Rauðu djöflarnir

Anthony Martial

Enska úrvalsdeildin

Fer United niður á jörðina á Emirates á morgun?

skrifaði þann | 7 ummæli

Stærsta verkefnið sem Ole Gunnar Solskjær stendur frammi fyrir nú er einfalt: Að koma liði Manchester United niður á jörðina eftir eitt stórfenglegasta kvöld United í Evrópukeppni. Það er annað mál hvort stuðningsmenn verða komnir þangað, en það skiptir minna máli.

Það er hins vegar klárt mál að leikmenn United hlýtur að líða eins og þeir séu ósigranlegir, að fara til Parísar og koma heim með 3-1 sigur mun gefa þeim þann kraft sem þarf til að fara á Emirates á morgun og gera það sem þarf til að koma í veg fyrir að Arsenal komist aftur upp í fjórða sætið, og helst að leika eftir sigurinn í bikarleiknum um daginn. Lesa meira

Enska úrvalsdeildin

Fulham 0:3 Manchester United

skrifaði þann | 8 ummæli

Manchester United er komið í Meistaradeildarsæti eftir þennan þægilega sigur á Fulham. Paul Pogba var enn og aftur frábær og Anthony Martial sýndi gamla takta. Heimamenn í Fulham byrjuðu leikinn reyndar betur og með smá heppni hefðu getað tekið forystu í leiknum. Það var samt Manchester United sem tók forystuna í þessum leik með laglegu marki frá Pogba sem setti boltann framhjá Rico við nærstöngina. Tæplega 10 mínútum seinna jók Martial muninn þegar hann spændi upp vörn heimamanna og lagði boltann örugglega framhjá Rico. Staðan í hálfleik var Fulham 0:2 Manchester United.

United byrjaði seinni hálfleikinn af krafti og hefði getað aukið forystuna strax í byrjun hálfleiksins. Þessi seinni hálfleikur var eiginlega bara mjög þægilegur fyrir United. Það var helst Ryan Babel sem var líklegur til að gera eitthvað en varnarmenn United gerðu alveg nóg til að það tókst aldrei. Pogba innsiglaði svo sigurinn eftir mark úr vítaspyrnu og eftir það var allur vindur úr Fulham og  stuðningsfólki þeirra var ekki skemmt og ljóst að þau eru ekki öll á Ranieri vagninum. Niðurstaðan 0:3 sigur og mikill kostur hvað Ole náði að hvíla af leikmönnum og ná samt þessum nauðsynlegu þremur stigum. Næsti deildarleikur verður svo á Old Trafford gegn Liverpool þann 24. febrúar.

Maður leiksins er klárlega Paul Pogba.

Byrjunarliðin

Manchester United

1
De Gea (f)
23
Shaw
12
Smalling
4
Jones
20
Dalot
31
Matic
21
Herrera
11
Martial
6
Pogba
8
Mata
9
Lukaku

Bekkur: S.Romero, Bailly (Herrera ’85), Sánchez (Martial ’70), Rashford, Lingard, Young, McTominay (Pogba ’74)

Fulham

Rico, Odoi, Le Marchand, Ream, Vietto, Chambers, Seri, Ryan, Schürrle, Babel, Mitrovic.

Bekkur: Fabri, Sessegnon (Bryan ’81), Kebano, Cairney (Babel ’77), Ayite, Christie (Schürrle ’53), Anguissa.

Enska úrvalsdeildin

Rauðu djöflarnir heimsækja refina

skrifaði þann | Engin ummæli

Á morgun mætir Manchester United á erfiðan útivöll í Leicester þar sem meistararnir frá því 2016 taka á móti okkur. Eins og flestum er kunnugt tók United sitt fyrsta feilspor í miðri vikunni þegar liðið lenti 0-2 undir gegn Burnley á Old Trafford. Liðinu tókst þó að bjarga andlitinu með tveimur síðbúnum mörkum en engu að síður 2 töpuð stig í baráttunni um Meistaradeilarsæti.

En slagurinn um 4. sætið er orðin ansi spennandi og á United ágætis möguleika að skáka bæði Arsenal og Chelsea, nokkuð sem margir (þar á meðal síðasti stjóri) töldu ógerlegt á þeim tíma sem Ole Gunnar tók við. Eins og staðan er í dag er United einungis 2 stigum á eftir Lundúnarliðunum og vantar einungis fjögur mörk.
Með sigri í næsta leik gæti United því komist upp fyrir bæði þessi lið en það verður að teljast ólíklegt því þá þyrfti Chelsea að tapa á heimavell fyrir botnliðinu sem hefur einungis náð í eitt jafntefli í síðustu TÓLF leikjum, hinir hafa allir tapast. Það sem er hins vegar mun líklegra er að Arsenal tapi stigum en skytturnar ferðast til Manchesterborgar og keppa við ríkjandi meistara en Arsenal hefur ekki tekist að sigra útileik gegn einu af stóru liðunum í deildinni í lengri tíma.

