Rauðu djöflarnir

Varamenn: Bayindir, Collyer (46.m), Wheatley, Evans, Antony, Amad (69.m), Eriksen (86.m), Maguire(69.m), Heaton

Lið Liverpool: Alisson; Trent Alexander-Arnold, Ibrahima Konate, Virgil van Dijk, Andrew Robertson; Ryan Gravenberch, Alexis Mac Allister; Mohamed Salah, Dominik Szoboszlai, Luis Diaz; Diogo Jota

United sótti vel fyrstu mínútur leiksins en fékk ekkert úr því nema eitt horn. Liverpool kom síðan til baka, sótti vel á og á 7. mínútu kom sending framhjá Mazraoui, Diaz var smá klaufskur en kom samt með fyrirgjöfina sem fór aftan við Salah sem setti þó fót í boltann þannig hann fór út á Trent Alexander-Arnold sem var galopinn og skoraði. En til allra lukku var Salah hárfínt fyrir innan þegar sendingi kom og markið dæmt af.

Vel sloppið þar en bæði líð voru að sýna ágæta takta. Um tíma var United að halda boltanum betur en maður hefur oft séð en vantaði uppá uppi við teiginn. Liverpool sóttu svo meira á en þó United væru ansi seigir í að stoppa sóknir, komast í bolta og hreinsa var orðið erfiðara aftur að gera eitthvað úr því.

Það var því ekki gegn gangi leiksins á 35. mínútu þegar Luis Diaz skallaði fyrirgjöf Salah í netið. Casemiro átti skelfilega sendingu beint á Gravenberch sem lék upp, renndi boltanum á Salah sem fékk tíma til að gefa fyrir.

Casemiro búinn að vera skelfilega slakur í leiknum fram að þessu og þetta kórónaði frammistöðuna.

Annað mark Liverpool var næstum jafn skelfilegt varnarlega. Diaz nikkaði boltann af Casemiro, Salah fékk síðan boltann, stóð á móti Dalot og átti einfalda sendingu á Diaz sem stóð aleinn inni á teig og þótt skotið væri ekki snyrtilegt endaði það í markinu úti við stöng.

Það kom engum á óvart að Collyer kom inná fyrir Casemiro í hálfleik og við sjáum Casemiro ekki aftur nema í hallæri. Sem miðað við fjölda miðjumanna í hópnum er alveg líklegt.

Loksins snemma í seinni hálfleiknum átti United loksins skot á mark. Zirkzee skaut utan teigs og Alisson þurfti að skutla sér en var samt þægileg varsla.

En þetta var alltof auðvelt fyrir Liverpool og Mo Salah bætti við þriðja markinu á 56. mínútu. Í þetta skiptið var það Kobbie Mainoo sem lét taka af sér boltann á eigin vallarhelmingi, vörnin var galopin og Salah fékk boltann óvaldaður og kláraði auðveldlega.

Endursýningarnar voru svo rétt að klárast þegar skipt var í beina útsendingu til að sýna Salah skjóta yfir úr teignum eftir góðan undirbúning.

Loksins sást smá frá United í nokkrar mínútur sem endaði á fyrirgjöf og skalla Zirkzee því sem næst beint á Alisson.
Embed from Getty Images

NÆsta skipting var Amad fyrir Garnacho og áhorfendur á Old Trafford voru ekki ánægðir. Nokkuð ljóst þeir vildu frekar sjá einhvern annan tekinn útaf. Ekki þar fyrir, Garnacho hafði lítið gert, en Rashford og Zirkzee enn minna. Um leið fór svo De Ligt útaf fyrir Maguire, De Ligt staðið sig að ýmsu leyti ágætlega en í öllum mörkunum hafði vörnin verið galopinn þegar boltinn tapaðist á miðjunni.

Embed from Getty Images

Liverpool var farið að slaka á og Rashford átti ágæta sendingu á fjær stöng þar sem Zirkzee stakk sér fram en hitti boltann ekki vel og hann fór framhjá öllu markinu og hinu megin útaf. Rétt á eftir átti Szoboszlai að skora en var alltof lengi að athafna sig í teignum og Mazraoui gat rennt sér fyrir.

