Rauðu djöflarnir

Enska úrvalsdeildin

Svaf yfir sig en vakti United

skrifaði þann | 3 ummæli

Embed from Getty Images

Brotthvarf Rashford fyrir Alejandro Garnacho var eina breytingin á byrjunarliðinu síðan í leiknum gegn Nottingham Forest í vikunni. Luke Shaw var sem sagt áfram valinn sem vinstri miðvörður, sem hlýtur að fá Harry Maguire til að velta fyrir sér stöðu sinni. Viktor Lindelöf var á bekknum eftir veikindi.

Þau voru ekki mörk dauðafærin í fyrri hálfleik, það besta fékk trúlega Anthony Martial rétt fyrir lok hálfleiksins þegar hann hitti ekki boltann í skallafæri. Wolves spilaði skipulagða vörn, lokaði svæðunum vel og beitti þokkalegum skyndisóknum.

Erik ten Hag skipti Garnacho út fyrir Rashford í hálfleik auk þess að segja leikmönnum United að þeir þyrftu að leggja sig 10% meira fram til hið minnsta til að kreista fram sigurinn. Rashford kveikti ekkert í sóknarleiknum fyrst en smám saman þyngdist sókn United. Á 76. mínútu prjónaði hann sig í gegnum Úlfahjörðina eftir þríhyrningaspil við Bruno Fernandes og skoraði með skoti í nærhornið.

Hann skoraði aftur átta mínútum síðar þegar hann fylgdi eftir eigin skoti sem var varið. Boltinn hrökk hins vegar af hönd hans og markið því dæmt af.

Í stað þess að innsigla sigur United gafst Wolves færi á að hafna. Það tókst næstum í uppbótartíma en góð viðbrögð David de Gea í skalla eftir hornspyrnu bjargaði sigrinum. Maguire fékk síðan nokkrar mínútur í uppbótartímanum en varla nokkuð nálægt því sem 80 milljóna maður væntir. Rashford hefur á móti skoraði fimm sigurmörk eftir að hafa komið inn á sem varamaður og er annar tveggja leikmanna ensku úrvaldsdeildarinnar sem hefur afrekað það.

 

 

Enska úrvalsdeildin

Upphitun: Árinu lýkur gegn Wolverhampton

skrifaði þann | Engin ummæli

Embed from Getty Images

Manchester United lýkur leik þetta árið með því að heimsækja Wolverhampton Wanderes í hádeginu á morgun, gamlársdag. Enn er verið að fást við afföll í vörninni en það stendur til bóta því heimsmeistarinn er mættur til æfinga.

Lisandro Martinez mætti aftur til æfinga í vikunni, tíu dögum eftir að hann varð heimsmeistari með Argentínu. Silfurmaðurinn Rafael Varane spilaði 77. mínútur gegn Nottingham Forest en var þá skipt út fyrir Harry Maguire sem glímt hefur við veikindi. Viktor Lindelöf hefur líka legið í rúminu.

Enginn þeirra glímir við langtíma vandamál og þess vegna ættu tveir af þessum fjórum að geta mannað miðvarðastöðuna frekar en Luke Shaw hlaupi þar aftur undir bagga í hallæri.

Phil Jones er ekki á meiðslalista en fékk hvorki tækifæri í deildarbikarnum gegn B-deildarliði Burnley né Forest þrátt fyrir meiðsli og veikindi annarra.

Diego Dalot kom heim af HM með tognun. Aaron Wan-Bissaka, sem í haust virtist fullkomlega heillum horfinn hefur nýtt sér fjarveruna og spilað það vel að Erik ten Hag notaði blaðamannafund dagsins til að hrósa honum. Hann benti á að Wan-Bissaka hefði verið óheppinn við meiðsli en sýnt að hann skipti máli fyrir samkeppnina í leikmannahópnum.

Líkt og Lindelöf lá Scott McTominay heima með lumbru meðan United vann Nottingham Forest 3-0 í vikunni. Ekkert hefur spurst til Jadon Sancho nema að enskir miðlar eru byrjaðir að tala um andlega erfiðleika.

