Rauðu djöflarnir

Enska bikarkeppnin

West Ham 2:2 Manchester Utd

skrifaði þann | 7 ummæli

Þá er skrýtnum leik lokið í ensku bikarkeppninni. United byrjaði leikinn af miklum krafti og virtust staðráðnir í að skora snemma í leiknum. West Ham voru tilbúnir að verjast og ætluðu að beita skyndisóknum. Það var svo á 23.mínútu sem við tökum forystuna eftir nett samspil á milli Chicharito og Cleverley sem afgreiddi boltann snyrtilega í markið.

Það tók West Ham ekki langan tíma að jafna leikinn eða 4 mínútur, Joe „Messi“ Cole átti fína fyrirgjöf sem James Collins stangaði örugglega í markið. Staðan 1-1 í hálfleik þar sem United voru betri aðilinn en heimamenn vörðust vel.

Í seinni hálfleik byrjuðu West Ham betur, okkar menn virtust alltof rólegir og það kostaði okkur mark á 59’mínútu þegar Messi og Collins buðu uppá copy/paste af fyrra markinu, 2-1 fyrir West Ham og rétt rúmur hálftími eftir.

Eftir þetta bökkuðu Hamrarnir verulega og voru nánast alltaf með 11 menn fyrir aftan bolta og nákvæmlega ekkert var að ganga upp hjá okkur, Paul Scholes sem hafði fengið gult spjald á 24. mínútu var tekinn af velli ásamt Chicharito og í þeirra stað komu Robin van Persie og Antonio Valencia.

Þrátt fyrir skiptingarnar virtist ekkert í spilunum og allt leit út fyrir enn eitt bikartapið gegn West Ham. Chris Smalling var svo tekinn af velli og Ryan Giggs kom í hans stað. Þessi skipting skilaði meiri árangri en Valencia sem virðist eiga í töluverðum sjálfstraustsbresti þessa dagana.

Giggs átti skalla rétt framhjá og leit úr fyrir að síðasti sjensinn væri farinn til að fá eitthvað úr leiknum.

Svo átti Giggs þessa mögnuðu sendingu fram á Robin van Persie sem gerði það sem hann gerir best, skoraði. Staðan orðin 2-2. Eftir þetta mark pressuðu við aðeins en vorum aldrei nálægt því að skora aftur og lokastaðan jafntefli. Þetta hefði verið mjög pirrandi fyrirfram en miðað við hvernig seinni hálfeikurinn þróaðist velkomið.

Veit ekki alveg hver var maður leiksins en ætla að leyfa Giggs og van Persie að deila heiðrinum fyrir frábæra samvinnu í jöfnunarmarkinu.

Liðið sem byrjaði:

De Gea

Smalling Vidic Evans Büttner

Scholes
Rafael Cleverley

Kagawa

Chicharito Welbeck

 

Enska bikarkeppninEnska bikarkeppnin

West Ham í FA bikarnum

skrifaði þann | 6 ummæli

Þá hefðjum við þáttöku okkur í aðalbikarkeppninni á Englandi. Frammistaða liðisins í þessari keppni hefur valdið vonbrigðum undanfarin ár. Sennilega hefur verið hægt að óska sér auðveldari andstæðings í þessari umferð til að geta spilað yngri mönnunum, reyndar kemur 8 daga pása þannig að ekki er ólíklegt að United stilli upp þokkalega sterku liði.

West Ham hefur gengið þokkalega í deildinni eftir að hafa komið upp úr Championship-deildinni í vor. Þeir eru sem stendur í 11.sæti deildarinnar. Leikurinn hefst klukkan 17:15 og fer fram á Upton Park.

  • Manchester United hefur unnið þessa keppni 11 sinnum, 1909,1948,1963,1977,1983,1985,1990,1994,1996,1999,2004. Ekkert lið hefur unnið oftar.
  • Sir Alex Ferguson hefur stýrt Man Utd til sigurs 5 sinnum eða oftast allra stjóra félagsins.
  • Sigurinn í keppninni 1990 er talinn hafa bjargað starfi Ferguson á sínum tíma.
  • Einu núverandi leikmenn liðsins sem unnu FA bikarinn síðast eru Ryan Giggs, Paul Scholes og Rio Ferdinand.
  • David de Gea, Rafael (og Fabio), Danny Welbeck voru á fermingaraldri síðast þegur United vann þennan bikar. Nick Powell var 10 ára.