Leikurinn var að renna út í sandinn, og lítið að gerast en Ten Hag sá ástæðu til að senda Christian Eriksen inná fyrir Zirkzee án þess að það breytti nokkru.

Þetta var skelfilegur dagur á skrifstofunni. Fyrir það fyrsta er Casemiro gjörsamlega búinn og sést ekki aftur, en þó Ugarte muni eitthvað þetta, verður þetta langur og erfiður vetur ef bara hann og Kobbie Mainoo eru almennilegir miðjumenn. Sóknin var hrikaleg i fyrri hálfleik, það var ekki fyrr en í þeim seinni sem Rashford skapaði tvö færi fyrir Zirkzee, það má vona að sá síðarnefndi venjist aðeins enska boltanum. Rasmus Højlund verður svo líklega til núna eftir landsleikjahléið.

Það er erfitt að horfa upp á þetta þar semþað er ekki síður vandamál að liðið virðist ekki geta náð saman. Eins og segir að ofan voru fyrstu mínúturnar góðar en það var algert villuljós. Það var ljóst fyrir að stuðningsmenn myndu ekki gefa Ten Hag mikinn tíma eftir ófarnirnar í fyrra og það eru núna háværar raddir um að reka manninn. Jim Ratcliffe var í stúkunni og leit ekki út fyrir að vera mjög ánægður.

Þetta gæti orðið langur vetur

Nýtt tímabil en gamlir draugar ganga enn lausir. Tap fyrir Brighton í byrjun tímabils og Mason Mount er meiddur. En Erik ten Hag hefur áður mætt Liverpool með bakið upp að veggnum og haft betur. Vonandi verður þannig líka um helgina.

Ljóst er að ten Hag verður að gera breytingu á byrjunarliði Manchester United vegna meiðsla Mount. Staðan er þó sú að maðurinn sem hefði trúlega tekið sæti hans fyrir viku er farinn. Jafnvel næsti maður þar fyrir aftan líka. Slíkt gæti kallað á breytingu á leikkerfi.

United hefur byrjað síðustu tvo leiki í 4-2-2-2 með Bruno Fernandes og Mount fremsta sem falskar níur. Ef United hefði haldið í það kerfi hefði Scott McTominay líklegast komið inn fyrir Mount. Hann er hins vegar farinn til Napoli fyrir 30 milljónir punda og varð þar með fjórði dýrasti leikmaðurinn í sögu United og sá dýrasti sem alist hefur upp hjá félaginu. Hans verður saknað fyrir það eitt að leggja sig alltaf fram.

Jadon Sancho verður síður saknað því hann sást ekki leggja sama hjartað í leik sinn. Engu að síður hefði hann vel getað leyst þá stöðu sem nú er laus í meiðslum Mount.

Embed from Getty Images

Hver kemur inn fyrir Mason Mount?

Í síðustu tveimur leikjum hefur United í, eða upp úr hálfleik, breytt um kerfi, farið í 4-3-2-1 þar sem Joshua Zirkzee hefur komið inn fyrir Mount. Fyrir viku taldi ten Hag sig vera að skipta Mount út þannig hann meiddist ekki meira en nú er ljóst að hann verður ekki með í september. Zirkzee hefur átt ágætar innkomur, þótt hann eyðilegði mark fyrir United á slysalegan hátt gegn Brighton. Rasmus Höjlund er bara nýkominn til æfinga og ekkert varð af því að United keypti þriðja framherjann.

Miklar framfarir Amad Diallo eiga sinn þátt í að óhætt er að láta Sancho fara, jafnvel þótt sá síðarnefndi gæti eflaust keppt um stöðu við Marcus Rashford sem enn er skugginn af sjálfum sér. Á móti má vera ljóst að Amad hefur verið í byrjunarliðinu að hluta til vegna þess að Alejandro Garnacho er enn að komast í leikform eftir að hafa komið seint til æfinga eftir sigur Argentínu í Ameríkukeppninni. Hvort Garnacho taki stöðu annars hvors þeirra í byrjunarliðinu á morgun á eftir að koma í ljós.

