Powell og jafnvel Phil Jones (Carrick verður að sjálfsögðu á sínum stað).

Minn draumur væri að fá leikmann eins og Fabregas á miðjuna. Ef við erum ekki að fara að missa leikmenn og bætum leikmanni í hans kaliberi, þá er Moyes búinn að styrkja liðið allsvakalega fyrir næsta tímabil og gera ellioman mjög ánægðan. Kagawa verður öflugri á næsta tímabili, býst við því sama hjá Phil Jones og svo er Zaha að vonandi að fara hrella varnarmenn úrvalsdeildarinnar. Sounds gúd tú mí!

Maggi:
Eins og síðustu ár vil ég sjá miðjumann keyptan til liðsins. Tel það mjög líklegt að Anderson yfirgefi okkur í sumar og fari aftur til Portúgal. Paul Scholes er náttúrulega (endanlega) hættur. Það verður að teljast ólíklegt að Darren Fletcher muni snúa aftur. Sem þýðir að einu miðjumenn liðsins eru Michael Carrick og Tom Cleverley. Það er verið að orða okkur við leikmenn eins og Marouane Fellaini og Thiago Alcantara, ef við fáum þá báða er liðið ágætlega statt. Önnur saga er vængmanna ástandið á liðinu. Það er ótrúlegt að vinna deildina svona örugglega án almennilegs vængspils sem hefur einkennt liðið undir stjórn Ferguson. Nani og Valencia verða alveg örugglega áfram en ég held og vona að Young verði látinn fara. Væri þá fínt að fá einhvern á vinstri vænginn (ekki Kagawa). Að lokum held ég að það verði nauðsynlegt að fá 1-2 varnarmenn, miðvörð og mögulega Leighton Baines (ef nýi stjórinn notar sín sambönd).

Tryggvi:
Miðjumenn, miðjumenn, miðjumenn. Vörnin er í góðum málum. Ég myndi ekki gráta það ef Büttner færi og alvöru vinstri bakvörður kæmi til að keppa við Evra en aðalatriðið hlýtur að vera að fá alvöru miðjumenn. Framlínan er góð, varnarlínan er góð en okkur vantar kraft á miðjunni þannig að ég vil sjá Moyes kaupa 1-2 miðjumenn. Einn kraftmikinn nagla og einn léttleikandi spilara.

2. Hvað verður um Rooney? Mun Moyes selja eða halda honum?

Bjössi:
Selja hann fyrir eins mikið og hægt er og vonast til að fá þá peninga til að nota í leikmannakaup. Þá skuldar Ellioman mér líka þrjá bjóra en ekki bara einn.

Sigurjón:
Ég er hættur að skila hvað er í gangi í hausnum á Rooney, þar af leiðandi get ég ekki spáð fyrir um hvað mun gerast en auðvitað vonast maður til þess að sjá Rooney í United búning á næsta tímabili. Þetta er orðið svolítið þreytandi samt, þessir „stælar“ í honum, hann er að haga sér svolítið eins og táningur. Ég vona allavega að Moyes tali hann á það að vera áfram og færi svo Rooney aftur í fremstu víglínu með RVP. Ég hef enn fulla trú á því að þeir tveir geti myndað besta framherjaparið í sögu United.

Elvar:
Ég fór nokkuð vel yfir þetta í fyrri hluta uppgjörsins þegar ég valdi Rooney sem mín helstu vonbrigði á síðasta tímabili. Það er alveg ótrúlegt að sjá drenginn mæta tvisvar til Ferguson og biðja um að vera seldur. Ég á sérstaklega erfitt með þetta þar sem hann er búinn að vera uppáhalds leikmaður minn í næstum 10 ár!

Ég held Moyes muni halda honum (Já það er Moyes sem er með öll spil á hendi, ekki Rooney) en mikið djöfull getur maður orðið fúll út í drenginn og ruglið sem fylgir honum. Hvert ætti hann annars að fara? Sé ekki fyrir mér að hann yrði seldur til annars liðs í úrvalsdeildinni. Núna er hann svo að fara núna í gegnum toppárin á sínum ferli og eigum við von á góðu ef hann nær að halda hausnum í lagi sem maður vonar að það gerist. Og for þe rekord, ef Rooney verður seldur þá skulda ég Bjössa fjóra bjóra annars núll!