Julen Lopetegui tók við Wolves í HM-hléinu. Síðan hefur liðið unnið báða sína leiki, gegn Gillingham í deildarbikarnum og Everton á útivelli í deildinni. Ekki má vanmeta liðið þótt það sé í 18. sæti, stuð er gjarnan hjá nýjum þjálfurum og sigurmark vikunnar kom í uppbótartíma.

Lopetegui var áður hjá Sevilla og hafði þar Anthony Martial síðasta vor. Spánverjinn var orðaður við stjórastarfið hjá United þá, sennilega var það mest umboðsmaður hans Jorge Mendes, sem ýtti honum þar áfram. Mendes hefur löngum verið duglegur að skaffa bæði United og Wolves leikmenn þótt aðeins hafi súrnað hjá hans síðasta skjólstæðingi sem lét af störfum hjá United í nóvember.

Hjá Wolves er mesti vafinn um Daniel Podence, sem skoraði fyrra markið gegn Everton. Einnig er beðið tíðinda af Boubacar Traore og Jonny en þeir Chiquinho, Pedro Neto og Sasa Kalajdiz eru örugglega fjarverandi.

Enska úrvalsdeildin

Manchester United 3:0 Nottingham Forest

skrifaði þann | 3 ummæli

Veira hafði herjað á United, Lindelöf og McTominay voru veikir, Maguire líka en var nógu hress fyrir bekkinn

1
De Gea
12
Malacia
23
Shaw
19
Varane
29
Wan-Bissaka
18
Casemiro
14
Eriksen
10
Rashford
8
Fernandez
21
Antony
9
Martial

Varamenn: Heaton, Bennett, Maguire (77′), Williams, Fred (77′), Van de Beek (65′), Iqbal, Elanga (86′), Garnacho (65′)

Forest leit svona út

Hennessey
Lodi
Boly
Worrall
Aurier
Mangala
Freuler
Yates
Lingard
Awoniyi
Johnson

Það var steypiregn í Manchester og leikurinn fór frekar rólega aaf stað færalega, United hélt boltanum og Forest menn voru að mestu sáttir við það og leyfðu þetta.

Á nítjándu mínútu kom mark beint af æfingasvæðinu. United fékk horn hægra megin, Eriksen sendi jarðarbolta inn á miðjan teiginn og Rashford kom og hamraði í netið. Slakri uppstillingu Forest refsað fallega.

Embed from Getty Images

Það voru svo rétt rúmar þrjár mínútur liðnar þegar Rashford sá um mötunina, United kom hratt upp vinstra megin, endaði á sendingu Bruno upp og innfyrir, Rashford tók á manninn, en sneri svo við og hafði tíma og pláss til að renna á Martial sem skaut í skrefinu og Wayne Hennessy gat bara slæmt lófanum í boltann. 2-0 eftir 22. mínútur. Frumkvæðið að þessari skyndisókn var frábær tækling Casemiro og sending áfram. Gaman að sjá menn koma ferska frá HM.

Embed from Getty Images

United var áfram mun betra liðið en Forest ógnaði sjaldan. De Gea varði eitt skot með öxlinni í horn þegar hann virtist eiga auðveldara með að verja með höndum.

Á 41. mínútu tók Lingard aukaspyrnu frá vinstri, boltinn kom inn á teiginn, Yeats stökk upp og skallaði í Boly, jörð og inn, VAR tékkaði fyrst á hendi á Yeats og svo á rangstöðu og niðurstaðan eftir þrjár mínútur var rangstaða. Vel sloppið þar.

Í seinni hálfleik voru forest meira með boltann fyrsta kortérið en gerðu ekki mikið. En síðan fengu bæði Antony og Martial maður á mann færi en létu verja frá sér, Martial þó í erfiðara færi. Ten Hag skipti þeim svo útaf og inná komu Donny van de Beek og Alejandro Garnacho. Rashford fór í senterinn.

