Rauðu djöflarnir

Louis van Gaal

Enska úrvalsdeildin

Bournemouth 2:1 Manchester United

skrifaði þann | 34 ummæli

Varúð. Erfiður lestur framundan.

Áður en við snúum okkur að leik dagsins þá er vert að ræða aðeins blaðamannafund Louis van Gaal í gær. Hann sat misvel í mönnum. Sumir vildu meina að Van Gaal hefði í rauninni „púllað“ Moyes. En á blaðamannafundinum þá sagði hann í stuttu máli að krafa stuðningsmanna um að vinna titilinn [Meistaradeildina] væri óraunhæf, sem og að hann gæti aðeins stillt upp liðinu en ekki skorað mörkin. Sem er frekar fyndið þar sem Javier nokkur Hernandez getur ekki hætt að skora (skoraði meðal annars þrennu í dag) og James Wilson er búinn að skora tvö mörk í tveimur leikjum fyrir Brighton. Grein um fréttamannafundinn má lesa hér. Lesa meira

Meistaradeild Evrópu Pistlar Ritstjóraálit

Wolfsburg 3:2 Manchester United – United er dottið úr Meistaradeildinni

skrifaði þann | 28 ummæli

Manchester United er dottið úr Meistaradeildinni í ár. Vonbrigðin eru sár.

Svona var liðið sem mætti Wolfsburg í kvöld:

1
De Gea
36
Darmian
17
Blind
12
Smalling
30
Varela
31
Bastian
8
Mata
27
Fellaini
7
Memphis
35
Lingard
9
Martial

Bekkur: Romero, Borthwick-Jackson (Darmian), McNair, Carrick (Bastian), Pereira, Young, Powell. (Mata) [footnote]Þetta er ekki grín. Nick Powell kom í alvöru inná fyrir Juan Mata.[/footnote]

Guillermo Valera í byrjunarliðinu í fyrsta sinn síðan hann gekk til liðs við United. Nick Powell á bekkum ásamt Cameron Borthwick-Jackson. Nokkuð þunnskipaður hópur enda mikið um meiðsli. Lesa meira

Meistaradeild Evrópu

Wolfsburg í kvöld: Sigur eða dauði

skrifaði þann | 7 ummæli

Allir hressir?

Flott.

Í kvöld spilar United leik sem við bjuggumst ekki við að liðið myndi þurfa að spila þega dregið var í riðlakeppni Meistaradeildarinnar. Í kvöld spilar United einfaldlega úrslitaleik um það hvort að liðið taki áframhaldandi þátt í keppninni.

Það verður að eiginlega að segjast hreint út. Það er óásættanlegt.

Með liðum eins og Wolfsburg, PSV og CSKA ætti United að vera búið að tryggja sig áfram. Ef við gefum okkur það að fyrsti leikurinn gegn PSV hafi verið freebie út af fótbroti Luke Shaw þá var skrýtið að sjá liðið sætta sig við jafntefli gegn CSKA á útivelli og það að hafa ekki tryggt sig áfram í síðustu umferð þegar PSV kom heim var slappt, mjög slappt. Lesa meira

Mánudagspælingar

Mánudagspælingar

skrifaði þann | 2 ummæli

Jákvæðir mánudagar?

Nú hugsa margir; hvað í fjandanum er til að vera jákvæður yfir?
Mjög góð spurning. Eftir einhver átta 0-0 jafntefli í síðustu 20 leikjum er eðlilegt að menn séu orðnir pirraðir, guð einn veit að ég er orðinn það (hér er augljóslega átt við Eric „God“ Cantona en ekki faðir Jesú Krists).

Á morgun er mikilvægasti leikur tímabilsins hjá United, og þá fyrst sjáum við úr hverju liðið er gert. Það er bókstaflega, að duga eða drepast. Eða svona næstum. Sigur og liðið er áfram í 16 liða úrslit Meistaradeildarinnar. Tap og endurkoma Manchester United í Meistaradeildina er jafn aumingjaleg og endurkoma Liverpool í fyrra. Lesa meira

Mánudagspælingar

Mánudagspælingar 2015:09

skrifaði þann | 4 ummæli

Góðan og blessaðan daginn dömur mínar og herrar.
Mánudagspælingarnar í dag eru í raun Mánudagspæling. Ég er einfaldlega að velta fyrir mér hvort Louis Van Gaal sé of varfærinn í leikaðferð sinni (þið, lesendur góðir, megið endilega segja hvað ykkur finnst í kommentakerfinu).

Nú geri ég mér fulla grein fyrir að Van Gaal er ekki Sir Alex Ferguson og hver stjóri er með sinn eigin leikstíl. Einnig skil ég að Van Gaal metur possession fótbolta og á meðan maður hefur boltann er ekki hægt að fá á sig mark. Það sem truflar mig óstjórnlega er samt hversu rosalega passífur hann er oft á tíðum. Eins og í leiknum á laugardaginn þegar hann tekur Bastian Schweinsteger af velli. Vissulega, til að halda sama formi á liðinu er eðlilegast að setja Michael Carrick inn á, EN þú ert að spila á Old Trafford, það eru 59 mínútur búnar og mótherjinn er Newcastle. Með fullri virðingu. Það er í góðu lagi að skella Ander Herrera inn á og fá aðeins meira flæði í sóknarleikinn, sérstaklega ef miðað er við hversu vel Herrera og Mata náðu saman á síðari hluta síðasta tímabils. Lesa meira