Rauðu djöflarnir

Leikskýrslur

Enska úrvalsdeildin

Sunderland 0:1 Manchester United

skrifaði þann | 6 ummæli

United sigrar Sunderland með einu marki gegn engu á Stadium of Light, aftur. United liðið var að spila rosalega í svona 70+ mínútur og voru á tímabili í seinni hálfleik 80% með boltann. Leikurinn var í raun aldrei jafn spennandi og staðan gefur til kynna. Sunderland voru aldrei líklegir til að jafna leikinn.

Sir Alex kom kannski einhverjum á óvart með sterku byrjunarliði í dag, margir höfðu búist við hálfgerðu varaliði í dag en sú var sko ekki raunin. Á 27. mínútu fékk van Persie boltann á vinstri kantinum og eftir smá leikfimiæfingar átti hann skot sem átti viðkomu í hinn alæmda Titus Bramble og þaðan í netið, óverjandi fyrir Mignolet í markinu. Staðan 1-0 og maður vonaði alltaf eftir fleiri mörkum en átti svo sem alveg lúmskan grun um að þetta yrðu úrslitin. Þrátt fyrir gífurlega yfirburði í fyrri hálfleiknum þá náði United ekki að bæta við marki. Lesa meira

Enska úrvalsdeildin

Manchester United 1:0 Reading

skrifaði þann | 8 ummæli

Frá-há-há-bær dagur í dag! United sigrar Reading með einu marki gegn engu. Rooney með sigurmarkið á 21. mínútu og Rio Ferdinand (af öllum mönnum) með stoðsendinguna.

Þessi leikskýrsla í dag verður í styttri kantinum af tveimur ástæðum.
1. Ég var búinn að lofa konunni eitt kvöld án þess að glápa á tölvuskjá. 2. Þetta var svo svakalega dapur leikur í dag að það er bara ekki mikið til að skrifa um. Þessari skýrslu verður því skipt í tvennt. Fyrri hlutinn verður á neikvæðu nótunum þar sem ég tek fyrir það slæma en svo kem ég ykkur í góða skapið með því að benda ykkur á það jákvæða eftir leik dagsins. Lesa meira

Enska bikarkeppnin

Manchester United 2:2 Chelsea

skrifaði þann | 17 ummæli

Eftir frábæra byrjun United voru þeir á endanum heppnir að fá annað tækifæri til að komast í undanúrslitin og mæta Manchester City.

United byrjaði miklu betur. Boltinn var að ganga vel á milli og strax á fimmtu mínútu leit Michael Carrick upp á miðjunni og sá möguleikann. Hann sendi háa sendingu inn á teiginn, Hernandez kom sér í stöðuna, stökk upp og skoraði með nettum skalla yfir Cech sem var fastur í einskismannslandi, kominn af línunni en ekki út í Javier. Lesa meira

Meistaradeild Evrópu

Manchester United 1:2 Real Madrid

skrifaði þann | 30 ummæli

Leikurinn í dag réðist af gjörsamlega óafsakanlegu athæfi:

Lið sem búið var að ráða stærstum hluta leiks á ekki að hrynja niður í rusl, þó það missi hægri kantmann útaf, sama hversu vafasamur dómur það er. Það er það sem ég fer með út úr þessum leik.

Fyrir leikinn var ég nær viss um að við myndum ekki ráða við þetta verkefni, en fyrri hálfleikur kom mér skemmtilega á óvart. reyndar voru fyrstu mínúturnar frekar stressaðar af hálfu United, nokkuð um misheppnaðar sendingar en svo fór að rætast úr þessu. Gagnsóknir United voru oft ansi beittar, og Danny Welbeck var eins og hlaupageit um allar trissur, sívinnandi. Það var hins vegar besti maður United í leiknum, Ryan Giggs sem vann hornið sem gaf hættulegasta færið í fyrri hálfleik, skalla Vidic í stöng. Að öðru leyti var hálfleikurinn vel spilaður hjá okkar mönnum. Reyndar var United ekki með boltann nema 37% en það var vel ásættanlegt. Real skapaði litla sem enga hættu og þetta var allt í góðum gír. Lesa meira

Enska úrvalsdeildin

Manchester United 4:0 Norwich

skrifaði þann | 16 ummæli

Þrjú stig komin í hús og alls ekki leiðinlegt að krækja í þau með glæsisigri. United sigrar Norwich með fjórum mörkum gegn engu. Kagawa með þrennu og Rooney með bombu á 90. mínútu.

Þar sem þetta er nú aðeins leikskýrsla númer tvö hjá mér, þá ætla ég að taka það aftur fram að í mínum leikskýrslum nenni ég ekki að fara yfir hvert einasta atriði sem gerðist í leiknum. Ég tek frekar saman það helsta sem mér þótti eftirtektarvert, sem við getum svo rætt áfram í athugasemdunum fyrir neðan. Lesa meira