United vildi víti þegar Rashford skaut í varnarmann, og meðan VAR var að skoða fór Forest upp sem endaði á tvöfaldri vörslu De Gea. VAR hafnaði svo vítinu.

Næsta skipting var að hvíla Varane og Eriksen, Maguire og Fred komu inná. United var þá endanlega búið að missa sóknarrythmann og svo kom Elanga inná fyrir Rashford. Það setti strax smá kraft í þetta, United sótti, en það var auðvitað maður leiksins Casemiro sem stakk sér inn í Forest sendingu í uppspili frá teig, lék áfram og gaf inn á frían félaga sinn í landsliðinu, Fred sem þakkaði pent fyrir og skoraði örugglega. Þriðja markið á 89. mínútu og sigurinn loksins tryggður.

Embed from Getty Images

Þetta var svona allt í allt þokkalegasti leikur, óþarfi samt að skora ekki fleiri mörk, Forest voru alls ekki nógu sterkir.

Enska úrvalsdeildin

Loksins deildin aftur

skrifaði þann | 1 ummæli

Loksins  snýr deildin aftur á morgun þegar Jesse Lingard mætir í heimsókn með sínu nýju félagi.

Fyrsti leikurinn í deild eftir HM er endurkoma hins fornfræga félags Nottingham Forest á leikvang draumana. Nottingham Forest þarf kannski ekki mikið að kynna þótt þetta sé í fyrsta skiptið á þessari öld sem liðið er í efstu deild og fyrsti leikur liðanna síðan 1-8 sigurinn á City Ground árið 1999.

Sumir leikmenn eru enn annaðhvort í fríi eða að jafna sig á smávægilegum meiðslum sem þeir urðu fyrir á HM og kæmi það ekki á óvart ef liðið yrði nánast það sama og það sem spilaði á móti Burnley fyrir jól nema ætli það sé ekki líklegt að David de Gea byrji leikinn og svo veltir það á hvort Maguire hafi náð að jafna sig á veikindunum sem héldu honum úr þeim leik.

Með HM pásum meiðslum og öðru veseni sem fylgir nútíma fótbolta þá spái ég liði Manchester United svona

1
De Gea
23
Shaw
5
Maguire
2
Lindelöf
29
Wan-Bissaka
18
Casemiro
14
Eriksen
21
Antony
8
Fernandez
21
Rashford
9
Martial

Hjá gestunum er það hins vegar öruggt að Wayne Hennessey byrji leikinn í markinu þar sem Dean Henderson má ekki spila á móti okkur og má telja að allir leikmenn Nottingham Forest sem fóru á mótið séu tilbúnir í að spila nema Kouyate sem varð fyrir meiðslum sem halda honum frá keppni fram í mars.

Nottingham Forest sendu einnig nokkra leikmenn á HM og misstu reyndar Kouyate sem þann eina úr hópnum og spái ég því liði gestanna svona.

13
Hennessey
7
Williams
4
Worrall
30
Boly
32
Lodi
22
Yates
25
Freuler
20
Johnson
5
Mangala
10
Gibbs-White
11
Lingard

Eftir leiki dagsins er Nottingham Forest í 19 sæta stigi á undan Southampton og verri markatala heldur þeim frá 18 sætinu og með sigri lyft sér í 16 sætið á meðan erum við enn í 5 sæti og fjórum stigum eftir Tottenham sem náðu í jafntefli við Brentford í fyrsta leik dagsins annan í jólum en viðeigum eins og staðan er tvo leiki til góða á þá.

Enska deildarbikarkeppnin

Burnley fyrsti mótherjinn eftir HM-hlé

skrifaði þann | Engin ummæli

Embed from Getty Images

Manchester United hefur leik á ný eftir mánaðarlangt hlé vegna heimsmeistarakeppninnar í knattspyrnu þegar liðið tekur á móti Burnley á morgun miðvikudag í 16 liðar úrslitum enska deildarbikarsins.

