Rauðu djöflarnir

David de Gea

Leikmenn Staðfest

DAVID DE GEA SKRIFAR UNDIR NÝJAN SAMNING

skrifaði þann | 9 ummæli

Fréttirnar sem við höfum verið að bíða eftir síðasta árið eða svo eru dottnar inn!

Förum aðeins yfir hvað þetta þýðir.

  1. Besti leikmaður United spilar með áfram með liðinu, í að minnsta kosti eitt ár.
  2. Skyldi Real koma bankandi þurfa þeir væntanlega að greiða alvöru upphæð fyrir hann, ekki þetta klink sem talað hefur verið um í sumar.
  3. Ef Real Madrid vill svo ekki greiða alvöru verð fyrir okkar mann eða hann jafnvel orðinn afhuga Real Madrid eftir þetta grín hjá þeim í sumar er hann samningsbuninn til ársins 2019.

Ég veit ekki með ykkur en ég kalla þetta WIN-WIN-WIN SITUATION!

Þetta hefur verið sagan endalausa í allt sumar og ég dáðist að United fyrir að neita að bogna undan pressu Real Madrid í allt sumar og eiga það á hættu að missa De Gea frítt í sumar. Það kom mér þessvegna verulega á óvart þegar United samþykkti að selja hann á lokametrum gluggans til Real Madrid en blessunarlega féll Madrid á eigin bragði með það að bíða eins lengi og hægt var að bjóða í kappann þannnig að ekkert varð úr kaupunum. Hver hlær núna, Florentino Perez? Lesa meira

Mánudagspælingar

Mánudagspælingar 2015:08

skrifaði þann | 11 ummæli

Tímabilið er formlega hafið og því tímabært að fara af stað með Mánudagspælingarnar sem verða vonandi fastur liður hjá okkur í vetur. Í þetta skipti snúast pælingarnar um leikform leikmanna, smá tölfræði og ástæður þess að David de Gea sat uppi í stúku.

Leikform?

Ég missti af leiknum á laugardaginn gegn Tottenham en fylgdist þó með samfélagsmiðlunum meðan á leik stóð. Sú mynd sem ég fékk af leiknum þar var frekar neikvæð og ég bjóst því að ég væri að fara að horfa á einhverja hörmung þegar ég horfði á leikinn í endursýningu í gær. Lesa meira

Félagaskipti Leikjadagskrá Leikmenn

Veganesti fyrir helgina

skrifaði þann | 1 ummæli

Hér er smá veganesti fyrir helgina, það helsta sem er að frétta:

Stóra Ramos/De Gea málið

Nýjasta nýtt er að United ætlar ekki að selja David de Gea til Real í sumar nema Sergio Ramos fari hina leiðina. Það er Guardian sem greinir frá þessu.  Gerist það ekki er De Gea frjálst að ganga til liðs við Real næsta sumar enda rennur samningur hans þá út. Það er augljóst að Woodward er að spila hard-ball við Real Madrid og ég er mjög hrifinn af því enda er ég alveg viss um það að stjórnarformenn Real héldu að þeir gætu fengið De Gea á tiltölulega auðveldan máta. Lesa meira

Leikmenn Slúður

Sergio Ramos fyrir David de Gea?

skrifaði þann | 10 ummæli

Eftir ansi rólega tíð hjá okkar mönnum virðist eitthvað alvöru vera að leka upp á yfirborðið. Blaðamaðurinn Sid Lowe sem verður að teljast ansi örugg heimild um allt sem tengist spænskum fótbolta greinir frá því í Guardian í gær að United hafi formlega óskað eftir því að Sergio Ramos yrði að koma til Manchester United ef Real Madrid vill fá David de Gea.

Samkvæmt Sid Lowe hefur United þegar hafnað fyrsta boði Real Madrid í De Gea sem var bara eitthvað grín, 18 milljónir evra eða tæplega 13 milljónir punda. Persónulega hefði ég viljað að United hefði svarað því með að segja við Real Madrid: Við svörum ykkur ekki fyrr en þið eruð komnir í kringum 30 milljón pundin sem er að mínu viti algjört lágmarksverð fyrir David de Gea. Lesa meira

Landsleikir Leikmenn Slúður

Eitt og annað

skrifaði þann | 9 ummæli

Það eina sem er að frétta er að það er eiginlega ekkert að frétta.

*uppfært* Og þó. Þetta var að gerast:

Dani Alves hefur verið sterklega orðaður við United á undanförnum vikum en nú er ljóst að af því verður ekki. Einhverjir munu anda léttar en þarna er þó á ferðinni góður leikmaður sem vissulega hefði styrkt United. Miðað við sögusagnir sem hafa verið í gangi frá því í janúar er alveg á krystaltæru að félagið er að leita sér að nýjum hægri bakverði. Nú er spurningin hvort að menn snúi sér aftur að Nathaniel Clyne? Hann hefur verið sterklega orðaður við United í allan vetur en áhuginn á víst að hafa kólnað, ef til vill vegna þess að menn töldu sig geta nælt í Alves?   Lesa meira