 

Leicester City

En þá skulum við huga að mótherjunum okkar og einbeita okkur að þeim frekar en að gleyma okkur í EF og HEFÐI því að gestgjafarnir í Leicester City eru sko sannarlega sýnd veiði en ekki gefin. Refirnir, eins og þeir eru gjarnan kallaðir, sitja í 11. sæti deildarinnar með 32 stig en geta með sigrinum skotist upp að hlið Wolves sem er næsta lið á eftir United á töflunni.

Refirnir hafa verið að gera fína hluti inn á milli en hafa engan veginn fundið stöðugleika á þessu tímabili. Liðið tapaði fyrir Newport í FA-bikarnum snemma í janúar, þrátt fyrir að hafa verið með tiltölulega sterkt byrjunarlið og lágu einnig á heimavelli fyrir Cardiff rétt fyrir áramót. En í leiknum á undan því sigruðu þeir Manchester City og í síðustu umferð tókst þeim að taka stig frá Anfield. Þeir sem sáu líka 4-3 leikinn gegn Wolves í síðustu viku vita að Leicester er fullfært um að skapa sér góð færi og spila skemmtilegan fótbolta en liðið virðist bara vera mjög misvel stemmt í leiki.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'2R57FzeUQoVrMfGf8ztm1Q',sig:'pJLXYmUxuk5yLPIEqiHi-YdOxtAsdWtwPX56xe9MZXs=',w:'500px',h:'333px',items:'1091950078',caption: false ,tld:'com',is360: false })});

Það er því spurning hvort að nýjasti leikmaðurinn í hópnum, Youri Tielemans, hafi verið fenginn til þess að reyna að ná fram einhverjum stöðugleika í liðið. Belgíski landsliðsmaðurinn kemur á láni frá AS Mónakó frá Frakklandi en Mónakó er í bullandi vandræðum og er 1 stig frá botninum. Miðjumaðurinn hefur því líklegast viljað flýja sökkvandi skip og stokkið á tækifærið til að spila í ensku deildinni en það má telja næsta víst að ef Mónakó fellur um deild þá fari Tielemans alfarið frá liðinu enda þykir þessi 21 árs gamli leikmaður gríðarlegt efni.

James Maddison kom til liðsins í sumar glugganum en þessi 22 ára gamli sóknarmiðjumaður var lykilleikmaður hjá Norwich á síðustu leiktíð og var í kjölfarið orðaður við mörg af stóru liðunum í Evrópu. Maddison hefur náð að halda uppteknum hætti í Úrvalsdeildinni og hefur verið einn af bestu mönnum Leicester í vetur en englendingurinn er með 5 mörk og 4 stoðsendingar á tímabilinu.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'TDLaHjsbRFBSiM_dZcX8Sg',sig:'NQwuLIjdIpgInfP-EXxbu4TnEQ6gLOgBiSBcRWYhceo=',w:'500px',h:'342px',items:'1093590712',caption: false ,tld:'com',is360: false })});

Rachid Ghezzal er annar leikmaður sem gékk til liðs við refina í sumar en hann átti að vera arftaki Riyad Mahrez en hefur engan veginn staðið undir væntingum og hafa margir stuðningsmenn liðsins gagnrýnt hann eftir frammistöðu hans í Carabao bikarnum þegar liðið datt út gegn Manchester City. Alsíringurinn hefur einungis skorað 1 mark og virðist ekki vera að ná að fóta sig í deild þeirra bestu á Englandi og hefur þurft að verma bekkinn ítrekað núna upp á síðkastið.

Leicester fékk enga aðra leikmenn í janúarglugganum en þeir Adrian Silva, Callum Elder, Vincente Iborra, Fousseni Diabate, Yohan Benalouane og Andy King fóru frá liðinu, ýmist á láni eða voru keyptir.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'P3UCtLC-Qkl7Dac4bQ25tg',sig:'PtGOptTVggEAjiso7V2ky80QLTCK787cXCEhXn9KJkg=',w:'500px',h:'302px',items:'1091980774',caption: false ,tld:'com',is360: false })});

Claude Puel, stjóri refanna, hefur náð ágætis samheldni í hópnum og sagði fyrir leikinn að þeir ættu góða möguleika þar sem leikmenn liðsins væru fullir sjálfstrausts eftir leikinn við Liverpool. Reyndar er ekki langt síðan verið var að ræða hvort Puel yrði næsti stjóri til að fjúka og einhverjir vilja meina að hann sé undir pressu en liðið hefur einungis náð í 11 stig úr síðustu 10 leikjum sínum. Það verður að teljast ólíklegt að hann verði látinn taka pokann sinn, sérstaklega eftir að liðið hefur náð jafntefli við toppliðið og sigrað ríkjandi meistara með stuttu millibili.

