Rauðu djöflarnir

Loksins er leyndarmálinu sem öll vissu ljóstrað upp.

https://twitter.com/ManUtd/status/1517083257539637248

https://twitter.com/ManUtd/status/1517088504525860864

Fylgst með Ten Hag

Lið hans Ajax spilaði á páskadag til úrslita um hollenska bikarinn gegn PSV Eindhoven.

Eflaust eru einhverjir betur inni í hollenskum fótbolta og Ajax heldur en ég, en undanfarna mánuði hafa skapast nokkur tækifæri til að horfa á Ajax. Samhliða hrakförum Manchester United gegn Atletico Madrid í Meistaradeildinni gat ég haft annað augað á Ajax – Benfica. Það kvöld lá Ajax á Benfica, vann boltann hátt og átti sæg af tækifærum en að lokum var það annar eftirsóttur einstaklingur, Darwin Nunez, sem skoraði úr eina færi Benfica.

Ég náði líka lokamínútum í Groeningen – Ajax. Þar var Ten Hag dúðaður inni í úlpu og með húfu á hliðarlínunni. Ajax var í smá brasi en þriðja markið í 1-3 sigri kom í blálokin eftir bolta sem vannst af varnarmanni heimaliðsins við miðlínu. Lið Ten Hag eru einmitt sögð spila hápressu og leggja áherslu á að vinna boltann framarlega af mótherjanum.

Stuðningsmenn Manchester United hafa eflaust fengið að heyra ýmislegt um ágæti og feril Ten Hag síðustu mánuði, að minnsta kosti nóg til að meirihluti þeirra – sem og stjórnendur félagsins – virðast sannfærðir um að hann sé rétti maðurinn til að rétta við United-skútuna.

Maður með skoðanir

En það má fara stuttlega yfir það helsta. Ten Hag er alinn upp í bæ nærri Twente, foreldrar hans eru fasteignasalar og fjölskyldan ágætlega efnuð en Erik valdi þó frekar fótboltann en feril hjá fjölskyldufyrirtækinu. Hann er sagður hugsa stöðugt um fótbolta og alltaf hafa verið tilbúinn að spyrja og hafa aðrar skoðanir en flestir aðrir.

Hann spilaði sem miðvörður og átti þokkalegan feril sem atvinnumaður á tíunda áratugnum, lengst af hjá Twente. Hann fór síðan að þjálfa hjá félaginu og var meðal annars aðstoðarmaður Steve McClaren, aðstoðarmanns Sir Alex Ferguson árið 1999. Hann byrjaði sem aðalþjálfari hjá Go Ahead Eagles, ráðinn af Marc Overmars og kom liðinu upp um deild en varð síðan aðstoðarþjálfari Pep Guardiola hjá Bayern München. Það kom mörgum á óvart, flestir héldu að Ten Hag myndi halda áfram að klífa metorðastiga aðalþjálfara en hann valdi í staðinn að auka við þekkingu sína.

Hann snéri síðan aftur til Hollands, tók við Utrecht og kom liðinu í Evrópukeppni áður en Overmars, nú orðinn yfirmaður hjá Ajax, hringdi aftur í Ten Hag sem hefur verið aðalþjálfari Amsterdam-veldisins síðan í desember 2017. Bæði þjálfarinn og leikmennirnir slógu i gegn á leið liðsins i undanúrslit Meistaradeildarinnar 2019, einkum fyrir að hafa yfirspilað Real Madrid. Fyrir þann leik var reyndar talað um að starf Ten Hag væri í hættu.

En meðan lykilleikmenn fóru hélt Ten Hag áfram og byggði upp nýtt lið samhliða því að gefa ekki eftir í deildinni í Hollandi. Nú hyllir hins vegar undir að bæði þjálfarinn og fjöldi leikmanna fari.