Ugarte ekki með leikheimild

United gekk frá kaupunum á Manuel Ugarte, varnartengillið frá PSG, í gærkvöldi. Kaupin voru ekki staðfest fyrr en seint, jafnvel þótt þau hafi verið yfirvofandi síðustu daga. Enskir miðlar hafa ekki tekið af tvímæli um hvort leikheimild fáist fyrir Ugarte fyrir leikinn á sunnudag en svo virðist ekki vera. En hvort sem hann fær leikheimildina er ólíklegt að hann fari beint inn í byrjunarliðið. Hann hefði hins vegar fengið sæti McTominay á bekknum. Eitt af því áhugaverða á morgun verður hver fái það.

Í vörninni er stærsta spurningin hvenær Mathis de Ligt tekur stöðuna af Harry Maguire. De Ligt hefur til þessa komið inn á. Noussair Mazraoui hefur komið sterkur inn í hægri bakvarðastöðuna og heldur henni væntanlega meðan Luke Shaw er meiddur því Diego Dalot er þá vinstra megin. Þetta mun þá líta svona út

Hvað er að frétta af Liverpool?

Stemmingin er enn góð í Liverpool með tvo sigra undir stjórn Arne Slot, arftaka Jürgen Klopp. Eitt af því áhugaverða á morgun verður slagur hollensku þjálfaranna, ten Hag og Slot. Liverpool skartar nýjum leikmanni, ítalska vængmanninum Federico Chiesa, sem miðað við orðsporið fékkst á gjafvirði frá Juventus. Liverpool náði hins vegar ekki að sækja varnartengillið.

Chiesa er komin með leikheimild en Slot sagði hann það nýkominn að hann yrði vart í hópnum nema upp kæmu meiðsli. Curtis Jones mun einn vera meiddur í Liverpool hópnum. Augu einhverra verða þó á Trent Alexander-Arnold, sem gat ekki dulið óánægju sína með að vera skipt út af í síðasta leik.

Spáð uppstilling Liverpool er þessi

Besta leiðin til að lífga upp á móralinn

Ósigur Manchester United gegn Brighton um síðustu helgi dró úr bjartsýninni fyrir komandi tímabil, eftir það sem virst hefur gott fyrsta sumar á leikmannamarkaðinum hjá nýjum stjórnendum. Enginn veit samt betur en ten Hag að ekkert bætir stemminguna í kringum United betur heldur en sigur á Liverpool.

Hann tapaði fyrstu tveimur leikjunum sem stjóri United þegar hann var nýkominn árið 2022, en barði liðið saman í frábæran 2-0 sigur á Liverpool í þriðju umferð á Old Trafford, líkt og nú. Eins átti 4-3 sigurinn í bikarnum í vor sinn þátt að hann er enn í starfi og vitaskuld kom United ferli Amads í gang af alvöru.

Leikurinn hefst klukkan 15:00 á Old Trafford á morgun, sunnudag.

 

Erik ten Hag stillti upp óbreytt lið frá síðustu helgi og var ekkert að flækja hlutina.

Á bekknum voru þeir : Bayindir, Evans, de Ligt, Eriksen, McTominay, Garnacho, Antony og Zirkzee.

 

Heimamenn stilltu upp upp í 4-2-3-1:

Á tréverkinu: Rushworth, Webster, Igor, Lamptey, Baleba, Rutter, Enciso, Ayari og Adingra.

 

Fyrri hálfleikur

Bæði lið voru að þreifa fyrir sér fyrstu mínúturnar en pressa okkar manna var góð framan af og setti varnarlínu heimamanna oft í vesen. Fyrsta skotið kom þó frá heimamönnum þegar boltinn barst til Joao Pedro nokkuð fyrir utan vítateigsbogann en skotið var laust og svolítið framhjá markinu. Hins vegar fengu gestirnir gott tækifæri eftir útspark frá Onana. Diogo Dalot vann skallaboltann og fleytti boltanum upp vinstri kantinn og náði boltanum sjálfur og kom með ágætis fyrirgjöf á Amad Diallo en skot hans var ónákvæmt og framhjá markinu.

Embed from Getty Images

Kobbie Mainoo komst í hálffæri eftir að hann vann sjálfur boltann hátt á vellinum eftir að Billy Gilmour átti slaka sendingu þökk sé Mason Mount. En boltinn virtist eitthvað flækjast í löppunum á táningnum og honum tókst ekki að koma skotinu af og Steele í markinu handsamaði boltann auðveldlega.

