Rauðu djöflarnir

Upphitun

Enska úrvalsdeildin

Everton á morgun

skrifaði þann | Engin ummæli

Það hefur ekki gengið vel hjá United á Goodison Park síðustu árin, sigur vannst 2011 og síðan ekki aftur fyrr en prýðilegur 3-0 sigur vannst síðasta vetur. Að auki vann United Everton á heimavelli og síðan á Wembley í vor í undanúrslitum bikarsins þannig að síðasta ár var ágætt.

Það er meira en hægt er að segja um gengi United í deildinni í síðustu leikjum. Í síðustu sjö leikjum hefur liðið gert fimm jafntefli, unnið einn leik og tapað einum. Af liðunum í efri helmingnum hefur aðeins einu liði gengið ver: Everton. Þeir hafa aðeins unnið einn af síðustu átta, og tapað fjórum og það er farið að fara um Ronald Koeman stjóra liðsins. Lesa meira

Enska úrvalsdeildin

West Ham kemur í heimsókn í deildinni

skrifaði þann | 4 ummæli

Manchester United hefur ekki unnið heimaleik í deildinni síðan 24. september, þegar liðið vann flottan sigur á Englandsmeisturunum í Leicester City. Að vísu hefur liðið ekki spilað nema 3 heimaleiki í deildinni síðan þá en þeir hafa allir endað með jafntefli. Í þessum leikjum, gegn Stoke, Burnley og loks Arsenal, var Manchester United betra liðið.

Knattspyrnan sem United lék var ekki slæm, í öllum þrem leikjunum náði Manchester United að skapa helling af færum. En það vantaði upp á að klára þessi færi og því fékk Manchester United 3 stig í þessum 3 leikjum í stað 9 stiga. Það munar alveg um þessi 6 stig, bæði í baráttunni um efstu sætin en líka í allri umfjöllun um Manchester United og það sem José Mourinho er og hefur verið að gera með liðið. Það eru framfarir á liðinu, slíkt ætti að vera augljóst þeim sem horfir á liðið spila núna og man hvernig liðið spilaði undir stjórn Louis van Gaal. En umræða um það hvort Mourinho sé búinn að missa það selur fleiri blöð. Lesa meira

Enska úrvalsdeildin

Arsenal kemur í heimsókn á Old Trafford

skrifaði þann | Engin ummæli

„It was 11 men against 11 children,“ voru orð sem Patrice nokkur Evra lét falla eftir að Manchester United valtaði yfir Arsenal í Meistaradeildinni árið 2009. Á þessum tíma var rígurinn milli Manchester United og Arsenal gríðarlegur.

Í raun allt frá komu Arsene Wenger í ensku úrvalsdeildina þá mátti búast við látum þegar liðin mættust. Síðustu ár Sir Alex Ferguson með United liðið voru leikirnir þó aðeins öðruvísi en United var í raun alltaf með yfirhöndina. Leikurinn á morgun verður eflaust allt, allt öðruvísi. Lesa meira

Enska úrvalsdeildin

Manchester United heimsækir Wales

skrifaði þann | 4 ummæli

Eftir ansi strembna törn í október byrjaði nóvember á heimsókn út fyrir England þar sem Manchester United var afskaplega ósannfærandi og tapaði sanngjarnt. Bæði fjölmiðlar og notendur samfélagsmiðla kepptust við að deila því að Manchester United kann ekki vel við að yfirgefa England þessa dagana. Útileikir í öðrum löndum eru oftast ströggl. Í Evrópukeppnum hefur United ekki unnið útileik í alvöru Evrópukeppni síðan í nóvember 2013. Við erum að tala um 9 leiki í Evrópudeildinni og Meistaradeild Evrópu síðan þá, á útivelli, án sigurs. Fyrir utan reyndar 4-0 sigurinn á Club Brugge í Belgíu í ágúst 2015. En það var auðvitað bara umspilsleikur. Lesa meira

Evrópudeildin

Heimsókn til Tyrklands

skrifaði þann | 3 ummæli

Nú á dögunum var haldið styrktarkvöld fyrir Unicef. Fór þar fram uppboð og söfnuðust tugir milljóna króna fyrir gott málefni. Fór José Mourinho á kostum og bauð meðal annars upp rándýrt úr sem hann á sjálfur. Virtust leikmenn einnig njóta sín vel þrátt fyrir að hafa gert jafntefli við Burnley skömmu áður. Voru erfiðleikarnir í deildinni settir á ís þetta kvöld fyrir gott málefni. Lesa meira