En fyrir leikinn á morgun má reikna með að Claude Puel stilli upp sínu sterkasta liði og þar verða fastamenn eins og Harry Maguire, Jamie Vardy og James Maddison ásamt Ricardo Pereira sem er fantastuði þessa dagana. Annars gæti liðið litið svona út:

Schmeichel
Chilwell
Maguire
Morgan
Simpson
Mendy
Ndidi
Albrighton
Maddison
Pereira
Vardy

 

Manchester United

Eins og þorrinn af stuðningsmönnum United vita þá hefur gengi liðsins eftir að Ole Gunnar Solskjær tók við verið draumi líkast. En það hlaut að koma að því að United menn og konur vöknuðu upp af þeim draumi en fæstir áttu kannski von á því að það yrði gegn Burnley á Old Trafford eins og hann Magnús Þór kom inn á eftir leikinn á þriðjudaginn. En eins og Solskjær sagði eftir leikinn þá var mjög gott að sjá liðið sýna karakter og þrautseigju eftir að hafa lent 0-2 undir. „Núna höfum við svarið við spurningunni hvort liðið geti komið til baka eftir að hafa lent einu marki undir eða jafnvel tveimur mörkum undir“ – Ole Gunnar Solskjær á blaðamannafundi eftir leikinn gegn Burnley.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'eKHm2sL7RsNkOMHza5rmaw',sig:'vM5_rJHseeJKpDa0lSf7Vc44mQvO8rRm1wor1e6AFTs=',w:'500px',h:'322px',items:'1126641487',caption: false ,tld:'com',is360: false })});

En stærstu fréttir úr herbúðum United eru líklegast þær að Anthony Martial var að skrifa undir nýjan fimm ára samning en margir voru farnir að óttast það að sá franski myndi fara í sumar en svo virðist sem „feel-good-factor“-inn sem fylgir Solskjær hafi auðveldað undirskriftina og við vonum bara að penninn léttist hjá öðrum leikmönnum liðsins eins og David de Gea en viðræður við hann um nýjan samning eru búnar að dragast á langinn.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'L_s8CpliRwtkiP3W4pq9Fg',sig:'5S4T1Gxr7SeWsg0aWiqrm8GEo6wacn2Vf2pFzloyPwM=',w:'500px',h:'375px',items:'1126439481',caption: false ,tld:'com',is360: false })});

Það er líka að sjá á leikmönnum liðsins að þeir eru að njóta þess að spila enda hefur gengi liðsins (WWWWWWWWD) verið eftir því. Solskjær hefur tekist að finna sitt sterkasta lið á örfáum vikum nokkuð sem fyrri stjóra tókst ekki á tæpum 3 tímabilum við stjórn. Eftir mislukkaðar róteringar á miðjunni í síðasta leik verður að teljast líklegt að Solskjær fari aftur í Herrera-Pogba-Matic miðjuna enda hefur miðjan hjá okkur verið afskaplega sterk og traust á Solskjær tímabilinu. Liðið verður að öllum líkindum eitthvað á þennan veg:

1
De Gea
23
Shaw
2
Lindelöf
12
Smalling
18
Young
6
Pogba
31
Matić
21
Herrera
11
Martial
10
Rashford
14
Lingard

Enginn

Marouane Fellaini verður í hópnum enda fór kappinn til Kína undir lok gluggans Lesa meira

Enska bikarkeppnin

Arsenal 1-3 Manchester United

skrifaði þann | 16 ummæli

Ef þessi sami bikarleikur hefði verið settur á fyrir 6 vikum síðan þá hefði maður líklega upplifað miklu meira stress en spennu fyrir leik og sennilega óskað eftir því að skemmtanastigið í leiknum yrði við frostmark því þar lægju helst möguleikar Manchester United til að fá eitthvað út úr þessum leik. Ó, hve mikil breyting hefur orðið á ekki lengri tíma. Núna beið undirritaður óþreyjufullur alla vikuna eftir leiknum, hlakkaði mikið til að sjá hvernig liðið yrði og var verulega bjartsýnn bæði á að leikurinn gæti orðið skemmtilegur áhorfs og að það myndi einmitt þýða að Manchester United ætti góðan séns á að halda sigurgöngu sinni áfram. Enda gekk það líka eftir!

Solskjær, þú fallegi maður!

Byrjunarlið Manchester United í þessum leik var svona::

22
Romero
23
Shaw
2
Lindelöf
3
Bailly
18
Young
6
Pogba
31
Matic
21
Herrera
14
Lingard
7
Alexis
9
Lukaku

Varamenn: Grant, Dalot, Jones, Fred, Mata, Martial, Rashford.

