Rauðu djöflarnir

Meistaradeild Evrópu

CFR Cluj á morgun

skrifaði þann | 16 ummæli

Síðasti leikur okkar í riðlakeppni Meistaradeildar Evrópu verður á morgun þegar Rúmenarnir frá Cluj koma í heimsókn. Fyrri leiknum lauk með naumum sigri United í einum af streðleikjum þessa hausts. Fjórir sigrar í fyrstu fjórum leikjum riðilsins hafa þó tryggt okkur áfram og við getum tekið á móti Cluj með hálfgerðu varaliði, enda erfiðasti leikur tímabilsins framundan um næstu helgi, heimsóknin á Etihad.

Eftir martröðina um síðustu helgi eru köllin eftir David de Gea orðin skerandi hávær, ekki síst þegar horfti er til næstu helgar og ég ætla sannarlega að vona að Sir Alex láti það eftir okkur. Að öðru leyti verður þetta létt. Rooney verður með sagði Fergie það í dag, enda spilar hann betur þegar hann fær leiki. Af öðrum aðalmönnum ætla ég að spá því að Rafael byrji til að gefa honum sjálfstraust eftir að hafa verið kippt útaf um helgina, en annars verður þetta svona bland í poka. Young má alveg við að spila gegn veikara liði, hann lék betur á laugardaginn en hann hefur gert í vetur. Jones og Smalling þurfa leikæfinguna ef annar hvor eða báðir eiga að spila á móti City, og Fletcher þarf hvíld ef hann á að spila á móti City. Svo verða þarna uppáhalds kantmenn okkar allra, Young og Welbeck.

De Gea

Rafael Wootton Smalling Büttner

Cleverley Jones

Welbeck Rooney Young

Chicharito

Bekkurinn verður svo kjúklingasafn hið mesta. Enginn Vidic. Macheda spilað í varaliðsleik í gær annars væri ég jafnvel til í að spá honum inn í byrjunarliðið

Cluj eygir möguleika á sæti í næstu umferð ef úrslit þeirra eru betri en úrslit Galatasaray gegn Braga þannig það má búast við þeim í hörkustuði.

Segjum að við sleppum með jafnteflið, 1-1 í leik sem skiptir okkur litlu máli.

Leikmaður mánaðarins

Leikmaður nóvembermánaðar?

skrifaði þann | 11 ummæli

Þá er komið að því að kjósa besta leikmann Manchester United í nóvembermánuði en þetta er nýr liður hér á síðunni sem við ætlum að vera með í hverjum mánuði héðan í frá. Við höfum tekið saman lista yfir þá leikmenn sem er vert að gefa séns í þessari könnun, ef þið eruð okkur ósammála þá endilega kjósið aðra leikmenn í athugasemdakerfinu.

Leikir United í nóvember voru eftirfarandi:

Kosning:

[poll id="2"]

Enska úrvalsdeildin

Reading 3:4 Manchester United

skrifaði þann | 11 ummæli

Liðið aðeins öðruvísi en ég setti það upp áðan.

Lindegaard

Rafael Ferdinand Evans Evra

Carrick Anderson Fletcher

Rooney Van Persie Young

Skemmst frá því að segja eftir þokkalega byrjun United kom sending inn á teig okkar á 8. mínútu, Jonny Evans skallaði úti teiginn og Robson-Kanu afgreiddi boltann snyrtilega í netið. Fjórtánda skiptið í vetur sem United lendir undir. En United var óvenju snöggt að svara þessu og tvö mörk á þrem mínútum komu United yfir, Fyrst skoraði Anderson með þrumuskoti úr teignum eftir góða sendingu Young, og síðan Rooney úr víti eftir óhemju klaufalegt brot á Evans.

En United var ekki lengi í þeirri paradís, Reading fékk horn og Adam Le Fondre var gjörsamlega óvaldaður í teignum og skallaði inn. Skelfilega slök dekkning þarna og aðeins þrem mínútum eftir það skoraði Morrison eftir annað horn Nicky Shorey. Annar skalli í þetta skiptið tók Morrison hreinlega Evans í nefið í loftinu. Spurning hvor Lindegaard hefði getað gert betur þarna eða hvort hann á sök á að vörnin er ekki nógu skipulögð.

En United kom enn til baka, Young átti snilldarsendingu upp kantinn á Evra, fyrirgjöfin fann Rooney frían í miðjum teignum og hann skoraði auðveldlega.

Þá tók Sir Alex Rafael útaf og setti Smalling inn. Rafael hafði ekki átt góðan leik, hleypt sínum mann of oft upp kantinn og var þegar kominn með gult spjald. Sjaldan sem maður sér svona snemmbúna skiptingu hjá United. Þarna var Fergie líka klárlega að reyna að setja hæð í vörnina. Verst er ef þetta fer með sjálfstraustið hjá Rafael, hann var gráti nær þegar hann kom útaf.

Firringin hélt áfram og Robin van Persie kom United yfir. Stungan kom inná hann dauðafrían, Nicky Shorey úti á vinstri kantinum sá til þess að Van Persie var ekki rangstæður og afgreiðslan var flott. Einhverjum mínútum síðar hreinsaði varnarmaður síðan skot Van Persie sem var komið meter yfir línuna.

Anderson meiddist undir lok hálfleiksins og Phil Jones kom inn á í staðinn. Alveg væri það klassískur Anderson ef hann verður nú frá í nokkra mánuði svona rétt þegar hann er að spila frábærlega.

