Rauðu djöflarnir

Enska úrvalsdeildin

Liðið gegn Norwich

skrifaði þann | 7 ummæli

Liðin eru kominn og United liðið er svona:

Lindegaard

Rafael Smalling Ferdinand Evra

Valencia Carrick Giggs Young

Chicharito RvP

Bekkur: Johnstone, Jones, Anderson, Welbeck, Scholes, Cleverley, Fletcher

De Gea þurfti víst að láta draga úr sér tönn skv. MUTV og er því ekki í hópnum. Giggs er væntanlega á miðjunni sem kemur nokkuð á óvart. Hann hefur þó lagt það í vana sinn að skora á Carrow Road. Annars bara hefðbundið lið miðað við meiðsli og annað.

Norwich liðið er svona:

Ruddy

Whittaker Bassong Turner Garrido

Snodgrass Tettey Hoolahan Johnson Pilkington

Holt

City er að valta yfir Aston Villa og Chelsea er að tapa stigum gegn WBA. Þrjú stig væru því afskaplega vel þegin á eftir.

Enska úrvalsdeildin

Upphitun: Norwich – Man Utd

skrifaði þann | 3 ummæli

Næsti leikur á dagskrá er á Carrow Road þar sem okkar menn mæta til leiks næstkomandi laugardagseftirmiðdegi. Byrjum á andstæðingum okkar á morgun. Norwich kom upp úr 1.deildinni í fyrra og náði undraverðum árangri með þennan afar „ómerkilega “ hóp sem liðið býr yfir. Þetta er mikið til samansafn leikmanna sem hafa spilað í neðri deildum Englands og því ljóst að Paul Lambert náði að kreista afskaplega mikinn safa úr þessari pínulitlu appelsínu, ef þið skiljið hvert ég er að fara. Nú er hinsvegar enginn Paul Lambert til staðar heldur einungis Chris nokkur Hougton. Hann var rekinn frá Newcastle fyrir þá einu sök að hann var ekki nógu stórt og fínt nafn í knattspyrnuheiminum.  Menn bjuggst ekki við miklu frá honum þetta tímabilið og flestir ef ekki allir sem spáðu þessu Norwich liði lóðbeina leið niður í 1. deild. Ég er einn af þeim og hef akkúrat enga trú á þessu Norwich liði og ég stend ennþá fyllilega við spá mína um að liðið falli um deild og endi í 20. sæti þegar öll stigin hafa verið talin.

Okkar menn eru að safnast saman eftir landsleiki vikunnar. Sir Alex sagði á blaðamannafundi að líklega myndu Evans og Rooney ekki spila leikinn en RvP ætti að vera orðinn klár. Vidic og Kagawa eru ennþá meiddir og Phil Jones er allur að skríða saman, mun t.d. ferðast til Tyrklands með liðinu fyrir leikinn gegn Galatasaray, en telst ekki nógu skriðinn saman fyrir leikinn gegn Norwich.  Ef ég þyrfti að stilla upp byrjunarliði fyrir leikinn á morgun, sem ég þarf þar sem ég er með þessa upphitun myndi ég stilla því einhvernveginn svona upp:

De Gea

Rafael Ferdinand Smalling Evra

Carrick Cleverley

Valencia van Persie Welbeck

Chicharito

Valencia og Welbeck dekka kantana, RvP örlítið fyrir aftan Chicharito og vörnin velur sig sjálf enda fáir valkostir þar. Allt í allt ættum við að vinna þennan leik og það nokkuð auðveldlega. Það er hinsvegar ekkert gefið þegar liðið okkar er svo ákaft að lenda undir, jafnvel þó að andstæðingurinn í þetta skiptið hafi skorað næstfæst mörkin á leiktíðinni og aðeins skorað úr 7.3% þeirra skota sem hafa riðið af stað frá gulklæddu leikmönnunum.

Ég segi 1-3 eftir að Norwich kemst yfir. Welbeck með eitt og Chicharito heldur uppteknum hætti og skorar tvennu, þar af eitt með öxlinni.

Leikurinn hefst kl. 17.30

Lesefni

Rauðu djöflarnir lesa:

skrifaði þann | Engin ummæli

Hér er það áhugaverðasta sem við lásum í þessari viku:

Skemmtileg tíst:

https://twitter.com/insidesafstand/status/268370860979671040

Fjármál Pistlar

Rekstur Manchester United

skrifaði þann | 4 ummæli

Fjármál eru líklega það leiðinlegasta sem nokkur fótboltaáhugamaður hlustar á, en síðan í maí 2005 þegar Glazer-fjölskyldan tók United yfir og hlóð öllum skuldum yfirtökunnar á félagið hefur það verið eitt af því sem United áhugamenn hafa þurft að fylgjast náið með. Ég bið samt fyrirfram afsökunar á neðangreindu.

Í gær voru birtar niðurstöður fyrsta fjórðungs fjárhagsárs rekstrarfélags Manchester United, fyrir júlí-september.