Lið heimamanna í Arsenal var þannig skipað:

1
Cech
31
Kolasinac
6
Koscielny
5
Sokratis
15
Maitland-Niles
17
Iwobi
34
Xhaka
11
Torreira
8
Ramsey
9
Lacazette
14
Aubameyang

Varamenn: Leno, Mustafi, Monreal, Lichtsteiner, Elneny, Guendouzi, Özil.

Leikurinn sjálfur

Þegar leikurinn hófst mátti sjá að Manchester United stillti upp í sambærilegu kerfi og það notaði gegn Tottenham um daginn. Jesse Lingard var þá fölsk nía á meðan þeir Alexis Sánchez og Romelo Lukaku spiluðu sem kantmenn sem leituðu inn í framherjaholuna eftir því sem tækifæri gafst til. Allir þrír voru gríðarlega vinnusamir frá fyrsta flauti.

Arsenal hafði þó yfirburði á boltanum strax frá byrjun, þeir héldu boltanum og reyndu að byggja upp langar sóknir á meðan Manchester United reyndi frekar að sækja markvisst og snöggt við hvert tækifæri. Að mörgu leyti ekki ósvipað því sem lagt var upp með gegn Spurs. Arsenal hélt boltanum en gerði þó lítið við hann. Miðvarðaparið Bailly og Lindelöf steig varla feilspor í öllum leiknum, unnu báðir allar sínar tæklingar og öll sín skallaeinvígi.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'y3CyIMirSAl7O5HGjw46fA',sig:'dmcAVx-wsf_wXumq8D-OxOxHD0OR-W06K7PDZmOUiCY=',w:'500px',h:'333px',items:'1088557308',caption: false ,tld:'com',is360: false })});

Það var aðeins önnur saga hjá miðvarðapari Arsenal. Eftir um 20 mínútna leik sneri Socratis sig illa á ökkla þegar hann lenti eftir einvígi. Hann þurfti skömmu síðar að fara af velli og tók sér sinn tíma í það. Eitthvað sem endurtók sig svo í seinni hálfleik hjá hinum byrjunarliðsmiðverði Arsenal. Stuttu eftir það átti Jesse Lingard flotta fyrirgjöf frá hægri sem rétt smaug framhjá Pogba og Lukaku í markteignum. Þrátt fyrir að Arsenal hafði verið með boltann 60-70% leiktímans þá hafði United skapað hættulegri færi og álitlegri sóknir.

United náði svo líka að skora fyrstu mörkin. Hið fyrsta kom á 31. mínútu. Þá fékk Romelu Lukaku boltann rétt fyrir utan teig Arsenal. Hann hótaði skotinu og gerði það svo vel að þegar hann sleppti skotinu og laumaði inn stungusendingu í staðinn þá gabbaði það alla varnarlínuna og sendi Alexis Sánchez einan inn fyrir gegn Cech í markinu. Sánchez kom sér framhjá markverðinum og sendi boltann svo í markið úr þröngu færi. Frábærlega vel gert hjá báðum og Sánchez virkilega kunni vel að meta það að þagga niður í stuðningsmönnum Arsenal sem bauluðu á Sílemanninn út leikinn.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'jhj0ounLT2heTP1CQtjniQ',sig:'ehNlIkNKH0MTSlZKry6r9J0k4spUDXX7JKZ74x-I-8o=',w:'500px',h:'333px',items:'1088558600',caption: false ,tld:'com',is360: false })});

Innan við tveimur mínútum síðar hafði United aukið forskotið og það var eitt það klassískasta í fótboltaheiminum: skyndisóknarmark Manchester United á heimavelli Arsenal. Arsenal freistaði þess að svara marki United strax en góður varnarleikur Manchester United sendi Lukaku á sprett upp hægri kantinn. Með honum voru Jesse Lingard og Alexis Sánchez. Lukaku kom að teignum og sá þar hvar Lingard stansaði utarlega í teignum frekar en að halda hlaupinu áfram. Með því bjó hann sér til pláss og þegar hann fékk góða fyrirgjöf frá Lukaku gat hann tekið við boltanum og sent hann innanfótar í markið, óverjandi fyrir Cech. Aftur virkilega vel gert hjá United, Lukaku kominn með tvær flottar stoðsendingar og United komið með góða stöðu í þessum leik. Big Game Jesse bara elskar að skora í stóru leikjunum. Hann elskar að skora gegn Arsenal!