Seinnni hálfleikurinn var nær tíðindalaus í samanburði, helst að minnast á að Lindegaard var ekki mjög traustur þó að ekki leiddi til marks. Van Persie var nálægt að skora þegar hann hirti boltann af Federici, markmanni Reading, en var kominn aðeins of langt til hliðar þegar hann náði loks skotinu og að fór hátt yfir og framhjá. Van Persie var síðan tekinn útaf og Welbeck kom inn á.

Það verður ekki að United tekið að skora fjögur mörk, en það er alveg skelfilegt hvað vörnin var óörugg. Ég skelli skuldinni á Lindegaard, sýnist alveg augljóst að nú þurfi de Gea að fá stöðuna aftur. Rafael hlýtur að koma til baka þó hann hafi verið slakur þennan hálftíma sem hann spilaði.

Rooney var maður leiksins hjá okkur, tvö mörk og stoðsending og er fínt ef hann er að spila sig í toppform svona rétt fyrir City leikinn. Young var frískari en hann hefur verið, en skot hans voru ansi slök. Vonum að Anderson sé ekki illa meiddur, nauðsynlegt að hafa hann með gegn City

En núna getum við byrjað að stressa okkur fyrir næstu helgi, erum 3 stigum á undan og því algerlega sex stiga leikur.

Enska úrvalsdeildin

Byrjunarliðið gegn Reading

skrifaði þann | 7 ummæli

Byrjunarliðið komið

Lindegaard

Rafael Ferdinand Evans Evra

Carrick Fletcher

Young Anderson Rooney

Van Persie

Varamenn:  De Gea, Jones, Giggs, Smalling, Chicharito, Welbeck, Cleverley

Er að skjóta á liðsuppstillinguna svona, litur út fyrir að Rooney fái að vera úti á kanti.

Enska úrvalsdeildin

Reading á morgun

skrifaði þann | 7 ummæli

Það er allt vitlaust að gera í ensku úrvalsdeildinni þessa dagana, maður er rétt að ljúka yfirferð sinni á leikjum fjórtándu umferðar þegar sú fimmtánda er komin í gang. Á morgun sækja okkar menn Reading heim á Madejski vellinum í Berkshire héraði í Suður Englandi. Fyrir fram ætti þetta að teljast frekar léttur leikur fyrir United þar sem Reading hefur alls ekki vegnað vel í deildinni það sem af er tímabils. Þeir sitja í næst neðsta sæti deildarinnar með 9 stig, sem þeir hafa önglað saman með einum sigri og sex jafnteflum.

Eins og rætt hefur verið hér margoft hefur United hefur verið að ströggla svolítið gegn minni liðunum í vetur og gæti leikurinn á morgun því orðið erfiður. Reading getur varist vel og þeir hafa eflaust legið yfir spilamennsku Norwich gegn United til að sjá hvernig væri best að nálgast leikinn varnarlega. Svo er það spurning hvernig Ferguson ætlar að setja þennan leik upp, svona miðað við spilamennsku liðsins gegn West Ham í vikunni. Þó svo miðjan og vörnin hafi staðið sig vel í þeim leik þá var sóknin afskaplega bitlaus. Ætlar Ferguson að nota sama plan og vonast til þess að sóknin batni eða ætlar hann að breyta til í þeim tilgangi að fá meiri breidd í sóknarleikinn?

Meiðslalistinn okkar gefur þó til kynna að það gæti reynst Ferguson erfitt að koma með breidd í sóknarleikinn. Nýjustu fréttir af Valencia eru þær að hann verður ekki klár á morgun, Kagawa er auðvitað ennþá meiddur sem og Nani en það eru umræður í gangi þess efnis að hann verði frá mun lengur en menn héldu, jafnvel framyfir jól. Meðalaldur byrjunarliðsins gæti þó hækkað verulega með endurkomu Scholes, hefur snúið aftur úr leikbanni, og Giggs sem er kominn aftur á fullan snúning eftir smávægileg meiðsli aftan í læri. Einnig er Ferdinand líklegur til að mæta aftur í byrjunarliðið eftir að hafa verið hvíldur gegn West Ham. Ég veit ekki alveg hverju skal spá með byrjunarliðið nema því að við sjáum Anderson þar, held að annað væru stór mistök. Ég ætla að skjóta á þetta svona:

De Gea

Rafael Ferdinand Evans Evra

Anderson Carrick

Young Rooney Welbeck

Van Persie

Ég er hræddur um að Ferguson setji Chicharito aftur á bekkinn (þó svo ég persónulega vilji sjá hann alltaf byrja!) og hann gefi Young og Welbeck sénsinn til að fríska upp á sóknarleikinn, þó svo þeir hafi ekki verið upp á sitt besta undanfarið. Mikilvægast þó fyrir sóknina er að Rooney eigi góðan leik, en það gerist þá hef ég ekki miklar áhyggjur af því hvaða leikmenn eru þar til að hjálpa honum.

Mikið væri það nú þægilegt að sjá ferska og einbeitta United pilta fara með þægilegan sigur að hólmi á morgun, helst komnir með +2 marka mun strax í fyrri hálfleik og e.t.v auka þann mun í þeim seinni. Munið þið eftir svoleiðis spilamennsku? Ahhhh, minningar!