Björn Friðgeir skrifaði þann | 1 ummæli
Á miðnætti í kvöld mætum við Liverpool í úrslitum Guinness bikars alþjóðlegu meistaranna. Eitthvað hefur einhverjum auglýsingameistaranum orðið hált á nafngiftinni, því hvorugt liðið er jú meistari. En það getur jú öllum skrikað fótur af og til.
Það er ekki mikið að segja um æfingaleikina hingað til sem hefur ekki þegar verið sagt. Liðið hefur verið að spila fantavel, allir eru í skapi til að leggja sig alla fram fyrir nýja stjórann og allt er í himnalagi (a.m.k. þangað til alvaran hefst). Lesa meira
Björn Friðgeir skrifaði þann | 1 ummæli
Seint kemur upphitun en kemur þó.
Siðasti, eða næst síðasti, leikur United í Bandaríkjaförinni er í kvöld. Liðin eru komin til Detroit og munu í kvöld mætast á þriðja stærsta leikvangi heims, Michigan Stadium í Ann Arbor og uppselt er á leikinn. 109.000 manns munu sjá tvö af stærstu liðum í heimi mætasta.
Sigur, hvort eð er í leiknum eða eftir vítakeppni mun tryggja United sæti í úrslitum Guinness International Champions Cup í Miami á mánudaginn. Real er úr leik eftir jafntefli við Inter 1-1 (og tap í vítakeppni) og tap gegn Roma, 1-0. Lesa meira
Magnús Þór skrifaði þann | 11 ummæli
Það er ekki hægt að segja annað en að United hafi farið nokkuð vel af stað undir stjórn Louis van Gaal. Leikurinn gegn Galaxy var auðvitað ekki besti mælikvarðinn á getu liðsins og sást það best í leiknum gegn Roma. Það merkilega við þann leik var að liðið var ekki að leika neitt sérstaklega vel en endaði samt hálfleikinn með 3-0 forystu. Liðið gaf aðeins eftir í seinni hálfleik og hleypti Roma inn í leikinn eftir að Amos fékk á sig martraðarmark markvarðarins og vafasama vítaspyrnu. Þrátt fyrir það var ég mjög ánægður fyrir tvær sakir. Í fyrsta lagi er liðið að leika eftir nýrri leikaðferð sem það er ekki búið að venjast og liðssamsetningin sem við sáum í seinni hálfleik og fékk á sig mörkin tvö mun líklega aldrei sjást í keppnisleik. Lesa meira
Björn Friðgeir skrifaði þann | 7 ummæli
United er komið til Denver
Hm. Vitlaus Denver. En við þekkjum lagið.
Í kvöld mætum við svo AS Roma í fyrsta leik Guinness International Champions Cup, enn einni tilrauninni til að gera fótbolta vinsælan í Bandaríkjunum með að flytja inn vinsæl lið. Og selja nokkrar treyjur. Leikið verður á Íþróttavörubúðarvellinum í Denver, 76 þúsund manna velli í 1600 metra hæð. Skv. alnetinu er enn hægt að fá miða á leikinn, en það er víst of seint að koma sér til Denver. Eftir að hafa rústað meðalslöku liði LA Galaxy sem hefði gefið einhverjum hugmyndir um að skreppa á næsta leik, má búast við erfiðari raun í kvöld. Lesa meira
Tryggvi Páll skrifaði þann | 11 ummæli
Það styttist í upphafið á tímabilinu, fyrsti leikurinn á undirbúningstímabilinu er í nótt á þeim kristilega tíma 03.06. Enn hefur ekki fundist skýring á þessum 6 mínútum Skýringin er komin, sjá athugasemdir. Louis van Gaal hélt blaðamannafund í nótt og talaði um hvað hann væri svakalega ánægður með leikmenn sína:
I have to say that it has been fantastic. Maybe you think every trainer coach will say that when they are new, but I mean it. The players are very anxious to do what I say and follow the instructions of my assistants. The focus of what I have seen in training sessions is top level, but we have to see if the performances are also top level. Lesa meira
Vertu með í Fantasy leiknum okkar!