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'YqZbn9TyTV9227RgoccIMg',sig:'cnlhAi0UWcNvVYhBavE1rgbLB5xoc1kKvPND_inAiy4=',w:'500px',h:'346px',items:'1124824662',caption: false ,tld:'com',is360: false })});

Þegar fyrri hálfleik var að ljúka náði Arsenal að byggja upp pressu á United. Það skilaði því að þeir náðu að minnka muninn, með þeirra fyrstu alvöru hættulegu tilraun leiksins. Iwobi fann Ramsey með sendingu upp teiginn vinstra megin. Ramsey bar boltann upp að endamörkum og átti fína fyrirgjöf sem fór framhjá tveimur Arsenalmönnum, allri Unitedvörninni og endaði hjá markahróknum Aubameyang á fjærstönginni. Gabonmaðurinn þurfti ekki nema rétt snerta boltann til að koma honum í tómt markið. Vel gert hjá Arsenal en þótt varnarleikurinn hafi svo sem ekki verið algjört klúður hjá United þá hefðu þeir getað gert betur þarna.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'WQLloVmMQTlIWDgQZvvVdw',sig:'4AG9GeBi1JyT9qeUiee0MtJqsr6M8ljlaleu9RtDniI=',w:'500px',h:'332px',items:'1124821167',caption: false ,tld:'com',is360: false })});

Arsenal reyndi síðan að láta kné fylgja kviði í uppbótartímanum með því að byggja upp meiri pressu. Vörn United náði þó alltaf að verjast því áður en það varð að almennilega hættulegum tækifærum, jafnvel þótt það virkaði ekki alltaf mjög öruggt. United fór með 2-1 forskot inn í leikhlé.

Seinni hálfleikurinn hófst svipað og sá fyrri hafði endað, Arsenal reyndi að pressa og koma vörn United í vandræði. Hálfleikurinn var varla byrjaður þegar Aubameyang komst upp að endamörkum hægra megin innan teigs, sendi fína fyrirgjöf beint á kollinn á Ramsey sem átti skalla af stuttu færi. Í marki United var enginn David de Gea en þar var hins vegar besti varamarkvörður heims, Sergio Romero, og hann tók þvílíka reflex-vörslu og hélt United í forystu. Frábær markvarsla og mikilvæg.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'WUVxO7YeQQBc5ZqT4QyRRA',sig:'HxqVO-UcIlDMzU2cvu335gpe26sgUgR2uaGIljPxuvk=',w:'500px',h:'326px',items:'1124829428',caption: false ,tld:'com',is360: false })});

Eftir um 5 mínútur losnaði um pressuna og United fór að geta haldið boltanum líka og byggt upp sínar sóknir. Liðin skiptust á að sækja og þetta var hin skemmtilegasti leikur. Mest munaði um Paul Pogba sem var virkilega öflugur í því að bera boltann upp völlinn þegar tækifæri gafst. Þá var Alexis Sánchez yfirleitt mjög sterkur sömuleiðis í að halda boltanum og gefa Unitedliðinu tækifæri á að færa sig ofar á völlinn. Pogba og Matic nýttu sömuleiðis reynsluna oftar en einu sinni til að ná sér í aukaspyrnur, hægja leikinn þegar á þurfti að halda, losa pressur og eyða tíma.

Þegar seinni hálfleikur var um 10 mínútna gamall varð Koscielny fyrir meiðslum þegar hann féll í grasið og fékk takkann frá Lukaku í hálsinn. Það var óviljaverk að sjálfsögðu en það tók langan tíma að huga að Koscielny og að lokum koma honum út af vellinum. Emery hafði varnarmenn á bekknum en kaus þess í stað að setja Guendouzi og Özil inn á og taka Iwobi út af með miðverðinum. Granit Xhaka fór í miðvörðinn og það átti greinilega að reyna að sækja meira.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'wvvCPs9DSYBVyBRn0mRX9A',sig:'jNh4qfKNGDItY95LtdiAdkI4V9DwfpJ0z-7GDrXZSig=',w:'500px',h:'415px',items:'1124846191',caption: false ,tld:'com',is360: false })});

Áfram var þó miðvarðapar United öflugt og miðjumennirnir klókir. Á 72. mínútu gerði Solskjær svo sína fyrstu skiptingu og hún var mjög skemmtileg. Þá komu Marcus Rashford og Anthony Martial inn á völlinn í staðinn fyrir Romelu Lukaku og Alexis Sánchez. Verulega öflugt að geta hent í þessa skiptingu á þessum tímapunkti. Martial virtist þó ekki alveg ná tengingu við leikinn fyrstu mínúturnar, missti boltann auðveldlega og náði ekki að gera mikið af viti rétt til að byrja með. Heilt yfir hafði það þó jákvæð áhrif að skipta og leikurinn varð jafnari. Liðin héldu áfram að skiptast á að sækja.

