Rauðu djöflarnir

Ole Gunnar Solskjær

Meistaradeild Evrópu

PSG 1:3 Manchester United

skrifaði þann | 32 ummæli

Fyrir þennan leik blés svo sannarlega ekki byrlega fyrir Manchester United. Meiðsli, leikbann, tap á bakinu eftir heimaleikinn og á leið á útivöll sem hefur verið einn sá erfiðasti í Evrópu á síðustu árum. En ef það er einhver sem kann að snúa tapstöðu í sigur þá er það Ole Gunnar Solskjær. Og það sem meira er, hann virðist hafa kennt liðinu það.

Þegar byrjunarliðið var tilkynnt bjuggust flestir við að Solskjær ætlaði að láta liðið spila 3-5-2 eða 5-3-2. Þannig varð það þó ekki heldur kom Solskjær nokkuð á óvart með því að stilla upp í 4-4-fokking-2. Svona var byrjunarliðið: Lesa meira

Enska úrvalsdeildin

Southampton í heimsókn á morgun

skrifaði þann | Engin ummæli

Þetta er ekki lengur bóla, þetta er sigurbraut. Það er orðið óhætt að slá þessu föstu. Hitt er svo annað mál að allar sigurhrinur taka að lokum enda þannig að þegar það gerist þá gerist það bara og án þess að þurfi að tala um að „bólan sé sprungin“.

Á morgun kemur Southampton í heimsókn á Old Trafford og reynir að verða fyrsta liðið til að vinna sigur á United liði Ole Gunnar Solskjær í deildinni. Southampton hefur ekki gengið vel á þessu tímabili, eru tveimur stigum frá fallsæti og það er sigri í síðasta leik gegn fallkandídötum Fulham að þakka. Mark Hughes var rekinn í desember og austurríkismaðurinn Ralph Hasenhüttl tók við en hann hefur aðeins náð að snúa gengi liðsins við með sigrum á m.a. Arsenal og Everton. En liðið tapaði tveimur og gerði tvö jafntefli fyrir sigurinn gegn Fulham og það er því von til þess að slakt gengi United gegn Southampton á Old Trafford haldi ekki áfram, en United hefur unnið einn af síðustu fimm leikjum gegn þeim þar, gert tvö jafntefli og tapað tveimur. Lesa meira

Djöflavarpið

Djöflavarpið 70. þáttur – Verður Ole Gunnar Solskjær fastráðinn?

skrifaði þann | 5 ummæli

Maggi, Tryggvi og Björn settust niður og ræddu leikina gegn PSG og Chelsea. Einnig var tekin Ole umræða þar sem Mike Phelan og fleiri komu við sögu.

Við viljum endilega fá ykkar álit þannig að virk þáttaka í athugasemdarkerfinu er vel þegin.

Ef þið viljið senda okkur spurningar þá er það hægt að senda okkur skilaboð á Facebook síðu Rauðu djöflanna.

Hægt er að hlusta á þáttinn í spilaranum hér fyrir ofan, auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit: Lesa meira

Enska úrvalsdeildin

Rauðu djöflarnir heimsækja refina

skrifaði þann | Engin ummæli

Á morgun mætir Manchester United á erfiðan útivöll í Leicester þar sem meistararnir frá því 2016 taka á móti okkur. Eins og flestum er kunnugt tók United sitt fyrsta feilspor í miðri vikunni þegar liðið lenti 0-2 undir gegn Burnley á Old Trafford. Liðinu tókst þó að bjarga andlitinu með tveimur síðbúnum mörkum en engu að síður 2 töpuð stig í baráttunni um Meistaradeilarsæti. Lesa meira

Enska bikarkeppnin

Arsenal 1-3 Manchester United

skrifaði þann | 16 ummæli

Ef þessi sami bikarleikur hefði verið settur á fyrir 6 vikum síðan þá hefði maður líklega upplifað miklu meira stress en spennu fyrir leik og sennilega óskað eftir því að skemmtanastigið í leiknum yrði við frostmark því þar lægju helst möguleikar Manchester United til að fá eitthvað út úr þessum leik. Ó, hve mikil breyting hefur orðið á ekki lengri tíma. Núna beið undirritaður óþreyjufullur alla vikuna eftir leiknum, hlakkaði mikið til að sjá hvernig liðið yrði og var verulega bjartsýnn bæði á að leikurinn gæti orðið skemmtilegur áhorfs og að það myndi einmitt þýða að Manchester United ætti góðan séns á að halda sigurgöngu sinni áfram. Enda gekk það líka eftir! Lesa meira