Fjórir leikir keppninnar eru leiknir í kvöld, einn á fimmtudag en þrír á morgun. Leikur United hefst klukkan 20:00.

United nýtti hléið á Spáni og spilaði þar tvo æfingaleiki en reið ekki feitum hesti frá þeim. Tapaði fyrst 4-2 gegn Cadiz og síðan 1-0 fyrir Real Betis. Vissulega fengu margir leikmenn mínútur sem vanalega komast ekki einu sinni á varamannabekkinn en í liðinu voru líka leikmenn sem ekki komust á HM, til dæmis Antony Martial, David de Gea og Viktor Lindelöf.

Aaron Wan-Bissaka fékk sín fyrstu tækifæri í langan tíma en glansaði ekki. Donny van der Beek spilaði fyrri leikinn en náði sér ekki á strik. Í umsögn sinni spurði Andy Mitten hvort hann myndi nokkurn tíman gera það í United-treyjunni.

Nóg hefur samt verið af fréttum af United í hléinu. Í fyrsta lagi var Cristiano Ronaldo leystur undan samningi eftir að hafa flúið í faðm Arsenal-aðdáandans Piers Morgan og grenjað úr sér lungun. Við hafa tekið vangaveltur um arftaka, einna helst Cody Gakpo sem átti gott mót með Hollendingum eða Goncalo Ramos sem setti þrennu fyrir Portúgal gegn Sviss. Ekkert í þeim málum skýrist fyrr en eftir áramót.

Í öðru lagi sýndu Glazerarnir áhuga á að selja félagið, í það minnsta að fá inn nýtt hlutafé. Slíkt skapar vissulega óvissuástand en gæti líka falið í sér tækifæri að fá einu sinni til tilbreytingar fé inn í félagið frekar en það þjóni sem lánastofnun fjölskyldunnar.

Síðustu daga hafa síðan verið vangaveltur um nýja samninga. United hefur ekki nýtt sér tækifæri til að framlengja við David de Gea og Marcus Rashford er sagður krefjast launahækkunar langt umfram verðbólgu og almenna kjarasamninga.

Jadon Sancho var sendur í séræfingar hjá hollenskum þjálfurum. Hann er ekki enn mættur til æfinga hjá United og verður því ekki með á morgun. Milli línanna má lesa að vandamál hans eru ekki bara andleg heldur líkamleg líka.

https://twitter.com/LisandrMartinez/status/1604577311772315650

Lisandro Martinez verður í verðskulduðu fríi eftir að hafa orðið heimsmeistari með Argentínu. Raphael Varane veitir heldur ekki af hvíld eftir að hafa verið skipt út af örmagna í framlengingunni í úrslitaleiknum.

Flestir HM-fara United æfðu í morgun. Þar voru Rashford, Harry Maguire, Luke Shaw, Casemiro, Fred, Anthony, Tyrrell Malacia, Bruno Fernandes, Christan Eriksen og Facundo Pellistri en ekki Diego Dalot. Nokkrir yngri leikmenn voru einnig á æfingunni sem og Brando Williams sem fékk ekki tækifæri í Spánarferðinni en er orðinn heill af meiðslum sem hrjáð hafa hann í haust.

Burnley ber að taka alvarlega því liðið hefur spilað keppnisleiki í Championship-deildinni síðustu tvær helgar og unnið í bæði skiptin. Þar með hefur liðið unnið fjóra af síðustu fimm leikjum. Það féll úr úrvalsdeildinni í vor en hefur farið frábærlega af stað í deildinni á fyrsta tímabilinu undir stjórn Vincent Kompany og er efst í deildinni með 47 stig og 22 mörk í plús. Burnley og Sheffield United eru þar í algjörum sérflokki. Nokkrar breytingar hafa orðið á liðinu en þar eru samt kunnugleg andlit, Jóhann Berg Guðmundsson spilaði síðasta leik og Jay Rodriguez var fremsti maður. Vert er að muna að Burnley er ekki fjarri Manchester og því um hálfgerðan grannaslag að ræða.