Þegar um 8 mínútur voru eftir af venjulegum leiktíma átti Paul Pogba enn einn hörkusprett upp völlinn. Það er hreint ótrúlegt að sjá hann spretta upp völlinn með boltann í sínum löngu skrefum, sem stundum minna jafnvel á góðan þrístökkvara í lengd. Í þetta skiptið reyndi hann ekki að finna neina stungusendingu heldur lét vaða þegar hann var kominn að vítateig Arsenal. Skotið var fast, niðri og vinstra megin frá Pogba séð. Cech náði að henda sér niður og verja boltann en hvorki halda honum né koma honum í skjól heldur hrökk hann út í teig aftur þar sem Anthony Martial var mættur og kláraði færið með marki. Enn ein hættuleg skyndisókn og annað flott skyndisóknarmark.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'C9e08qDESW95h2wvkefFEA',sig:'Sx-WWdpFkT4OBvlS4nXS0gt5PWrB8YeTogBTVfoKd28=',w:'500px',h:'333px',items:'1088600836',caption: false ,tld:'com',is360: false })});

Eftir þetta var leikurinn í raun búinn. Það mátti sjá það á leikmönnum beggja liða að þeir vissu allir hvernig þessi leikur myndi enda. Kolasinac varð eitthvað pirraður út í Rashford á einum tímapunkti sem endaði með gamaldags hasar milli leikmanna Manchester United og Arsenal, það var bara gaman að sjá svoleiðis og minnti á gömlu tímana þegar þessi lið elskuðu að hata hvort annað.

Uppbótartíminn var svo 10 mínútur, eftir meiðslin hjá Koscielny, en uppbótartíminn fór allur í það að bíða eftir því að Craig Pawson flautaði til leiksloka. Hann gerði það svo að lokum og staðfesti þennan flotta, sannfærandi og sanngjarna sigur Manchester United. Okkar lið verður því eftir allt saman í hattinum á mánudagskvöld þegar dregið verður í fimmtu umferðina.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'gzIUVEOxRr5_d_4Jz8b-qw',sig:'02p5uhXa8UyDf49Xzo9VFBGW6_5Y7nfH_LyImdg5rQY=',w:'500px',h:'333px',items:'1088696702',caption: false ,tld:'com',is360: false })});

Hvílíkt stuð!

Átta sigurleikir í röð. Markatalan 22-5. Ekki enn lent undir síðan Solskjær tók við. 12 hálfleikir sigraðir af 16 mögulegum. Frábært!

Enn heldur Solskjær áfram að standast prófin með glans. Það verður vissulega fróðlegt að sjá hvað gerist þegar liðið tapar stigum eða lendir í einhverjum mótvind, hvernig bregst þjálfarateymið við þá? Hvernig bregðast leikmennirnir við þá? Það er seinni tíma vandamál, núna njótum við þess bara að sjá Manchester United spila eins og Manchester United á að spila. Og vinna leiki!

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'GWko4PyrRl1nTWhIfJKJMw',sig:'gsctuhciUYNHHbSJ8KjAvPtdT2AyilOX3EW07szlx04=',w:'500px',h:'336px',items:'1088676622',caption: false ,tld:'com',is360: false })});

Maður leiksins? Lukaku kom sterkur inn, með 2 flottar stoðsendingar og mjög góða vakt á kantinum. Sánchez kom sömuleiðis sterkur inn, skoraði fyrsta markið og vann mjög mikla vinnu bæði í hápressuvörn og í að halda boltanum þegar United þurfti á því að halda. Lingard heldur áfram að sinna gríðarlega mikilli og góðri vinnu fyrir liðið. Það sem hann getur hlaupið! Er líka alltaf jafn góður taktískt séð, með auga fyrir því að leysa mjög ólíkar stöður og hlutverk í mismunandi uppstillingum. Dýrmætur eiginleiki.

Romero leysti de Gea af velli með glæsibrag eins og vanalega. Lindelöf heldur áfram að blómstra og Bailly var virkilega fókuseraður, yfirvegaður og flottur við hlið hans. Það var sniðugt hjá Solskjær að smella Bailly í byrjunarliðið eftir orðróma um að Arsenal hefði áhuga á að kaupa Fílabeinsstrendinginn.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'Uo7wu9t2S5h1FN39DX0ROQ',sig:'aiskOVFx_D0Q4GnpcSap8sWtLrOtyIFgM4M2Y9121ro=',w:'500px',h:'333px',items:'1088643012',caption: false ,tld:'com',is360: false })});

En ég held ég verði að skella þessu á Paul Pogba. Hann er bara svo mikill yfirburðarleikmaður. Solskjær nefndi hann í samhengi við fyrirliðastöðu Manchester United um daginn, þegar hann er í þessum ham þá er erfitt að sjá annað fyrir sér en að hann verði fyrirliði. Hann leiddi liðið í þessum leik og hann kláraði leikinn. Hann var einn stærsti munurinn á milli þessara liða. Meira svona, Paul!