Leikmenn sem leikið hafa undir Ten Hag tala um að hann hafi gott auga fyrir smáatriðum en sé kröfuharður, bæði innanvallar sem utan. Slíkt gæti orðið erfiðra, eða umdeildara, í stórliði á borð við Manchester United. Einstakir leikmenn hafa lýst honum sem leiðinlegum meðan flestir segja Ten Hag sýna þeim umhyggju. Honum hefur jafnvel tekist að hafa stjórn á mönnum sem hafa orð á sér fyrir að vera erfiðir, eins og Marco Arnautovic. Eins á eftir að koma í ljós hversu vel leikmennirnir laga sig að leikaðferðum hans. Hann hefur líka orð á sér að vera hreinskiptinn, jafnvel hrokafullur, í samskiptum við blaðamenn. Kannski er dálítill Louis van Gaal í honum.

Hálft liðið á förum

En hvað gerðist á páskadag og hvaða ályktanir er hægt að draga? Varast ber að álykta út frá einum leik og kannski sú slær staðreynd að Ajax tapaði aðeins á bjartsýni stuðningsmanna United. Leikurinn gat reyndar dottið hvoru megin sem var, tvö mörk voru dæmd af liðinu vegna rangstöðu, það virtist snuðað um víti auk fleiri væra. En það var líka dæmt mark af PSV og það fékk fín færi.

Ajax komst yfir um miðjan fyrri hálfleik. Ryan Gravenberch skoraði með fínu langskoti eftir samspil við Davy Klaasen. Gravenberch er 20 ára gamall miðjumaður sem United gæti eflaust nýtt sér. Hann er stór, 1,90 metrar en á auðvelt með að finna sendingaleiðir á milli varnarmanna andstæðinganna sem kemur samherjum hans í góðar stöður. Um margt minnir bæði leikstíll og líkamsburðir hans á Paul Pogba. Þegar leið á bikarúrslitaleikinn var Gravenberch kominn aftastur til að senda boltann fram á við. Hann slapp einu sinni að fá gult í staðinn fyrir rautt spjald fyrir að brjóta á PSV-manni sem var sloppinn í gegn. Synd að Bayern München virðist hafa tryggt sér hann.

Af einstökum leikmönnum Ajax var hann helst sá sem vakti athygli en hálft liðið hefur verið orðað við United. Vængmaðurinn Anthony var ekki með, er meiddur út tímabilið en miðvörðurinn Jurriën Timber spilaði 90 mínútur. Hann staðsetur sig vel og er vel spilandi en nær ekki 180 sm. hæð, sem gæti skapað honum vandræði í skallaeinvígum í enska boltanum.

Gamli United-maðurinn Daley Blind spilaði 90 mínútur sem vinstri bakvörður. Það segir sitt um hollenska boltann að hann leit vel út. En hann sýndi bæði styrki sína og galla frá United. Blind er afar vel spilandi leikmaður, það reyndist nokkrum sinnum vel hjá van Gaal að hafa miðvörð sem gat sent 40 metra sendingar en hann vinnur engin spretthlaup. Nefna má líka framherjann Brian Brobbey sem er líkamlega þroskaðri en flestir 20 stráklingar. Hann er með samning við RB Leipzig.

Ajax spilaði fótbolta, PSV barðist

Framan af tímabilinu í hollensku deildinni fékk Ajax varla á sig mark, þeim hefur aðeins fjölgað síðustu vikur. Þrátt fyrir að mikið sé látið með Ten Hag og Ajax er liðið ekki með neina yfirburðaforustu í deildinni, fjögur stig á PSV. Þó má segja að PSV er með gott lið og fínan stjóra, Þjóðverjann Roger Schmidt, einn úr Red Bull skólanum. Hann hættir eftir tímabilið.

Talsvert er talað um að Ten Hag hafi endurbyggt lið sitt árlega. Það gerir PSV líka. Bæði lið eru samsett úr ungum leikmönnum sem verða seldir og gömlum leikmönum sem ekki eru lengur nógu góðir fyrir stærstu deildirnar. Þannig er Mario Götze, sem skoraði sigurmarkið á HM 2014, hjá PSV í dag. Eftir stendur þó að markaðsvirði Ajax er tvöfalt hærra en PSV samkvæmt Transfermarkt.

Sem fyrr segir var Ajax liðið sem var meira með boltann. Hann gekk vel manna á milli, þótt halda megi því fram að vantaði hafi fleiri afgerandi marktækifæri. Á móti sýndi PSV gríðarlega líkamlega baráttu og beitti flottum skyndisóknum. Mörkin komu með stuttu millibili í byrjun seinni hálfleiks, það fyrra skalli eftir fast leikatriði, hið seinna eftir að náð slakri hreinsun varnarmanna Ajax. Nafn þess sem skoraði sigur markið, Cody Gakpo, gæti átt eftir að heyrast oftar.

