Rauðu djöflarnir

Upphitun

Enska úrvalsdeildin

Fulham á morgun

skrifaði þann | 1 ummæli

Lundúnaferð hjá okkar mönnum þessa helgina. Eftir streðsigur gegn Dýrlingunum á miðvikudaginn förum við á Craven Cottage og spilum gegn liðinu sem við burstuðum í bikarnum á Old Trafford um daginn. Það ætti því á pappírnum að vera auðveldur sigur á morgun, en okkur hefur samt aldrei gengið almennilega vel úti gegn Fulham.

Það eru almennt góðar fréttir af ástandinu á okkar mönnum og hópurinn nær full mannaður ef frá er skilinn Ashley Young. Jonny Evans er að verða tilbúinn og verður þá á bekknum. Rooney er búinn að biðjast undan vítaskyttuhlutverkinu og við getum þá verið aðeins minna stressuð þegar Van Persie fer á punktinn næst. Lesa meira

Enska úrvalsdeildin

Southampton á Old Trafford

skrifaði þann | 16 ummæli

Síðast þegar þessi tvö lið mættust á St. Mary’s skoraði Robin van Persie sína fyrstu þrennu fyrir United. Leiknum lauk 3-2 eins og svo mörgum af okkar leikjum. Leikskýrslu þessa leiks er að finna hér.

Félagsskiptaglugginn er búinn að vera á fullu þennan mánuðinn og hafa bæði liðin verið að fá til sín leikmenn. Southampton fengu hinn norska Vegard Forren frá Molde sem Liverpool var líka á eftir og United keyptu hinn efnilega og eftirsótta Wilfried Zaha frá Crystal Palace en hann mun klára tímabilið á lánssamningi hjá Palace. Lesa meira

Enska bikarkeppnin

Bikarleikur gegn Fulham á Old Trafford

skrifaði þann | 7 ummæli

Fyrsti heimaleikur United í deildinni þetta tímabil var gegn Fulham, fyrsti af mörgum 3:2 sigrum tímabilsins. Þessi  lið eru á ólíkum stað í deildinni þar sem United er á toppnum á meðan Fulham er í 14. sæti sex stigum frá fallsæti. Einhverjir gætu sagt að við værum óheppin að fá strax 2 úrvalsdeildarlið í röð svona snemma í keppninni, reyndar hafa verstu klúðrin yfirleitt verið gegn liðum úr deildunum fyrir neðan. Lesa meira

Enska úrvalsdeildin

Tottenham á White Hart Lane

skrifaði þann | 9 ummæli

Þann 29. september síðastliðinn tapaði Manchester United 3-2 fyrir Tottenham og var það í fyrsta skipti síðan 1989 sem Tottenham sótti sigur á Old Trafford. Leikurinn var mjög pirrandi á að horfa því hann tapaðist á fyrstu 30 mínútunum, sem voru líklega þær verstu sem United hefur spilað á tímabilinu. Eftir það átti United frekar góðan leik en náði ekki að kreista fram stig úr þeirri frammistöðu. Ég er núna búinn að bíða eftir því að mitt lið hefni fyrir þetta ömurlega tap á heimavelli í haust og er ég sannfærður um að það verði gert á morgun (sunnudag) klukkan 16:00, á White Hart Lane í Lundúnum. Lesa meira

Enska bikarkeppnin

West Ham í bikarnum, önnur tilraun

skrifaði þann | 10 ummæli

Hún verður ekkert rosaleg löng þessi upphitun þar sem ekki er langt síðan að þessi lið mættust síðast. Í millitíðinni unnum við Liverpool heima á meðan West Ham töpuðu úti gegn Sunderland 3:0.

Á dögunum bárust þær fréttir að meiðslalistinn frægi væri að verða styttri og nánast allir heilir fyrir leik morgundagsins fyrir utan Jonny Evans sem er eitthvað meiddur í hásin. Svo er óvíst hvort Wayne Rooney verði með en hann hefur verið í leyfi eftir að konan hans missti systur sína á dögunum. Nemanja Vidic og Ashley Young verða líklega hvíldir eftir að hafa farið laskaðir af velli á sunnudaginn. Lesa meira