Eins og áður sagði verður dregið í fimmtu umferð enska bikarsins á mánudagskvöldið, eftir leik kvöldsins. Frá og með fimmtu umferð verður ekki lengur möguleiki á að lenda í endurteknum bikarleik heldur verða allir bikarleikir kláraðir í einum leik. Og þá framlengingu og vítakeppni eftir þörfum.

Næsta verkefni er þó í deildinni, Manchester United tekur á móti Burnley á þriðjudagskvöldið. Heldur sigurgangan áfram?

Enska úrvalsdeildin

Manchester United 2:2 Arsenal

skrifaði þann | 8 ummæli

Stóru fréttirnar láku rétt fyrir sjö, bæði Paul Pogba og Romelu Lukaku voru á bekknum. Eftir nokkrar vangaveltur komust menn að því að líklegast væri að liðið væru að spegla hvort annað, bæði í 3-4-3 uppstillingu. Diogo Dalot byrjaði sinn fyrsta úrvalsdeildarleik og Marcos Rojo sinn fyrsta leik á tímabilinu. Sóknir United frá upphafi sýndu án efa að Darmian og Dalot voru fullir þátttakendur og því mun réttar að hafa þá sem miðjumenn en varnarmenn.

1
De Gea
16
Rojo
12
Smalling
3
Bailly
36
Darmian
21
Ander Herrera
31
Matić
20
Dalot
14
Lingard
9
Rashford
11
Martial

Varamenn: S.Romero, Valencia, Fellaini, Mata, McTominay, Pogba, Lukaku

Lið Arsenal var svona:

Leno
Holding
Sokratis
Mustafi
Kolašinac
Guendouzi
Torreira
Bell
Iwobi
Ramsay
Aubameyang

United var mun frískaraliðið frá upphafi og héldu boltanum vel. Sóknir þeirra stöðvuðust þó oftast við teiginn enda var varnarlína Arsenal þétt og liðið allt mjög til baka þegar United sótti. Arsenal sótti ekki oft, en var næstum komið í færi þegar Ramsey kom boltanum framhjá Dalot inn á Kolasinac, en vörn United hreinsaði. Leikurinn var að snúast þannig að um miðjan hálfleikinn var Arsenal komið með yfirburði á boltanum og United var liðið sem bakkaði og þétti línurnar. Arsenal spilaði mikið upp á Dalot sem þurfti að gefa nokkur horn til að verjast. Úr einu slíku á 26. mínútu gaf Torreira fyrir, Shkodran Mustafi skallaði í jörð og upp og á einhvern óskiljanlegan hátt skóflaði De Gea boltann upp og yfir sig. Ander Herrera reyndi að hreinsa á línu en boltinn var rétt kominn inn. 1-0 fyrir Arsenal.

En United var ekki lengi að svara fyrir sig. Guendouzi brá Martial rétt utan vítateigshálfhringsins og dæmd var aukaspyrna. Rojo tók aukaspyrnuna, Leno skutlaði sér og varði út til hliðar, þar náði Ander Herrera boltanum alveg á endalínunni og náði að skófla boltanum fyrir, sendingin fór framhjá Lingard sem var dottinn en Anthony Martial var á markteignum til að hamra boltann inn. Herrera var reyndar rangstæður sem nam nokkrum sentimetrum rangstæður þegar Rojo tók aukaspyrnuna, fínt að VAR var ekki komið í gagnið. Vörn Arsenal getur líka sjálfri sér um kennt, voru lengi að bregðast við og létu Martial óáreittan.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'o6ajWT6QTj9xeUrxRGvGRw',sig:'at797Wmgemd2KXCIGc_f9SwaESwZn-p0oLJJiGQOYfM=',w:'594px',h:'333px',items:'1068826680',caption: true ,tld:'com',is360: false })});

Rob Holding meiddist þegar Marcus Rashford keyrði frekar hressilega inn í hann skömmu eftir mark United, og Stephan Lichtsteiner kom inn á í staðinn. Mustafi var hins vegar fyrstur í bókina eftir nokkuð groddalega tæklingu á Marcus Rashford úti við endamörk. Það kemur hins vegar engum á óvart að Marcos Rojo fékk fyrstur United manna gult, tók létta flugtæklingu á Guendouzi inni í teig Arsenal. Varla mínútu síðar brá Lingard Torreira til að stöðva sókn Arsenal og fékk réttilega gult og síðan var komið að Bellerín að sparka í Darmian og enn eitt spjaldið. Loks var það Nemanja Matic sem var spjaldaður fyrir að toga í Aubameyang sem var að sleppa í sókn eftir slæma sendingu frá United. Fimm spjöld á fimm mínútum var ansi hressilegt.