Líklegt byrjunarlið:

Lindegaard

Jones Smalling Vidic Büttner

Welbeck Fletcher Scholes Young

Kagawa

Hernández

Lesefni

Rauðu djöflarnir lesa

skrifaði þann | 2 ummæli

Greinar sem við lásum í vikunni

Robin van Persie var valinn leikmaður desember mánaðar af manutd.com

Sir Alex veit ekki hver mun taka við af honum, þegar sá tími kemur

Rio Ferdinand segir að United eigi að hætta að hugsa um City og einbeita sér að sínum leikjum

Ronaldo elskar Manchester United en ætlar samt að slá þá út

Félagsskipti

Joshua King sem var á láni hjá Blackburn hefur skrifað undir langtíma samning við félagið, kaupverð er í kringum eina milljón punda

Angelo Henríquez hefur gengið til liðs við Wigan Athletic á lánsamningi sem gildir út tímabilið

Tíst

https://twitter.com/gudmegill/status/286146535509594114

https://twitter.com/AnnieEaves/status/286615943889694720

Enska úrvalsdeildin

Wigan 0:4 Manchester United

skrifaði þann | 8 ummæli

Á fyrsta degi nýs árs skruppu United yfir í næsta bæ og sóttu þrjú auðveld stig

Fyrsti hálftíminn var frekar slakur. Wigan gekk vel að stöðva leik United með fjölmenni í vörn og á miðj. Það var helst að fyrirgjafir United væru að skapa smá hættu upp við mark Wigan þegar leið á og vörn Wigan var ekki alltof sannfærandi. Sér í lagi var Al Habsi ekki að halda skotum vel. Það endaði á því að þegar Evra kom skoti á hann úr teignum sló Al Habsi boltann beint út og þar var Javier Hernandez og skoraði auðveldlega af markteig. Það er ekki nóg með að vörnin okkar sé að skora meira en miðjan, heldur átti vörnin þetta mark alveg, Rafael vann boltann og Jonny Evans átti góða sendingu inn á Evra.

Wigan hélt boltanum vel eftir markið en það var United sem bætti við. Hröð sókn upp kantinn, sending frá Hernandez yfir á Van Persie sem fintaði varnarmann upp úr skónum, og skoraði síðan með hárnákvæmu skoti út við stöng. Virkilega glæsilegt mark.

Seinni hálfleikurinn komkst fljótlega algerlega í eigu United. Héldu boltanum vel á miðjunni og áttu nokkrar góðar sóknir. Kone kom reyndar boltanum í netið eftir kortér í fyrstu sókninni Wigan í hálfleiknum, en var hárfínt rangstæður. örlítið vel sloppið þar. En Chicharito skoraði síðan sitt sjötta mark gegn Wigan á ferlinum og gerði endanlega út um leikinn. Rafael vann aukaspyrnu rétt fyrir utan teig í góðri skyndisókn. Van Persie renndi á Young sem stoppaði boltann svo Van Persie gæti skotið. Skotið fór í vegginn og til Chicharito sem afgreiddi þetta snyrtilega.

Þá gat Fergie hvílt menn frekar, Smalling kom inn fyrir Ferdinand og Kagawa fyrir Carrick. Þetta hafði lítil áhrif á leikinn. Wigan kom reyndar aðeins meira inn í hann, en ekki þannig að skipti máli. Ashley Young meiddist eitthvað lítillega við brot og Danny Welbeck fékk tækifæri á að koma inn á. Young hafði átt ágætan leik.

Síðan var eins og þessar skiptingar United og góðar skiptingar Wigan settu Wigan í smá gang og þeir voru mun meira með boltann án þess þó að skapa neitt að ráði.

En það var United sem átti síðasta orðið. Þeir komust loksins í sókn, varnarmenn Wigan hlupu hver á annan innni í teig, Welbeck hirti boltann, lék upp og gaf fyrir á Van Persie dauðafrían og hann gerði engin mistök.

Virkilega góður sigur hjá United. Ekki alltaf fullkomið spil og Wigan gerði margt alveg ágætlega í byrjun leiks og lok hans, án þess að eiga skot á mark og gæði leikmanna United skinu í gegn. Það voru margir sem áttu góðan leik í dag, vörnin var örugg, Evans einna bestur þar. Carrick carrickaði miðjuna, Giggs var nettur og Van Persie og Hernandez gerðu það sem þeir gera best. Góð byrjun á árinu.