Maggi:
Veit það hreinlega ekki. Það er hægt að færa rök fyrir því að halda honum og fyrir að selja hann. Persónulega myndi ég vilja að hann myndi bara „suck it up“ og spila eins og maður. Held alveg að Moyes sé maður sem láti ekki vaða yfir sig. Þetta verður áhugavert sumar.

Tryggvi:
Það er spurningin. Mér finnst líklegra að Moyes haldi honum en þetta er samt win-win situation fyrir Moyes. Ef hann sannfærir kappann um að halda áfram er hægt að tala um sigur fyrir Moyes og styrkleikamerki að toppleikmenn á borð við Rooney vilji spila fyrir hann. Ef hann selur Rooney er það líka styrkleikamerki. Það sendir þau skilaboð að hann líði ekert kjaftæði auk þess sem að peningur fæst til þess að styrkja liðið. Ef hann verður áfram verður hann hinsvegar að hætta í hamborgurunum á sumrin.

3. Paddy Crerand sagði fyrir stuttu að knattspyrnuferli Darren Fletcher væri lokið. Eru þið sammála Paddy?

Bjössi:
Paddy Crerand er ekki læknir þannig að það er ekkert sérstakt mark á honum takandi. Búið er að gefa út að Fletcher ætli að koma til baka í haust. Það verður gríðarlega erfitt jafnvel þó að hann nái sér eftir aðgerðina enda hann varla spilað leik í tvö ár. Ég vona bara það besta enda myndi það gefa Moyes tækifæri til að nota uppáhaldssetninguna hans Sir Alex „Það er eins og að kaupa nýjan leikmann að fá leikmanninn til baka úr meiðslum“

Sigurjón:
Ég held að það sé vonlaust fyrir okkur að ræða líkurnar hjá Fletcher, efast um að hann viti hvernig þetta mun allt saman fara. Það er eitt að koma aftur inn á völlinn og annað að spila á fyrri styrk. Ég bara vona samt svo innilega að hann nái sínum fyrri styrk því hann er akkúrat leikmaðurinn sem við þurfum á að halda.

Elvar:
Erfitt að segja en ég hallast að því að Paddy hafi rétt fyrir sér. Alveg ömurlegt fyrir Fletcher sem er alveg frábær fótboltamaður. Hann hefði til dæmis verið velkominn á miðjuna nokkrum leikjum síðasta vetur.

Maggi:
Ég er sammála, því miður. Hef mikið dálæti á þessum leikmanni. Það væri frábært ef það væri hægt að gera eitthvað prógram til að hann gæti spilað einhverja leiki en efast um að svo verði. Svo ég vitni í Alphaville „hoping for the best but expecting the worst.“

Tryggvi:
Það er mjög erfitt að segja þar sem maður veit lítið um framgöngu þessa sjúkdóms hans en það kæmi mér á óvart ef við sæjum Fletcher spila lykilhlutverk á miðjunni í framtíðinni.

4. Nú er ljóst að David Moyes verður næsti stjóri United. Hvert er ykkar álit á þeirri ráðningu?

Bjössi:
Ég er ánægður. Traustur maður sem mun ekki valda of miklu uppnámi í leikmannahóp og spilar til framtíðar. Er ekki að hafa of miklar áhyggjur af því að hann sé að skipta um þjálfarateymi, þar kemur maður í manns stað og það er mikilvægt að stjórinn sé með menn í kringum sig sem hann þekkir og treystir 100%.

Þetta eru erfiðustu framkvæmdastjóraskipti í sögu fótboltans ætla ég hreinlega að segja og það getur svo margt klikkað jafnvel þó allt sé gert rétt. Ég verð bara rólegur og ætla ekki að æsa mig þó við vinnum ekki neitt næsta ár. Það er ekki eins og City og Chelsea ætli ekki að styrkja sig gríðarlega. Það sem skiptir máli fyrir mig er að kaupa skynsamlega í sumar, og að spila góðan fótbolta. Líka að halda góðri stemmingu í hópnum.

