Rauðu djöflarnir

Upphitun

Enska úrvalsdeildin

Manchester United mætir Manchester City

skrifaði þann | 12 ummæli

Það er stutt á milli stóru leikjanna hjá okkar mönnum. Eftir að hafa gengið frá Tottenham og Liverpool á undanförnum vikum er komið að einum stærsta leik tímabilsins. Manchester City er að koma í heimsókn á Old Trafford.

Af augljósum ástæðum eru leikirnir gegn Liverpool alltaf þeir stærstu á tímabilinu, að minnsta kosti fyrir okkur hérna uppi á Fróni. Sigur gegn Liverpool veitir manni #bantz-réttindi næstu mánuðina gagnvart vinnufélögum, ættingjum, skólafélögum og vinum. Það er þó athyglisvert að þrátt fyrir að Liverpool og Manchester United séu sigursælustu liðin á Englandi hafa þau afar sjaldan verið að keppa innbyrðis að einhverju viti um titlana eins og rakið er í þessari ágætu grein frá Michael Cox.  Liverpool er þó sögulegur andstæðingur Manchester og það mun ekkert breytast, þetta eru stærstu leikirnir sem þessi lið spila á hverju tímabili. Lesa meira

Enska úrvalsdeildin

Aston Villa kemur í heimsókn

skrifaði þann | 6 ummæli

Rétt er að taka fram að búið er að breyta klukkunni á Bretlandi þannig að leikurinn hefst klukkan 14.00 að íslenskum tíma.

Ótrúlegt hvað tveir góðir leikir geta breytt viðhorfi stuðningsmanna. Fyrir leikina gegn Tottenham og Liverpool voru margir byrjaðir að efast um möguleika United á að enda í topp 4. Eftir góðan sigur gegn Liverpool á Anfield voru menn aftur byrjaðir að líta aftur á annað sætið sem raunhæfan kost á meðan örfáir brjálæðingar byrjuðu að vonast eftir 95/96 dæmi og vinna titilinn. Lesa meira

Enska úrvalsdeildin

Anfield á morgun

skrifaði þann | 8 ummæli

Liverpool – Manchester United er erfiðasti útileikur vetrarins fyrir Manchester United. Það er ekkert flóknara en það. Þetta er líka stærsti útileikur vetrarins fyrir stuðningsmenn, hvort sem er hér heima eða á Englandi, þó að vissulega séu viðhorfin eilítið öðruvísi  Það er hægt í Englandi að halda því fram að fólkið í borginni 50 km í burtu sé allt öðruvísi, leiðinlegra og ljótara, heimskara og vitlausara og hvað nú sem er, og í hópefli trúa þessu. En hér heima er Liverpool stuðningsmaðurinn systkini þitt, foreldri, samstarfsmaður eða besti vinur (nú eða al…flest þetta í einu). Og við erum næsta lík öll. Lesa meira

Enska úrvalsdeildin

Tottenham mætir á Old Trafford á sunnudag

skrifaði þann | 9 ummæli

Eru ekki allir búnir að hlusta á 7. þátt af Podkastinu okkar? Eða kíkja á lespakka vikunnar sem er ansi þéttur í þetta skiptið? Mæli með því áður en lestur hefst á þessari uppphitun fyrir Tottenham-leikinn á sunnudaginn.

Eins og margoft hefur komið fram er leikjadagskráin hjá United út tímabilið ansi strembin. Einhver tók sig til og reiknaði hvaða lið í deildinni ætti erfiðuðustu dagskránna út frá meðalstöðu andstæðinganna í þeim leikjum sem eftir eru: Lesa meira

Enska bikarkeppnin

Arsenal heimsækir Old Trafford

skrifaði þann | 3 ummæli

Þá er komið að því gott fólk. Á morgun hefst fjörið og með orðinu „fjörinu“ á ég við að United fer í gegnum erfiðasta leikjaprógramm tímabilsins þar sem það kemur í ljós hvort liðið fær að spila í meistaradeildinni á næsta tímabili og hvort Van Gaal nær að vinna sinn fyrsta titil (af vonandi mörgum). Allt þetta hefst með heimsókn Arsenal á Old Trafford í stórleik sjöttu umferðar FA bikarsins. Lesa meira