Runólfur Trausti skrifaði þann | 3 ummæli
Loksins, loksins!
Tilgangslausasta landsleikjahlé síðari ára, fyrir okkur Íslendinga allavega, er lokið og alvöru fótboltinn getur hafist á ný. Á morgun mætast tveir erkifjendur á hliðarlínunni en þeir Rafa Benitez og José Mourinho hafa eldað grátt silfur saman í meira en áratug. Þó svo að úrslitin ráðist inn á vellinum þá má reikna með harðri baráttu á hliðarlínunni. Lesa meira
Tryggvi Páll skrifaði þann | 8 ummæli
Eru ekki allir og amma þeirra búnir að kvarta yfir hversu leiðinlegt er að horfa á United-leiki? Sú var ekki raunin í kvöld og leikurinn var hinn besta skemmtun þrátt fyrir að Paul Dummett hafi skemmt fyrir okkur öllum með því að stela stiginu á lokametrunum.
Bekkur: Romero, Borthwick-Jackson, McNair, Weir, Mata, Pereira, Memphis.
Leikurinn byrjaði ansi vel fyrir okkar menn þegar Fellaini fiskaði víti. Hann skallaði boltann beint í höndina á Mbemba eftir hornspyrnu. Ef til vill var þetta harkalegur dómur en boltinn fór vissulega í hendina á Mbemba. Mike Dean dæmdi víti og Rooney steig upp af miklu öryggi og kláraði dæmið. Lesa meira
Runólfur Trausti skrifaði þann | Engin ummæli
Á morgun fara okkar menn í heimsókn til Newcastle United. Fyrri leikur liðanna var fyrsti af mörgum 0-0 leikjum tímabilsins. Síðan þá hefur mikið vatn runnið til sjávar, okkar menn sitja í 5. sæti með 33 stig, níu stigum frá Arsenal sem situr í efsta sæti deildarinnar. Á meðan situr Newcastle í 18. sæti deildarinnar með 17 stig, tveimur stigum frá öruggu sæti.
Newcastle United
Eins mikið og manni langar að kvarta undan hversu marga leikmenn vantar alltaf í leikmannahóp Manchester United vegna meiðsla þá mælir undirritaður ekki með því að væla í Newcastle United stuðningsmönnum. Meiðslalisti þeirra telur 14 leikmenn samkvæmt Physio Room. Fyrirliðinn Fabricio Coloccini og rauðhærði Pirlo (Jack Colback) ættu þó að geta náð leiknum á morgun. Annars vantar þá; Tim Kruul, Florian Thauvin, Vurnon Anita, Papiss Cisse, Mike Williamson, Massadio Haidara, Gabriel Obertan, Steven Taylor, Rolando Aarons, Kevin Mbabu, Emmanuel Riviere og Curtis Good. Lesa meira
Björn Friðgeir skrifaði þann | 29 ummæli
Louis van Gaal sá ekki ástæðu til að breyta til að ráði frekar en fyrri daginn. Eina breyting var sú að Bastian Schweinsteiger byrjaði sinn fyrsta leik fyrir United í stað Michael Carrick.
Varamenn: Johnstone, McNair, Valencia, Carrick, Herrera, Young, Chicharito.
Newcastle stillir svona upp
United byrjaði af krafti og Memphis stakk á Rooney strax á fjórðu mínútu, en ranglega dæmd rangstaða hindraði Rooney í að opna markareikninginn. Liðið var að spila ans i góðan bolta, Mata, Januzaj og Memphis náðu vel saman og voru að hrókera stöðum. Færin komu íka, Mata úr aukaspyrnu, og síðar skot úr teig sem Krul varði vel, og svo átti Rooney að gera aðeins betur með sínu skoti en Krul varði það vel. Lesa meira
Björn Friðgeir skrifaði þann | 9 ummæli
Áður en við á höfuðborgarsvæðinu förum í bæinn á morgun til að njóta menningarnætur setjumst við niður og horfum á United taka á móti Newcastle United á Old Trafford kl 11:45.
Newcastle gekk ömurlega í fyrra, en þó aðallega eftir að Alan Pardew fór frá félaginu, töpuðu meira að segja átta leikjum í röð og ráku auðvitað á endanum stjórann, John Carver. Steve McLaren er tekinn við og er hann okkur auðvitað að góðu kunnur síðan hann var aðstoðarstjóri United þrennutímabilið góða. Hann hefur nú ekki alveg slegið í gegn sem stjóri, nema í Hollandi, enda ekki verið með albestu liðin, og tel ég enska landsliðið þar með. Lesa meira
Vertu með í Fantasy leiknum okkar!