Sigurjón:
Ég gæti skrifað margar blaðsíður um þetta mál, stutta svarið við þessari spurningu er já, ég er sáttur við þessa ráðningu því ég tel hún vera best fyrir framtíð United. Auðvitað var mað að gæla við þær hugmyndir að sjá kannski Guardiola eða Mourinho taka við af gamla, en þó svo þær ráðningar hefðu eflaust skilað einhverjum titlum á næstu 3-4 árum þá er ómögulegt að segja til hvaða langtímaáhrif þær hefðu haft á klúbbinn. Með því að ráða Moyes held ég að sem minnsta mögulega röskun hafi átt sér stað á þeirri uppbyggingu sem Ferguson stóð fyrir.

Elvar:
Verð að játa að ég var ekkert sérstaklega kátur með þessa ráðningu þegar ég fyrst heyrði af henni. Moyes var svo sannarlega ekki efstur á mínum óskalista, það var herra Jürgen Klopp (stjóri Dortmund).

Nú er maður búinn að fá tækifæri til að melta þetta og er ég satt að segja orðinn frekar sáttur með ráðninguna. Tryggvi kom með flotta grein um herra Moyes fyrir mánuði síðan og er ég búinn að sannfæra sjálfan mig að hann hafi verið rétt val. United vill stöðuleika, eins og lengd samnings hans við United gefur til kynna og held ég að Moyes muni standast pressuna og halda liðinu í toppbaráttunni. Satt að segja hlakkar mig ótrúlega mikið að sjá kallinn við stjórnvölinn á næsta tímabili.

Come on David Moyes, Play like Fergie’s boys, We’ll go wild, wild, wild!

Maggi:
Ég er sáttari núna eftir að hann var ráðinn en ég var áður en hann var staðfestur. Ég hefði ráðið Jürgen Klopp frá Dortmund ef ég átt að ráða. Þetta verður rosaleg breyting fyrir Moyes að fara frá Goodison Park til Old Trafford þar sem væntingin fyrir hvern leik er að vinna hann, sama gegn hverjum er leikið.

Tryggvi:
Maður hefur alltaf talað fyrir því að eitthvað stærra nafn en Moyes myndi taka við vegna þess að enginn stjóri mun hafa þurft að glíma við þá gríðarlegu pressu sem er á arftaka Sir Alex. Hinsvegar eftir að kom í ljós að Moyes var fyrstur á blaði hjá stjórninni tók maður þetta í sátt og núna er maður bara spenntur fyrir næsta tímabili. Moyes er augljóslega hæfileikaríkur knattspyrnustjóri og verðskuldar tækifærið á því að spreyta sig á leiksviði draumanna. Hann er greinilega ekki hræddur við þetta starf sbr. nýjustu fregnir af þjálfaramálum og er augljóslega með bein í nefinu.

Að því sögðu verður hann að fá tækifæri og tíma til þess að setja sitt mark á liðið. Svo lengi sem hann skilar liðinu í Meistaradeildina fyrstu tvo tímabilin ætti hann að fá þann tíma sem hann þarf.

Að lokum

Þá er hér kominn inn seinni hluti uppgjörsins. Ef þið hafið einhverjar spurningar sem þið viljið sjá okkur svara þá megið þið endilega koma með þær hér í athugasemdunum.

Opin umræða Slúður

Föstudagsskammturinn – nýr búningur

Björn Friðgeir skrifaði þann 7. júní, 2013 | 12 ummæli

Í fyrradag kynnti United aðalbúninginn fyrir næsta tímabil, og pistlahöfundur fagnar að borðdúkurinn sé horfinn.

Eins og venjulega fylgir PR stöff með allt um það hvernig nýji búningurinn höfði til sögu Manchesterborgar, meira að segja eiga tölurnar fjórar einhvern veginn að vísa til þess líka. Hvernig veit ég ekki. Annars er þetta bara nokkuð smekklegt, rauði liturinn réttur, buxurnar hvítar og sokkarnir svartir, án þess að missa sig í einhverju bulli. Hægt verður að bretta upp kragann og leika Eric… ef maður man eftir að afhneppa tölunni aftan á kraganum. Treyjan er komin í búðir úti og ætti því að vera á leiðinni hingað heim.