Annars voru fyrstu 20 mínúturnar rólegar en á 21. mínútu opnaðist svæði fyrir aftan Dalot og Pedro var að nálgast vítateiginn en Mainoo kom fyrir aftan hann og átti frábæra tæklingu og kom hættunni frá. United fékk aukaspyrnu í næstu sókn eftir að Veltman ruglaðist og hélt hann væri í körfubolta og handlék boltann á vinstri kantinum.

Embed from Getty Images

Amad Diallo tók spyrnuna og átti góða fyrirgjöf sem rataði á kollinn á Casemiro sem skallaði yfir markið. Fyrirtaks tækifæri en Brassanum brást bogalistin. Aftur fengu United hornspyrnu en heimamönnum tókst að koma boltanum frá en ekki lengra en á Mazraoui sem húrraði boltanum inn í teiginn. Þar stóð Maguire og skallaði boltann niður fyrir Dalot sem reið á vaðið en skotið hans fór svolítið yfir markið.

Aftur fengum við skyndisókn, þegar United vann boltann í vörninn og boltinn barst á Amad sem var með Bruno og Rashford með sér gegn tveimur varnarmönnum. En sá ungi var óákveðinn og átti afleita sendingu á Rashford og færið rann út í sandinn. Það reyndist dýrkeypt þar sem heimamenn komust í sókn örstuttu síðar.

Embed from Getty Images

Minteh átti fyrirgjöf fyrir aftan vörn United og Maguire og Mazraoui leyfðu boltanum að fara. Mitoma beið eins og gammur hinu meginn og renndi boltanum fyrir markið og beint á Welbeck sem skoraði sitt 100. úrvalsdeildarmark. 1-0 fyrir heimamenn. Þarna hefðu menn þurft að vera ákveðnari í vörninni.

Embed from Getty Images

United brunuðu hins vegar í sókn strax í kjölfarið og komu boltanum á Rashford vinstra megin í teignum. Hann átti skot sem Steele varði en fór ekki betur en svo að boltinn fór af höndinni á Steele í hælinn á Rashford sem lá á maganum og þaðan í netið! En flaggið fór á loft og furðumarkið réttilega dæmt af.

Aftur komu United í sókn og Bruno stakk sér inn fyrir vörnina á 37. mínútu og renndi boltanum út fyrir teiginn á Mount en skotið hans fór beint á Steele sem þó þurfti tvær tilraunir til að ná boltanum. Síðustu mínútur hálfleiksins báru þess merki að bæði lið vildu bara komast inn í klefa úr rigningunni.

 

Síðari hálfleikur

Erik ten Hag virtist ekki nógu sáttur með gang leiks í fyrri hálfleik og gerði breytingu. Mount fór útaf og í hans stað mætti Joshua Zirkzee. Heimamenn fengu skotfæri á fyrstu sekúndunum en annars voru fyrstu fimm mínúturnar rólegar eða alveg þar til James Milner komst einn inn og setti boltann framhjá Onana í markinu en Martinez bjargaði á marklínu.

Við fengum líka okkar færi enda var leikurinn mun opnari í síðari hálfleik. Bruno mistókst að setja almennilegt skot á markið úr upplögðu færi en hinu megin fékk Welbeck skallafæri sem fór beint á Onana. Aftur fengu heimamenn skallafæri og aftur var það Welbeck sem að þessu sinni hitti slánna. Brighton komu mun grimmari út í síðari hálfleikinn og United máttu vel við una að vera bara 1-0 undir.

Embed from Getty Images

Hins vegar kom næsta mark gegn gangi leiksins, rétt eins og markið í fyrri hálfleik. United spiluðu sig í gegnum vörnina og Amad tók á rás upp hægri kantinn og brunaði inn í teiginn. Þar snéri hann varnarmann af sér og skaut á markið en boltinn hrökk af van Hecke og inn í netið. 1-1 og vel við hæfi að Fílabeinsstrendingurinn hefði skorað markið.