Helstu niðurstöður voru sem hér segir:

  • Fyrsti ársfjórðungur er alltaf rólegur, er alla jafna um 15% af hagnaði ársins.
  • Tekjur hækkuðu um 3,4% frá sama fjórðungi fyrra árs.
    • Tekjur af leikdögum hækkuðu vegna Ólympíuleikanna.
    • Auglýsingatekjur hækkuðu um 24%, einn þriðja af þeirri hækkun má rekja til nýja auglýsingasamningsins við Chevrolet.
    • Tekjur af sjónvarpi og öðrum miðlum lækkuðu um 37%, m.a. vegna tímasetningar leikja í Meistaradeild og beinum útsendingum í deildinni. Tveimur færri leikjum í deild og einum í Meistaradeild var sjónvarpað m.v. sama tíma í fyrra.
  • Launakostnaður hækkaði um 6,5%. Í raun var hækkunin 10% en á móti komu greiðslur vegna þáttöku leikmanna í Evrópukeppni landsliða.
  • Annar kostnaður hækkaði um 18%.
  • Nettófjármagnskostnaður lækkaði úr 19,3m pundum í 12,4m pund. Þetta má rekja til áhrifa frá gengisþróun dollars! Þarna er um að ræða helming árskostnaðar þar sem vextir af skuldabréfi félagsins eru greiddir á hálfs árs fresti. Heildarvaxtagreiðslur á ári eru því um 24m punda, eða sem nemur einum Robin van Persie.
  • Tap fjórðungsins var 6m punda, en sem fyrr segir er þetta ekki merkilegasti fjórðungur ársins hvað veltu varðar. Skattalega séð var 20m punda hagnaður þar sem félagið bjó yfir 26,4m punda skattaívilnun út af endurskipulagning rekstrar. Þetta skattahagræði hefur þó í raun lítil áhrif á rekstur félagsins.
  • Skuldir félagsins eru nú 359,7m punda, félagið á 52,5m punda í reiðufé og nettóskuld því 307,2m punda. Skuldirnar lækkuðu þar sem 62,7m punda af tekjum af hlutafjárútboðinu voru notaðar til kaupa til baka skuldabréf, og einnig voru gengisáhrif jákvæð sem fyrr sagði.

Heildarkostnaður við yfirtökuna stendur nú í 550m pundum. Til samanburðar má áætla að arðgreiðslur ef félagið hefði áfram verið skráð hlutafélag hefðu verið um 71,3m punda á þessum árum.

Hlutabréfin hafa verið að rokka í verði milli 12 og 13 dollara á hlut, stundum rúmlega það eftir að hafa farið í sölu á 14 dollara hluturinn (eftir að upphaflega var stefnt á 16-20).

Niðurstaðan: Hlutafjárútboðið lækkaði skuldir eins og vitað var. Laun eru enn að hækka stöðugt, en tekjur að aukast. Auglýsingadeildin er mjög grimm í þessu og menn þar búast við frekari tekjumöguleikum. Í vikunni voru fréttir um að nýir alþjóðlegir sjónvarpssamningar myndu auka tekjur ensku liðanna enn frekar. Þeim tekjum er skipt alfarið jafnt milli félaga þannig að United fær þar sama og aðrir. Eftir sjö ára streð eru vaxtagreiðslur loksins farnar að minnka eftir útboðið í ár, og frekar leyndardómsfulla skuldalækkun í fyrra sem aldrei hefur verið upplýst hvernig var fjármögnuð.

Fyrir þá sem vilja fylgjast náið með fjármálunum er ekki hægt að mæla með neinu meira en @andersred og blogginu hans. Við munum auðvitað alltaf koma með helstu fréttir hér.

Fjármál Opin umræða Slúður

Laun leikmanna?

skrifaði þann | 4 ummæli

Fótbolti.net birti frétt á vefnum sínum í dag um lista sem hugsanlega inniheldur launatölur leikmanna Manchester United. Hann lítur út svona:

  • Wayne Rooney – £180,000
  • Robin van Persie – £180,000
  • Rio Ferdinand – £110,000
  • Nemanja Vidic – £90,000
  • Ashley Young – £90,000
  • Patrice Evra – £75,000
  • Ryan Giggs – £70,000
  • Javier Hernandez – £60,000
  • Shinji Kagawa – £60,000
  • Antonio Valencia – £60,000
  • Michael Carrick – £55,000
  • David De Gea – £50,000
  • Danny Welbeck – £50,000
  • Darren Fletcher – £50,000
  • Jonny Evans – £45,000
  • Andres Lindegaard – £45,000
  • Luis Nani – £45,000
  • Chris Smalling – £40,000
  • Phil Jones – £40,000
  • Rafael da Silva – £40,000
  • Paul Scholes – £30,000
  • Alexander Buttner – £25,000
  • Angelo Henriquez – £20,000
  • Tom Cleverley – £20,000
  • Federico Macheda – £6,000
  • Nick Powell – £5,000

Hvað finnst ykkur um þetta, teljið þið þetta líklegan lista? Eru menn að fá borgað það sem þeir eiga skilið?

Annars komu líka þær fréttir í dag að á morgun (miðvikudag) verður það tilkynnt að skuldir Manchester United séu nú komnar undir 400 milljónir punda og mun það vera í fyrsta skiptið sem það gerist síðan Glazer fjölskyldan keypti klúbbinn í maí 2005. Þetta er svolítið eins og að fagna 10-0 tapi í dag eftir 20-0 tapið í gær, en hey, við tökum öllum fjárhagslegum framförum með fegins hendi, ekki satt?

Annars er orðið er laust!