Af leikmannaslúðri er fátt nýtt að frétta, annað en þetta venjulega að við erum að fara að kaupa Ronaldo, Bale, Fàbregas, Fellaini, Baines, Thiago Alcantara, Strootman (sá einhver Holland – Þýskaland í U21 í gær? Hvernig stóð Strootman sig?), Ezequil Garay frá Benfica og einn eða tvo í viðbót. Þetta er bara sama venjulega slúðrið og er alltaf í gangi, enda hafa allir hag af því, leikmenn sem vilja flytja sig eða fá betri samning, umboðsmenn sem vilja típrósentin sín af nýja samningnum leikmannsins og klúbbar sem vantar leikmenn, eða vilja selja, og svo auðvitað blöð og blogg sem vilja selja sig.

Hins vegar virtust fréttir í gær og tíst frá úrúgvæskum blaðamanni og fjármálastjóra Penarol þar í landi benda til að Guillermo ‘Guille’ Varela væri á leiðinni til Englands til að skrifa undir samning við United. Varela kom til reynslu til United í vor og er þetta því ekkert svo skrýtið. Hann er tvítugur hægri bakvörður (einmitt það sem við þurfum svo nauðsynlega!) og myndi kosta um milljón punda. Þetta er því ódýrari, yngri, og vonandi betri útgáfan af kaupunum á Büttner.

Af hinum sem hafa verið orðaðir við okkur er það helst að frétta að orðrómurinn um að Garay sé að koma gerist háværari, því nýr haffsent er jú akkúrat næst mesta vandamálastaðan á eftir hægri bakk eða hvað? Arsenal á að hafa boðið 22 milljónir í Fellaini sem er mætir útkaupaupphæðinni í samninginum, Leighton Baines hefur verið boðinn nýr samningur hjá Everton og Cesc harðneitar að hann vilji fara frá Barcelona. Þannig að þeir eru augljóslega allir að koma til United.

Ef ég yrði að giska á þrjú kaup í sumar eins og staðan er núna þá eru það Varela, Strootman og Garay. Ef við seljum Rooney, Nani og Anderson og fáum þokkalegt fyrir, þá bætast einhverjir við. En það verður hvorki Ronaldo né Bale.

Ritstjóraálit Uppgjör

Uppgjörið – Tímabilið 2012/13

ellioman skrifaði þann 3. júní, 2013 | 2 ummæli

1. Hvernig fannst ykkur þetta tímabil hjá United?

Bjössi:
Öll tímabil sem enda með meistaratign geta ekki verið annað en góð! Að mörgu leyti mjög skrýtið tímabil. Byrjaði frekar brösuglega að manni fannst og bæði Chelsea og City voru á góðu skriði. Síðan fór skútan að réttast, léttur riðill í Meistaradeildinni vannst auðveldlega, Chelsea fór að gefa eftir og við að raka inn stigum.

City fór svo að sýna veikleikamerki og allt í einu í febrúar vorum við með pálmann í höndunum, og gáfum ekkert eftir fyrr en titillinn var í höfn. Töpuðum fyrir Chelsea í báðum bikarkeppnum sem er ekkert il að skammast sín fyrir og Real leikurinn var eins og við vitum.

Þannig að allt í allt, gott tímabil.

En. Þetta var mjög skrýtið tímabil. Það voru einir fimm menn sem koma út úr því með eitthvað kredit, restin var annað hvort of róterandi vegna meiðsla eða slakleika. Vörnin var góð en sjaldnast sú sama, stundum fannst manni eins og við værum bara með einn miðjumann í hópnum og fæst orð hafa minnsta ábyrgð um kantmennina.

En við eigum nóg inni og menn geta gert betur.

Sigurjón:
Ég er auðvitað mjög sáttur! Fyrir tímabilið voru ekki margir (aðrir en United aðdáendur) sem höfðu trú á því að liðið gæti endurheimt titilinn, fólki fannst eins og City og Chelsea væru með mun betri hóp og var þeim oftast spáð sigri. Deildin reyndist vera mun sterkari í ár en hún hefur verið tæp síðustu 20 ár, til dæmis dugðu þau 72 stig sem Tottenham fékk ekki einu sinni í Meistaradeildina. Það þarf að fara aftur til tímabilsins 1994/95 til að finna lið í 5 sæti sem fékk fleiri stig en það. Þrátt fyrir þetta vann United Englandsmeistaratitilinn með 11 stiga mun og það er auðvitað frábær árangur. Liðið leit vel út í Meistaradeildinni en féll þar út mjög ósanngjarnt, þannig að það er helst FA bikarinn þar sem menn stóðu ekki alveg undir væntingum. Það er hinsvegar ekkert sem situr í manni núna, sérstaklega þar sem Wigan vann glæsilegan sigur á City í úrslitunum.