Þarna mættust því tveir ólíkir leikstílar og lið sem ekki munar miklu á. Ten Hag reyndi þegar leið á leikinn að skipta um kerfi og þótt það hafi ekki virkað til fulls vantaði ekki mikið upp á að Ajax næði jöfnunarmarkinu. Það tók líka fulla áhættu, Gravenberch mættur í vörnina en Blind í sóknina til að vinna skallaboltana.

Með liðsuppstillingu sinni sýndi Ten Hag að hann er tilbúinn að taka stórar ákvarðanir. Marten Stekelenburg var í markinu í stað André Onana. Það hefur víst verið vesen í tengslum við félagaskipti Onana til Inter Milan.

Eftir stendur að tíminn einn leiðir í ljós hvort Ten Hag sé réttur kostur fyrir United. Þótt hann hafi ekki unnið bikarinn var lið hans tilbúið í alvöru bikarúrslit. Sjálfur var Ten Hag að þessu sinni berhöfðaður á hliðarlínunni með skallann og sýndi heilmikla ástríðu, fagnaði markinu ákaft og var eins og liðið til í slaginn.

Ralf hafði jafn litla trú á hópnum og við og stillti upp fimm manna vörn

Varamenn: Henderson, Telles, Bailly, Lingard (10′), Mata, McTominay, Garnacho, Hannibal(84′), Sancho (45′)

Liverpool stillti svona upp

Það tók innan við fimm mínútur fyrir Liverpool að komast yfir. United vörnin var flöt rétt innan við miðju og þetta var ekki einu sinni gagnsókn, bara hröð sókn upp á vinstri kanti United, Dalot varð aleinn eftir og Diaz var kominn langt framúr miðvörðunum öllum og átti auðvelt með að skora úr fyrirgjöfinni. Skelfilega skelfileg varnarvinna.

United þurfti svo að nota fyrstu skiptinguna strax á 10. mínútu, Pogba meiddist og Lingard kom inn á. United sá síðan ekki boltann löngum stundum og næsta mark kom á 22. mínútu. Liverpool tók einnar snertingar syrpu utan við teig, endaði á fínni sendingu Mané inn á Salah, Dalot var auðvitað vitlausu meginn við hann og Salah skoraði auðveldlega. Tvö núll.

Unitéd fékk hornspyrnu á 33. mínútu.

Skömmu seinna sólaði Fabinho sig gegnum vörnina, gaf inná Diaz sem var rangstæður, þannig það slapp. Liverpool var síðan með boltann á vallarhelmingi United nær stöðugt en United náði að halda út, 2-0 í hálfleik.

Jadon Sancho kom inná í hálfleik fyrir Phil Jones.

United var ég segi ekki allt annað lið, en miklu skárra í seinni hálfleik, hélt boltanum og sótti á og meira segja áttu Rashford eða Sancho að skora, Rashford komst innfyrir réttstæður og lét Alisson verja og Alisson tók svo skotið frá Sancho úr frákastinu, vissulega góðar vörslur en þeir áttu að gera betur.

En það var auðvitað Liverpool sem skoraði, einföld sókn á 67. mínútu þegar Lindelöf átti slaka sendingu sem Robertson hirti, kom upp kantinn og gaf á Mané sem var einn í teignum Maguire alveg búinn að týna honum og það var einfalt skot í hornið.

Leikurinn var ansi rólegur eftir þetta, Liverpool þurfti lítið að gera og tilraunir United voru máttlausar, en auðvitað bætti Liverpool við, enn einu sinni sóttu þeir hratt á, sending inn á Salah, Wan-Bissaka alltof seinn og Salah vippaði yfir De Gea. Fjögur núll á 85. mínútu.

Frétt fyrir markið hafði Hannibal komið inná fyrir Elanga en hann fékki fá tækifæri til að sýna hvað i honum býr, en fékk þó tiltal fyrir að brjóta smá á Keita, það var meiri barátta en flestir aðrir leikmenn sýndu í kvöld.