Torreira hefði getað fengið gult fyrir að stíga á ökklann á Matic en dómarinn mat það sem slys. Síðan var það Ramsey sem fór að haltra eftir samstuð en Ramsey hélt út til hálfleiks. Henrikh Mkhitaryan kom síðann inná fyrir hann í hálfleik

Þetta var bara frekar góður fyrri hálfleikur frá United, í það minnsta miðað við síðustu leiki. Liðið var þétt, vörnin að mestu góð og sóknirnar´sterkari, þó ekki kæmu færin, ekki frekar en að Arsenal fengi þau. Fyrir utan markið voru það helst tvö langskot frá Rashford og Martial sem hittu markið en bæði skot voru beint á Leno.

Fyrstu mínútur hálfleiksins sóttu Arsenal en United sneri því vel og ullu usla í vítateig Arsenal. Torreira fór í Martial án þess að ná í boltann, hefði jafnvel getað orðið víti. Dalot átti góða rispu inn í teig og skömmu síðar varði Leno neglu Rojo yfir.

Martial haltraði af velli á 63. mínútu og Romelu Lukaku kom inná. Á sama tíma kom síðasta skipting Arsenal, Lacazette fyrir Iwobi.

En þrátt fyrir góða sóknartilburði United var það Arsenal sem komst yfir. Rojo var undir pressu frá Mkhitaryan og gaf beint á Lacazette. Eftir veggsendingu á Mkhitaryan var Lacazette kominn inn fyrir og skoraði, þrátt fyrir tæklingu Rojo sem missti af boltanum en nelgdi niður Lacazette.

En aftur jafnaði United strax. Rojo fékk boltann eftir miðjuna og nelgdi fram, einn varnarmaður missti af boltanum, sem fór svo af Kolasinac og Lingard var fyrstur til og skoraði framhjá Leno.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'OSeItoB1Sex8CnhAE82nxw',sig:'BijvGPPKsmLj-zHxalOwmWdbMLC_5txC0AC6al_gYZs=',w:'594px',h:'396px',items:'1068883946',caption: true ,tld:'com',is360: false })});

Arsenal setti í sóknargír og óð upp í teig en þar var fyrir David de Gea og bætti fyrir mistökin í fyrri hálfleik með frábærri markvörslu frá Aubameyang..

Þá gerði United sína aðra skiptingu, Fellaini kom inná fyrir Rojo sem var orðinn ansi heitur fyrir rauða spjaldinu. De Gea varði aftur glææsilega langskot frá Aubameyang og svo kom Pogba inná fyrir Lingard. Arsenal var að sýna hvers vegna liðinu hefur gengið mun betur í seinni hálfleikjunum í vetur og voru ansi sprækir en leikurinn var mun opnari en í fyrri hálfleik. Arsenal komu boltanum í mark á 90. mínútu en Mkhitaryan var mjög rangstæður við endamörk þegar hann sneri boltann inn.

United hélt síðan út fjórar mínútur og rúmlega það í viðbótartíma.

Þetta er vissulega hressasti leikur sem við höfum séð frá United í langan tíma en það var ekki nóg. Eftir nokkuð jafnan fyrri hálfleik voru Arsenal vissulega aðeins betra liðið í seinni hálfleik og hefðu getað stolið sigrinum undir lokin.

Uppstilling United virkaði vel gegn eins uppstillingu Arsenal og leikmenn voru ákafari en við höfum séð lengi. En það var ekki alveg nóg. Þegar Lukaku og Pogba komu loksins inná gerðu þeir nákvæmlega ekkert til að sýna að þeir ættu að fá að vera með frá upphafi. Marcos Rojo kom vel út í sínum fyrsta leik í vetur, gaf síðan mark og hann hefði hugsanlega átt að fá eitt rautt, ekkert nýtt þar. Eric Bailly var mjög öruggur eftir meiðslafráveru og ætti að vera með fast sæti.

Embed from Getty Imageswindow.gie=window.gie||function(c){(gie.q=gie.q||[]).push(c)};gie(function(){gie.widgets.load({id:'xA-eg8bgTwB5F9nBLoxV0Q',sig:'hTVaL8J8PQNkDFAjuVZy7IXnEvtijCIjwaSsEBzdB-g=',w:'594px',h:'470px',items:'1068803512',caption: true ,tld:'com',is360: false })});

En þetta er ekki leikurinn sem breytir gangi tímabilsins. United hefur tekið 2 stig af 12 gegn Tottenham, Chelsea, City og Arsenal og það er svo fjarri því að vera viðunandi. Liðið er enn 8 stigum frá fjórða sæti, þökk sé tapi Chelsea gegn Úlfunum í kvöld en er núna 18 stigum á eftir City.

Stigið þýðir að stjórnin getur líklega leiðrétt það fyrir sjálfum sér að reka ekki José, en þeir eru líklega ein um þá skoðun. Það að þessi leikur hafi verið smá skemmtun bjargar ekki málum.