Elvar:
Heilt yfir er ég bara mjög ánægður. Frábært að flytja titilinn aftur til Old Trafford og enn betra að taka hann af erkióvinunum í City. Maður var afskaplega smeykur um hvernig þetta færi í byrjun þegar maður hugsaði um hversu öflugt lið City var með og svo Chelsea búið að græja tvo af efnilegustu ungu leikmönnum heims (Hazard & Oscar). Á sama tíma var vörn United að leka inn mörkum. Það er ekki hægt að segja annað en að okkar lið hafi frábæran karakter. Leikmennirnir gáfu alltaf 110% í alla leiki þar til titilinn var kominn í höfn. Sjáið til dæmis þessa tölfræði frá Opta: „23 – Only Manchester United (29) have recovered more points from losing positions than Tottenham Hotspur this season. Resilient“.

Það helsta sem ég get sett út á liðið á þessu tímabili er að það hefði oft á tíðum mátt spila skemmtilegri bolta en ég hef ekki nú ekki töluverðar áhyggjur af því. Nú bíður maður bara spenntur eftir að sjá hvernig liðið verður með Moyes við stjórnvölinn.

Maggi:
Lengi leit út fyrir að liðið myndi vinna tvennuna eða þrennuna. Ég verð samt að segja að þrátt fyrir að það tækist ekki þá hafi þetta verið mjög gott tímabil svona heilt yfir. Það þarf ekki að segja hversu mikilvægt það var að vinna titillinn okkur aftur. Eftir að Sir Alex tilkynnti það að hann myndi hætta sem knattspyrnustjóri United þá setur það viðbrögðin við tapinu gegn Real Madrid í Meistaradeildinni í samhengi.

Tryggvi:
Hvað varðar deildina var þetta auðvitað frábært tímabil. Frá því að liðið komst á toppinn var ekki litið til baka og önnur lið áttu aldrei séns eftir það. Ótrúlegir yfirburðir og ótrúlegur stöðugleiki sem liðið sýndi. Að því sögðu voru það vonbrigði að komast ekki lengra í Meistaradeildinni og að sama skapi er manni farið að lengja eftir því að liðið vinni FA-bikarinn á nýjan leik. Alltof langt síðan.

Það eru einnig blendnar tilfinningar hjá manni eftir þetta tímabil fyrst að Sir Alex Ferguson er að hætta. Maður man ekki eftir öðrum en honum við stjórnvölinn og hans verður sárt saknað en að sama skapi er maður spenntur fyrir nýja stjóranum og nýju tímabili.

2. Hver var besti leikmaður United?

Bjössi:
Robin van Persie. Honum að þakka að við komum inn í febrúar með fyrrgreinda forystu, breytti liðinu frá síðasta tímabili og gaf okkur aukið sjálfstraust um að vinna erfiða leiki.

Annars voru auðvitað De Gea, Rafael, Carrick frábærir líka og Ferdinand mjög góður. Restin varla betri en rúmlega meðal. Helst Chicharito og svo Rooney framan af.

Sigurjón:
Þó svo Robin Van Persie hafi verið frábær fyrir okkur þá er Michael Carrick klárlega besti leikmaður tímabilsins. Hann var maðurinn sem færði okkur stöðuleikann á þessu tímabili og stöðuleikinn var það sem færði okkur Englandsmeistaratitilinn.

Elvar:
Ég á rosalega erfitt með að velja á milli Van Persie og Carrick. Carrick er búinn að vera aðalmaður liðsins á miðjunni og Persie… já… tjahh… horfið bara á þetta vídeó. Held að Carrick verði fyrir valinu fyrir stöðuleika og yfirburða frammistöður á miðjunni í vetur.