Salah var næstum búinn að bæta við því fimmta rétt fyrir leikslok, en í það skiptið náði Wan-Bissaka að vera nógu leggjalangur og pota í horn.

Þetta var tapið sem flest allir stuðningsmenn United bjuggust við. Þessi hópur er laus við baráttu, ákefð, og að stórum hluta getu. Það má eflaust benda á að Ralf Rangnick er ekki reyndasti stjóri sem til er og kannske er eitthvað að á æfingasvæðinu. En eins og einhver benti á, ætli leikmennirnir sem ætla að vera áfram hjá United næsta vetur haldi að tilvonandi þjálfari sjái þá ekki og dæmi fyrirfram? Og hvernig ætla leikmennirnir sem eru að fara á frjálsri að fá góða samninga.

Það er eitt að vera latur í vinnu sem þér leiðist í og ert kannske með lélegan yfirmann, það er á einhverju allt öðru leveli að gera það í beinni útsendingu!

Við, og þá oftast ofanritaður, hefur oft gripið til frasans „Orrustan um Ísland“ þegar leikur við Liverpool er framundan en það er ekki hægt að réttlæta það í dag. Leikurinn á morgun snýst um tvennt. Liðin í kringum United virðast staðráðin í að gera kapphlaupið um meistaradeildarsætið spennandi og United á enn góða möguleika að ná því og hvert stig er dýrmætt. En fyrir sum okkar sem horfa ákveðnum augum á fótboltann rennur hugurinn aftur til 1992 þegar United fór á Anfield og titilvonir United sem voru nær engar fyrir voru endanlega slökktar. Liverpool er búið að vinna einn bikar nú þegar, er í undanúrslitum og úrslitum í Meistaradeild og bikar, og gerir atlögu að Manchester City í deildinni.

Það er því alveg bráðnauðsynlegt að United leikmenn geri skyldu sína á morgun. Sigurinn á laugardaginn gegn lélegasta liði deildarinnar sýndi hversu erfitt verkefnið er gegn næstefsta liðinu, liði sem hefur verið óstöðvandi undanfarið. Stundum er sagt að leikform fari út um gluggann í þessum leikjum, en það er örlítið erfitt að sjá það gerast á morgun.

United

Streðið og strögglið er endalaust. Leikmenn virðast staðráðnir í að sýna að þeir séu ekki að leggja sig fram, Rangnick er ekki að ná að stýra þeim og stemmingin er orðin súr. Stuðningsmenn sjá varla nokkurn leimann sem má ekki missa sín þegar væntanlegt hreinsunarstarf

United á í meiðslaveseni og þar sem Fred og McTominay eru báðir meiddir er erfitt að sjá aðra miðju en Pogba og Matić. Eins eru Varane og Shaw enn meiddir og Cavani nennir þessu ekki lengur. Marcus Rashford hefur ekki verið svipur hjá sjón í allan vetur og svo virðist sem Rangnick sé endanlega búinn að missa þolinmæðina. Elanga spilaði á laugardaginn og Rangnick var ánægður með frammistöðuna.

Þetta virðist því borðleggjandi hvernig liðinu verður stillt upp.

Liverpool

Liverpool er á mikilli siglingu. Liðið var búið að vinna tíu leiki í röð þegar Manchester City tókst að ná jafntefli við þá á Etihad fyrir viku. Liverpool hefndi þess á laugardaginn með góðum sigri í bikarundanúrslitunum.

Liðinu er spáð svona

Nýir leikmenn sem keyptir hafa verið til að fylla skörð Mané, Salah og Firminu áður en skörðin verða að veruleika hafa staðið sig verulega vel. Diogo Jota er með fimmtán mörk í deild og Luis Díaz er búinn að opna markareikninginn eftir að hafa komið í janúar. Thiago Alcântara er orðinn mikilvægur hlekkur á miðjunni.

Það eru hins vegar aðrir betri menn en ég sem geta sagt ykkur frá og hrósað þessu Liverpool liði og United þarf að rífa sig allverulega upp frá síðustu leikjum, já og leiktíðinni allri til að fá eitthvað út úr þessum leik, já og jafnvel til að fari ekki jafn illa og á Old Trafford fyrir áramót. Ekki orð um þann leik.

