Maggi og Ragnar fóru yfir leikinn gegn Nottingham Forest, fréttir vikunnar, mögulega mótherja í Meistaradeild Evrópu og leikinn framundan gegn Arsenal.
Rauðu djöflarnir á:
Apple Podcasts
Spotify
MP3 skrá: 113. þáttur
Meistaradeild Evrópu
86. þáttur – Lélegt leikskipulag í Leipzig
Maggi, Daníel og Þorsteinn settust niður og fóru mjög ítarlega yfir leikina gegn West Ham og RB Leipzig. Paul Pogba og ummæli Mino Raiola voru tekin fyrir, veltum því fyrir okkur hvort við hefðum lært eitthvað af þessum leik sem við vissum ekki áður. Einnig ræddum við Ole Gunnar Solskjær og þjálfarateymið og hvort breytingar þar væri ekki þörf.
Djöflavarpið er í boði Adidas á Íslandi. Hægt er að nálgast vörur adidas á eftirtöldum stöðum:
Meistaradeildin heldur áfram að rúlla
Þá er komið að þriðju umferð í H riðli Meistaradeildarinnar þar sem tyrknesku meistararnir í Istanbul Başakşehir taka á móti Rauðu djöflunum heima í Tyrklandi. United trónir á toppi riðilsins með fullt hús stiga og +6 í markatölu eftir glæsilega sigra á PSG og RB Leipzig en Meistaradeildin virðist vera eini vígvöllurinn sem hentar United þessa stundina. Mótherjinn er sá sem á pappír gæti virst auðveldasta viðureignin en það hafa einmitt reynst erfiðustu bitarnir fyrir Ole Gunnar Solskjær og hans menn. Hvort þeim norska reynist erfitt að peppa menn upp í minni leikina eða leikmenn einfaldlega séu að ofmetnast/vanmeta andstæðinginn er álitamál en hitt er næsta öruggt að enginn leikur getur lengur talist skyldusigur fyrir United eins og liðið er að spila í dag.
Manchester United mætir RB Leipzig í fyrsta sinn
Það gerist æ sjaldnar að Manchester United bjóði nýja gesti velkomna í Leikhús draumanna, en sú er þó raunin þegar liðið fær þýska liðið RasenBallsport Leipzig e.V., eða einfaldlega RB Leipzig í heimsókn. Ástæðan er margþætt, en helsta ástæðan kannski þó sú að gestaliðið er ekki nema 11 ára gamalt! Félagið var stofnað 2009 og hefur upprisa liðsins verið hröð síðan þá. Svo hröð að liðið komst alla leið í undanúrslit Meistaradeildarinnar á síðustu leiktíð, en laut þar í lægra haldi fyrir uppáhalds fórnarlömbum okkar – Paris Saint Germain.
PSG annað kvöld
Annað kvöld hefst riðlakeppni Meistaradeildar Evrópu. Manchester United snýr aftur eftir árs fjarveru. Síðasti sigurleikur United í Meistaradeildinni kom einmitt á Parc des Princes en þar fer viðureign liðanna fram annað kvöld.
PSG
Paris Saint-Germain byrjaði tímabilið heima fyrir frekar brösluglega. Liðið byrjaði með ósannfærandi töpum en hefur verið að koma til og hefur unnið 5 leiki í röð og situr í 2. sæti Ligue 1. PSG hefur ekki bara verið verið óheppið með meiðsli leikmanna heldur voru líka að koma upp Covid smit í hópnum. Síðasti leikur liðsins var sannfærandi 0:4 sigur á Nimes á útivelli.