Maggi:
Að mínu mati var Michael Carrick bestur. Reyndar finnst mér margir hafa verið mikilvægir eins og Rio Ferdinand sem átti sitt besta tímabil lengi og Patrice Evra sem virðist hafa vaknað af værum blundi. Robin van Persie gaf okkur X-faktorinn sem okkur hefur vantað. En Michael Carrick spilaði nánast alla leiki hjá okkur í vetur og var algjörlega frábær og fékk loksins það kredit sem hann á skilið.

Tryggvi:
Michael Carrick var frábær, sem og David De Gea en Robin van Persie hlýtur að fá þessa nafnbót. Markahæsti maður mótsins og það sem skildi á milli feigs og ófeigs í deildina. Minnir mig mjög mikið á Cantona og er augljóslega mikill leiðtogi inn á vellinum.

3. Hvaða leikmaður sýndi mestu framfarir?

Bjössi:
De Gea er orðinn einn besti ef ekki best markmaður í deildinni, og Rafael stefnir í að verða besti hægri bakk þó hann vanti aðeins upp á. Frábærir strákar.

Sigurjón:
Rafael var mjög góður á þessu tímabili, sem og David De Gea þegar ég hann fékk loksins að spila að staðaldri. Ég ætla hinsvegar að nefna Michael Carrick aftur. Alveg síðan hann kom frá Tottenham árið 2006 hefur Carrick staðið sig með sóma, en á þessu tímabili tók hann sig til og spilaði eins og heimsklassa miðjumaður.

Elvar:
Ég er hér aftur með valkvíða og í þetta skiptið er það á milli De Gea og Rafael. Þegar maður hugsar aðeins út í það, þvílík forréttindi að eiga erfitt með að velja milli tveggja kornungra varnarmanna. Þessir strákar eiga bara eftir að verða betri leikmenn og svo til að gera þetta enn betra þá tippa ég á að Phil Jones verði valinn hérna á næsta tímabili. Vörnin okkar er í frekar góðum málum þó svo að hún hafi lekið inn of mörgum mörkum á þessu tímabili. Úr því ég verð að velja þá segi ég De Gea en þeir eru hníjafnir.

Maggi:
Rafael da Silva. Einhverjir myndu segja David de Gea og myndu hafa ýmislegt til síns máls en Rafael finnst mér hafa þroskast gífurlega. Leiðinlegt var að sjá hann rekinn af velli gegn Chelsea eftir kjánalegt brot á „Olnabogaskota Luiz“ en hann verður að halda betri stjórn á skapinu.

Tryggvi:
Rafael er að blómstra og er að verða besti hægri bakvörður í deildinni en á þessu tímabili tók David De Gea skrefið frá því að vera efnilegur markmaður í að vera frábær markmaður. Besti markmaðurinn í deildinni á þessu tímabili og er klárlega búinn að hrista af sér allar efasemdir sem menn gátu haft um hann. Frábær markmaður og vonandi verður hann hjá okkur næstu 15-20 ár.

4. Helstu vonbrigði þessa tímabils?

Bjössi:
Úrslin gegn Real. Nani og Valencia. Vesenið á Rooney. Meiðsli Kagawa og að hann fengi ekki að spila meira í sinni stöðu.

Sigurjón:
Þó Meistaradeildin hafi verið ákveðin vonbrigði þá ætla ég að segja bikarleikurinn gegn Chelsea á Old Trafford. Í stöðunni 2-0 átti United að klára Chelsea og komast áfram í undanúrslitin, en í staðinn misstu leikinn niður í jafntefli og þurfti að spila aukaleik á versta tíma, leik sem svo tapaðist. Ég held að United hefði átt mjög góðan séns á því að verða bikarmeistari hefðu þeir ekki sofnað á verðinum gegn Chelsea á Old Trafford.

Elvar:
Ef ég hefði verið spurður fyrir mánuði síðan þá hefði svarið mitt verið seinni leikurinn gegn Real. Maður verður oft fúll þegar United tapar eða dettur út úr keppnum en ég var einfaldlega reiður þegar *BEEEEEP* dómarinn rak Nani af velli fyrir þetta bull og svo að sjá liðið falla saman eftir það.