Leikurinn hefst á morgun, þriðjudag, kl 19:00 og Martin Atkinson verður á flautunni

Í dag fór fram deildarleikur Manchester United og Norwich City á Old Trafford en Ralf Rangnick neyddist til að gera örfáar breytingar á liðinu vegna meiðsla og því stillti hann upp liðinu svona:

Á bekknum voru svo þeir Dean Henderson, Juan Mata, Aaron wan-Bissaka, Eric Bailly, Phil Jones, Marcus Rashford, Hannibal Mejbri, Nemanja Matic og Alejandro Garnacho.

 

Norwich, sem fyrir leikinn voru komnir með bakið ansi þétt upp við vegginn, stilltu upp í 4-2-3-1 rétt eins og United. Dean Smith valdi eftirtalda 11 leikmenn í von Kanarífuglanna um að hafa stig af United á Old Trafford í dag:

bekkurinn: Gunn, Zimmermann, Aarons, Gilmour, Sorensen, Rupp, Tzolis, Rowe og Placheta.

 

Strax á þriðju mínútu leiksins leit fyrsta dauðafærið dagsins ljós þegar Pukki komst inn fyrir vörn United í gráupplagt tækifæri til að ná forystunni en David de Gea varði mjög vel frá honum. Næsta færi féll svo okkar mönnum í skaut þegar Anthony Elanga fékk fyrirgjöf frá Alex Telles inn í teiginn hjá Norwich og hélt boltanum á lofti og reyndi bakfallsspyrnu en beint í lúkurnar á Tim Krul í markinu.

Næst átti Jadon Sancho skot en Grant Hanley kastaði sér fyrir skotið, það fyrsta af fjölmörgum í dag. Næstur til að skjóta var Cristiano Ronaldo þegar hann fék boltann við hægra vítateigshornið, en skot hans var auðveldlega varið af hollendingnum. En á 7. mínútu dróg til tíðinda þegar hápressan hjá Elanga skilaði sér. Hann pressaði þá Gibson sem reyndi að leika á svíann með ekki betri árangri en svo að sá sænski stal boltanum af honum inn í vítateig gestanna og renndi boltanum fyrir markið, beint á Ronaldo sem hamraði boltann inn af um 9 metra færi, 1-0.

Embed from Getty Images

Jesse Lingard, sem var óvænt í byrjunarliði dagsins, átti næsta færi eftir að Sancho tók varnarmenn Norwich á vinstra meginn fyrir utan teiginn og renndi boltanum á Pogba sem þurfti reyndar að teygja sig í boltann en tókst að leggja upp skotfæri fyrir Lingard. Sá enski átti gott skot sem fór af varnarmanni Norwich en ekki dæmdi dómari leiksins horn við litla hrifningu okkar manna. Lingard átti mjög góðan leik í fyrri hálfleik og vann hvern boltann á fætur öðrum og var virkilega tilbúinn í slaginn.

Norwich komst síðan í ágætisfæri eftir hornspyrnu hjá United. Gestirnir hreinsuðu í átt að eigin hornfána þar sem Pukki kom fyrstur á boltann og klobbaði Telles snyrtilega og kom af stað skyndisókn. Lingard skilaði sér manna fyrstur heim og lokaði á sóknina en gaf klaufalega frá sér aukaspyrnu en Harry Maguire kom hættunni frá.

Embed from Getty Images

Heimamenn áttu næstu skyndisókn, þegar Ronaldo þrumaði boltanum upp hægri kantinn þar sem Elanga bar boltann upp að teignum og fann þar Sancho í góðu færi en Hanley aftur réttur maður á réttum stað og kastaði sér fyrir skot sem var af stuttu færi og bjargaði í horn. Aftur áttu heimamenn góða sókn þegar Elanda sendi á Ronaldo sem átti stungusendingu á samlanda sinn Diogo Dalot en hann potaði boltanum frá endalínunni fyrir markið þar sem Sancho var aftur mættur og átti skot af stuttu færi en í þetta sinn varði Krul frá honum í horn.