Rétt eftir að 60. mínútur voru dottnar á klukkuna kippti ten Hag Rashford útaf og í hans stað kom Alejandro Garnacho. Það átti eftir að draga til tíðinda með hann eins og svo oft. Bruno komst inn í teig í skyndsókn með Garnacho og Zirkzee með sér og renndi boltanum yfir á Argentínumanninn sem skaut úr þröngu færi en Zirkzee hafði rennt sér inn í markið og fær snertinguna og boltinn í tómt netið. Agaleg óheppni en réttur dómur.

Embed from Getty Images

Brighton fengu því næst aukaspyrnu á vítateigslínunni eftir slaka tæklingu hjá Amad en skot frá Gilmour beint í vegginn. Þá ákvað ten Hag að gera tvær breytingar og henti McTominay og de Ligt inn á í staðinn fyrir Bruno Fernandes og Harry Maguire. Óvanalegt svo ekki sé mikið sagt.

Heimamenn voru ívið sterkari þegar hér var komið við sögu og fengu nokkrar hornspyrnun og kantmennirnir, Minteh og Mitoma voru fjörugir og líflegir. Varnarlína þeirra var líka mjög vel á verði og hélt línunni hátt og vel og voru okkar menn oftar en ekki gripnir í landhelgi, röngu megin við hana. Þegar nokkrar mínútur voru eftir af venjulegum leiktíma var augljóst að leikmenn voru orðinir vel þreyttir og margir með tóman tankinn.

Embed from Getty Images

Síðasta skiptin ten Hag kom svo á 90. mínútu þegar Antony fékk að reima á sig takkaskóna og halda út á völlinn til að klára uppbótartímann í stað Amad Diallo. Hann var ekki lengi að stimpla sig inn í leikinn og komst inn í teig upp að endalínu og sendi boltann fyrir markið. Þar tókst okkar mönnum að koma skoti á markið í tvígang en það fyrra fór í varnarmann og hitt endaði í lúkunum á Steele.

Embed from Getty Images

Uppbótartíminn reyndist vera sjö mínútur og voru heimamenn líklegri til afreka framan af og eftir langa sókn fengu þeir hornspyrnu. Upp úr henni kom svo annað mark Brighton eftir fyrirgjöf frá Adingra á fjærstöngina þar sem Joao Pedro var einn og óvaldaður og stangaði boltann í hitt hornið frmahjá Onana. 2-1.

Þær 90 sekúndur sem eftir lifðu leiks dugðu skammt til að jafna og leiknum lauk með heimasigri.

 

Pælingar eftir leik

Liðið virkar ekki í leikformi. Það dettur niður krafturinn þegar líða tekur á fyrri hálfleik og í síðari virkaði liðið þreytt og þunglamalegt. Spilamennskan út frá aftasta manni var mjög góð framan af en eftir því sem leikmenn þreyttust varð meira um að boltanum væri húrrað fram og við unnum ekki marga af þeim boltum. Há varnarlína Brighton var til fyrirmyndar en sendingar inn fyrir vörnina virkuðu ekki í takt við hlaupi, ólíkt því sem var til staðar í Fulham leiknum.

Varnarlínan virkar eins og hún hafi ekki spilað lengi saman enda er sú raunin en kæruleysi og skortur á einbeitingu öllum stundum verður þess valdandi að við fáum á okkur þessi tvö mörk. Þó voru Dalot og Mazraoui flottir gegn Mitoma og Minteh í dag.

Embed from Getty Images

Vissulega var óheppni að við setjum boltann tvívegis í netið en mörkin dæmd af vegna rangstöðu. Skiptingarnar í leiknum í dag fannst mér ekki breyta miklu en ég skal samt leyfa mér að draga það í efa að við sjáum óbreytt lið gegn Liverpool.

3 stig eftir tvo leiki er enginn heimsendir en ef leiknum hefði lokið með jafntefli hefði staðan verið allt önnur. Þá hefði verið hægt að tala um betri árangur en í fyrra þar sem United tapaði stigum gegn Fulham og Brighton á síðustu leiktíð. En næsti leikur er gegn Liverpool oá Old Trafford áður en pín og kvöl landsleikjahlésins tekur við.

Embed from Getty Images