En þessi spurning kemur til mín í lok maí, þegar tímabilið er búið og þá verð ég að segja að ruglið í Rooney hafi skyggt á annars mjög gott tímabil og þar af leiðandi orðið mín helstu vonbrigði á þessu tímabili. Drengurinn er búinn að vera minn uppáhalds leikmaður í næstum tíu ár og núna í annað skiptið biður hann um að vera seldur frá United. Kommon! Fyrra skiptið var vegna þess að United var ekki að kaupa nógu góða leikmenn, United kaupir svo flotta leikmenn og þá er hann ósáttur því hann er að spila illa og er tekinn af velli. Fussumsvei!

Maggi:
Þau eru nokkur, vængmennirnir okkar Nani, Valencia og Young. Að detta út úr FA Cup endurspili eftir að hafa verið 2-0 yfir í fyrri leiknum. Rauða spjaldið sem var ranglega dæmt á Nani gegn Real Madrid. Veikindi Darren Fletcher. Anderson. Afsögn Sir Alex.

Tryggvi:
Rauða spjaldið sem Nani fékk gegn Real Madrid. Bulldómur og gerði það að verkum að Real-liðið komst aftur inní leikinn. Fram að því gekk leikplan Ferguson fullkomlega upp og við vorum á leiðinni í 8-liða úrslit. Gríðarleg vonbrigði.

5. Besti leikurinn?

Bjössi:
Sigurinn gegn Manchester City á Etihad fékk mann virkilega til að trúa, þó að þetta hefði verið tæpt og haustið erfitt.

Sigurjón:
Er hægt að nefna eitthvað annað en 3-2 leikinn við Manchester City á Etihad Stadium.

Elvar:
Erfitt að velja eitthvað annað en sigurleik United gegn City á Etihad. Mig langar samt að nefna leikinn gegn Villa þegar United tryggði sér tuttugasta titilinn. United spilaði, sérstaklega í fyrri hálfleik, alveg frábæran fótbolta.

Maggi:
Held að það hljóti að vera 2-3 sigurinn gegn City á Etihad.

Tryggvi:
3-4 leikurinn gegn Reading var ábyggilegi sá skemmtilegasti. En 2-3 sigurinn á City á Etihad vellinum var frábær. Fyrstu tvö mörkin voru verulega góð og hversu fáranlega sætt var það hjá Robin van Persie að setja sigurmarkið beint úr aukaspyrnu á lokasekúndum leiksins.

6. Besta markið?

Bjössi:
Robin gegn Villa. Í öðru sæti, Rafael gegn Liverpool. Í þriðja sæti, Rafael gegn QPR.

Sigurjón:
Ég held að það sé vonlaust að líta framhjá öðru marki Robin Van Persie gegn Aston Villa á Old Trafford. Hinsvegar hef ég alltaf verið sökker fyrir þrumufleygum (enda Scholes aðdáandi) og því finnst mér markið hjá Rafael gegn QPR vera hrikalega nett.

Elvar:
Auðvelt val, Persie gegn Villa.

Maggi:
Ætla að velja tvö. Rafael gegn QPR og að sjálfsögðu annað mark Robin van Persie gegn Aston Villa.

Tryggvi:
Ég ætla ekki að reyna að gera upp á milli neglunnar hjá Rafael gegn QPR og viðstöðulausa markinu hans RvP gegn Villa.

7. Flottasta varslan?

Bjössi:
De Gea gegn Coentrão, fingurgómabjörgunin.
í öðru sæti, De Gea gegn Coentrão, sparkið
í þriðja sæti De Gea gegn Bryan Ruiz í Fulham, fingurgómar aftur!

Sigurjón:
Því verður fljótt svarað. Þrátt fyrir fjöldann allan af flottum vörslum hjá De Gea í vetur þá slær ekkert úr vörsluna hans gegn Torres á Stamford Bridge í október. Stórkostleg varsla sem vann leikinn.

Elvar:
De Gea er búinn að vera alveg frábær á þessu tímabili og er alveg fáránlega erfitt að velja eina vörslu frá honum. Ég ætla samt að velja þessa hér úr fyrri leik United gegn Real. Ég skil ekki ennþá hvernig hann fór að því að verja þennan bolta.

Maggi:
Allur leikurinn gegn Real Madrid á Bernabeu. Og gegn Chelsea. Hvort tveggja David de Gea

Tryggvi:
Heildarframmistaða De Gea á Bernabeu fær mitt atkvæði.