Úr horninu kom hins vegar annað mark heimamanna. Grant Hanley átti ekki roð í Ronaldo sem stökk a.m.k. meter hærra og skallaði boltann framhjá Krul í markinu og tvöfaldaði forystuna. 2-0 og hlutirnir farnir að líta ágætlega út fyrir Rauðu djöflana. Ronaldo var hins vegar aftur í sviðsljósinu hinu megin á vellinum þegar hann gaf aukaspyrnu af um 30 metra færi en skot Rasicha fór sem betur fer framhjá.

Embed from Getty Images

Gestirnir virtust hins vegar staðráðnir í að skora og fengu kjörið tækifæri til að gera það stuttu eftir að United skoraði. Þá komust 3 leikmenn gestanna inn fyrir gegn Lindelöf 0g M;aguire en þeim tókst að loka á skot gestanna og hreint með ólíkindum hvað þeim tókst ekki að nýta sér hripleka vörn United. En þeim tókst hins vegar að nýta sér það stuttu síðar, þegar Teemu Pukki fékk boltann inn fyrir vörnina og sendi boltann fyrir markið þar sem Dowell var Palli einn í heiminum á fjærstönginn og stangaði hann boltann inn og skoraði sitt fyrsta deildarmark á leiktíðinni. Gestirnir fengu annað tækifæri rétt undir lok fyrri hálfleiks en skalli Pukki rataði ekki á rammann.

Embed from Getty Images

Síðari hálfleikur

Það leið ekki á löngu þar til gestirnir fengu færi í síðari hálfleik. Eftir um sjö mínútna leik fékk finnska þruman stungusendingu inn fyrir vörn heimamanna og þrátt fyrir að Lindelöf reyndi sitt besta til að þrengja skotvinkilinn þá lagði Pukki boltann framhjá de Gea og í hægri stöngina og inn. Staðan orðin jöfn 2-2 á heimavelli gegn liðinu sem er á botninum, alls ekki nógu gott og enn á ný leit vörnin okkar mjög illa út.

Embed from Getty Images

Einhverjir stuðningsmenn og leikmenn United kölluðu eftir rangstöðu en VAR sýndi að Pukki var réttstæður og markið gott og gilt. Norwich pakkaði ekkert í vörn í kjölfarið heldur hélt áfram að þrýsta og pressa á United. Næst fékk liðið frábært skottækifæri þegar há og djúp sending frá vallarhelmingi gestanna og Pukki reyndi að taka við boltanum en rann en tókst um leið að „senda“ bolta á Rasicha. Honum tókst að munda skotfótinn og hleypa af þrususkoti en de Gea varði meistaralega frá honum í horn.

Næsta tækifæri United kom úr horni en Pogba, Ronaldo og Maguire reyndu allir að fara í boltann sem endaði með því að portúgalinn skallaði boltann beint á markið, englendingurinn datt um varnarmann og skellti takkaskónum í hnakkann á frakkanum sem fyrir vikið blóðgaðist.

Embed from Getty Images

Það leið ekki á löngu áður en Rangnick gerði breytingar og þá tók hann Lingard, sem hafði átt ágætisleik, útaf fyrir Nemanja Matic. Heldur sérstök skipting eftir klukkustundar leik þegar þig bráðnauðsynlega vantar mark í leikinn.

Stuttu eftir skiptinguna vann United boltann af heimamönnum í vítateignum þeirra en menn virtust þvælast hve fyrir öðrum og ekkert varð út úr því. Þetta virðist einkennandi fyrir leik United að undanförnu, menn að taka sama plássið á vellinum og flækjast fyrir samherjum sínum.

Beint í kjölfarið fengu gestirnir sókn þar sem Rasicha fék boltann á vinstri vængnum og labbaði framhjá Dalot og kom með fyrirgjöf sem rataði á kollinn á Pukki en honum tókst einungis að fleyta boltanum í átt að markinu.

Embed from Getty Images

Þegar hér var komið við sögu voru fá færi en mikið um að liðin væru að tapa boltanum og voru leikmenn beggja liða staðráðnir í því að vera ekki að skapa sér almennileg tækifæri að því er virtist.

Þá gerði Rangnick tvöfalda skiptingu, tók út þá Telles og Pogba og inn á í staðinn komu þeir Matic og Rashford. Elanga virtist þá detta niður í bakvörð og Dalot færðist yfir í vinstri bakvörðinn. Strax í kjölfarið krækti Elanga í aukaspyrnu af um 25-27 metra færi og hver annar en Cristiano Ronaldo plantaði sér fyrir aftan boltann og ætlaði að þruma í vegginn eins og honum einum er lagi. Portúgalinn tók sinn hefðbundna stríðsdans, þrjú skref afturábak, eitt til hliðar og kjammsaðu á þessum táfýlusokk, kæri Friðrik.

Embed from Getty Images

Boltinn söng í netinu en hafði fyrst örlitla viðkomu í stönginni eftir að Tim Krul reyndi að koma hönd á boltann. Þrenna fyrir Ronaldo, sú 50. á ferlinum fyrir félagslið og mark númer 800 og eitthvað… allir löngu hættir að reyna að telja. Gjörsamlega truflað mark og erfið pilla að kyngja fyrir Kanarífuglana sem höfðu sýnt hetjulega baráttu allan leikinn og áttu eflaust meira skilið en þetta.

Þeir reyndu eins og þeir gátu að koma tuðrunni inn fyrir línuna og voru nálægt því á 89. mínútu þegar varamaðurinn Placheta var kominn hættulega nálægt markinu en Dalot tók vafasama tæklingu meðfram hlaupinu hans sem var nóg til að trufla hann og koma hættunni frá. Ekki áttu Norwich fleiri færi og þessi fjörugi leikur endaði 2-2.

Embed from Getty Images

Pælingar að leik loknum.

3-2 sigur skilar þremur stigum en þetta var tæpt. Á heimavelli, gegn döprustu sókn deildarinnar, þurfti United að reiða sig á 37 ára gamlan, fimmfaldan ballon d’Or sigurvegara, ekki einu sinni, ekki tvisvar heldur þrisvar sinnum. Vörnin er orðin svo slök og getulítil að það liggur við að undirritaður leggi til að njósnarar United fylgist með Bestu deildinni í sumar til að betrumbæta og stoppa í götin. Lindelöf gerði oft á tíðum vel en varnarleikurinn heilt yfir var skelfilegur. Telles og Dalot voru í all-out-attack og oft hvergi sjáanlegir, enginn miðjumaðurinn tók ábyrgð á miðsvæðinu fyrir framan vörnina og kantmennirnir voru misvel skipulagðir í varnaraðgerðum sínum.

Þetta rétt slapp fyrir horn gegn Norwich sem á blaði ætti að virka auðveldasta viðureign tímabilsins, en var það samt alls ekki. Reyndar hafa þeir gulu og grænu engu að tapa og gátu leyft sér að fara gung-ho inn í þennan leik sem þeir og gerðu en samt virtist miklu meira skipulag yfir varnarleik þeirra en United liðsins.

Embed from Getty Images

Miðjan okkar var alls ekki eins dóminerandi eins og maður hefði viljað sjá og þessi leikur lætur undirritaðan óttast það sem koma skal á þriðjudaginn þegar við mætum Liverpool sem voru að klára Man City í bikarnum núna í þessum töluðu orðum. Leikurinn í dag var án efa skýrasta dæmi þess að við getum ekki farið inn í næsta tímabil án þess að fá varnarsinnaðan miðjumann og þau hafa nú verið mörg í gegnum síðastliðin misseri.

En það verður að líta á björtu hliðarnar, Tottenham og Arsenal töpuðu bæði í dag sem opnar örlítið meira á þann fjarlæga draum/möguleika á að United nái í 4. sætið. Til að það gerist þurfa þó enn fleiri kraftaverk að gerast, Tottenham er með +3 stig og +10 mörk á okkur og Arsenal er jafnmörg stig og sömu markatölu og við en hefur leikið einum leik færra. Það stefnir því í ansi harða baráttu um þetta Meistaradeildarsæti þar sem United og þessi Lundúnarlið virðast keppast í því að misstíga sig hægri vinstri.

Næsti leikur er sem fyrr segir á þriðjudaginn þegar United mætir Liverpool á Anfield kl. 20:00.